पुस्तक परिचय - द बॉय इन द स्ट्राइपड़ पायजमाज

गेल्या वर्षी वाचलेलं, आवडलेलं, व्याकुळ करणारं आणि माणसाच्या अगम्य इच्छापूर्तीविषयी विचार करायला लावणारं हे पुस्तक ---

द बॉय इन द स्ट्राइपड़ पायजमाज
अनुवादक : मुक्ता देशपांडे - मूळ लेखक : जॉन बायेन

"ब्रूनोच्या पोटात एक कळ उठली. आतमध्ये, अगदी खोल मोठी खळबळ माजली आहे, हे त्याला जाणवलं... हे जे चाललं आहे; त्याचे परिणाम भविष्यकाळात कुणाला न कुणाला भोगावे लागणार आहेत हे जगाला मोठ्यानं ओरडून सांगावसं त्याला तीव्रतेनं वाटलं. ही गोष्ट दुसर्‍या महायुद्धाच्या सुमाराची, जर्मनीत घडणारी. या युद्धाचे जगावर झालेले भीषण परिणाम आपल्याला माहीतच आहेत; परंतु या युद्धाशी निगडित छोट्या छोट्या गोष्टींनी एका लहान मुलाच्या भावविश्वात किती मोठी उलथा-पालथ झाली त्याची ही गोष्ट. ही संपूर्ण कहाणी ब्रूनो या नऊ वर्षाच्या मुलाच्या नजरेतून आपल्यापुढे उलगडत जाते."