भवताल निनादत होते
शब्दांचे इमले रचता
रचता मी इथवर आलो
पण वीट वीट कोसळता
नि:शब्द, खोल मी उरलो
त्यावेळी जखमी अवघे
भवताल सोबती होते
विझत्या शब्दांच्या संगे
झिन झनन निनादत होते
शब्दांच्या विझत्या ज्योती
उतरती गडद डोहात
तरि नाद कुठुन हे येती
जणु पैंजण रुणझुणतात
-मी काठावर, की मीच खोल डोहात?
-की रुणझुणतो मी, पैंजण होऊन त्यात?
प्रतिक्रिया
-मी काठावर, की मीच खोल डोहात?
-मी काठावर, की मीच खोल डोहात?
वाह्!!!
May, मला पडलेला प्रश्न्..
...तुम्हाला भावला, धन्यवाद !