Flyby of Asteroid 2012 DA14

महत्त्वाची माहिती. सकाळमधील ही बातमी पुढिल महत्त्वाची माहिती देते

आज मध्यरात्री 2012 डी.ए. 14 पृथ्वीजवळ येत असला, तरी तो नुसत्या डोळ्यांनी दिसू शकणार नाही. मात्र बायनॉक्‍युलर किंवा छोट्या दुर्बिणीतून त्याला पाहता येईल. आज रात्री 11.30 वाजता पुण्यापासून 48,700 कि.मी. अंतरावर असेल व त्या वेळी तो नरतुरंग तारकासमूहात असेल. तेथून तो वासुकी मार्गे कन्येत जाईल. रात्री 1 वाजता तो कन्येत असून, आपल्यापासून 28,829 कि.मी. उंचीवर असेल. या वेळी त्याची तेजस्विता 7.1 असल्याने तो बायनॉक्‍युलरमधून दिसू शकेल. पुढील तासाभरात लघुग्रह अरुंधती केश (कोमा बेरेनिसेस), श्‍याम शबल (केन्स वेनाटिसी) मार्गे पहाटे 2.30 वाजता सप्तर्षीमध्ये जाईल. आता त्याचे तेज मंद होत जाईल, कारण तो सेकंदास 8 किलोमीटर वेगाने आपल्यापासून दूर जात आहे. दुर्बिणीतून त्याला सहज टिपणेदेखील अवघड ठरेल. कारण तो अवघ्या एका मिनिटात 0.8 अंश (पाऊण चंद्र) एवढे अंतर पार करणार आहे.

अपेक्षित माहिती अपेक्षित व्यक्तीकडून....
छान माहिती व छान दुवे दिले आहेत नाईल्या. (निळोजीराव म्हणायचा मोह आवरतो ;) )

या धाग्यावर अजून आदितीचे आगमन कसे नाही झाले? तिच्याकडून वैज्ञानिक बाबी अधिक चांगल्या समजून घेता येतात.
लघुग्रहाची कक्षा पाहता नाईल्या आणि आदिती तुम्हा दोघांना फोटो घेता येतील की नाही माहिती नाही. पण भारतातून दुर्बिण वापरणार्‍यांना ही एक मोठी पर्वणी असणार आहे.

उपग्रहांची (म्हंजे आपले सॅटेलाईट्स) कक्षा छेदून पृथ्वीच्या एवढ्या जवळून जाणारा हा लघुग्रह म्हणजे एक दुमिळ योग आणि संधी आहे हे नक्की. वर ऋ ने माहिती दिल्याप्रमाणे लघुग्रहाचा एक देखणा प्रवास अवकाशप्रेमींना पाहता येईल. मध्यरात्री एक वाजायच्या अगदी काही मिनिटे अगोदर हा लघुग्रह पृथ्वीच्या सर्वात जवळच्या म्हणजे २७,७०० किलोमीटर इतक्या अंतरावर आलेला असेल. उपग्रहांची कक्षा ३५,००० किलोमीटर्स पर्यंत असते. कोणत्याही उपग्रहाला नुकसान होणार नाही याची अपेक्षा आहे. उपग्रह हे पृथ्वीवरुन नियंत्रित करता येतात त्यामुळे संभाव्य धोक्याची त्या त्या देशातील उपग्रह केंद्रांनी आवश्यक ती खबरदारी घेतलेली असावी. पृथ्वीच्या गुरुत्त्वाकर्षणाचा परिणाम होऊन हा लघुग्रह पृथ्वीच्या कक्षेत खेचला जाणार नाही हे शास्त्रज्ञांनी अगोदरच तपासून पाहिले आहे. त्यामुळे अर्थातच आपल्या सजीवसृष्टीची कोणतीही हानी होणार नाही.

समजा हा लघुग्रह पृथ्वीवर आदळला असता तर एक मोठे शहर नष्ट करण्याएवढी ताकद या लघुग्रहात होती एवढे समजले म्हणजे पुरे. एका संभावित संकटातून वाचल्याचा आनंद पृथ्वीवासीयांनी मनोमन करायला हरकत नाही :)

रिअल टाईम ऑनलाईन लिंक्स करता इथे पहा: http://earthsky.org/space/watch-february-15-asteroid-flyby-online-in-re…

रशियातील चेल्याबिन्स्क येथे अचानक झालेल्या उल्कावर्षावाने जवळपास ५०० लोक जखमी झाल्याची बातमी आहे.

हा एक व्हिडिओ
https://www.youtube.com/watch?v=xZFMbRFuyBA

हा दुसरा व्हिडिओ - यात स्फोट आणि आवाज यांच्या तीव्रतेमुळे हा वर्षाव केवढा जोराचा होता हे लक्षात यावे.
https://www.youtube.com/watch?v=QaKODxD2JOE

आज रात्री पृथ्वीजवळून जाणार्‍या लघुग्रहातून अशा उल्कावर्षावाची अर्थातच अपेक्षा नाहिये. पण काही सांगता येत नाही.
पृथ्वीच्या गुरुत्त्वाकर्षणाने उपग्रहाचे काही तुकडे पृथ्वीने आपल्याकडे खेचू नये एवढेच

खतरनाक प्रकरण असतं बाकी हे आकाशनिरीक्षण म्हणजे. एकदा राजगडावर भर रात्री चढाई केली होती तेव्हा मीटिऑर शॉवर्स दिसलेल्या त्याची आठवण झाली.

अवांतरः माणूस चंद्र/मंगळावर कधी जाणार रहायला? स्टार वॉर्स वगैरे प्रत्यक्षात आले तर कस्ली मजा येईल.

फेसबुकावर हे दिसलं

अ‍ॅस्टेरॉइडचा व्हिडियो:
http://apod.nasa.gov/apod/astropix.html
त्यात एक बारीकसा ठिपका, तार्यांच्या पार्श्वभूमीवर, उजवीकडच्या खालच्या कोपर्यातून डावीकडच्या वरच्या कोपर्याकडे जाताना दिसेल.

दुपारी १२ च्या सुमारास जेव्हा नासाच्या लाईव्ह ब्रॉडकास्ट मध्ये बेट्याला पाहिला तेव्हाच जाणवलं होतं की हा काही आपल्या तावडीत येईल असे वाटत नाही. आमच्याकडे संध्याकाळ होईतो तो बराच लांब आणि अंधुक झालेला होता (मॅग. १०+) शहरापासून दूर जाऊन बघुया असं म्हणून तासभर 'ड्राईव्ह' करून डोंगरावर गेलो. भयानक थंडीमुळे (शून्याखाली २ डीग्री!) आमची बोबडी वळाली तरी एक तास दोन तास थरथरत्या हाताने प्रयत्न गेला. पण हजारो ठिपक्यांमध्ये (आमचे थरथरणे वजा करूनही) हलणारा ठिपका काही दिसला नाही. पण टेलिस्कोप बाहेर काढलाच होता, तो तसाच परत कसा ठेवणार? पुन्हा घरी आलो, मित्राच्या घराच्या मागील बाजूस टेलिस्कोप लावला आणि झालेल्या चरफडीची भरपाई करण्याचा प्रयत्न केला.

यावेली ओरायन नेब्युला आयताच सापडला.

(एक्स्पोझर ७ सेकंद, आय एस ओ ६४००)

शिवाय हबल टेलिस्कोप डोक्यावरून जाताना अगदी स्पष्ट (योगायोगाने, हबल एक पृथ्वी प्रदक्षिणा ९५ मिनिटांत पुर्ण करतो!) दिसला आणि विकांताचे सार्थक झाले.