देव वाटला- असुर निपजला !!
विदेश
धर्म लाज संस्कार शरम
सोडुन बनला कसा नराधम -
फासुन व्यवसायास काळिमा
पैसा-पैसा करसी अधमा !
अर्भक दिसले- शस्त्र उचलले
माणुसकीचे नांव न उरले !
जिरला टाहो गर्भातच तो
माउलीस ना पान्हा फुटतो -
स्त्रीभ्रूणहत्या नित्य करावी
कशी कळावी मातृथोरवी !
धन्य होतसे का तव माता -
कृष्णकृत्य तव तिजला कळता ?
म्हणेल माता नक्की तुजला,
देव वाटला- असुर निपजला !!
भेदक कविता.
भेदक कविता.