ही बातमी समजली का?

फटूवाला मनुष्यप्राणी देखणा आहे खरा! जरा बाकीचे दोन कोण होते ते पण शोध पाहु :-P

तिघांपैकी एक 'देखणा' असल्याबद्दलचे एक मत 'अस्मिता' ह्यांच्याकडून आले, अन्यथा, सौदी 'सनातनी' मॉरल पोलिसांमधे बायका नसण्याची शक्यता अधिक असल्यास, पुरुष 'देखणा' असुन त्यावर इतर बाया भाळतील असे भाकीत पुर्षाणे करणे म्हणजे वेगळाचा पुरुष तो!!! आणि हो ते सौदी, मुत्तवे, संयुक्त अरब वगैरे वाचून हे एकदम 'हसन मजाकर' असं वाचलं गेलं.

सौदीत राहावे लागणार नाही हे एक आणि दुसरे म्हणजे प्रमाणाबाहेर देखणे असल्याचे जाहीर सर्टिफिकेट हे दुसरे :)

देखणा आहे पण वेल ... इतकाही नाही बरं का!!! अगदी मदनाचा पुतळा नाहीये. अन लाडावलेला, सेल्फ्-अ‍ॅबसॉर्बड, गर्विष्ठच वाटतो. म्हणजे उद्या बायकोची लोशन्स, क्रीम्स ढापून तिला स्पर्धा करणारा असा वाटला ;)

एकाच धाग्यात अनेक / विविध बातम्या चर्चिल्या जाऊ शकतात.
बातमी गमतीदार / विशिष्ट विषयासंबंधीतच वगैरे हवी असे नाही (असल्यासही काही प्रॉब्लेम नाही :) )
अगदी राजकीय, सामाजिक, क्रिडा, अर्थकारण वगैरेपासून एखादा लेख, एंटरटेन्टमेन्ट, विज्ञान, तंत्रज्ञान किंवा वर वाल्गुदमानवाने दिली आहे तशी मौज/मजेदार लिंकही चालेल.

स्लॅश डॉट जरा वेगळे आहे असे वाटते.

आय टेल यू ऋ, यु आर रियली व्हेरी हार्ड वर्किंग गाय, प्लिज टेक इट इझी. यु सी पिपल डु नॉट कम हिअर टू रिड सच टाइप ऑफ न्युज. :-) टुमॉरो, ओन्ली दीस क्राउड विल बाय/ ऑर एन्जोय रिसोर्ट स्टाईल फॅसिलिटीज इन दॅट रिजन. नाउ हू इज गोइंग टू मेक इट हॅपन? बिल्डर्स एन्ड पॉलिटीशियन्स ओन्ली नो? नाउ दे आर वर्किंग हार्ड फॉर अस एन्ड फॉर अवर अम्युझमेंट एन्ड यु वॉन्ट द इन्कन्व्हीनियंट ट्रुथ? बरोबर आहे का रे हे ऋ? उद्या आपल्याला धागा हवाय ना, कोकणातली चांगली रिसोर्ट्स सांगा, सुचवा. मग रे हे काय. असेही आंजावर डॉ माधव गाडगीळ कमी व माधवी गाडगीळ जास्त एक्टीव्ह!

असो आता जास्त अवांतर नको करायला मूळ धाग्यासंबधी बोलूया , एक डॅनिश टिव्हीचॅनेलवर एक शो बद्दल बातमी वाचली, आता तूच सांग असा मराठी कार्यक्रम कसा वाटेल, "गर्व से कहो हम लै भारी लैंगीक है!!" आय मिन लैंगीकता सेलेब्रेट करणार्‍या बाया आपणहून समोर येतात व दोन गुर्जी त्यांना सांगोपांग बघून त्यांची रापचिकत्वमापकावर चर्चा करतात. हिट होईल ना?

यासंबंधीच्या बातम्यांची दुसरी बाजु दाखवण्या चा प्रयत्न करणारी चर्चा उपक्रमावर इथे वाचनात आली. सत्य दोन्हीच्या मधे कुठेतरी असेल हे पुन्हा एकदा पटते.. पण या विषयीची अधिक माहिती वाचायला आवडेलच

या बातमीतले उभयपक्षाकडचे लोक मूर्खच म्हटले पाहिजेत. प्रेग्नन्सीकडे काणाडोळा करून लग्न तसेच रेमटवण्याबद्दल वधूपक्ष विधिनिषेधशून्य अन हरामी ठरतो, तर इतकी घाईवर आलेली प्रेग्नन्सीही जोखू न शकणारे वरपक्षाकडचे लोक हे अंमळ बावळटच ठरतात. पण दोष वधूपक्षाकडेच जातो या ठिकाणी.

टीपः मिसॉजिनीचा अस्थानी आरोप होण्याअगोदर हे स्पष्ट करतो, की बातमीच्या टोनवरून तरी वर-वधूंचे लग्नाआधी संबंध असल्याचे दिसत नाही. तस्मात दोषारोप वधूपक्षावरच राहील.

रोचक! बेळगाव प्रश्नाच्या स्टेटस को/क्वो मध्ये काही/कसा फरक पडेल की काय हे पाहणे रोचक ठरावे.

बाकी कर्नाटकने त्या भागात केलेली डिव्हेलपमेंट इ. पाहता तो प्रदेश तिकडेच राहूदे असे म्हणावे वाट्टेय. असो.

खरंय.. वाईट वाटले.
यावर आधीच इथे मत दिले असल्याने पुनरुक्ती करत नाही

त्यांनी असं केलं मग आम्हीही करणारच अशी स्पर्धा मूर्खपणाच्याच बाबतीत का असते?

अलिकडेच काही लोकांनी फेसबुकावर शेअर केलेला फोटो पाहिला होता. पाकिस्तानच्या झेंड्यावर कोणी तरूण पाय देऊन उभा आहे. आणि काय म्हणे तर शंकराच्या पिंडीवर कोणी मुस्लिम तरूण उभा होता त्याचा बदला घेतला. एकाने कोणी बिनडोकपणा केला की आपणही तोच करण्याची लागलेली चढाओढ आणि वर पुन्हा ते फेसबुकावर प्रसारित करण्याची अहमहिका पाहून फार वैताग येतो.

असाच बिनडोकपणा सरकारने करावा हे मात्र लाजिरवाणं आहे. या संदर्भात सर्वोच्च न्यायालयाने सरकारला जाब विचारून निदान स्वतःची पत तरी राखली आहे.

प्रायव्हसी इश्यूज निर्माण होऊ शकतात हे खरयं, पब्लिक-स्पेसमधे काही नियम/कायदे पाळता न येण्यासारखी परिस्थिती तंत्रज्ञानाच्या सहाय्याने शक्य होऊ शकते, तसे झाल्यास त्याचा दुरुपयोग होणार.

गुगल ग्लास एपिआय उपलब्ध असल्याने व्हॉइस-कमांड ओव्हरराईड करणे शक्य आहे- हे पहा.

हा हा!
उचलण्याचे फॅड म्हणजे निव्वळ मूर्खागमनीपणा आहे. : +१

बाकी एका लग्नात पुष्पमाला नव्हे पण पुष्पमालाधारी नववधुच भटजींवर पडलेले बघितले आहे :P

बातमी तर खल्लासच आहे. पण बातमी झक मारेल इतक्या प्रतिक्रिया भारी आहेत. मुतपीठसारख्या^१ एकदम! पहिली justine या आयडीने लिहिलेली प्रतिक्रिया मार्मिक आहे सर्वांत. ती वाचून मोकलाया दाही दिश्याची आठवण येते.bb या आयडीने लिहिलेली प्रतिक्रियाही त्याच ताकदीची आहे. हास्याचा हापटबार अन भूसनळा पेटेल इतकी सामग्री आहे बाकी प्रतिक्रियांतही.

^१हा राष्ट्रवादी स्लिप नाही. तोच खरा पाठ आहे असे कुठेसे वाचले होते ;)

भारीच!!!

उत्तम लेख.
असेच अधिक दुवे येथे द्यावेत ही विनंती.

याचा दुसरा अर्थ वाढत्या लोकसंख्येला पुरेल इतके कन्व्हेन्शनल अन्न निर्माण होणार नाही असे यूएनला वाटते असा घ्यावा काय

बातमी परवाच DNA मधे वाचली होती.
मात्र त्यात असे म्हटले होते की आफ्रिकेतील काहि देश तसेच काहि आशियायी देशांतील मंडळींचे हे "किडे"च कन्व्हेन्शनल अन्न आहेत. ते मुंग्यांची अंडी, मुंग्या, मुंगळे, नाकतोडे, काहि टम्म प्रोटिनयुक्त अळ्या वगैरे वर्षानुवर्षे खात आले आहेत. उलट अश्या लोकांना धान्ये किंवा ब्रेड असले फॉरेन फुड देण्यापेक्षा हे पाऊल योग्य वाटते.

अंदमानातील जारवा मंडळींनाही आपले खाणे देऊ नका असे सांगितले जाते. तिखट व मीठाची त्यांच्या पोटाला सवय नसल्याने त्यांची पोटे बिघडतात असे कारण आम्हाला सांगण्यात आले होते

या बातमीचं शीर्षक थोडं सनसनाटी बनवल्यासारखं वाटलं. बातमीमधे प्रथिनं, कॅल्सियम आणि लोह यांचं किड्यांमधलं प्रमाण किती हे दिलेलं आहे. या बातमीतलीच काही वाक्यः

... over 2 billion people worldwide already supplement their diet with insects.
The authors point out that insects are nutritious, with high protein, fat and mineral content.

बहुतेक धान्यातून पुरेशी प्रथिनं, कॅल्सियम आणि लोह मिळत नाही. या महत्त्वाच्या घटकांची आहारातली कमतरता हा काळजीचा विषय असावा.

असा सल्ला देणार्‍या त्या यू एन वाल्याला "तुमच्या तोंडात किडे पडोत" म्हटल्यावर तो आनंदून जात असेल काय?

खालील दुव्यावरील विश्लेषणानुसार हे बॉँड्स सध्या तरी किरकोळ गुंतवणूकदारांना घेता येणार नाहीत असे दिसते आहे.

http://economictimes.indiatimes.com/personal-finance/inflation-indexed-…

या विश्लेषणानुसार आणखी एक गंमत उघड होत आहे ती म्हणजे ज्या महागाईदराशी ह्या बाँड्सचा व्याजदर निगडित आहे तो सामान्य गुंतवणूकदारांसाठी अत्यंत हास्यास्पद दिसतो आहे. सुरुवातीला हे बाँड्स फक्त गुंतवणूक कंपन्यांना उपलब्ध असतील व किरकोळ गुंतवणूकदारांना नंतर उपलब्ध केले जातील.

हजारो-लाखो सफाई कामगार जर असच म्हणू लागले तर कसे वाटेल?

"पोटासाठी किळस बाजूला ठेवणे वगैरे ठीक आहे. 'नो वर्क इज इन्सिग्निफिकंट. ऑल लेबर दॅट उपलिफ्ट्स ह्युमॅनिटी हॅज डिग्निटी अ‍ॅन्ड इम्पॉर्टन्स अ‍ॅन्ड शूड बी अंडर्टेकन विथ पेन्स्टेकिंग एक्स्लेन्स' हेही ठीक. पण म्हणून हे"

दुसर्‍या बातमीत फार काही घाणेरडं वाटलं नाही. टॉयलेट बोलच्या आकाराबद्दल ब्रिटीश विरूद्ध अन्य युरोप अशी भांडणं ऐकून झालेली आहेत. (ब्रिटीशांना रोज सकाळी स्वतःच्या बुडावर पाणी उडवायला आवडतं आणि अन्य युरोपीय लोकांना विष्ठा निरखून बघायला आवडते.) स्वतःची विष्ठा पहावी, त्यातून आरोग्याबद्दल माहिती समजते वगैरे गोष्टीही ऐकून झालेल्या आहेत.

वीसेक वर्षांपूर्वी आजोळी (कर्जतच्या आजूबाजूच्या भागात) बरेच बायोगॅस प्लँट दिसायचे. आजोबांकडेही होता. तो बंद पडला. कशामुळे, का माहित नाही. सगळीकडूनच ते गायब झाले. चुलीत लाकडं जाळण्यापेक्षा ते उपयुक्तही होते. घाण येत नसे आणि त्यातून बाहेर पडणारा घनपदार्थ शेतात ओतला जात असे.

एकोणिसाव्या शतकात टॉमस क्रॅपर नावाच्या माणसाने स्वच्छताकुंडाला फ्लेिमगोच्या मानेसारखी नळी जोडली.

हे आडनावही अगदी ठरवून घेतल्यासारखं आहे.

दुसरा लेख वाचताना प्रयत्नपूर्वक किळस बाजूला ठेवली आणि अशा लेखांमध्ये नेहमीच दिसणार्‍या "मॅजिकल थिंकिंग"ने नेहमीप्रमाणे मनोरंजन झाले.

त्यातला मळ सुकवून त्या गोवऱ्या मग मायक्रोवेव्ह भट्टीत भाजल्याही जातात. त्या प्रक्रियेत कार्बन मोनॉक्साईड आणि हायड्रोजन यांचं मिश्रण मिळतं. ते वापरून वीज निर्माण करता येते. त्यासोबत बाहेर पडणारी उष्णता नवा मळ सुकवते. तयार झालेली वीज या यंत्रणेतली मायक्रोवेव्ह चालवते. मळाचा पुरवठा अखंडित असला तर हे शौचकूप स्वत:च्या पायांवर उभं राहायला समर्थ बनतं.

दुसऱ्या क्रमांकावरच्या लावबरा या ब्रिटिश विद्यापीठाने मलमूत्र र्निजतूक करायला ते मिश्रण एका टाकीत मोठय़ा तापमानाला, प्रचंड दाबाखाली भाजलं. मग एकाएकी त्यावरचा दाब कमी केला. त्यामुळे त्यातले वायू आणि द्रवपदार्थ वेगळे झाले. ते वायू शास्त्रज्ञांनी त्या टाकीतलं पुढलं मिश्रण तापवायला वापरलं. उरलेल्या द्रवातूनही त्या सगळ्या प्रक्रियेला पुरून उरेल इतका इंधनवायू(मीथेन) मिळाला.

कॅलिफोíनयाच्या शास्त्रज्ञांनी सौरऊर्जेचा वापर करून विष्ठेवर प्रक्रिया केली. त्यातून हायड्रोजन आणि क्लोरिन यांचं उत्पादन झालं. क्लोरिनने लघवी र्निजतूक करून मग तीच शौचालय धुवायला वापरता आली. हायड्रोजनचं इंधन झालं; त्याने रात्री आणि झाकोळलेल्या दिवशी जेव्हा सौरऊर्जा नसते तेव्हा वीज मिळाली; जेवणही शिजलं. हायड्रोजनच्या उत्पादनामुळे या पद्धतीचा खर्च भागून वर पसे हातात खुळखुळतील, स्वच्छता फुकटात पडेल अशी शास्त्रज्ञांची अटकळ आहे.

एन्ट्रॉपी नामक प्रकार नष्ट करण्यात या शास्त्रज्ञांना यश आलेले दिसतेय.
असो.
पहिला लेख वाचताना किळस बाजूला ठेवली नाही. वाघ जंगलातच जाऊन का पाहायचा असतो या लोकांना? अनेक प्राणिसंग्रहालयांमध्ये अगदी वाघाबरोबर बसून फोटो काढायची सोय असते. तिकडे जावे.
शिवाय फोटोग्राफी (विशेषतः वाईल्ड लाईफ फोटोग्राफी) हा एक नवा संसर्गजन्य लाईफस्टाईल रोग असल्याचे जाहीर केले जावे असे वाटते.

राय यांची मुलाखत वाचली होती.

त्यांनी आपल्या कार्यक्षेत्राबाहेर नक्कीच पाऊल टाकले. आज मुलाखतीत ते म्हणतात की आम्ही लिलावच करायला हवा होता असं म्हटलं नाही. पण नंतरच्या (वेगळ्या स्पेक्ट्रमच्या) लिलावाच्या आधारे २जी स्पेक्ट्रमचा लिलाव केला नाही म्हणून अमुक इतके नुकसान झाले असा अनावश्यक निष्कर्ष काढला. त्यातही नुकसानीची रक्कम वाढवून दाखवली.

ज्या अर्थी सरकारने ३जी साठी लिलाव केला त्या अर्थी फर्स्ट कम पॉलिसी इनएफिशियंट आहे हे सरकारने जाणले/मानलेच होते. त्यामुळे जुन्या पॉलिसीमुळे झालेला काल्पनिक लॉस काढणे अनावश्यक होते. (नव्या पॉलिसीपेक्षा जुनीच पॉलिसी चांगली/एफिशियंट असती तर असा लॉस काढला असता तर चालले असते).

The 2G scam is about favouritism in allocating licences, not about loss to the exchequer.

समजा मला दिसते आहे की एका पॉलिसीमुळे नुकसान होते आहे. पण तरी मी आता ती बदलणारच नाही कारण जरी मीच पुढाकार घेऊन ती बदलली तरी उद्या नव्या पॉलिसीच्या आधारे कोणीतरी माझ्यावर दोषारोप करू शकेल.

अवांतर: बोफोर्स तोफा वाईट होत्या असा अहवाल देणारे कॅग टी एन चतुर्वेदी यांना पुढे राज्यसभेचे खासदारपद मिळाले.

[कॅगने नोशनल लॉसची फिगर काढली. भ्रष्टाचार झाला असे म्हटले नाही हे खरे आहे. १.७६ लाख कोटी रु खाल्ले हा निष्कर्ष मीडिया आणि विरोधी पक्षाने (मोटा माल) काढला. पण कॅगने हा खुलासा करण्याची तसदी घेतली नाही].

लैंगिक छळाचा आरोप एका आय-गेट मधील स्त्री-कर्मचार्‍याने केला आहे व त्याचा तपास चालु आहे. मात्र, सध्या चालु असलेल्या तपासामध्ये लैंगिक छळ केल्याचे अजून तरी स्पष्ट झालेले नाही. त्यांची हाकालपट्टी लैंगिक छळासाठी झाली नसून आय-गेटला त्यांनी आपल्या दुसर्‍या कर्मचार्‍याशी असणार्‍या नात्याची माहिती दिली नसल्याने झाली आहे असे त्या कंपनीच्या पत्रकात म्हटले आहे.

श्री मूर्ती म्हणतात की जर ही -लैंगिक छ्ळवणूकीची - केस कोर्टात आली तर ते ती लढणार आहेत कारण त्यांनी त्या आरोपांचे सपशेल खंडन केले आहे.

संबंधित बातमीचा दुवा द्यावा.

यासंबंधात 'द प्रॉमिस ऑफ अ प्रॉमिस' हा लेख वाचा.

डाकीण काढणे, चेटकीण जाहीर करणे असे प्रकार आपल्या देशातही आहेत. मोठ्या प्रमाणात. विशेषतः आदिवासी समुदायांमध्ये. त्यामागे श्रद्धा-अंधश्रद्धा जशा आहेत, त्याचप्रमाणे त्याच्याही मागे सामाजिक, राजकीय कारणे (सत्तासंघर्ष) दडलेली आहेत. तसे काही अभ्यासही झालेले आहेत.

मजेशीर आहे.

लग्न हे प्रकरण ओव्हररेटेड आहे याच्याशी सहमत

मलयाळम मधला पहिला माहिती असलेला शिलालेख इ.स. ८०० नंतरचाच आहे. हे दक्षिणेकडचे लोक सर्कारमागे भुंगा लावून लावून मागण्या मान्य करून घेतात आणि आपण करत नाही इतकाच काय तो फरक आहे. बरं उद्या मराठीला हा दर्जा मिळाला तर हे लोक नक्की "क्या उखाड लेंगे" काय माहिती.

हा तो कोल्हटकरांचा लेख. या लेखातलंच एक वाक्यः
ही वा ती भाषा ’अभिजात’ आहे असे ठरविण्याचा कोणताच अधिकार केन्द्र सरकारकडे घटनेनुसार वा कायद्यानुसार नाही आणि कोणत्याहि सरकारी घोषणेमध्ये अशा अधिकाराचा स्पष्ट उल्लेख नाही

बातमीत एक वाक्य आहे:
As classical language, major benefits would accrue to Malayalam. This includes announcement of two major annual international awards for scholars of eminence in classical Indian languages.

हे पुरस्कार नक्की कोण देणार? आणि कोणत्या सरकारने अशी घोषणा केल्यास जागतिक स्तरावर, अभिजन, अभ्यासकांकडून, त्याला कितपत मान्यता मिळते?