चंद्र आणि मंगळ यांची पिधान युती

'वा!' प्रतिसाद "पकाऊ" म्हणजे काय?

(प्रस्तुत कॅमेरा हा बहुधा पिनहोल कॅमेरा नसावा, तस्मात् प्रस्तुत प्रतिसादाचे प्रस्तुत शीर्षक तितकेसे चपखल ठरत नाही. परंतु तूर्तास चालवून घेऊ. हॅविंग सेड दॅट...)

--------------------

चंद्राच्या उजव्या बाजूला, खाली कॅमेऱ्यावर डाग पडलाय.

हे असे 'नाक आलंय' म्हणून सांगितल्यासारखे लक्षात आणून द्यायला पाहिजेच होते का? तेही चारचौघांत?

सांगितले नसतेत, तर इथे कोणाचेही लक्ष त्याकडे गेले नसते. किंवा गेले असते, तरी त्याकडे दुर्लक्ष करून, चंद्राच्या 'बिग पिक्चर'च्या सौंदर्याकडे कॉन्सण्ट्रेट केले असते.

आता सगळे चंद्राकडे पाहायचे सोडून (कामधंदे नसल्यासारखे) डाग^१ शोधत बसतील, नि त्याकडे टक लावून पाहात बसतील! लावलीत ना वाट?

(असो. 'शिष्यादिच्छेत् पराजयं' याव्यतिरिक्त काय म्हणू शकतो?)

--------------------

आणि, डाग, डाग म्हणून ज्याच्यावरून हिणवताय, तो डाग बोले तो कशाला म्हणताय? ते चंद्राच्या फाइव्ह ओ'क्लॉक पोझिशन आणि सिक्स ओ'क्लॉक पोझिशनच्या मधोमध एक पूर्णविरामवजा^२ पांढरट ठिपक्यासारखे जे दिसतेय, त्याला? अहो, तो कॅमेऱ्यावरचा डाग नाहीये; तो तुमचा निळ्या (की नायल्या) जाऊन बसलाय तिथे, नि कॅमेरा पृथ्वीवरच ठेवून रिमोटने सेल्फी घेण्याचा प्रयत्न करतोय! (साला, फेसबुकावर लाइक्स मिळविण्यासाठी कायकाय उचापती करतील लोक नि कोठेकोठे कडमडतील, सांगवत नाही.)

असो चालायचेच.

--------------------

^१ चंद्रावरचा नव्हे. कॅमेऱ्यावरचा.

^२ 'पीरियड' शेमिंग?