अलीकडे काय पाहिलंत? - २६

नेफि वर 'द क्राउन' चा पहिला एपिसोड पाहिला. चांगली वाट्ते. चर्चिल ची एण्ट्री बघा. एकदम हीरो स्टाइलने. डाउनट्न अ‍ॅबी व मि. सेल्फरिज पाहिल्यावर ब्रिटिश कालाचे कॅलिब्रेशन ४० वर्षे पुढे आणावे लागेल तुम्हाला ही सिरीयल बघताना

पण डाउन्टन अ‍ॅबी मधली मिशेल डॉकरी घ्यायला हवी होती एलिझाबेथ म्हणून. ती सुरूवातीला अगदी मिळमिळीत ब्रिटिश लेडी वाटली होती पण नंतर आवडू लागली. अगदी बदाम शेप्ड गॉगल घालून बघतो त्या कॅटेगरीत (उदा: आण्टुराज मधली स्लोन, बिग बँग थिअरी मधल्या पहिल्या सीझन मधली पेनी, फ्रेण्ड्सच्या सुरूवातीच्या सीझन्स मधली रेचेल) नाही, पण किंचित बदामी शेड वाले वापरेन. तिची एक दुसरी सिरीयल येत आहे. टीएनटी वर आहे - गुड बिहेवियर. इंटरेस्टिंग वाटते.

झकास चिक फ्लिक.

ए दिल है मुश्किल पाहिला...ऋषिकेश यांच्याशी सहमत. खूप विचार करूनही पडद्यावरची पात्रं अशी का वागतायत याचं कुठलंही लॉजिकल कारण समजलं नाही. कदाचित हे माझ्या मध्यमवर्गीय बुद्धीच्या मर्यादेमुळे (किंवा बुद्धीच्या मध्यमवर्गीय मर्यादेमुळे) असावं. असो.

ही प्रतिक्रिया इथे हलवली आहे.

टू गुड!!!
.

कर्नाटकी स्टाईलने गायलेला हा अभंग ऐकला. पहिल्यांदाच ऐकल अससं काही. छान आहे.

ही प्रतिक्रिया इथे हलवली आहे.

कुणी कौल पाहिला का?

जेकेआर आर चा पंखा असल्यामुळेच.. अन्यथा.. असो... रंगमंचावर पोकेमॉन गो खेळ चालु आहे की काय वाटुन गेले... मला आवडला नाही पण इतरांना बहुदा रुचावा...

तसेच फोर्स दोन बघीतला... देमार चित्रपटांच्या पंख्यांना मस्तच वाटेल... फोर्स वन इतका सेडीस्टीक नसल्याने एकुणच चित्रपट ठिक.

.
बर्‍याच दिवसांनी मधुबालेचा एक (पूर्वी न पाहिलेला) फोटो पाहीला. असूयाग्रस्त स्त्रियांना आदळआपट करण्यासाठी निमित्त (संधीची समानता) असावे म्हणून इथे डकवत आहे.
.
.
.

आत्ताच नेटफ्लिक्सवर एक बारा मिनिटांची छोटीशी फिल्म बघितली. हाउस ऑफ स्मॉल क्यूब्स. नेटफ्लिक्स असेल तर जरूर पाहा. नसेल तर खाली व्हिडियो एंबेड केलेला आहे. मानवी आयुष्यावर इतकं सुंदर भाष्य, केवळ चित्रबोलीतून, फार वेळा पाहायला मिळत नाही. किंचित गोग्गोड, पण दवणीय बिलकुल नाही.

Force 2 नावाचा एक "महान" चित्रपट पाहिला. आजपर्यंत च्या इतिहासात यापेक्षा "महान" चित्रपट कोणीही बनवला नसेल. व ना भविष्यात कोणी बनवू शकेल.

फॅण्टास्टिक बीस्ट्स अँड व्हेअर टु फाईंड देम

रेडिट आणि इतर माध्यमांतला [स्पॉयलर्स] असा बिल्ला लावलेल्या पोस्टसचा मारा असह्य होऊन शेवटी काल पाहिला.

थोडक्यात सांगायचं तर - आवडला.

कथानक या अंगाने विचार करायचा तर कितीतरी गोष्टींची संगती लागत नाही. पण फॅबी सीरीजमधल्या पाच भागांपैकी हा एक असल्याने याबाबत बेनिफिट ऑफ डौट द्यायला मी तयार आहे.

सिनेमातली सर्वात आवडलेली गोष्ट म्हणजे १९२६ सालचं न्यूयॉर्क. नंबरी काम जमलंय. दुसरं म्हणजे न्यूट स्कॅमॅण्डर हा विक्षिप्त एककल्ली नायक.

पॉटरपेक्षा खूपच मोठा कॅन्व्हास घेऊन आलेली ही सीरीज आहे.

पटकथेचं पुस्तक मागवलेलं आहे. अधिक लिहिणे ते वाचल्यानंतर.

फिडेल कॅस्ट्रोचा जिगरी मित्र चे गुवेरा जेंव्हा बाइक रोडट्रिप्वर होता त्याच्या अनुभवावर हे पुस्तक आनी त्यावर हा सिनेमा आहे. जब तक है जान ची गिटार थिम रेहमानने या चित्रपटातुन जशीच्या तशी ढापली यापलिकडे कधी याकडे लक्ष दिले न्हवते आता अचानक कॅस्ट्रोबाबत बरीच उचक्पाचक सुरु असल्याने हा चित्रपट परत नजरेत आला. बघितला.. छान, ठिक आहे.

सुरखाब - https://www.youtube.com/watch?v=DNaM3ihIllY
रहस्यपट.

काल पुण्यात ऐसी तैसी डेमोक्रेसी नामक स्टँडप कार्यक्रम बघितला. राहुल राम, वरुण ग्रोव्हर आणि संजय राजौरा असे तीन लोक हा कार्यक्रम करतात. राहुल राम हा इंडिअन ओशनमधला एक असा माहिती होता. वरुण ग्रोव्हर अनेक उत्तम बॉलिवुडी गाण्यांचा लेखक आणि मसानचा लेखक देखील म्हणून माहिती होता. राजौरा हा गडी या गृपच्याचा पार्श्वभूमीवरच माहिती होता.

राजकीय्॑ घडामोडी ही सेंट्रल थीम कॉमेडीची आणि त्या अनुषंगाने काही गाणी असा कार्यक्रमाचा बाज. गाणी ही पॉप्युलर गाण्यांचं एखाद्या सद्द्य घटनेच्या अनुषंगाने स्पूफ केलेली. तिघही 'लिब्रल' क्याटेगरीतले असल्यामुळे मोदीजींवर यथेच्छ विनोद. त्यांचा आधी एक पर्फॉर्मंस यु-त्युबवर पाहिला होता. या कार्यक्रमाला नवीन मटीरिअयल/गाणी आहेत अस म्हणाले होते. पण नव्यात डिमनिटायझेशनवरचे एक दोन जोक सोडले तर बाकी ठीक असेच होते. जुनी एकदोन रुटीन्स, उ.प्र. मधल्या रेल्वेतल्या संडासातलं टमरेल, पाकिस्तानवरच मेरे सामनेवाली सरहद पे गाणं परत ऐकताना पण धमाल आली.

राजौरा हा कायम अँग्री यंग मॅन असतो. त्याचे बिट्स थोडे तापदायक असतात. ग्रोव्हर अधून मधून रटाळ वाटतो पण एकंदर छान. राहुल राम सगळ्यात जास्तं धमाल आणतो गाण्यांनी/गिटारनी.

===

हार्ड रॉक क्याफेमध्ये कार्यक्रम होता. खाणं अतिसामान्य आणि अतिमहाग. बेचव बीफबर्गर खाल्ला. (म्हशीचा होता बहुधा.)

जे लोक टोरंट वरून उतरून उत्तमोत्तम सिनेमे पाहतात आणि सुदैवाने ज्यांच्याकडे अमर्याद आणि/किंवा जोरदार इंटरनेट आहे त्यांच्या करिता.

१) यिफी हा कमीत कमी जागेत जास्त्तीत जास्त चांगली प्रिंट असणारे चित्रपट देणारा अपलोडर आहे. हा साधारणतः मध्यमवर्गियांचा अपलोडर म्हणता येईल.
फायदे : कमी साईज, ७२० आणि १०८० दोन्ही फॉरमॅट मध्ये उपलब्ध, सहज शोधता येतो, सीडर्स जास्त असतात, शॉर्ट बट स्वीट. (सरासरी साईज : ७२०पी : ७००/८०० एमबी; १०८०पी : १.२ ते २ जीबी)
तोटे: तुलनेने पॉप्युलर सिनेमे, ध्वनी कमी, वरती खाली काळ्या पट्ट्या(क्रॉप्ड) असलेला विडिओ, सबटायटल्स पाकीटात नसतात(इतरत्र स्वतंत्र शोधावे लागतात.)

२) जेवाके : उच्चमध्यमवर्गीयांचा अपलोडर
फायदे : ध्वनी उत्तम, ७२० आणि १०८० दोन्ही फॉरमॅट मध्ये उपलब्ध, सहज शोधता येतो, सीडर्स जास्त असतात, शॉर्ट बट स्वीट. (सरासरी साईज : ७२०पी : १ ते २ जी.बी ; १०८०पी : २.५ ते ४ जीबी), बहुतेक चित्रपट गाजलेले, आणि चर्चिले गेलेले असतात. चिनी आणि जपानी लोकप्रिय चित्रपट मिळतात, इंग्रजी सबटायटल्स आवर्जून अंतर्भूत केलेले असतात.
तोटे: तुलनेने पॉप्युलर सिनेमे, ध्वनी कमी, वरती खाली काळ्या पट्ट्या(क्रॉप्ड) असलेला विडिओ, तुलनेने सीडर्स कमी

३) ग्रिम : गर्भश्रीमंतांचा अपलोडर
फायदे : कुठेही काटछाट नसलेला विडिओ, ध्वनी सर्वोच्च दर्जाचा, जवळपास सर्व उत्तम नावाजलेले सिनेमे (आरटी किंवा मेटाक्रिटीक येथील), एक्स्ट्रा उपलब्ध, सबटायटल्स जे जे उपलब्ध आहेत ते सर्व, आवश्यक माहिती, कलेक्टर्स चॉईस
तोटे: (सरासरी साईज : १०८०पी : १० ते ४० जीबी प्रतिचित्रपट), सीडर्स कमी असतात, संयम ठेवावा लागतो,

४) शायनाग : हिंदी डब उपलब्ध करणारा माझ्या माहितीतला एकमेव अपलोडर
५) सुजॅद्र आणि अनॉक्समस : जागतिक सिनेमे अपलोड करणारे मध्यमवर्गीय अपलोडर.

डायरेक्ट ऑनलाइन चित्रपट बघायची सोय असणार्या अनेक सायटीच बघितल्या होत्या (अर्थात विडीओ ग्रबर डाउनलोडर वगैरे एक्सटेंशन असेल तर हे विडीओ ऑफलाइनही उपलब्ध्द होतात).. टोरंट नो नो.

सर्वात उत्तम म्हणजे IDM software. हे अप्रतिम डाउनलोडर आहेच पन हे इन्स्टाल असेल तर वेबपेज वरील प्रत्येक विडइओखाली याचा डाउनलोड धिस विडिओ अमुक तमुक एम बी साइज असा पॉपिन बोक्स येतो क्लिक केले कि डाउनलोड सुरु अन वेब पेज क्लोज करायचे. सर्व विडीओ फोर्म्यट स्पोर्ट हाहे यास्नी. तसेच याचा टेंपररी डाउनलोड फोल्डरही सेट करता येतो त्यामुळे स्लो कनेक्शनवरही हे विडीओ डाउन लोड सुरु असतानाही त्या फोल्डरमधुन हे विडीओ विएल्सी मधुन प्ले करता येतात व आपला वेळ वाचतो.

रच्याकने ऐसीवर अशा कोणत्याही बंदीची दखल घेत्ली गेली नाही हे अतिशय निराशाजनक आहे... छि:... अर्थात ही दखल बहुदा कुठेच घेतली नसावी अथवा मी गुहेत रहात असताना हि बंदी आली असावी

दंगलमधलं हे रॅप गाणं मस्तय

पायरेटेड किंवा अनधिकृतपणे डाउनलोडवलेल्या गोष्टी ज्यांना समर्थनिय वाटतात ते (बहुतांशी तेच), छापील साहित्याच्या चोरीबद्दल अगदी उलट भूमिका घेतात.

सध्या 'शोटाईम'वर 'द अफेअर'चा तिसरा, नवा सीझन येतोय. त्यामुळे जुने सीझनही मिळत आहेत. चुकूनच एक भाग बघितला आणि ते पुरेसं रोचक वाटलं म्हणून पहिला सीझन बघून संपवला.

'द अफेअर' या नावावरूनच अंदाज येईल, ही मालिका ड्रामा प्रकारची आहे. अॅलिसन नावाची, छोट्या, टूरिस्टी गावात राहणारी स्त्री हे एक मुख्य पात्र. अॅलिसनचा चार वर्षांचा मुलगा काही वर्षांपूर्वी बुडून मेला आहे, ती त्यातून अजूनही सावरलेली नाही. आजूबाजूच्या जगात असूनही तिथे स्वतःची जागा काय, याचा अर्थ तिला लागलेला नाही. हा प्रश्न सोडवण्याची तिची इच्छा नाही; पण हा प्रश्न सोडवल्याशिवाय ती सुखात राहू शकत नाही. तिच्या गावात उन्हाळ्यापुरता आलेला नोआ, हे दुसरं मुख्य पात्र. नोआ शिकलेला, व्यवहारी, समजूतदार आणि स्थिरस्थावर इसम आहे; तो लौकिकार्थाने यशस्वी नाही. अॅलिसन नावाचं वादळ त्याच्या आयुष्यात येतं आणि दोन्ही घरांमध्ये अस्थैर्य येतं.

मुलाच्या मृत्युनंतर सुख मिळवणं, मिळवण्याचा प्रयत्न करणं योग्य आहे का नाही या प्रश्नात अडकलेली, खंबीर अॅलिसन आणि सर्वसाधारण सुखात असलेला परंतु दुबळा नोआ यांचं नातं उलगडताना दाखवलेली पद्धतही विलक्षण आहे. 'राशोमान'सारखी. अॅलिसन आणि नोआच्या डायरीतली पानं दाखवल्यासारखी कथा उलगडत जाते. दोघांच्या कथनात काही ठिकाणी बराच फरक आहे. अगदी अॅलिसनच्या कपड्यांमधला तपशीलही बदलतो. त्यातून दोघांचे दृष्टीकोन कसे आणि किती निराळे आहेत हे दिसायला लागतं. रूथ विल्सन आणि डॉमिनिक वेस्ट हे दोघं आणि यांचा अभिनयही बघण्यासारखा!

मालिकेचं शीर्षकगीत -

जंगल बुक (नेटफ्लिक्सवरती) फार आवडला.

साल्वादोर दालीने इलस्ट्रेट केलेलं अ‍ॅलिस इन वंडरलँड

https://www.brainpickings.org/2011/11/15/salvador-dali-alice-in-wonderla...

आत्ता सहज चाळता चाळता हा ट्रेलर पाहिला.

कुणाला अजून माहिती आहे का त्या विषयी?

चौथी कूट (२०१५ ,दिग्दर्शक गुरविंदर सिंग )

ऑपरेशन ब्लू स्टार आणि खलिस्तान चळवळीच्या काळात ,दहशतीच्या सावटात जगणारे सामान्य पंजाबी शेतकरी साक्षात दाखवणारा ,'चौथी कूट' (चौथी दिशा ) हा एक अद्वितीय चित्रपट आहे.सामान्य नागरिकासाठी कोण जास्त दहशतवादी आहे पोलीस की खलिस्तानी ? सर्वत्र संशय आणि भीतीच्या वातावरणात, दैनंदिन जीवन जगताना ,स्वतः सोबत इमानी , रक्षणकर्ता कुत्रा टॉमीचे प्राण वाचवणे कसे शक्य होईल अश्या चिंतेत व्याकूळ झालेला शेतकरी जोगिंदर आणि त्याचं कुटुंब येणारा प्रत्येक दिवस ढकलत असतात.दिग्दर्शक गुरविंदर आणि कॅमेरामन सत्य राय नागपाॅल आपल्याला अलगद त्यांच्या घरात नेऊन त्यांच्या जीवनाचा एक घटक बनवून टाकतात.भीतीच्या सावटात कुत्र्याचे भुंकणे हे ही एक संकट बनून जाणे इतके अॅबसर्ड आहे की त्याने विनोद निर्माण होतो.

फिरोजपूर स्टेशन , रिकाम्या ट्रेन,सर्वत्र पोलिसांचे अस्तित्व यांचे इतके तपशीलात चित्रण केले आहे की आपण प्रत्यक्ष तिथे उपस्थित असल्यागत एकरूप होतो.

घनदाट अंधारात वाट चुकलेला जुगल आणि त्याचे कुटुंब पाहून काळजाचा थरकाप होतो.तो जात असताना बाजूला प्रकाशाच्या स्पर्शात दवबिंदू चमकत असलेले शेत इतके तरल आणि स्वप्नील दिसते की बस्स !! दिवसा उजेडी हिरव्या डौलदार शेतामुळे आणि सामान्य गावकऱ्यांच्या दुर्दम्य आशावादामुळे भयाचा पगडा किंचित कमी भासतो.

चौफेर दाटून आलेल्या घनतिमिराचा गंभीर ध्वनी,हिरव्यागार शेतात कोसळणाऱ्या जलधारा आणि त्यात लाटांसारखे नर्तन करणारे गव्हाचे पीक यांचे चित्रण विस्मयचकित करणारे आहे.शांत लयीत चालणारा हा चित्रपट जबरदस्त खिळवून ठेवतो.प्रत्यक्ष हिंसा न दाखवताही दहशत दाखविण्यात दिग्दर्शक गुरविंदर सिंग यांनी कमाल केली आहे.

रोग वन पाहिला. पारणं फिटलं.
सर्व चाहत्यांनी पाहिलाच पाहिजे. फोर्स अवेकन्स आणि रोग वन हे अतिशय उत्तम चित्रपट आहेत!

फोर्स माझ्यासंगे, मी फोर्ससंगे.

नेटफ्लिक्सवर जंगल बुक आलाय. तो पाहिला. लहानपणीच्या आठवणींत वेळ चांगला गेला. मस्त आहे ब्वॉ.

ही प्रतिक्रिया इथे हलवली आहे.