बागकामप्रेमी ऐसीकर : २०१६ धागा - ३

अनंताला शुभ्र सुवासिक फुले असतात का? आई मुंबईला माझ्या कॉलेजमध्ये यायच्या तेव्हा माळ्याला थोडे पैसे देऊन, गोड बोलून एखादं रोप उपटायच्या (= मिळवायच्या, साध्य करायच्या). मला आठवतं त्याप्रमाणे ते अनंताचेच रोप होते.

गच्च मोगराच मस्त असतो.

मोगर्‍याचा हार? गजरा ओ गजरा. मोगरा देवावरती (अधिभौतिक) वेस्ट करण्याची चीज नाय

आह्हा! सुंदरच.
___
ही जाई आहे ना च्रटजी? जाई-जुई त फरक काय कोण जाणे.

ही जुई.. बरोबर ना?

कुंदा म्हणजेच जुई का?

सुंदर फोटो आहेत.

ओह सो क्युट. कसले ताजे दिसतायत सगळे. थांब आईनी लावलेल्या रोपांचा मीही फोटो टाकते. गवती चहा वेडा झालाय नुसता. इतका भरभरुन फुटलाय.

अरे वा ! तुमची बाग चांगली फळतीय आणि फुलतीय की ...
शुभ्रं फुले खूप छान दिसतायत.
आणि या वेळी दुप्पट पीक .. दोन भेंड्या दिसतायत .

या वांग्यांची भजी सुद्धा चांगली लागतात .

गवती चहा उकळताना त्यात थोडी काळी मीरी आणि लवंग घातले तर चांगला स्वाद येतो. आणि गवती चहा औषधी पण आहे. अधुनमधुन प्यायला काहीच हरकत नाही.

आता भरभरून चेरी टोमॅटो यायला सुरुवात झाली आहे. एका स्नॅकची सोय सुटेल इतके टोमॅटो एकाच झाडाला आहेत.

पण वांग्याच्याच काय, कोणत्याही पाककृती मला विचारू नका. आणि घेवडा, फरसबी, चवळी वगैरे लावायला सांगू नका. घेवडा खाण्यापेक्षा मी सुरमईचं झाड लावून सुरमई खाईन. चवळी दोन वर्षांपूर्वी लावली होती, पण त्याचा पाला पहिल्यांदा खुडला तो छान लागला, नंतर फार चोथट लागला. त्यामुळे चवळी बंद केली. ज्या भाज्या खात नाही, खायला किंवा करायला आवडत नाहीत त्या लावणं फुकट जाईल.

कालच शेजारची भारतीय बाई भेटली होती. ती मागच्या वेळेस भेटली होती तेव्हा तिला आणि तिच्या धाकट्या मुलाला सगळ्या भाज्या दाखवून झाल्या होत्या. टोमॅटोचं एक आणि भेंडीचं एक झाड घराच्या पुढच्या बाजूला आहे. काल ती म्हणाली की, तिची दोन्ही पोरं जातायेता बाहेरच्या बाजूच्या झाडाला टोमॅटो लागले आहेत का, आणि फुलं कोणती फुलली आहेत हे बघत जातात. एकंदरच घरासमोरून जाणारे-येणारे फुलझाडं बघत जातात असं दिसतं. त्यामुळे पुढच्या बाजूचा गवताचा एक भाग ताब्यात घेऊन तिथे समोर फुलझाडं आणि मागच्या बाजूला भाज्या लावायचा इरादा आहे. घरातला तोच एक भाग आहे जिथे दिवसभर ऊन येतं. त्यामुळे येत्या हिवाळ्यात त्या भागातलं गवत काढणं, तिथे चांगली माती, कंपोस्ट आणून टाकणं आणि पानं/खोडांचं आच्छादन लावणं असं काम असणार आहे.

एरवी हात खराब करण्याची संधी मिळाली तरी हौस नसते. बागकाम हा अपवाद. हा किडा डोक्यात सोडण्याबद्दल रोचनाचे आणि फोनवर बोलून प्रोत्साहन देणाऱ्या रुचीचे अनंत आभार. हां, येत्या वसंत ऋतूत अनंताचं झाड लावण्याचाही इरादा आहे.

केशराचे कांदे कुठे मिळतात? आमच्याकडच्या उन्हाळ्यात ते टिकणार नाहीत ह्याची खात्री आहे, पण भोचकपणाची सवय सुटत नाही.

टॅपियोका?

प्लॅस्टीक च्या कुंडीत. कुंडीसकट नर्सरीतुन आणल्यामुळे तसेच ठेवले.

अय्यो. उन्ह अजिबातच नाही येत बाल्कनीत (म्हणजे आधी इतकं यायचं की वाळत घातलेले कपडे विटायचे, म्हणून अता छ्प्पर केलंय.) आणि हो तुम्ही म्हणताय तसं ते एक चिनीगुलाबाचं रोप नेभळट दिसतंय - पानांचा रंग पण उडाल्यासारखा पोपटी दिसतो - बघतो उन्हात ठेऊन.
व्हर्बिना गुगलून पाहिला, थोडं तसंच आहे पण अगदी तसं नाही पण पोटजात वगैरे असावी त्याचीच. मी फोटो टाकेनच.
धन्यावाद माहितीबद्दल. (त्या नर्शरीवाल्याचा मुडदा बशिवला - म्हणे बारा महिने फुलतात चिनीगुलाब- उन-वारा काय लागत नै - हलकट!)

माझ्याकडे पोर्च्युलाका आहे मग... दाट पाकळ्यांच्या समूह असलेला.

माझ्याकडचं व्हर्बिना जरा वेगळा आहे. एक फोटो सापडला मोबाईल मधे, फार क्लिअर नाहिये पण कल्पना यावी इतपत बरा आहे.

भारीच... नक्की करेन असं. बहूत बहूत धनवाद अचरट साब

फोटो दिसत नाही. वर 'अचरट' यांचे फोटो पण दिसले नाहीत.

मलाही दिसत नाहीयेत
- चिनी गुलाब पहाण्यास उत्सुक शुचि

घराच्या प्रवेशद्वाराशी एखाद्या उंच मडक्यात...

घराच्या प्रवेशद्वारातच उंच मडकं टांगणार?
छान, चांगला शकुन आहे!!!

मनी प्लांट सावलीत वाढतं, थंडीचं माहिती नाही.

नागवेल.

पानं फुटली की रत्ना यांची 300 जाफरानी पत्ती स्पॉन्सर केली जाईल.

अचरटजी इथे मी अशी हँगिंग रोपे पाहीलेली आहेत पण ती अतिव नाजूक पाना-फुलांची असतात म्हणजे इतकी की किंचित वार्‍याच्या झुळकीनेही डहुळतात. अशी चिमुकली फुले, पाने असलेली रोपे लावुन पहावीत असा (अनाहूत) सल्ला देते. तुम्हाला ग्रीन थंब असल्याने पहीली रोपे काढून (अन्यत्र लावुन) त्या जागी नाजूक रोपे लावणे व ती फुलविणे तुम्हाला शक्य आहे. आमच्या डाऊनटाऊनच्या रस्त्यावरील रोपांचे हे फोटो-

.

निळ्या पांढऱ्या कुंडीत कसली झाडं आहेत? छान दिसत आहेत. असं एखादं झाड दरवाजाशी लावायला मला आवडेल.

एनपीके १९:१९:१९ किंवा १०:१०:१० जे काही मिळेल ते विरघळणारे खत आणा. अर्धा चमचा पाण्यात विरघळुन महिन्यात एकदा घाला. आत्ता घातलेत तर १५ दिवसात फरक दिसेल.
वाटल्यास अर्ध्या चमच्याचे पण २ भाग करा ( पाव चमचा ) आणि एक-एक आठवड्याच्या अंतरानी घाला पाण्यात विरघळवुन. तुळस असल्यामुळे स्प्रे करता येणार नाही.

थेट खोडावर हे खत घालु नका, खोडापासुन ५-६ सेंटीमिटर अंतर सोडुन मातीत घाला.

जमले तर नर्सरीतुन चांगली माती आणुन कुंडीत घालुन हलक्या हातानी दाबुन घ्या.

-----
कर्वेनगर मधे एक दुकान आहे तिथे तुम्हाला ही खते कमी क्वांटीटीत मिळतील. मिनरल्स पण मिळतात तिथे.
अलंकार पोलिस चॉकीजवळ समर्थ अ‍ॅग्रो नावाचे छोटे दुकान आहे.

फक्त पानांसाठी झाडं वाढवणं सोपं असतं. त्यांना चार गोष्टी पुरतात; सूर्यप्रकाश, पाणी, मातीतले कार्बन आणि नत्र. त्यासाठी रासायनिक खतं वापरायची नसतील तर वापरलेली चहापूड-कॉफी, भाज्या-फळांचे उरलेले तुकडे ह्या गोष्टी थेट मातीतही मिसळता येतील; किंवा कंपोस्टचा थर कुंडीत घालता येईल.

कुंडी पुरेशी मोठी असेल तर ह्या चार गोष्टींमुळे तुळस टकाटक वाढेल.

म्हणुनच मी तुमच्या आधी प्रतिसाद देऊन घेतला.

छान आहे ते गाणं