आज आपण सर्व एका महत्त्वाच्या 'ट्रान्झिशन टाइम'मध्ये आहोत.
म्हणजे असं, की आत्ता जे घडत आहे ते आपल्या सगळ्यांकरता एका प्रकारचं 'once in a lifetime' घटना आहेत.
माझ्या वडिलांच्या पिढीने कदाचित दुसऱ्या महायुद्धाच्या परिणाम वाचले, बघितले आणि क्वचित भोगले असतील.
आजोबांच्या पिढीने कदाचित प्लेग बघितला असेल त्याचे परिणाम भोगले असतील.
पण अर्थातच हे सर्व जागतिकीकरणपूर्व काळातील आहे.
आणि त्यामुळे मर्यादित भागात परिणाम करणारं.
पण आज जे घडताना दिसतंय ते सर्वदूर आणि दूरगामी परिणाम करणारं आहे असं वाटतंय.
म्हणजे ही कोरोनाची साथ एक दोन महिन्यात जाईलही (आणि कदाचित तीनचार महिन्यांनी परत येईल अजून जोरात)
पण त्याचा प्रसार ज्या झपाट्याने झालाय त्यामुळे व्यापार उद्योग ते अर्थव्यवस्था ते हेल्थकेअर , सर्व सर्व बाबींमधे वेगाने आणि मूलगामी बदल होताना आपल्याला दिसेल.
ही प्रलयघंटा आहे का ? माहीत नाही , बहुधा नाहीच.
पण एक जाणवतंय की इतिहास घडतोय , आपल्यासमोर...
वेगाने, इतक्या की गेल्या महिन्यात काय होते हे आपण आज कदाचित विसरणार आहोत.
म्हणून या आज घडणारा इतिहास , आपल्याला दिसेल तसा इथे नोंदवत जाऊयात का ?
हिस्टरी ऑफ द प्रेझेंट लिहुयात ? इथेच, या धाग्यावर?
बखर वगैरे म्हणजे काय असतं ? हेच ना?
चला, जशी दिसेल तशी, कळेल तशी ,कुठल्याही विषयावर कोरोना साथीमुळे झालेल्या बदलांची नोंद करूयात आणि लिहुयात
बखर कोरोनाची
(आधीच्या धाग्यावर ~१०० प्रतिसाद झाल्यामुळे नवा धागा काढला आहे.)
(प्रतिमा आंतरजालावरून साभार)
युरोपात पाचवी लाट चालू झाली आहे असे दिसत आहे. ऑस्ट्रिया, जर्मनी अशा काही देशांत प्रामुख्याने लस न घेतलेल्या लोकांत संसर्ग पसरत आहे.
जर्मन आरोग्यमंत्री
हिवाळा संपेपर्यंत जर्मनीतले जवळपास सगळे लोक मेलेले तरी असतील, किंवा त्यांना करोना होऊन तरी गेलेला असेल किंवा त्यांनी लस तरी घेतलेली असेल. - जर्मन आरोग्यमंत्री
नवा व्हेरियंट
दक्षिण आफ्रिकेत सापडलेल्या करोनाच्या नव्या व्हेरियंटमुळे खळबळ माजली आहे. आधीच्या व्हेरियंट्सपेक्षा त्यात खूप नवी म्यूटेशन्स आहेत आणि त्यातली बरीचशी स्पाईक प्रोटीनवर आहेत. त्यामुळे सध्या उपलब्ध लशींचा त्यावर कितपत उपयोग होईल याविषयी अभ्यास चालू आहे.
New heavily mutated variant B.1.1.529 in South Africa raises concern
पूर्वग्रह सोडून आता आयुर्वेदा
पूर्वग्रह सोडून आता आयुर्वेदा कडे नव्या दृष्टीकोणातून पाहणे योग्य. नुकतेच जर्मनीच्या एका मेडिकल जर्नल ने या औषधला कवर पानावर स्थान दिले.

https://l.facebook.com/l.php?u=https%3A%2F%2Fanalyticalsciencejournals…
लेख चाळला. रद्दी आहे अगदी.
जरा वेळ काढून लेख चाळला. रद्दी आहे अगदी. करोनिल औषधातील घटकपदार्थ मोजण्याच्या पद्धतीबद्दल आहे, आणि ती पद्धतही जुनीच आहे. ती वापरून शेण ही तपासता येईल. लेखाचा करोनाशी किंवा त्यावरील उपाययोजनेशी काहीच संबंध नाही (जसा करोनिलचा नाही, तसाच!).
बाळकृष्णाने लेखक ह्मणून पहिले नाव आपले घातले आहे, पण त्याने तो वाचला तरी असेल की नाही याबद्दल मला गंभीर शंका आहे.
राहिला मुद्दा मुखपृष्ठावरील फोटोचा. जर्नललाही शेवटी आर्थिक बाजू असतेच, त्यामुळे मुखपृष्ठावर फोटो देण्याची सोय पैसे देऊन करून घेता येत असणारच.
असो.
आणि हो, हे मेडिकल जर्नल
आणि हो, हे मेडिकल जर्नल नाहीच्चे. ते Physical Chemistry चे जर्नल आहे! रेटून खोटे बोलण्याचा आणखी एक “स्वदेशी” प्रकार!
जगातील सर्व मेडिकल जर्नल्स
जगातील सर्व मेडिकल जर्नल्स फेक आहेत हे घोषित करून द्या.कारण सर्वच मोठ्या जर्नल्स मध्ये आचार्य बाळकृष्ण यांचे रिसर्च प्रकाशित झालेले आहेत.
नव्या व्हेरियंटविषयी
नव्या व्हेरियंटविषयी हळू हळू माहिती उपलब्ध होते आहे -
Omicron: everything you need to know about new Covid variant
थोडक्यात, काम चालू आहे, घाबरू
थोडक्यात, काम चालू आहे, घाबरू नये, सावधगिरीने वागावे.
3 Questions We Must Answer About the Omicron Variant
दक्षिण आफ्रिकेतून
दक्षिण आफ्रिकेतून आलेल्या ह्या बातमीनुसार नव्या ओमिक्रॉन उत्परिवर्तनाने संक्रमित झालेले बहुतांश लोक लस न घेतलेले किंवा एकच डोस घेतलेले आहेत -
Despite reports of milder symptoms Omicron should not be underestimated
.
.
ओमिक्रॉन व्हायरसबद्दलचा एक उत्तम लेख:
How dangerous is the omicron variant?
लंडनमध्येच ओमिक्रॉन?
इस्राएली डॉक्टरला लंडनमध्येच ओमिक्रॉनचा संसर्ग झाला असावा..?
Israeli doctor believes he caught Omicron variant of Covid in London
बखर आणि इतिहास
हा धागा वस्तुत: बखर नांवाने चालू केला असला तरी आत्ताच्या कोविड काळातल्या घटनांची वास्तव नोंद व्हावी हाच धागाकर्त्याचा हेतू असावा. पण आता इथे जे मतप्रदर्शन होत आहे त्यामुळे हा धागा इतिहास न ठरता बखर म्हणूनच गणला जाईल असे वाटते.
बघा ना. मूळ उद्देश काय आणि
बघा ना. मूळ उद्देश काय आणि चाललंय काय.
नुसते अस्ताव्यस्त अनभ्यस्त मतप्रदर्शन ..हवे होते कालानुरूप निरीक्षण ,नवीन काही माहिती ...वगैरे पण...
धाग्याचे नाव बदलून
कोरोनाच्या गावगप्पा ठेवलं तर?
हजार प्रतिसाद नक्की
Corona च्या गाव गप्पा असा धागा काढला तर लिम्का बुकात नोंद होईल सर्वात जास्त प्रतिसाद असलेला विषय म्हणून.
सूचना आमची निर्णय तुमचा.
एक उपाय आहे…
…आणि तो करणे ‘ऐसी’ व्यवस्थापनास सहज शक्य आहे. (अर्थात, त्यांनी मनावर घेतले तर.)
या धाग्याच्या उद्दिष्टांशी विसंगत असलेले प्रतिसाद (प्रस्तुत प्रतिसाद धरून) एखाद्या वेगळ्या धाग्यात हलविता येतील.
चांगली सूचना आहे.
चांगली सूचना आहे.
गप्पांना विराम. नको तर नको.
गप्पांना विराम. नको तर नको.
चिमण काका , गप्पांना विराम
चिमण काका , गप्पांना विराम नको याच्याशी सहमत. मी फक्त या धाग्याच्या संदर्भात म्हणत होतो .
तुम्ही एक कराल का ? कोरोना गप्पा किंवा वर यात्रीबुआ म्हणत आहेत तसं कॉरोनाच्या गावगप्पा नावाचा एक धागा सुरु करता का ?
न बा शेठनी सुचवलंय तसे आपण हे सगळे तिकडे ट्रान्सफर करू
आणि हानु गप्पा अस्ताव्यस्त च्या xxx , हाय काय आणि नाय काय . पूर्वी आपण रॉकबद्दल मारल्या तशा !!!
राजेश भाऊ आणि पटाईत काकांनाही आमंत्रण देऊ .
मी पण एणार तिकडे .
तज्ज्ञ लोकांना बंदी करू तिकडे लिहायला. तसेही त्यांना रस्त्यावरचे काही कळत नाहीच एनीवे .
कशी वाटते आयड्या ?
लगेच धागा उघडून टाका एक ,
मी आलोच
आता मागे हटू नका चिमण काका
हम तुम्हारे साथ हय !!!
मला वाटते सामान्यांची
मला वाटते सामान्यांची अनभ्यस्त मते, पुर्वग्रह, रॅंटींगसुद्धा कुठे तरी दर्ज झाली पाहिजे. तज्ज्ञ मंडळींपुढची आव्हाने किती मोठी आहेत आणि नक्की त्यांना कश्याविरूद्ध लढायचे आहे हे कळू शकेल.
अर्थात, निरर्गल ट्रोलिंग बॅनच असावे.
बरोबर आहे पुम्बा !!!
बरोबर आहे पुम्बा !!!
म्हणूनच एक संपूर्ण वेगळा धागा काढावा म्हणतोय.
मीही असणार तिथे.
पण चिमण काका रुसलेत. त्यामुळे मलाच करावे लागेल दिसतंय
तुमचे प्रतिसाद वाचले.
अबापट,पुंबा,न'बा,सामो, आणि सर्व येणारे.
त्रास देणे किंवा ट्रोल हा हेतू नसतो माझा.
पण धागा आणि आशय,हेतू,लक्ष्य,अपेक्षित नोंदी आणि अफवा यात गोंधळ होतो.
मी लिहून टाकतो ते नंतर कात्रीत येते. पण ते नंतर काढून टाकणे हेसुद्धा ( संपादन आहे म्हणून गैरच) चुकते कारण त्यावरच्या प्रतिक्रिया लटकतात.
शिवाय मंडळाची कुचंबणा होते. वारंवार सूचना द्याव्या लागतात. काम वाढते.
मला कुणाशी कायमचा वैयक्तीक राग किंवा अढी नाही. वाद होत आहेत ते मुद्द्यावरून.
दुसरा एक मुद्दाही काल लिहिलेला काढला. तो म्हणजे "शासनात / मोठ्या संस्थेतले लोक फार बोलू शकत नाहीत, मर्यादा असतात. त्यांचे काम हेच असले तरीही प्रसिद्धी देण्यासाठी त्यांचा प्रवक्ताच देऊ शकतो." म्हणजे की त्यांचेकडून येणारे मत हे पांढऱ्यावर काळे झाले ,लेखी प्रेस नोट व्यवस्थापनाने मांडल्यावरच येते. यावर मुलाखत दिलेले लोक चिडतील असं वाटलं.
मी साधारणपणे राजकीय, करमणूक, आरोग्य, यासाठी aljazeera dot com आणि France24 dot com यावरून आंतरराष्ट्रीय बातम्या पाहतो. त्यावरून लिहितो थोडक्यात. पण प्रत्येक स्फुटाची लिंक देत नाही. (टेकसाठी neowin dot net बघतो.)
एकाच विषयासाठी दोन धागे, एक स्पष्टता आलेली विधाने मांडण्यासाठी व एक गप्पा किंवा भीती मांडण्यासाठी हे बरोबर नाही.
त्यापेक्षा असे काही प्रतिसाद खरडवहीत टाकेन. खरडवहीतले लेखन गुप्त असते आणि मोडतोड करून नंतर ते धाग्यात आणता येईल.
बाकी लस अत्यावश्यक केली तर घेईन असे मी २०२१एप्रिलमध्ये म्हणत होतो. तसं काही होणार नाही, हल्ला आटोक्यात येईल हे खोटे ठरले. आता घराबाहेर पडणे यासाठीसुद्धा आधारकार्ड, ओळखपत्र, लस सर्टिफिकेट लागणार आहे. आता स्थानिक नपा, जिल्हा,राज्य व्यवस्थापन त्यांचेकडून कसोशीने पर्यत्न करत आहे. बैलगाडीवरच्या चाकावर बसलेल्या माशीने बैलगाडीला ब्रेक लावण्याचे स्वप्न पाहण्यात अर्थ नाही.
तुम्ही ट्रोल करता किंवा त्रास
तुम्ही ट्रोल करता किंवा त्रास देता असे मी म्हटले नाही आणि म्हणणारही नाही. खरे तर राजेश हे सुद्धा मुद्दाम त्रास देतात असे नाही. त्यांना खरोखर काही प्रश्न पडतात, ह्या क्षेत्रात काम करणाऱ्यांनी जे संशोधन केले आहे त्यावरदेखिल तात्काळ विश्वास न ठेवता त्याची चिकित्सा करण्याची भुमिका अनेकजण इथे घेतात, वास्तविक बाहेरच्या समाजात असे प्रश्न विचारणारे लाखो पटीने आहेत. त्यातल्या अनेकांना स्वतः वाचून, खात्रीलायक माहिती मिळवण्याची सोय नसते, काहींना वेळ नसते, बऱ्याच जणांना इच्छा नसते, अशा वेळी ह्या लोकांच्या प्रश्नांना किंवा चिखलफेकीलाही व्यवस्थित मुद्देसुदपणे उत्तर द्यायला हवे. इथे योग्य जागा नसेल तर अन्यत्र पण त्यांच्या प्रश्नांना मोडीत काढणे योग्य नाही असे माझे म्हणणे होते.
एक वेगळा धागा काढल च पाहिजे
चाकोरी बद्ध,कोणाशी तरी बांधील राहून एकाचं प्रकारची मत मांडणे आणि तेच सत्य आहे अशी समजूत करून घेणे हे तरी पडत नाही.
लोकांना रोजच्या आयुष्यात काय अनुभव आले ते प्रचलित समजुती पेक्षा पण भिन्न असतात पण असतात सत्य.
ते मांडायची जागा असलीच पाहिजे.
राजेशभाऊ
राजेशभाऊ
" ते मांडायची जागा असलीच पाहिजे."
हे बरोबर आहे . म्हणूनच मी चिमण काकांना दुसरा धागा काढा अशी विनंती केली आहे .
(त्या धाग्याला कोरोना गप्पा किंवा यात्रीबुआ म्हणाले तसे कोरोना गावगप्पा यातले काहीही नाव दिले तरी हरकत नाही. )
होतंय काय एकाच धाग्यात शास्त्रीय माहिती आणि अशी मते यांच्यामुळे वाचकांची गल्लत होतीय.
आता इथेच बघा ना , तुम्ही कॉव्हॅक्सिन का तुलनेने जास्त चांगले याबद्दल तुमचे मत मांडलेत. (असे मत इतर काही इंजिनियर लोकांनीही मांडले होते आधी माझ्याकडे ) . पण हे मत , मत म्हणून ठीके पण वस्तुस्थिती फार वेगळी आहे. कारणे माहित होण्यासाठी अभ्यास पाहिजे . त्यात Immunology , vaccine developement अँड टेस्टिंग ही फार प्रगत आणि वेगळी शास्त्र आहेत.त्यातल्या तंत्रज्ञानातील झपाट्याने होत जाणारी प्रगती अगदी चांगल्या डॉक्टर लोकांनाही सखोल माहिती असतेच असे नाही, ( कारण ही शास्त्रे स्पेशलाइज्ड शास्त्रे असून , त्यांचा विषय वेगळा असतो आणि तो तितक्या खोलात शिकविणे शक्य असतेच असे नाही )
आता वैद्यकीय व्यवसायातील लोकांची ही परिस्थिती तर सामान्य माणसाला कसे माहित होणार ?
पण म्हणून अशी मते मांडूच नयेत का ? तर अजिबात तसे नाही. जरूर मांडा , पण योग्य ठिकाणी मांडा . म्हणून नवीन धागा.
चिमण काकांनी तो वेगळा धागा काढला नाही तर तुम्ही काढा . मीही येईन तिकडे गप्पा मारायला.
तेव्हा , शुभस्य शीघ्रम !! होऊन जाऊ देत .
ओमिक्रॉन अपडेट
या बातमीनुसार ओमिक्रॉन झपाट्याने पसरतो आहे असे दिसते. नोव्हेंबरच्या मध्यात जिथे दिवसाला दोन-तीनशे नवे रुग्ण सापडत होते त्या ठिकाणी (द. आफ्रिका) काही दिवसांपूर्वी ८००-९०० आणि आता साडेअकरा हजार..
Covid: South Africa new cases surge as Omicron spreads
राज्यात ‘ओमायक्रॉन’चा पहिला रुग्ण डोंबिवलीत
राज्यात ‘ओमायक्रॉन’चा पहिला रुग्ण डोंबिवलीत
भारतीय प्रसारमाध्यमांनी
भारतीय प्रसारमाध्यमांनी कोव्हिडकाळात कशी आणि का माती खाल्ली ह्याचा वाचनीय लेखाजोखा
पेवॉल...
काराव्हान पैसे मागतंय. थोडक्यात काही?
फक्त भारतीय प्रसार माध्यम?
जागतिक कट कारस्थानं असल्या सारखे जागतिक प्रसार मध्यम ,आणि विविध संस्था कार्य रत होत्या
संसर्ग होईल, पण किरकोळ?
लस घेतल्याने आजार गंभीर होण्याची शक्यता कमी होते. भारतात दोन लाटांत जिथे संसर्ग बऱ्याच प्रमाणात होऊन गेला आहे तिथे नव्या लाटेचा तडाखा कदाचित कमी बसेल, पण अन्यत्र धोका आहे.
Most of the World’s Vaccines Likely Won’t Prevent Infection From Omicron
गंभीर आजार
तर लस जेव्हा अस्तित्वात नव्हती तेव्हा पण इन्फेक्शन होवून पण बिलकुल कसलेच गंभीर लक्षण नसलेली करोडो लोक होती
मी स्वतः बघितलेल्या आणि लस पण अस्तित्वात नव्हती तेव्हा किती तरी कोरोना बाधित अत्यंत healthy होते
फक्त rt pcr positive म्हणून navala फक्त बाधित होते
म्हणून तर धोका वाढतो...
अनेकांना संसर्ग होऊनही लक्षणं नसतात; त्यामुळे हे लोक आपल्याला बाधा/संसर्ग झालेला नाही असं समजून इतरांत मिसळतात. अशा कुणाच्या संपर्कात कुणी आजारी, वृद्ध लोक आले आणि त्यांना संसर्ग झाला तर त्यांची रोगप्रतिकारक्षमता कमी असण्याची शक्यता आहे. हे आजारी, वृद्ध लोक आणखी आजारी होणार. पण त्यांचा आजार दिसेस्तोवर त्यांच्याकडून इतरांनाही संसर्ग होऊ शकतो आणि अशा रीतीनं साथ वाढते.
कोट्यवधी लोकांना गंभीर लक्षणं नव्हती ही चांगलीच गोष्ट आहे. पण या वर्षाच्या सुरुवातीला "मूठभर" टक्के लोकांनाच गंभीर आजार होऊनही दिल्लीत त्यांची कशी ससेहोलपट झाली हे आठवतंय का? आपल्याकडे मोठ्या शहरांमध्येही किती ऑक्सिजन, खाटा, आरोग्यसेवक (डॉक्टर, नर्सेस, इतर कर्मचारी) आहेत; या आरोग्यसेवेतल्या लोकांच्या शारीरिक आणि मानसिक आरोग्याचं काय; आजारी लोकांचा रोजगार बुडणं, त्यांच्या घरच्यांची परिस्थिती कठीण होते याचं काय?
अमेरिकेत ओमिक्रॉन
१८ डिसेंबरला संपलेल्या आठवड्यात अमेरिकेतल्या नव्या रुग्णांपैकी ७३% ओमिक्रॉनच्या आहेत असा अंदाज आहे -
Omicron is now the dominant COVID strain in the U.S., making up 73% of new infections
ओमायक्रॉन व्हेरियंटचे एक घातक वैशिष्ट्य
कोव्हिडच्या नव्या ओमायक्रॉन व्हेरियंटचे एक घातक वैशिष्ट्य: आपल्या श्वासनलिकेच्या , दोन फुफ्फुसांकडे जाणाऱ्या ज्या दोन शाखा होतात त्यांना आपण "ब्रॉंकस" (अनेकवचन "ब्रॉंकाय") म्हणतो. नवा ओमायक्रॉन व्हेरियंट हा आपल्या ब्रॉंकायच्या पेशींमध्ये, आधीच्या , मूळ "वूहान " किंवा डेल्टा पेक्षा अधिक वेगाने वाढतो आहे . श्वसनसंस्थेचा हा वरचा भाग असल्यामुळे, असे इन्फेक्शन झालेला माणूस खूपच अधिक संसर्गकारी बनत असण्याची शक्यता आहे. (लोकसंख्येतली इन्फेक्शन्स दर दोन दिवसाला दुप्पट होत आहेत. ). यामुळे मास्क , शारीरिक अंतर आणि गर्दी टाळणे याला विशेष महत्व प्राप्त झाले आहे.
फुफ्फुसांत तो काहीसा कमी वेगाने वाढतो असे दिसत आहे. यामुळे कदाचित त्याची रोग-निर्मितीची क्षमता कमी असू शकेल.
xxx
Circuit breaker टाळेबंदी
यूके मध्ये Circuit breaker टाळेबंदीला पर्याय दिसत नाही. नेदरलंड्स सरकारने ती धमक दाखविली आहे. यूकेमधे मात्र लोकांचा ख्रिस्मस बिघडू नये ह्मणून टाळेबंदी पुढे ढकलण्याचा नतद्रष्टपणा सुरू आहे.
ख्रिस्मस आणि कणाहीन राजकारण मुर्दाबाद!
टाळेबंदी
हा तर १८ व्या शतकातील उपाय झाला.तो अजून वापरावा लागत आहे?
ते पण जगातील सर्वात प्रगत देशात.
जिथे सायन्स नी खूप प्रचंड प्रगती केली आहे.
थोडे विचित्र वाटत आहे.
ओमायक्रॉनने आपल्यात "सुपर-इम्युनिटी" निर्माण होईल: नवा पेपर
एक नवा पेपर आला आहे , ज्यात ओमायक्रॉनने आपल्यात "सुपर-इम्युनिटी" निर्माण होईल असे म्हटले आहेत. लिंक खाली आहे. बातमी मजेशीर आहे. आता व्हॅक्सिनेशन + छोटेसे इन्फेक्शन याने इम्युनिटी प्रचंड वाढते हे यापूर्वीही माहितीच आहे. त्यातून नवा व्हायरस जर "सौम्य" असला तर दुधात साखर. पण हे यदृच्छया झाले तर चांगले. बातमी वाचून लोक स्वतःला "मुद्दाम" इन्फेक्ट करून घेण्याचा धोका आहे. यात तुमच्या शरीरात व्हायरसचे किती कण शिरणार हे तुम्ही कंट्रोल करू शकत नाही, आणि ते फार मोठ्या प्रमाणात शिरले तर काय होईल हे माहिती नाही. तसेच ओमायक्रॉनने होणाऱ्या सौम्य रोगाचेही दीर्घ मुदतीचे परिणाम माहिती नाहीत. त्यामुळे तसले काही करायला जाउ नये.
लिंक:
https://www.deseret.com/platform/amp/coronavirus/2021/12/21/22848453/fu…
फायझरच्या "पॅक्सलव्हीड" ला आपत्कालीन मंजुरी.
आनंदाची बातमी: फायझरच्या "पॅक्सलव्हीड" या तोंडावाटे घ्यायच्या कोव्हीड-विरोधी औषध-मिश्रणाला अमेरिकन एफ डी ने आपत्कालीन मंजुरी दिली आहे.
https://www.medpagetoday.com/infectiousdisease/covid19/96356?xid=NL_bre…
Covid विरोधी
औषध खरेच निर्माण झाले असेल आणि ते खरेच इफेक्टिवे असेल तर आनंदाची गोष्ट आहे.
पण त्याची किंमत सर्व सामान्य लोकांच्या आवाक्यात असावी.
नाही रोग परवडला पण औषध नको अशी अवस्था व्यायची.
श्रेणी देणार
अति संवेदनशील कोणत्याच विचार श्रेणी चा बांधील नसावा.
आता आहेत त्या मध्ये उपलब्ध नसेल तर बाहेरून फक्त श्रेणी देण्यासाठी त्याला नियुक्त करावे..
मेंबर त्याचा चार्ज देतील .
श्रेणी देणार
अति संवेदनशील कोणत्याच विचार श्रेणी चा बांधील नसावा.
आता आहेत त्या मध्ये उपलब्ध नसेल तर बाहेरून फक्त श्रेणी देण्यासाठी त्याला नियुक्त करावे..
मेंबर त्याचा चार्ज देतील .
मंडळी, काळजी घेण्याची वेळ जवळ
मंडळी, काळजी घेण्याची वेळ जवळ येऊ लागली आहे असं वाटू लागलं आहे.
(काळजी घेण्याची म्हणत आहे, करण्याची म्हणत नाहीये... दोन्हीत फरक आहे)
जानेवारी पहिल्या दुसऱ्या आठवड्यापासून आपल्याकडेही राडा सुरू होईल असं वाटू लागलं आहे.
बाहेरून येणाऱ्या फ्लाईट्स व लोकांचे अनिर्बंध वागणे याकारणे..
उर्वरित जगात बऱ्याच गोष्टी घडत आहेत आणि बाहेरून फ्लाईट्स येत आहेत.अशा वेळी कुणीतरी 'प्रसाद' घेऊन येणे अशक्य नाही(कितीही टेस्टिंग केले on arrival)
आपल्याकडे का केसेस वाढू नयेत याचे तार्किक व शास्त्रीय उत्तर सापडत नाहीये.
दक्षिण आफ्रिकेत आकडा खूप वाढून खूप कमी पण झाला दोन आठवड्यात...
अर्थात सरकारी पातळीवर दुसऱ्या लाटेच्या वेळी असलेला निवांतपणा आज नाहीये.
जास्त सजग आहेत बहुधा यावेळी...
त्यामुळे काळजी घ्यावी ...
म्हणजे काळजी करण्याची वेळ येणार
माझा अंदाज खोटा ठरो !!!
काल जगभरात 979862 नवीन बाधित !!!
29 एप्रिल चा उच्चांक नऊ लाख चार हजाराचा होता.
(त्यात भारताचा सिंहाचा वाटा होता चारेक लाखांचा.
यावेळी तो बहुमान यूएस ला अडीच लाखावर व रौप्य पदक युकेला 119000 वगैरे)
सोपे मार्गदर्शन
ताज्या सूचनांनुसार “तुमच्या घरात राहणाऱ्या व्यक्तींव्यतिरिक्त तुमच्या संपर्कात येणारी प्रत्येक व्यक्ती करोनाबाधित आहे असे गृहित धरून त्यानुसार वागा” असे लिव्हरपूल सिटी कौन्सिलने आपल्या वेबसाइटवर ह्मटले आहे. हे मार्गदर्शन समजण्यास सोपे आणि अंमलात आणण्यास सुलभ आहे असे मला वाटले.
निसर्ग नियमाने covid ची साथ संपेल
https://www.sumanasa.com/go/z4SkD6
ओमिक्रोन हा उत्परीवर्तीत विषाणू गरीब देशांना वरदान ठरेल.तो नैसर्गिक लसीकरण चे काम करेल.असा दावा केला गेला आहे
अगदी बरोबर आहे...
अगदी बरोबर आहे...
आत्त्ता काळजी घेतली तर नंतर काळजी करायला लागणार नाही.
कोरोना विजयगाथा सुरु करायची का परत ?
बायडेन मामांच्या देशात सुरु राहिली लहर आणि डेलमीक्रॉन ने केला कहर !!!
सहा लाख दैनिक नव्या केसेस !! नवनवीन उच्चांक प्रस्थापित !!
कोरोना विजयगाथा सुरु करायची का परत ?
१५-१८ वर्षे
आजपासून देशात १५ ते अठरा वर्षे वयोगटातील मुलांचे लसीकरण सुरू झाले आहे.
पुण्यातील नवीन बाधितांपैकी ८० % लोकांनी दोन्ही डोस घेतलेले - महापौर मुरलीधर मोहोळ
भारतात covid खूप कमी झाला होता
काही शे च रुग्ण भारतात रोज covid positive येत होते.
अचानक कसे वाढले?
दक्षिण आफ्रिका नी काहीच न लपवता जगाला omeycron विषयी पुर्ण माहिती योग्य वेळीच जगाला दिली होती
त्या बद्धल आफ्रिकेचे जगा नी अभिनंदन च केले पाहिजे.
पण भारताने पण हलगर्जी पण दाखवला.
विमान सेवा थांबवता येणे व्यावहारिक दृष्ट्या अयोग्य असेल.
तरी काही हजर च विदेशी लोक भारतात आली असतील त्यांना सक्ती नी विलागिकरण केले असते सर्वांना.
positive असू किंवा निगेटिव्ह.
तर आज ही वेळ नक्कीच आली नसती
अबब
Covid 19 : अमेरिकेचा नवा रेकॉर्ड ; एक दिवसात तब्बल १० लाख नागरिक करोनाबाधित https://www.loksatta.com/desh-videsh/more-than-1-million-people-in-the-…
ओमायक्रॉन फुफ्फुसांना फार गंभीर हानी करतो असे दिसलेले नाही.
ओमायक्रॉन फुफ्फुसांना फार गंभीर हानी करतो असे आजपर्यंत दिसलेले नाही. हॉस्पिटलमध्ये दाखल केलेल्या जेमतेम २० टक्के लोकांना व्हेन्टिलेटरची गरज पडत आहे. तरीही:
१. रोज दोनदा पल्स ऑक्सिमीटरने रक्तातला प्राणवायू तपासणे. हा ९३ च्या खाली असल्यास डॉक्टरला कळविणे.
२. भारतात राहणाऱ्या सर्वानी सध्या रोज एकदा, जमल्यास दोनदा "सहा मिनिटे चालण्याची टेस्ट" करणे . (ही आता सरकारनेही मान्य केली आहे!). यातून न्यूमोनिया होऊ लागला आहे का हे अतिशय लवकर समजू शकेल, ज्यामुळे करोना -प्रणित न्यूमोनियावरचे उपचार यशस्वी होण्याची शक्यता प्रचंड वाढेल.
टेस्ट कशी करावी:
- आधी पल्स ऑक्सिमीटरने रक्तातला प्राणवायू मोजणे. तो किमान ९३ हवा (नसल्यास लगेच डॉक्टरला कळविणे!).
- नंतर ६ मिनिटे briskly चालणे . या चालण्याने प्राणवायू ४ युनिट्स किंवा त्यापेक्षा अधिक ने खाली गेल्यास न्यूमोनिया ची शंका आहे. ताबडतोब डॉक्टरला भेटणे.
- टेस्टमध्ये धाप लागणे, चक्कर इत्यादी होत असल्यास टेस्ट थांबविणे.
- साठीनंतर टेस्ट ३ मिनिटे केली तरी चालेल.
जोकोव्हिचला लशीशिवाय
जोकोव्हिचला लशीशिवाय ऑस्ट्रेलियन ओपन खेळता येईल.
‘Appalling message’: outrage over Novak Djokovic’s medical exemption to play Australian Open
व्हिसा?
पण व्हिसाची अडचण झाल्याने अडकलाय. पंतप्रधानांचे ट्वीट :
डिपोर्टेड
कोर्टात अपील हरल्यानंतर अखेर जोकोव्हिच ऑस्ट्रेलियातून हद्दपार.
ओमायक्रॉन तेवढा घातक नसेल आणि
ओमायक्रॉन तेवढा घातक नसेल आणि लसींच्या दोन मात्रा घेतलेल्या लोकांना फारसा त्रास होत नसेल तर लॉकडाऊनसारखे उपाय(!) आता टाळलेलेच बरे. अर्थव्यवस्थेला घोडे लावण्याचे हे सगळे धंदे आहेत. लसीकरणाचा वेग वाढवणे हे मात्र फार फार गरजेचे आहे.
सर्दी, फ्लू आणि ओमायक्रॉनचा कोव्हीड
सर्दी, फ्लू आणि ओमायक्रॉनचा कोव्हीड हे केवळ लक्षणांवरून वेगवेगळे काढणे अत्यंत अवघड ठरत आहे. व्हायरस टेस्टिंग किट्सचा सर्वत्र तुटवडा आहे. अशा परिस्थितीत फ्लू चे व्हॅक्सिन घेणे, मास्क घालणे, शारीरिक अंतर, गर्दी टाळणे आणि व्हिटॅमिन सी (दिवसाला किमान २००० मिग्रॅ = ५०० मिग्रॅ च्या चार गोळ्या २-३ तासातासांनी) हे करणे अधिक हिताचे ठरू शकेल.
हवामानात झालेल्या तीव्र बदला मुळे
मुंबई ,महारष्ट्र चा विचार केला तर हवामान सतत बदलत आहे.
दोन दोन दिवसांनी बदल होत आहे.कधी थंडी ,कधी अचानक तापमान वाढ,कधी स्वच्छ सूर्य प्रकाश तर मध्येच आकाश ढगांनी आच्छादले जात आहे.
आणि ह्या मुळे खूप लोक आजारी पडत आहेत त्या मध्ये corona ची लक्षण अशी आहेत की ती अनेक आजारात कॉमन आहेत
त्या मुळे खूप कन्फ्युजन आहे.
हवामान बदलाचे फटके बसायला सुरुवात झाली आहे.
इटली
इटलीने आता ५०+ वयाच्या लोकांना लसीकरण अनिवार्य केले आहे.
चीनचे झीरो कोव्हिड धोरण कसे
चीनचे झीरो कोव्हिड धोरण कसे राबवले जाते ते दाखवणारे एक वार्तांकन.
चीन नी जे धोरण राबवले आहे
त्याचे निष्कर्ष कोणतीच तोड मोड न करता जगजाहीर करावेत.
त्यांच्या उपाय योजने मुळे झीरो covid साध्य होत आहे का ते बघा.
युरोपियन संघटित शास्त्रीय मक्ते दारी आनी दहशतवाद चा चीन शिकार झाला नाही ना हे त्यांनी जगाला सांगावे.
कुत्रे ,मांजर,उंदीर,माकड ह्या पेक्षा माणूस वेगळा नाही
हेच अंतिम सत्य माहीत पडेल.
लसीकरण
भारताच्या लसीकरण मोहिमेला रविवारी एक वर्ष पूर्ण झाले. आतापर्यंत देशातील प्रौढ लोकसंख्येपैकी ९३%हून अधिक लोकांना लशीची पहिली मात्रा मिळाली आहे, तर ६९.८% प्रौढांचे दोन्ही डोस झाले आहेत. १० जानेवारीपासून ज्येष्ठ नागरिकांना वर्धक मात्रा देण्याला सुरुवात झाली आहे.
गावोगावच्या जोकोविचांसाठी
https://www.loksatta.com/sampadkiya/agralekh/editorial-page-australian-…
मी चर्चेतून बाहेर .
दुसरे विषय बघतो.
विंटर ऑलिंपिक
४ फेब्रुवारीपासून बीजिंगमध्ये हिवाळी ऑलिंपिक सुरू होत आहे. पण ओमिक्रॉनमुळे तिकीटविक्री बंद झाली आहे -
Winter Olympics tickets will not be sold as China seeks to contain Covid
जोकोविच (क्रमशः)
फ्रान्समध्ये बऱ्याचशा सार्वजनिक ठिकाणी वावरता येण्यासाठी लागणाऱ्या कोव्हिड पाससाठीच्या ताज्या नियमांनुसार लस (तीन डोस) घेणे बंधनकारक झाले आहे. फ्रेंच क्रीडामंत्र्यांनी जाहीर केले आहे की हा नियम खेळाडूंसाठीही लागू आहे. हे पाहता जोकोविचला लस न घेता फ्रेंच खुल्या टेनिस स्पर्धेत खेळता येईल असे दिसत नाही.
Djokovic’s French Open title defence in doubt after Covid pass ruling
लसीकरणामुळे
लसीकरणामुळे मृत्यूदरात किती फरक पडतो याविषयी काही विदा उपलब्ध होत आहे. त्यापैकी हा रोचक आहे -
How do death rates from COVID-19 differ between people who are vaccinated and those who are not?
लेखातली सगळीच ग्राफिक छान
लेखातली सगळीच ग्राफिक छान आहेत. हे विशेष आवडलं.
जोकोविच (क्रमशः)
करोनावर औषध शोधणाऱ्या एका कंपनीत (QuantBioRes) जोकोविचचा मोठा हिस्सा आहे. त्या कंपनीविषयी असं लिहून आलंय की औषध शोधण्याची त्यांची पद्धत होमिओपथीसारखी आहे -
Djokovic-backed ‘biotech’ firm’s approach likened to homeopathy
खूप दिवस lockdown मध्ये राहिल्या मुळे
https://www.google.co.in/url?sa=t&source=web&rct=j&url=https://www.live…
लोकांच्या मानसिक स्थिती वर जास्त दिवसाचा
लॉक डाऊन परिणाम करतो
नैराश्य,हताश पना येवू शकतो .
आणि हा मानसिक परिणाम दीर्घ काळ राहू शकतो.
मानसिक स्वास्थ च्या बाजूने पण आपण लॉक डाऊन चा विचार केला पाहिजे
बचेंगे तो और भी लड़ेंगे…
मुळात जीवित राहिल्यास मग मानसिक स्वास्थ्याचा विचार करता येईलच.
ओमायक्रॉन आणि टेस्टिंग: काही मुद्दे
ओमायक्रॉन आणि टेस्टिंग: काही मुद्दे:
१. कोव्हिडची कोणतीही टेस्ट ही केवळ तुमचा टेस्टचे सॅम्पल देतानाच्या वेळचा स्टेटस दर्शविते. त्याच्या पुढच्या मिनिटाला तुमच्या शरीरात व्हायरस शिरल्यास ते त्यातून समजत नाही.
२. अमेरिकेत टेस्ट्स चा प्रचंड तुटवडा आहे. भारतात तो नसल्यास अभिनंदन!
३. ओमायक्रॉनच्या बदललेल्या त्रिमिती रचनेमुळे सर्व रॅपिड अँटीजेन टेस्ट्समध्ये तो सापडेलच असे नाही. व्हायरस असतानाही तो नसल्यासारखे दिसू शकते (फाल्स निगेटिव्ह).
४. आर-टी पीसीआर मध्ये हे होत नसले तरी त्यात ३० टक्क्यांच्या आसपासची 'अंगभूत" "फाल्स निगेटिव्ह" एरर असते, जी बहुतेक वेळा स्वाबमध्ये पुरेसा व्हायरस "उचलला" न गेल्यामुळे घडू शकते. यासाठी तो स्वाब घेणाऱ्यांचे ट्रेनिंग सुधारायला हवे. (आणि मृत/मोडक्यातोडक्या व्हायरसच्या तुकड्यानाही ती पॉझीटीव्ह येते हा एक वेगळा प्रॉब्लेम आहेच!) . मात्र ती पॉझीटीव्ह येणे हा एक धोक्याचा इशारा धरून पुढच्या स्टेप्स घेणे हिताचे ठरते. त्यातून तुम्ही इतरांना इन्फेक्ट करण्याविरुद्धही पावले उचलता येतात.
५. हा व्हायरस ( आणि ओमायक्रॉन तर अधिकच!) हवेतून, नाकातोंडावाटे शरीरात जातो. त्यामुळे जवळपास १०० टक्के लोकांमध्ये तो आढळणारच आहे. मात्र मास्क/शारीरिक अंतर/ हवा खेळती ठेवणे/गर्दी टाळणे या उपायांनी आपण त्याचे शरीरात शिरण्याचे प्रमाण अत्यंत कमी करू शकतो . तो जितका कमी तितका रोगाचा धोकाही कमी.
६. "होऊ घातलेला' (incipient) न्यूमोनिया लवकरात लवकर सापडणे हे उपचार यशस्वी होण्याच्या दृष्टीने अत्यंत महत्वाचे ठरते. त्यासाठी किमान दिवसातून दोनदा , बोटाच्या पल्स ऑक्सिमीटरने रक्तातील ऑक्सिजन तपासावा. "सहा मिनिटे चालण्याची टेस्ट" तर अधिकच उत्तम. ओमायक्रॉनमुळे न्यूमोनिया अगदी कमी प्रमाणात दिसत आहे ही अत्यंत चांगली बातमी आहे.
आता आज "नेमके काय करायचे?" याचे उत्तर:
१. टेस्ट करायची . पहिल्यांदा निगेटिव्ह आल्यास तीन दिवसांनी दुसऱ्यांदा करणे. ती पॉझीटीव्ह आल्यास विलगीकरण करायचे. (विलगीकरणाचे दिवस अमेरिकेत आता दहा दिवसांवरून पाच दिवस इतके कमी केले गेले आहेत. ).
2. रोगाची लक्षणे दिसत असल्यास ट्रीटमेंट घ्यायची. यात मर्क कंपनीचे मोलनूपिराव्हीर हे औषध गरोदर स्त्रियांनी (किंवा गरोदर होण्याची शक्यता/इच्छा असलेल्या स्त्रियांनी) पूर्ण टाळावे.
3. मास्क/शारीरिक अंतर/ हवा खेळती ठेवणे/गर्दी टाळणे .
4. व्यायाम, व्हिटॅमिन्स , आहार या योगे शरीर केवळ "निरोगी" च नाही तर 'दणकट" ठेवणे.
शुभेच्छा!
संसर्ग झाल्याझाल्या माणूस वेगाने इतरांनाही संसर्ग-कारी
ओमायक्रॉनची "ओढ" ("affinity") ही श्वसनसंस्थेच्या वरच्या भागांकडे अधिक आहे हे आपल्याला आता कळले आहेच. पण संसर्ग झाल्याझाल्या या भागांमध्ये (घसा , ब्रॉंकाय) त्याची प्रचंड वेगाने वाढ होत आहे, आणि तो माणूस वेगाने इतरांनाही संसर्ग-कारी बनत आहे.
तुम्हाला संसर्गाचा संशय येऊन तुम्ही टेस्ट करणे यात समजा सहा तासांचे अंतर गेले. तर या सहा तासातच तुम्ही संसर्गकारीही बनलेले असण्याची शक्यता आहे. त्यामुळे सर्दी, घशाची खवखव हे वाटू लागताच मास्क लावून, आपल्या आसपासच्या लोकांना संसर्ग होणे थांबवावे. शक्य तितके विलगीकरण लगेच सुरु करावे.
स्वाब सॅम्पल घेण्यासाठीही, नाकापेक्षा, घसा (तोंडावाटे) हे अधिक योग्य स्थान ठरते, कारण तिथे व्हायरस अधिक प्रमाणात असतो. .
ओमायक्रॉनची "ओढ"ही श्वसनसंस्थेच्या वरच्या भागांकडे अधिक आहे यामुळे फुफ्फुसांना संसर्ग कमी राहून , त्यातून न्यूमोनिया आणि मृत्यू याचे प्रमाण बरेच कमी दिसत आहे ही अत्यंत आनंदाची गोष्ट आहे.
दिवसाला २००० मिग्रॅ व्हिटॅमिन सी (५०० मिग्रॅ चे चार डोस , दर दोनतीन तासानी ), तसेच १००० ते २००० आय यू व्हिटॅमिन डी ३, यांचाही उत्तम उपयोग होऊ शकेल.
Best wishes!
ओमिक्रॉन अखेरची लाट?
ओमिक्रॉन बूस्टर शॉटसारखा आहे, त्यामुळे जगाची इम्युनिटी वाढेल आणि ही लाट अखेरची ठरेल, असे म्हटले जात आहे. त्याचे खंडन करणारा लेख -
Will Omicron Leave Most of Us Immune?
पुणे पोलिसांकडून सप्रेम..
किंवा इथे पाहा.
खूप गरजेचे आहे
ऐसी अक्षरे नेहमीच लोकांचे प्रबोधन करण्यात आणि खरी माहिती देण्यात आघाडीवर असते.
भारतात जेव्हा तिसरी लाट आली तेव्हा भारतात covid ची स्थिती कशी राहील ,किती लोक मरतील
उत्पारीवर्तन म्हणजे काय,मानवी शरीराची प्रतिकार शक्ती,लसी कशा काम करतात.त्यांचा कसा उपयोग होत आहे,
ह्या वर जाणकार लोकांचे लेख ह्या स्थळ नी प्रसिद्ध केले
पण सर्व विषयावरील लेखात जाणकार लोकांनी जे सांगितले होते तसे काहीच घडले नाही .
तिसरी लाट भारताला काहीच नुकसान पोचवू शकली नाही.
आणि अशा ह्या वेळी सर्व तज्ञ,डॉक्टर्स गायब आहेत
कोणीच काही बोलत नाही.
असे का घडले सर्वात जास्त उत्परीवर्तं झालेल्या व्हायरस नी गंभीर स्थिती निर्माण केली नाही
का?
ह्या वर ऐसी अक्षरे नी जागतिक स्तरावरील तज्ञ
ह्यांचे विचार तिसऱ्या लहरी विषयी वाचांक साठी उपलब्ध करावेत.
अमेरिका ,ब्रिटन ,समस्त युरोपियन युनियन ह्या भागातील तज्ञ लोकांचे नकोत.
त्यांचे विचार पाठ झाले आहेत
भारतीय तज्ञ लोकांचे विचार पण तोंड पाठ आहेत.
अती पूर्वेतील जपान पासून,जग ज्यांना मागास समजत ती आफ्रिकन राष्ट्र ,ह्या देशातील तज्ञ असावेत.
मृत्युदर का कमी / जास्त?
अमेरिकेने नुकताच एक मिलियन करोनाबळींचा टप्पा गाठला. त्या निमित्ताने 'न्यू यॉर्क टाइम्स'ने करोनाबळींचा एक आढावा घेऊन धोरणांमध्ये किंवा अंमलबजावणीत कुठे काय चुकलं असा एक लेख प्रकाशित केला आहे -
How America Lost One Million People
अमेरिकेसोबत तुलना म्हणून ऑस्ट्रेलियातल्या बळींविषयीचंही विश्लेषण प्रकाशित केलं आहे, कारण दोन देशांतल्या लोकसंख्येत साम्य असूनही तिथला मृत्युदर अमेरिकेच्या एक दशांश आहे.
How Australia Saved Thousands of Lives While Covid Killed a Million Americans
https://www.loksatta.com/desh
https://www.loksatta.com/desh-videsh/new-covid-19-variant-eris-spreadin…
करोनानी नव्याने आय घातलीय.
विज्ञान वादी भारतीय नक्कीच नाहीत
मग पुरोगामी असो,प्रतिगामी असो शिक्षित असो किंवा अडाणी असो स्वतःची बुध्दी वापरायची नाही म्हणजे नाही.
Covid म्हणजे एक प्रकारचा फ्ल्यू तो कायम राहणार च आहे.
लोकसत्ता काही तरी चमचमीत छापणार आणि मूर्ख सारखे आपण काहीच विचार करणार नाही.
1) तो नवीन covid व्हायरस मानवाला किती धोकादायक आहे.
२) किती लोकांना गंभीर आजार त्या मुळे होत आहे
३) तो उपचाराला प्रतिसाद देत आहे का!.
असले काही प्रश्न आपल्याला पडत नाहीत.
आणि आपण बिनडोक पने समाजात भीती पसरवत असतो.
आणि ह्याची जाणीव पण आपल्याला नसते
आता कारोनाची लाट संपलेली आहे.
आता कारोनाची लाट संपलेली आहे. पूर्वाग्रह सोडून निष्पक्ष दृष्टीने विचार करणे गरजेचे आहे की त्या काळात काय झाले होते. करो//नावर औषध नसल्याने, उपलब्ध औषधांना प्रटोकॉल मध्ये जागा दिली आणि ज्या निष्प्रभावी ठरल्यानंतर त्या वगळल्या गेल्या. आय एम ए सहित एकाही ऍलोपॅथिक संस्थेने यावर प्रश्नचिन्ह उपस्थित केले नाही. एकाने विचारले नाही की किमान या औषधांवर करोना वायरस विरुद्ध त्या प्रभावी आहेत की नाही. किमान सेल लेवल संशोधन झाले आहे की नाही. त्यावेळची परिस्थिती पाहता असे प्रश्न उपस्थित करणे योग्य नव्हते. आयुर्वेदिक डॉक्टरांच्या संस्थेने ही प्रश्नचिन्ह उपस्थित केले नाही कारण तो त्यांचा अधिकारच नव्हता.
दुसरीकडे नोव्हेंबर 20 20 मध्ये स्वास्थ मंत्रालय आणि एका आयुर्वेदिक औषधीला 155 देशात निर्यातीची अनुमती दिली. कोणीही विरोध केला नाही. कारण त्यावेळी मीडियाने या बातमीला महत्त्व दिले नाही (का??? मोठे प्रश्नचिन्ह). बहुतेक २० फेब्रुवारी 20 21 रोजी त्या औषधावर 16 रिसर्च पेपर्स जे जागतिक दर्जाच्या मेडिकल जर्नलस् मध्ये प्रकाशित झाले होते,
एका पुस्तिकाचे लोकार्पण केले. त्या कार्यक्रमात भारताचे तत्कालीन स्वास्थ मंत्री ही उपस्थित होते. याचा अर्थ औषध कोरोनावर प्रभावी होते त्या शिवाय ते तिथे आले नसते. याशिवाय ते आय एम ए चे पदाधिकारी राहून चुकले होते. आमच्या मंत्रालयाचे माननीय माननीय नितीन गडकरी ही त्या कार्यक्रमात उपस्थित होते. मी ही होतो. एकाही आयुर्वेदिक संस्थेने या औषधाविरुद्ध प्रतिक्रिया दिली नाही. ऍलोपॅथिक क्षेत्रात काम करणाऱ्या संस्थांना आयुर्वेदिक ज्ञान नसल्याने त्यांनाही प्रतिक्रिया देण्याचा अधिकार नव्हता. तरीही आय एम एस सहित अनेक संस्थांनी मीडियात रान उठवले. औषधी विरुद्ध खोटा प्रचार केला. गरिबांनी आयुर्वेदिक औषधांचे सेवन केले आणि ते जिवंत राहिले. याशिवाय काहींनी कफ नियंत्रण करण्यासाठी चार रुपयाची स्टेराइडची गोळी घेतली असेल. आमच्या कालोनीत एक एक खोलीत परिवार राहतात एकही रुग्ण दगावला नाही. पण श्रीमंत कॉलोनीत उदा जनकपुरी नोएडा इथे लोक मोठ्या हॉस्पिटलमध्ये भरती झाले प्रोटोकॉलचे औषधी घेतली आणि हजारो रोगी दगावलेही. अधिकांश रुग्णांची मरण्या अगोदर शुगर भयंकर वाढली होती. त्यांची लिव्हर किडनी खराब झाली होती .
खरे कारण कोणते हे आज जाणण्याची गरज आहे.
शेवटी हरिद्वार येथे जिथे वेलनेस केंद्रात २०२१ पूर्वी फक्त ६०० रुग्णांची व्यवस्था होती ती २०२२ एप्रिल पर्यंत ३००० रुग्णांची करावी लागली. कारण एकच त्यांचे औषध प्रभावी ठरले होते.