ही बातमी समजली का? - १३
भाग १ | २ | ३ | ४ | ५ | ६ | ७| ८ | ९ | १० | ११ | १२
अनेक बातम्यांबद्दल आपल्याला चर्चा करावीशी वाटते. खरं तर, ऐसी अक्षरेवर बातम्यांवर चर्चा करण्यासाठी बातमी नावाचा लेखनप्रकारही अस्तित्त्वात आहे. "ताज्या घडामोडी, अर्थकारण, राजकारण इत्यादी प्रकारच्या संस्थळाबाहेरील लिखाणाची चर्चा करण्यासाठी हा विभाग वापरावा. इथे मूळ लेखावरच्या शब्दसंख्येचे बंधन नाही; एखादी बातमी पसरवणे किंवा चर्चा घडवणे यासाठी हा विभाग वापरावा." असं तिथे स्पष्ट म्हटलेलंही आहे. पण, त्याबद्दल विस्तारानं लिहिण्याइतका किंवा एखादा व्यवस्थित चर्चाप्रस्ताव मांडण्याइतका वेळ किंवा माहिती किंवा उत्साह किंवा हे सारंच नसणं वगैरे कारणांमुळे आपण चर्चाप्रस्ताव लिहित नाही. शिवाय बऱ्याचदा "एकोळी" / नुसत्याच लिंका देऊन धागा काढायचंही जीवावर येतं.
तेव्हा अशा बातम्यांवर चर्चा करण्यासाठी, एकमेकांना अशा बातम्या लक्षात आणून देण्यासाठी, त्यांचे दुवे देण्यासाठी हा धागा काढत आहे. एखाद्या बातमीवर विस्तारानं चर्चा सुरू झाल्यास त्या संवादाचे वेगळ्या 'बातमी' धाग्यात रुपांतर केलं जाईल.
आधीच्या धाग्यात १००+ प्रतिसाद झाल्यामुळे नवा धागा.
==============
http://zeenews.india.com/news/nation/shashi-tharoor-having-an-affair-wit...
नुकत्याच हाती आलेल्या बातमीनुसार महाप्रतापी (!)केन्द्रिय मनुश्य्बळ विकास मन्त्री शशी थरूर यान्चे मेहर तरार नामक एका पाकिस्तानी आय एस आय एजन्ट शी विवाह-बाह्य सम्बन्ध असल्याचा अतिशय गम्भीर आरोप थरूर यान्ची पत्नी सुनन्दा पुश्कर ह्यानी केला आहे. पुरावे म्हनून ट्विटर वरून झालेले सम्भाशन प्रसिद्ध केलेले आहे.
हे अतिशय गम्भीर आहे. इतका मोठा राश्ट्रद्रोह एका खान्ग्रेसी मन्त्र्याने करावा हे खान्ग्रेस चा अनागोन्दी कारभार किती खालच्या थराला गेला आहे, अन त्यामुळे देशाच्या सुरक्षेला किती गम्भीर खतरा निर्माण होवु शकतो, याची कल्पनाही करवत नाही. कारण सन्रक्षण विशयक अनेक महत्त्वाची सिक्रेट या बयेने स्त्री-लम्पट थरुर कडुन काधुन घेतली असणार हे उघड आहे....
धिक्कार अन त्रिवार णिशेध!
बाय द वे तो इंटलेक्चुअल
बाय द वे तो इंटलेक्चुअल म्ह्णुन प्रसिद्ध आहे. आमच्या एका प्रोफेसरचे मत आठवले. असे काही प्रकरण झाले की तो हुशार माणसांची लैगिक भुक मोठी असते असे सांगुन तो धडाधड तशी उदाहरणे देत असे
लैंगिक भूक मोठी असणारे लोक हुशार असतात - असे म्हणता येईल का ? (कदाचित हो ... कदाचित नाही.)
Consensual लैंगिकता ही Win-win असते व हुशार माणसांना Win-win अरेंजमेंट्स खूप आवडतात - हे कारण असू शकेल.
छे हो
साधीशी आत्महत्येची केस आहे हे जाहीर होइल आता लागलिच. किंवा सवयीप्रमाणेच आपण सारं काही विसरुन जाउ.
अर्थात ही आत्महत्य असण्याचीच शक्यता आहे.
वाय एस राजशेखर रेड्डी , राजेश पायलट व माधवराव शिंदे / सिंधिया ह्या सगळ्यांचेच नाही का योगायोगानं अपघात झाले?
पब्लिकनं तेव्हाही दबक्या आवाजात विनाकारण संशय घेतला होता.
इन शॉर्ट लवकरच प्रकरण निवळेल अशी खात्री वाटते.
आआपचा नवा रंग. स्वतः
आआपचा नवा रंग.
स्वतः मुख्यमंत्री विरूद्ध राज्याचे कमिश्नर
थर्ड्क्लास लोकप्रभा
लोकप्रभाचं नवीन रुपडं अजिबात भावलेलं नाही. दळभद्री आहे.
नुकत्याच आलेल्या अंकातील एकूण लेख किती व कोणते ह्याचा काहिच पत्ता लागत नाही.
जर तुम्ही www.lokprabha.com व गेलात तर फक्त चार लेखच आले आहेत असं वाटतं.
(उदा ;_ २४ जानेवारीचा अंक बघा. त्यात किती लेख आहेत ते संगा. जो बरोब्बर सांगेल त्याला एक चहा लागू माझ्याकडून.)
बाकीचे लेख कुठे शोधायचे, कोनते आहेत, ते काहिच समजत नाही.
आधीचे रुपडेच बरे होते ह्यापेक्षा.
हा बघ अख्खा २४ जानेवारीचा
हा बघ अख्खा २४ जानेवारीचा अंक.. अगदी छापिल स्वरूपात जसाच्या तसा.
चहा कधी देतोयस?
आँ? काहीतरीच काय?
http://maharashtratimes.indiatimes.com/business/NSE/articleshow/2911057…
नवी दिल्ली - सलग दुसऱ्या वर्षी राष्ट्रीय शेअर बाजाराने (एनएसई) शेअरमधील व्यवहारांच्या संख्येमध्ये जगातील सर्वांत मोठा शेअर बाजार म्हणून स्थान कायम राखले आहे. चीनच्या शँझेन शेअर बाजाराने न्यूयॉर्क स्टॉक एक्स्चेंजला मागे टाकून दुसरे स्थान पटकावले आहे. गेल्या वर्षी राष्ट्रीय शेअर बाजारामध्ये १४५ कोटी शेअर व्यवहार झाले. २०१२ च्या तुलनेत त्यात तीन टक्के वाढ झाली आहे. त्यामुळे जगातील ५१ शेअर बाजारारमध्ये राष्ट्रीय शेअर बाजार आघाडीवर राहिला आहे. वर्ल्ड फेडरेशन ऑफ एक्स्चेंजकडील माहितीवरून स्पष्ट झाले आहे. मुंबई शेअर बाजार आठव्या स्थानावर गेला आहे. बीएसईवर चार हजार कंपन्या नोंदल्या गेल्या आहेत. मात्र, गेल्या वर्षी ३४.४६ कोटी व्यवहार झाले.
.
.
जागतिक अर्थकारणात , त्यातही वित्तीय संस्थात्मक रुपात आघाडिचे असलेले पाश्चात्य देश अमेरिका, युरोपीय देश(विशेषतः ब्रिटन व जर्मनी) , एशियन टायगर्स (सींगापूर्,तैवान), जपान कीम्वा टायगर कब अर्थव्यवस्था (थायलंड , मलेशिया वगैरे) ह्यांना, चक्क नॅसडॅक, डाउ जोन्स वगैरेंना भारतातील स्टॉक एक्स्चेंजनं मागं टाकलं ??!! कसं शक्य आहे ?
वित्त संस्थांत तर हे देश monstrous, राक्षसी, अफ्फाट आकाराचे आहे ना ? ते मागे कसे ?
तेसुद्धा nse बरीच नवीन असताना.
की तिथे otc व्यवहार खूप जास्त असून, त्यांचीए एक्स्चेंजवर नोंद होत नाही, असे काही आहे?
गब्बर आणि इतर डॉन मंडळी, काहीतरी सांगा बुवा.
टिमवित शैलेन यांचे भाषण
'ऐसी अक्षरे'वर 'कहाणी आपल्या रुपयाची...' ही लेखमाला लिहिणारे सदस्य शैलेन यांचे भाषण आज पुण्यात आहे.
विषय - 'रीकन्स्ट्रक्टिंग द पास्ट : न्यूमिस्मॅटिक्स अँड हिस्टरी'
स्थळ : टिळक महाराष्ट्र विद्यापीठ, खुन्या मुरलीधराजवळ, १२४२, सदाशिव पेठ
वेळ : संध्या. ५:३०
सुरवातीला अतिशय आश्चर्यकारक
सुरवातीला अतिशय आश्चर्यकारक वाटलेली बातमी- एका जेष्ठ मानसोपचार तज्ञाच्या मते समलैंगिकता अनैसर्गिक आहे.
मात्र पुढे बातमीत "मुलग्यांचे लवकर लग्न करून द्या त्यामुळे बलात्कार कमी होतील" वगैरे मुक्ताफळे ऐकल्यावर बातमीचे/वक्तव्याबद्दलचे आश्चर्य वाटेनासे झाले ;)
अमिश त्रिपाठी
त्रिपाठींच्या इम्मॉर्टल्स ऑफ मेलुआह चे हक्क हॉलिवूड निर्मात्याने विकत घेतले.
पण ही बातमी महत्वाची नाही, ही बातमी देताना सकाळने "इम्मॉर्टल्स" ऐवजी "इम्मॉरल्स" असे छापून त्या पुस्तकांचे एका शब्दात अ‍ॅनालिसीस केले आहे :)
लिंक: http://www.esakal.com/Tiny.aspx?K=A4HZD
http://timesofindia.indiatime
http://timesofindia.indiatimes.com/india/With-first-nuclear-submarine-I…
असल्या १० SSBN आपल्याकडे असणे गरजेचे आहे. न्युक्लिअर बॅलेस्टिक मिसाइल सबमरिन ह्या अण्वस्त्रे (वॉरहेड्स) साठवण्याची बेस्ट तिजोरी आहे. स्मोक सिग्नेचर नसणे व डिझेल ची टाकी न लागणे - ही दोन अत्यंत महत्वाची अ‍ॅडव्हांटेजेस आहेत SSBN / SSN ची.
उशीरच
मागे मी ऐसीवरच भाषांतरीत केलेल्या या लेखानुसार अरिहंत २०१२ च्या शेवटीच सामिल व्हायला हवी होती. आता त्याच्या चाचण्या सुरू झाल्या आहेत म्हणजे हे बरेच मागे पडले आहे. :(
ऑगस्टा वेस्ट लँड घोटाळ्यानंतर एकूणच संस्रक्षण खात्याची निर्णयप्रक्रीया/खरेदी मंदावली आहे हे ऐकून होतो - वाचनात येत असते, पण यात का उशीर व्हावा हे समजत नाही.
फ्युएल एफिशिअन्सीत वाढ
गेल्या सहा वर्षांत अमेरिकेत विकल्या जाणाऱ्या नवीन गाड्यांची फ्युएल एफिशियन्सी सुमारे २०% नी वाढली.
१९७६ साली ही सरासरी सुमारे १२.५ माइल/गॅलन होती.
अंदाज - एका ठराविक वेगापलिकडे
अंदाज - एका ठराविक वेगापलिकडे गेलं की गाडीची इकॉनॉमी हवा-वाऱ्यामुळे कमी होत असावी. घर्षण.
शहरातली रहदारी, गर्दी प्रमाणात असेल तर कधी, कधी शहरात इकॉनॉमी जास्त मिळते, कारण रस्ते छोटे असल्यामुळे वेग मर्यादित असतो. हायवेवर वेगमर्यादा साधारण ७०-७५ मैल प्रतितास अशी असते. गाडीची इंधन इकॉनॉमी ६२-६५ मैल प्रतितास या वेगापुढे उतरणीस लागते.
सुनील यांच्या प्रश्नाचं
सुनील यांच्या प्रश्नाचं थोडक्यात उत्तर द्यायचं झालं तर भारतीय गाड्यांच्या मानाने अमेरिकन गाड्या प्रचंड मोठ्या असतात. नव्वदच्या दशकात पेट्रोल प्रचंड स्वस्त होतं - गॅलनला १ डॉलर! त्यामुळे लोकांनी प्रचंड मोठ्या एसयुव्ह्या उडवल्या.
अंदाज - एका ठराविक वेगापलिकडे गेलं की गाडीची इकॉनॉमी हवा-वाऱ्यामुळे कमी होत असावी.
हे तत्त्वतः बरोबर आहे. पण फ्रीवेवर मायलेजसाठी ऑप्टिमम रेंज ही ताशी सुमारे ५० मैल ते ताशी ६० मैल अशी असते. ५५ ला सर्वसाधारणपणे जास्तीत जास्त मायलेज मिळतं. शहरात साधारणपणे कमी मायलेज मिळतं कारण सतत सिग्नलला थांबावं लागतं. त्यामुळे गाड्यांची मायलेजं सांगताना शहरात २२, आणि फ्रीवेवर २९ असे दोन आकडे सांगतात. प्रियसमध्ये ब्रेक दाबल्यावर ती ऊर्जा साठवली जाते. त्यामुळे प्रियसचं उलटं आहे.
हायवेवर वेगमर्यादा साधारण ७०-७५ मैल प्रतितास अशी असते.
हे तुमच्या टेक्सासात असेल कदाचित. इतर अनेक राज्यांत स्टेट स्पीड लिमिट ५५ असते. क्वचित काही रस्त्यांवर ६५. मला वाटतं सत्तरच्या दशकातल्या तुटवड्यामुळे सरकारने तेल वाचवण्यासाठी सगळीकडे स्पीड लिमिट ५५ केली होती. त्याचे अवशेष असावे.
आधी बोलायचं ना
परवा कूर्ग - मडिकेरी इथं दक्षिण कर्नाटक भटकून आलो आख्खा.
कसलय कसल्या home made wine होत्या.स्ट्रॉबेरी, चिकू,पेरु अन् बरच काय काय होतं.
पब्लिकला विचारलं आणू का? तर पब्लिक बायकोला किंवा पालकांना घाबरुन आपण त्या गावचेच नाही असा आव आणू लागले.
पिताय तर लाजू नये, लाजताय तर पिउ नये.
तू बोल्ला असतास तर घेउन आलो असतो.
कूर्ग
बघण्यासारखे म्हणाल तर, कूर्गी मुली! देखण्या आणि रेखीव!! (मनोबा, खरं सांगा - हो की नाही?)
खाण्यासारखे म्हणाल तर, सूकरमांस पाकृ. (तसे कूर्गी हिंदूंना गोमांसदेखिल अभक्ष्य नाही!)
बाकी, कॉफी आणि मसाल्याचे मळे, कावेरी नदीचे उगमस्थान, तिबेटी धर्मशाळा इ. इ. आहेच!
वेगळी
फारशी वेगळी नसलेली बातमी दिसली .
http://maharashtratimes.indiatimes.com/nation/Gang-Rape/articleshow/292…
.
.
भारतात सर्वत्र , विशेषतः ग्रामीण भागात जातपंचायतींचं बेकायदा अस्तित्व आहे, आणि भारतीय कायद्याच्या वर त्यांचे सडके फतवे आहेत ही वस्तुस्थिती आहे.
मागे पाच सात महिन्यांखाली महाराष्ट्र पोलिसांनी ह्याविरुद्ध एकदम मोठीच मोहिम उघडल्याचं पाहून आश्चर्य व कौतुक वाटलं होतं.
धडाधड एकापाठोपाथ एक एकेका जातपंचायत प्रमुख म्हणवून घेणार्‍याला धरुन पोलिस त्याच्या सगळ्या प्रकरणांची चौअकशी करत होते.
आपलं प्रशासन प्रथमच इतकं थेट्,स्पष्ट जातपंचायतीविरोधात गेलेलं मी पाहिलं.
हे असच इतर राज्यातही होइल तो सुदिन.
वाढते शहरीकरण व वाढते आधुनिकीकरण ह्याच्या रेट्यात ह्यांचे दिवस भरतील लवकरच हे ही निश्चित.
फक्त ते लवकरात लवकर व्हावं, ही इच्छा.
शहरीकरण हाच या प्रवृत्तीला
शहरीकरण हाच या प्रवृत्तीला नष्ट करायचा सगळ्यात सोप्पा उपाय आहे याच्याशी सहमत! रोजच्या जगण्यासाठी कामावर जाणे, काम करणे, कामावरुन घरी येणे आणि पुन्हा दुसर्‍या दिवशीच्या कामासाठी रिकव्हर होणे यातच इतका वेळ गेला पाहिजे की हे असले जात पंचायतीचे उद्योग करायला वेळच मिळायला नको या लोकांना.
M82 मधे नवा अतिनवतारा.
M82 असं रोमांचकारी नाव असलेल्या दीर्घिकेत नवा सुपरनोव्हा फुटला आहे. या दीर्घिकेत तसे बरेच अतिनवतारे/सुपरनोव्हे होऊन गेले आहेत. रेडीओ दुर्बिणी वापरून त्यांच्या उरल्यासुरल्याचा अभ्यास होतो. आता हे नवं प्रकरण मिळालं आहे. ही बातमी. आणि हे चित्र, त्याच बातमीतलं.
डोळ्यांनी काही यात दिसेलसं नाही. ही दीर्घिकाही दुर्बिणीशिवाय डोळ्यांना दिसत नाही. पाचेक इंची दुर्बिणीतून ही दीर्घिका म्हणजे धुरकट डाग असल्यासारखी दिसते.
व्हिडिओ इंटरनेटवर अपडोलअपलोड
व्हिडिओ इंटरनेटवर अपडोल
अपलोड नाय काय अपडोल!!!
हॅ हॅ हॅ हे इसकाळवाले खतरनाक लिहीतात.!!!
हे काहिच नाही
"इराण "चे अध्यक्ष सद्दाम, कट्टर अरबी देश इस्राइल असे लय लय बहरी व एकाहून एक शोध सकाळ लावते.
त्यावर मिसळप्वाववर ,मी एक धागाही काढला होता.
पण सकाळवाल्यांच्या चुका मोजताना आम्ही सारेच थकलो, शेवटी प्रयत्न सोडून दिला.
तनिष्कांनी , साहेबांच्य भक्तांनी व आर्युर्वेदात हरेक समस्येची उत्तर शोधणार्‍यांनीच सकाळ शिरेसली वाचावा.
कारण ती मंडळी तसंही काही खटाकायच्या पलीकडे गेलेली आहेत.
नाही म्हणायला मुक्तपीठ हे अमूल्य रत्न सकाळनं मराठी भाषेला दिलेलं आहेच.
माझा एक मित्र सकाळच्या
माझा एक मित्र सकाळच्या छापखान्यात कामाला होता. लोकांची पेपर वाचायची वेळ असते तेव्हा हा घरी परते. त्याच्या घराच्या वाटेवर एक पेपरांचं सार्वजनिक वाचनालय होतं. तिथे रोज बसणारे एक कानटोपीधारी शनवारपेठी आजोबा "अहो देशपांडे" अशी हाक मारून त्याला सकाळमधल्या चुका दाखवायचे! हा वैतागायचा, "माझं काम छापायचं असतं, काय लिहिलंय त्यात मी ढवळाढवळ करू शकत नाही" वगैरे सांगूनसुद्धा आजोबा यालाच पकडायचे!
http://maharashtratimes.india
http://maharashtratimes.indiatimes.com/nation/our-medicines-not-for-ind…
मी बेयर च्या बाजूचा आहे.
इये मराठीचिये नगरी
सॅमसंग फोनची (अर्थातच'सकाळ'मधली) जाहिरातः
आजच आजला उद्यापेक्षा मोठा का नाही बनवायचे. जे काम अशाप्रकारे होत आले आहे ते तशा प्रकारे करा. बस असेच, रस्त्यांवर नाही, वार्‍याच्या इशार्‍यांवर चालायचे. तिथे पोहचून, जो पुन्हा कधी भेटणार नाही, असा मित्र बनवायचा. नव्या Samsung Galaxy Grand 2 सोबत, असेच घालवलेले क्षणही ग्रॅन्ड होतील. Club Samsung सोबत उत्कृष्ट मनोरंजनाचा उपहार मिळवा. त्याच्या मोठ्या HD स्क्रीनवर सुंदरतेला अधिक सुंदर होताना पहा. आणि त्याच्या मल्टि-स्क्रीन विंडोवर आयुष्याचा ताळमेळ घाला. तर चला, प्रत्येक दिवस ग्रॅन्ड करा.
अजून एक
ह्यावेळी महाराष्ट्र टाइम्स मधील बातमी देत आहे.
अगदि एकेरी आणि दुहेरी अवतरणचिन्हेसुद्धा बातमीतील जशास तशी ठेवली आहेत. जशाला तशी बातमी कॉपी पेस्ट करतो आहे.
http://maharashtratimes.indiatimes.com/international/Ranbaxy-Labs-gets-…
‘रणबक्षी’ला USचा दणका
भारतीय औषध उत्पादन क्षेत्रातील महत्त्वाची कंपनी असणाऱ्या 'रणबक्षी फार्मास्युटिकल्स'ला अमेरिकेच्या अन्न व औषध प्रशासनाने दणका दिला आहे. या कंपनीच्या पंजाबमधील तोन्सा प्रकल्पात तयार करण्यात आलेल्या औषधांची अमेरिकेत विक्री करण्याला बंदी घालण्यात आली आहे.
तोन्सा प्रांतामध्ये उत्पादन करण्यात आलेल्या औषधांच्या दर्जावरून हा निर्णय घेण्यात आला आहे. 'या औषधांचा दर्जा योग्य नव्हता. त्यामुळे ही औषधे अमेरिकन ग्राहकांपर्यंत पोहोचू नयेत, यासाठी हा निर्णय घेण्यात आला आहे. अमेरिकन नागरिकांपर्यंत पोहोचणारी औषधे योग्य दर्जाची आणि सुरक्षित असावी, याची काळजी घेणे आमचे कर्तव्य आहे,' असे अमेरिकेच्या अन्न व औषध प्रशासनातील औषध मूल्यमापन व संशोधन विभागाचे संचालक कॅरोल बेनेट यांनी सांगितले. तोन्सा प्रकल्पामध्ये तयार करण्यात आलेल्या 'अॅक्टिव्ह फार्मास्युटिकल इन्ग्रेडियंट'ची (एपीआय) अमेरिकेत होणारही आयातही थांबविण्यात आली आहे. या निर्णयामुळे अमेरिकेमध्ये काही औषधांचा तुटवडा जाणवू शकतो, त्याचाही अभ्यास करण्यात येत आहे.
या निर्णयानंतर 'रणबक्षी'ला आता तोन्सा प्रकल्पाची तटस्थ संस्थेकडून पाहणी करून घ्यावी लागणार आहे. त्यातून औषधाचा दर्जा योग्य असल्याचे 'रणबक्षी'ला अमेरिकन संस्थांना पटवून द्यावे लागणार आहे.
http://truthonthemarket.com/2
http://truthonthemarket.com/2007/08/23/our-protective-fda/
गोषवारा : अमेरिकेचे अन्न व औषध प्रशासन (FDA) जरा जास्तच कॉझर्व्हेटिव्ह आहे. एखादे औषध बाजारात आल्यावर त्याचे दुष्परिणाम (पेशंटांवर) झाले तर त्याची बातमी मोठ्ठी बनते. पण औषध जर बाजारात आलेच नाही तर (FDA) ला कोणीही दोष देत नाही. भलेही पेशंट्स औषधाविना मरेनात.
या लेखातील शेवटचे वाक्य लक्षणीय आहे.
--
भारत-जपान संबंधांतील पुढले पर्व?
एक अतिशय पॉसिटिव्ह बातमी, शिवाय याला भारत-जपान संबंधांतील पुढले पर्व (स्ट्रॅटेजिक अलायन्स न राहता स्टॅटेजिक पार्टनरशिप चे सुतोवाच) समजावे काय यावर मत देण्याआधी अधिकचा विदा जमतोय/शोधतोय.
ही बातमी कमी व विश्लेषण जास्त
ही बातमी कमी व विश्लेषण जास्त आहे. http://indianexpress.com/article/opinion/columns/indias-biggest-failing…
भारताची सगळ्यात मोठ्ठी अपयशं कोणती? यावर त्यांची मते. त्यांनी न्यायसंस्थेतील समस्यांवर भर दिला आहे.
अर्थातच असहमत
ती बातमी नैचे.. ते ओपिनियन या सदरातच आहे.
ते असो.
मला त्यांनी जी 'अपयश' वगैरे म्हटलंय ते चुकीच्या जागी धोपटणे वाटले. एकूणच लेख उपरोधाच्या नादात अगदीच सत्वहीन झाला आहे. मुळात या(ज्युडिशियरी) अंगाने येणारे अपयश हे सर्वात मोठ्ठे अजिबात नैये. आणि त्यापुरतेच बोलायचे तर हे अपयश असलेच तर ज्य्डिशियरीपेक्षा गृहखात्याचे अधिक आहे. न्यायालये मुद्दाम उशीर करतात असे वाटत नाही व प्रकरणाची पूर्ण छाननी केल्याशिवाय न्यायदानाची घाई केली जाणे योग्यही वाटत नाही.
तसेही क्रिमिनल केसेस पैकी भयंकर केसेस वर्षानुवर्ष पडून रहाण्याचे प्रमाण कमीच असावे. तुलनेने सिविल न्यायालयात (विशेषतः जागांशी संबंधित) किंवा अ‍ॅपेलाईट साईडला तुंबलेली प्रकरणे अधिक असावीत असा प्राथमिक अंदाज आहे.
अंशतः
>>तसेही क्रिमिनल केसेस पैकी भयंकर केसेस वर्षानुवर्ष पडून रहाण्याचे प्रमाण कमीच असावे.
लालू यादव यांची चारा घोटाळा केस क्रिमिनलच आहे ना?
>>न्यायालये मुद्दाम उशीर करतात असे वाटत नाही व प्रकरणाची पूर्ण छाननी केल्याशिवाय न्यायदानाची घाई केली जाणे योग्यही वाटत नाही.
हे मान्य आहे. पण पक्षकारांकडून चालढकल चाललेली असेल तर न्यायालय त्यावर आक्षेप घेत नाही असे दिसते. मोअर दॅन विलिंग टु गिव नेक्स्ट डेट. उदा एका वकीलाची अशी कीर्ती आहे की तो एखाद्या केसमध्ये वकील असेल तर केस दहा एक वर्षे सुनावणीलाच येत नाही (हा त्या वकीलाचा यूएसपी आहे बर्का !!!!). तो वकील बहुतांश तारखांना कुठल्या ना कुठल्या रोगाने "आजारी" असतो आणि पुढची तारीख दिली जाते. :)
सरकारला पाठिंबा देणार्‍या खासदारांच्या केसेस सोयीनुसार मागे पुढे होतात त्याला न्यायालये अटकाव करताना क्वचितच दिसतात.
तसेही क्रिमिनल केसेस पैकी
तसेही क्रिमिनल केसेस पैकी भयंकर केसेस वर्षानुवर्ष पडून रहाण्याचे प्रमाण कमीच असावे.
लालू यादव यांची चारा घोटाळा केस क्रिमिनलच आहे ना?
आहेच. प्रमाण कमी आहे म्हटले नाहिये असे नाही.
याचे कारण व्यक्तीला 'अटक' केल्यानंतर २४ तासांत न्यायालयापुढे उभे करावे लागते. 'अनेकदा' (पुन्हा प्रत्येक वेळी नव्हे) बराच काळ चार्जशीट दाखल केली नाही तर कोर्ट जामिन देते जे पोलिसांची केस दुबळी करणारे असते. अश्या केसेसमध्ये (लालुंसारखे) मोठे मासे सापडल्यावर मात्र या केसेस अतिशय हळु पुढे सरकतात हे मान्य मात्र त्यात न्यायालयांचा दोष किती याबद्दल पुन्हा साशंक आहे.
तुलनेने सिविल न्यायालयात
तुलनेने सिविल न्यायालयात (विशेषतः जागांशी संबंधित) किंवा अ‍ॅपेलाईट साईडला तुंबलेली प्रकरणे अधिक असावीत असा प्राथमिक अंदाज आहे.
वा.. अशी प्रकरणे एखाद्या कुटुंबाच्या दृष्टीने दुय्यम महत्वाची असू शकतात आणि जीवनमरणाचा प्रश्न नसू शकतात या खोल अध्याहृत गृहीतकामुळे वाईट वाटलं.
-(पस्तीस वर्षे जमिनीच्या खटल्यात दोन पिढ्या गमावलेला) एक सामान्य पक्षकार.
हे अध्याहृत का बरे
हे अध्याहृत का बरे जाणवावे?
माझी प्रतिक्रीया ही मुळ एक्सप्रेसमधील लेखावर होती. तो लेख क्रिमिनल केसेसबद्दल बोलतो. मात्र मी इथे अधोरेखीत करत आहे की न्यायालयांत अधिक विलंब होत असेल तर तो सिवील न्यायालयांत होतो. इथे दुय्यम दर्जा कुठे बरं जाणवला? किमान माझे असे अध्याहृत नाही
स्पष्ट केल्यामुळे आता प्रश्नच
स्पष्ट केल्यामुळे आता प्रश्नच नाही.
मूळ प्रतिसादात असं वाटलं की क्रिमिनल (महत्वाच्या) जास्त पेन्डिंग राहात नाहीत.. दिवाणी, जागांशी संबंधित अशाच केसेस लांबतात... याचा अर्थ मला उगीचच तसा वाटला. तसे नसल्यास माझा आक्षेप मागे.
जाता जाता.. या लांबलेल्या जमिनीविषयक "दिवाणी" खटल्यांतून किंवा त्यांच्या आजुबाजूला असंख्य "क्रिमिनल" खटले जन्माला येत असतात याचीही नोंद असावी..!!
ही बातमी नसून विश्लेषण आहे -
ही बातमी नसून विश्लेषण आहे - http://marginalrevolution.com/marginalrevolution/2014/01/why-the-worst-…
निष्कर्ष/गोषवारा - निवडणूकीच्या उमेदवाराचे क्रिमिनल रेकॉर्ड हे मतदारांच्या दृष्टीने (काही प्रमाणावर) त्या उमेदवाराच्या धडाडीचे/धैर्याचे द्योतक असते.
मला काहीसे असे वाटले की डॉ. मिलन वैष्णव यांनी कोरिलेशन चे काउझॅलिटीत रुपांतर केलेले आहे.
--
लेखाचा मथळा (Why the Worst Get on Top ) मात्र प्रा. हायेक यांच्या लेखावरून "प्रेरणा" घेऊन .......
Royal Dutch Shell Plc (RDSA),
Royal Dutch Shell Plc (RDSA), Europe’s largest oil company, said profit plunged 48 percent on exploration expenses and lower production.
To read the entire article, go to http://bloom.bg/1icV03w
रॉयल डच शेल आता आपल्या अ‍ॅसेट्स विकून पैसा मोकळा करायच्या प्रयत्नात आहे.
या बातमीतले खालील वाक्य ही फार रोचक आहे.
“Its Americas growth strategy –- the home for 50 percent of past investment –- woefully underdelivering under the weight of dead capital,” Lucas Herrmann, a London-based analyst at Deutsche Bank AG, said before the earnings report. “Corporate change could release huge value.”
http://bloom.bg/1icV03w
अमेरिकेच्या तथाकथित दुसर्‍या ऑईल रेनेसाँमध्ये यांना हात धुऊन घेता आले नाहीत म्हणजे आश्चर्यच म्हटले पाहिजे.
एक्झॅक्टली. गडबड आहे म्हणूनच
एक्झॅक्टली. गडबड आहे म्हणूनच आश्चर्यकारक घटना घडतात.
अमेरिकेच्या ऑईल बूमचा माध्यमांमध्ये इतका प्रचारकी गाजावाजा झालेला पाहूनच मनात शंकेची पाल चुकचुकली होती.
आता या फ्रॅकिंग वेल्सचा संपण्याचा दर बराच आहे आणि सतत नव्या विहिरी खणाव्या लागताहेत अशा बातम्या यायला लागल्या आहेत.
एकाच जागी राहण्यासाठीही वाढत्या वेगात धावावं लागतंय म्हणे.
आता या कंपनीने अ‍ॅसेट्स विकून यावर्षी नफा कमावला तरी पुढच्या वर्षी काय करणार कोण जाणे?
बरं. बरं....
हो का? थरुर यांना दोनदोन बायका मिळतात व उपवर तरुणांना बायको मिळत नाही याबद्दल आळवलेला हा राग म्हणावा काय?
आणि हे खान्ग्रेस काय आहे? काँग्रेस का? छान छान... आता विरोधी पक्षाला बारतीय जंता पक्ष म्हणावे काय?