वेडी आशा अनुदानाची -
विदेश
आशा मोठी वाईट असते
कुणालाच ती सोडत नसते -
पाऊसधार भुलवुन जाते
धरा कोरडी पहात असते...
गोठ्यामधली वैरण संपुन
गुरेढोरे विकून झाली -
डोळ्यामधल्या पाण्यामध्ये
शिळीच भाकर भिजून गेली...
दुष्काळाचे पडता सावट
शासन सारे झोपी जाते -
बळीराजाची वेडी आशा
अनुदानाची वाट पहाते !
.
अनुदान म्हणजे
अनुदान म्हणजे मला आधी संशोधनासाठीचे अनुदान वाटले (रिसर्च ग्रँट). आजकाल संशोधनाकरिता अनुदाने मिळवायची आशा सुद्धा बरीच व्याकूळ असते.