धुकं......... (१)
धुकं
आता फक्त एवढंच कर
उचलून घे पापण्या अलगद
येऊ दे हलकी तिरीप प्रकाशाची
तेवढ्याच त्या दोन झरोक्यातून .
आणि त्या चिमटीभर उबेने
विरघळेल बघ
दाटलेलं धुकं
तुझ्या माझ्यातलं .
ज्या धुक्यालाच
अजाणतेपणी
समजत होतीस
अंतर तुझ्या माझ्यातलं .
मग कर ना बस एवढंच आता
उचलून घे पापण्या
एवढ्याशाच का होईना .
आणि टाक विरघळवून
सारचं सारं ...तुझ्या माझ्यातलं ..!!!
प्रतिक्रिया
धुक्याची उपमा कुठल्या अर्थी
धुक्याची उपमा कुठल्या अर्थी वापरली आहे ?
....
धुकं = गैरसमज?
धुकं = गैरसमज?
@सारीका : कवी अथवा लेखक आपली
@सारीका : कवी अथवा लेखक आपली रचना लिहून ती लोकांना अर्पण करून टाकतो , मग ती रचना त्याची नसते आणि वाचणाऱ्याला संपूर्ण मुभा असते त्या शब्दांचे त्या वाक्यांचे अर्थ त्यांच्या परीने काढण्याचे . जेवढे वाचणारे तेवढे अर्थ निघू शकतात . कधीकधी तर परस्पर विरुध्द सुद्धा .
तर असो .
जे उत्तर सारीकाला दिले तेच
जे उत्तर सारीकाला दिले तेच तुम्हाला ही देते
.
कवी अथवा लेखक आपली रचना लिहून ती लोकांना अर्पण करून टाकतो , मग ती रचना त्याची नसते आणि वाचणाऱ्याला संपूर्ण मुभा असते त्या शब्दांचे त्या वाक्यांचे अर्थ त्यांच्या परीने काढण्याचे .
जेवढे वाचणारे... तेवढे अर्थ निघू शकतात . कधीकधी तर परस्पर विरुध्द सुद्धा .
आणि धुक्यापर जाऊ शकत असाल तर जा ..तिथे तुम्हाला तुमचे उत्तर सापडेल.
कविते मध्ये दोन अधिक दोन चार नसतात .
तर असो .
मी फक्त शंका विचारली होती.
मी फक्त शंका विचारली होती. असो...
....
भावकविता
कविता आवडली, विशेषतः 'चिमटीभर उबेने' ही प्रतिमा.
)
कविता आवडली
कविता आवडली
.
सुंदर...
सुंदर आहे कविता... छान...
- सुमित
"दिसे जे कवीला,न दिसते रवीला...सांगूनी गेले कुणीसे शहाणे..."
धुकं......... (१)
सुंदर...!!
चन्द्रशेखर केशव गोखले