फिल्म इस्टिट्यूट आणि गजेंद्र चौहान नियुक्तीचा वाद

व्यनि केला आहे.

लेफ्ट लिबरल फिनॉमिनाही दिसला!

हे फारच विनोदी प्रकरण आहे. व्हिडियो १ चा काहीसा सारांश लिहिल्यावाचून राहावत नाही. कंसातल्या कॉमेंटा माझ्या.

प्रश्न - तुमच्याकडे हे पद सांभाळण्यासाठी लागणारी पात्रता नाही, असा तुमच्यावर विद्यार्थ्यांचा आरोप आहे. यावर तुमचं काय म्हणणं आहे?
उत्तर - सर्वप्रथम, रीअल लाइफ आणि रील लाइफ यामध्ये फरक असतो. (अरे बबड्या, म्हणजे तुझं रील लाइफ जवळपास शून्यवत आहेे याची ही कबुलीच नाही का?) मी आधी अॅक्टर आहे आणि मग बीजेपी मेंबर आहे. मी गेली चौतीस वर्षं सिनेव्यवसायात आहे. (च्यायला, युधिष्ठिराचं काम करणं म्हणजे केवढं भयंकर कर्तृत्त्व झालं! चेहेऱ्यावरची माशी कित्ती कित्ती त्रास द्यायची, पण तिला बिलकुल हलू दिलं नाही.) आणि खऱ्या आयुष्यात मी भाजपाचा सदस्य आहे, पण त्याचा काहीच संबंध नाही. (भाजपाचा उल्लेख तरी कोणी केला का? हे म्हणजे स्वतःवर काहीतरी ओढवून घेणं झालं. तुझ्यात पात्रता आहे की नाही हे सरळ सांग ना!) आता माझ्यात पात्रता आहे की नाही हे तपासूनच सरकारच्या मिनिष्ट्रीने मला नेमलं ना! म्हणजे माझ्यात काहीच पात्रता नाही असं कसं म्हणता येईल? (वा वा वा, हा जवाब अगदी लाजवाब आहे. म्हणजे माझी पात्रता काय हे त्यांना विचारा, त्यांनी निवडलं म्हणजेच माझी काहीतरी पात्रता आहे. 'आपकी नजरों ने समझा जॉब के काबिल मुझे...') मी परीक्षा देण्याआधीच कोणी कसे माझा निकाल लावू शकता? (अरे बाबा, परीक्षेला बसायला सुद्धा क्वालिफिकेशनं लागतात. तीच आहेत की नाहीत असा प्रश्न आहे. खरं तर परीक्षा जाऊ देत, इथे तर मुख्याध्यापकाची नोकरी मिळणाऱ्या माणसाला 'तुला लिहितावाचता तरी येतं का?' असा प्रश्न आहे.)

प्रश्न - हे आधीचे संचालक पाहा - बेनेगल, अदूर गोपालाचारी, सई मिर्झा इ. इ. - तुमचं असं म्हणणं आहे का की तुम्ही त्या थोरामोठ्यांच्या पंक्तीत बसू शकता?
उत्तर - नाही, मी असं म्हणत नाही की मी त्यांच्या बरोबरीचा आहे (फायनली! एक तरी खरी गोष्ट बोलला गडी) पण (अरेरे, तिथेच थांबायचं ना... पण नाही राहावलं.) हे विद्यार्थी आणि फॅकल्टी मला माझी क्यापेबिलिटी प्रूव्हच करून देत नाहीत. ते साफ चुकीचं आहे.... माझी कामाची पॅशन आहे. (मग बोलतोस कशाला, काय काय पॅशनने काम करून काय काय जन्माला घातलंस ते दाखव की.) माझं काम बघण्याआधीच काही जण पूर्वग्रहदूषितपणे विरोध करतात. याबद्दल मी असहमत आहे. (अरे देवा! या माणसाला निदान 'आपल्याला मुद्दे कळतात' एवढं तरी दाखवता येत नाही का? अरे बाबा, एकंदरीत आरोप असा आहे की पूर्वग्रहदूषित विचारांनी, तुझ्याकडे काहीही ट्यालंट नसताना तुला या जागेवर बसवला. तर हा आरोप खोडून काढण्यासाठी तुझी काय ट्यालंट आहे ते सांग की! नुसतंच डोंट अॅग्री विथ एनिथिंग काय म्हणत बसतोयस?)

विद्यार्थ्याकडून प्रश्न - ही महाभयानक थोर संस्था आहे. तुमची या संस्थेची हेड होण्याची सोडा, पण निदान या विद्यार्थ्यांबरोबर एक अॅक्टिंगचा क्लास अटेंड करण्याची तरी आहे का लायकी?
उत्तर - तुमचं बरोबर आहे. पटलं. पण एक लक्षात घ्या, की मी एकटा नाहीये, आख्खी गव्हर्निंग कौन्सिल आहे. माझा जॉब त्यांना हॅंडल करणं आहे. (म्हणजे थोडक्यात, 'मी मठ्ठ असलो म्हणून काय झालं, इतर लोक शहाणे आहेत ना. मला फक्त त्यांच्या डोक्यावर बसवलेलं आहे. तेव्हा तुम्ही का काळजी करता?') मी खूप खूप काम करणार आहे. पण तुम्ही ते काम सुरू करण्याआतच ठरवून टाकलेलं आहे की मी ती परीक्षा पास होऊ शकणार नाही?? (अईशप्पथ! साला हे वाक्य आता पालूपद म्हणूनच यायला लागलंय. 'परीक्षा द्यायची लायकी आहे का? - परीक्षा तर देऊ दे, त्याआधीच कसं विचारता?' याला आता धृ... असंच म्हणावं लागणार.) मिनिष्ट्रीने या पोस्टवर माझं नाव लावण्याआधी माझ्या काही क्यापेबिलिटी बघितल्या असतीलच ना! (च्यायला हेपण पुन्हा... दोन दोन धृपदं कशी काय बुवा हॅंडल करायची? धृ १ आणि धृ २ म्हणावं लागणार.)

प्रश्न - (त्याच्या सिनेमांची मोठ्ठी यादी वाचून दाखवतो) यातलं काहीच विशेष लक्षात राहाण्याजोगंही नाही. आधीच्या संचालकांनी केलेलं काम प्रचंड मोलाचं होतं. (इथे चौहानांच्या चेहेऱ्यावर 'तुम्ही भलतेच निरर्थक विषय़ काढताय ब्वॉ.' असा भाव...) विद्यार्थ्यांना तुम्ही प्रेरणा कशी देणार.
उत्तर - तुम्ही दोन गोष्टींची गल्लत करत आहात. माझं रील लाइफ आणि माझं रिअल लाइफ. (च्यायला आता याला धृ ३ म्हणावं लागणार) मी सिनेमात आलो तेव्हा माझा कोणीच पाठीराखा नव्हता. असं असूनही इतकं प्रचंड काहीतरी करणं म्हणजे टोट्टल सॉल्लिड फंडा काहीतरी आहे. धृ १.

आनंद पटवर्धन - चौहान व्यक्तिशः महत्त्वाचे नाहीत. सध्याची पार्टी अनेक महत्त्वाच्या पदांवर निव्वळ 'मोदीनिष्ठा' या निकषांपोटी अपात्र लोकांना बसवताना दिसत आहेत. त्याबद्दल तक्रार आहे. शिवाय ते आसाराम बापूंचे भक्तही आहेत.
उत्तर - हे पाहा हे गंभीर आरोप आहेत. मी काही आशारामा बापूंचा भक्त वगैरे नाही. (हा हा हा, म्हणजे बाकीचं सगळं मान्य आहे तर. अहो, निदान मुद्दे तरी समजावून घ्या की.)

>> "बहुतेक वेळा सरकारं "आपल्याला हवा तसा, त्रास न देणारा आणि खाल्ल्या मिठाला जागणारा, मम म्हणणारा" एखादा प्राणी सरकारी बिनमहत्त्वाच्या पदावर नियुक्त करतात. गजेंद्र चौहान ह्या लायनीतलचे वाटत असल्याने त्यांचं नाव पुढे आलं असणार आहे.
चौहानांकडून आजवर काही भरीव झालेलं नाही, पुढेही होईल असं वाटत नाही. तेव्हा अशा निर्गुणनिराकार नष्टपैलू व्यक्तीची नेमणूक करून त्याला आजन्म उपकृत केलं, तर FTII कह्यात राहील असा सरकारचा विचार आहे."
ह्या गृहितकात चूक आहे का?

ह्या गृहितकात तत्त्वतः काही अडचणी नाहीत, पण ते ज्या प्रकारे व्यवहारात आणलं गेलं त्यात मात्र अडचणी आहेत.

• चौहान कोणत्याही अंगानं बुद्धिवादी नाहीत ही गोष्ट सरकारला तितकी अडचणीची नाही, कारण बुद्धिवाद्यांबद्दल सरकारचं मत फारसं बरं असल्याचे दावे त्यांचे समर्थकही करत नाहीत. मात्र, चौहानांची कारकीर्द पाहता चित्रपटाच्या माध्यमातून समाजाला नीतिवान, चरित्रवान वगैरे करू पाहण्याचे दावे करणाऱ्या सरकारला ते अंमळ गैरसोयीचे आहेत. नियुक्ती करताना ही अडचण दुर्लक्षित झाली असावी.
• फिल्म इन्स्टिट्यूटमधले विद्यार्थी नाठाळ आणि खोडकर आहेत हे पूर्वीही अनेकदा सिद्ध झालं आहे. त्यांना 'कह्यात' ठेवणं भल्याभल्यांना जड जातं हा सर्वश्रुत इतिहास आहे. नियुक्ती करताना आणि नंतर झालेला गोंधळ निस्तरतानाही विद्यार्थ्यांचं उपद्रवमूल्य विचारात घेतलं नव्हतं असं दिसतं. अन्यथा, प्रकरण इतकं चिघळण्याचं काहीच कारण नव्हतं.

मुन्नाभाई आणि ३ इडीयटस सारखे भंकस सिनेमा बनवणार्‍या माणसाला हे विद्यार्थी कसे स्वीकारतायत हे बघायला मजा येईल. हा हिरो हिराणी म्हणे इथुनच पासआउट झालाय म्हणजे 'आपलेच दात आणि आपलेच ओठ" असे होणार.

हिराणी अगदी सुमारांचा राजा असला तरी ह्या विद्यार्थ्यांना तसे म्हणता येणार नाही.

Rajkumar Hirani not replacing Gajendra Chauhan at FTII

यश!
नेहमीप्रमाणे इंटरनेट हिन्दू रणरागिण्यांनी छाया कदमांना कॅन्सल करायला सुरू केले आहे. एकतर त्या छाया 'कदम' आहेत. वरती त्यांनी नागराज मंजुळे, किरण राव सारख्या चित्रपटांत स्वतंत्र स्त्रियांची भूमिका केली आहे.

इंटरनेट हिन्दू रणरागिण्यांनी त्यांच्यामुळे एकट्या स्त्री ने पुरुषांव्यतिरिक्त राहणे वगैरे या गोष्टीसुद्धा नॉर्मलाईझ वगैरे होतील अशी ओरड सुरू केली आहे.

गज्जू चौहान आमचे नेते आहेत.