'बॅंग बँग' अर्थात् 'संगीत डोक्याला शॉट'

हे प्रकरण परवाच पाहाण्यात आलं. आमचं कुटुंब हृतिक रोशनचं प्रचंड फ्यान असल्यानं जाणं भाग होत. त्यामुळे 'आज आपल्याला हे सहन करावं लागणार आहे' या विचाराने आणि जरा धडधडत्या हृदयानेच थेटरात प्रवेश केला. बाकी ज्यांनी हा सिनेमा पाहिलेला नाहीये पण पाहाणार आहेत, त्यांनी पुढे वाचू नये कारण गोष्ट उघड होते वगैरे....

सिनेमा सुरु होतो लंडनमधे. तिथे ओमार झफर (डॅनी) नावाच्या टकल्या व्हिलनला (जो इंटरपोलच्या लिस्टमधला सगळ्यात खूंखार दहशतवादी आहे) एमआय६ ने पकडून ठेवलंय आणि त्याला भेटायला कर्नल वीरेन (की कायतरी) नंदा नावाचा जाँबाज भारतीय मिलिटरी ऑफिसर (जिमी शेरगिल) फुल आर्मी फटिग्स मधे येतो (माझ्या माहितीप्रमाणे हा पोशाख फक्त युद्धभूमीवर वापरतात. एरवी साधा ड्रेस युनिफॉर्म असतो) आणि झफरला सांगतो, की आता आपण अशी एक एक्स्ट्रॅडिशन ट्रीटी साईन करणारे की कुठलाही गुन्हेगार कुठूनही ७२ तासांच्या आत भारतात घेऊन जाता येईल त्यामुळे तिहार जेल आणि फासी के फंदे के लिये तयार रहा वगैरे. ही ट्रीटी कोणाबरोबर साईन होणार आहे हे शेवटपर्यंत गुलदस्त्यातच राहातं. मधेच त्या कर्नल नंदाला त्याच्या आईचा वगैरे फोन येऊन जातो. 'तू स्वेटर घातलायस ना रे बाळा?' वगैरे चौकशी ती माऊली अगदी आस्थेने करते आणि जिमी शेरगिल त्याला जमेल तितकं ओशाळण्याचा प्रयत्न करुन त्याच्यासोबत असलेल्या ब्रिटिश ऑफिसरकडे पाहातो. तितक्यात इमारतीच्या छतावरून काळ्या कपड्यातली ७-८ माणसं दोर्‍या लावून खाली येतात आणि जोरदार लाथांनी इमारतीची जाडजूड काच फोडून एम आय ६ च्या सगळ्यात सुरक्षित (!) इमारतीत प्रवेश करतात (कसलं सोप्पंय ना?). मग धडाधड गोळीबार करून मॉलमधल्या सिक्युरिटी गार्डसारख्या दिसणार्‍या एम आय ६ च्या सगळ्या एजंटांना यमसदनी धाडतात आणि डॅनीला जिथे ठेवलेलं असतं तिथे प्रवेश करतात. मग त्यांचा म्होरक्या हमीद गुल (जावेद जाफरी) तिथे प्रवेश करतो आणि डॅनीला बंदूक देतो. डॅनी जिमी शेरगिलला मारून टाकायच्या आधी नेहेमीच्या प्रथेने 'अर्घ्यं समर्पयामि, पुष्पं समर्पयामि' च्या चालीवर 'मी तुला मारत आहे' छापाचे डायलॉग बोलतो. मग जिमी शेरगिलही 'डोळे बघ, डोळे बघ, घाबर, घाबर' छापाचे डायलॉग बोलतो, गोळी खातो आणि मरून जातो. मग डॅनी आणि जावेद जाफरी अंत्यविधीचा खर्च तरी कशाला इंडियन आर्मीवर टाकायचा म्हणून जाता जाता जिमी शेरगिलला पेटवूनही जातात....

मला माहित आहे की हे असलं वाचल्यावर पुढे काय होणार याची कल्पना आली असणार आहे. तरी पण थोडक्यात पुढे काय होतं ते सांगतो म्हणजे डोक्याल शॉट लागण्यापासून लोकांना वाचवण्याचं पुण्य तरी माझ्या गाठीला जमा होईल. बाहेर आल्यावर डॅनी जावेद जाफरीला म्हणतो "ही ट्रीटी साईन झाली तर आपली वाट लागेल. एक काम कर आपण अशी काही तरी वस्तू चोरू की ज्याने भारतीय फुल उदास होतील. फक्त चोर भारतीय असला पाहिजे. तू एक काम कर 'कोहिनूर चोरणे आहे' अशी एक जाहिरात दे. च्यायला १२५ कोटी लोकांमध एक तरी सापडेल जो कोहिनूर चोरेल". मग अपेक्षेप्रमाणे कोहिनूर चोरला जातो. चोराचं चित्र सीसीटीव्हीवर दिसतं. ओळखा पाहू चोर कोण? अर्थात हृतिक. मग तो बर्‍या वेळा डॅनीच्या गुंडांना तुडवतो, गोळ्या घालतो, कतरिना कैफला घेऊन जगभर हिंडतो, पुन्हा गोळीबार, पळापळ, तुडवातुडवी, नवीन देश, गोळीबार, पळापळ, तुडवातुडवी, वगैरे वगैरे वगैरे... शेवटी साठा उत्तरांची कहाणी म्हणून एकदाचा डॅनीला मारून टाकतो आणि एकदाचा चित्रपट संपतो. फक्त मारण्याआधी मीच जिमी शेरगिलचा भाऊ आहे, मी इंडियन आर्मी मधे आहे, मी कसा भारी आहे, इंडियन आर्मीतली लोकं कशी जाँबाज आहेत, तो कसा टुकार आहेस, तू माझ्या भावाला कसा जाळून मारलास आणि 'डोळे बघ, डोळे बघ, घाबर, घाबर!!' छापाचे डायलॉग बोलतो. असो, आपली सुटका होते आणि एवढा सगळा चित्रपट पाहिल्यावर हृतिक हे सगळं का करत असतो याचा विचार करत आपण थेटराबाहेर पडतो.

नाईट अँड दे, ट्रान्स्पोर्टर, बॉर्न ट्रिलॉजी, कसिनो रोयाल, क्वांटम ऑफ सोलेस यासारख्या अनेक इंग्रजी सिनेमातून उचललेले सीन आणि (किंबहुना यामुळेच)कोणतेही लॉजिक नसलेली पटकथा यामुळे हा चित्रपट केवळ छळ आहे. मुख्यतः 'नाईट अँड डे' मधले बरेच सीन्स जसेच्या तसे उचललेले आहेत. कतरीना कैफ आणि तिचं पात्र याबद्दल न बोललेलंच बरं. एखादी अभिनेत्री पडद्यावर किती बावळट दिसू शकते याचं उत्तम उदाहरण. बरं अभिनयाचं सोडा, तिला सेक्सी दिसायलाही जमलेलं नाही (कमी कपडे घालूनसुद्धा!). असो, लोकेशन्स नयनरम्य आणि नृत्ये भन्नाट आहेत. हृतिक रोशन हा माणून लै भारी नाचतो (बिचार्‍याला सिमल्यात उघडावाघडा नाचवलाय हो. तीच ती माऊली त्याला नाही विचारत स्वेटर घातला का म्हणून. काय हा दुजाभाव म्हणायचा!!). तर, कतरीना त्याच्यासोबत नृत्य करताना केवळ बोजड दिसते (त्याला ती तरी काय करणार म्हणा...). गाणी टुकार आहेत. एकुणात चित्रपट केवळ पैश्यांची नासाडी आहे. आमच्या शेजारी दोन कॉलेजयुवती म्हणाव्यात अशा दोघी बसल्या होत्या. त्या सुरुवातीला 'हृतिक... सो सेक्सी' वगैरे म्हणत किंचाळल्या मग जाम बोअर झाल्या आणि मध्यंतरात निघून गेल्या. आम्हीच आशा धरुन बसलो होतो की चित्रपट आता तरी पकड घेईल... असो, जालावरच्या एका फेमस चित्रपट परीक्षणात वाचलेलं (बहुधा मायबोलीवर) वाक्य - कारण आम्ही मूर्ख आहोत!!!

व्यवस्थापकः सविस्तर चर्चेसाठी धागा वेगळा काढत आहोत.

समीक्षेचा विषय निवडा: 
field_vote: 
4.4
Your rating: None Average: 4.4 (5 votes)

प्रतिक्रिया

ROFL

धम्माल

=======
फक्त कतरीनाला बोजड वगैरे म्हणायला कीबोर्ड रेटतोच कसा म्हणतो मी! (हा 'कुटुंब'संगतीचा परिणाम म्हणायचा का? Wink
त्याबद्दल निषेध!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- ऋ
-------
लव्ह अ‍ॅड लेट लव्ह!

फक्त कतरीनाला बोजड वगैरे म्हणायला कीबोर्ड रेटतोच कसा म्हणतो मी!

अहो, हृतिकसोबत नाचताना हो! हृतिकचं शरीर ठिकठिकाणी एवढ्या कोनातून सहज वळतं की तीच स्टेप करताना कतरीनाला पाहिलं की ती बोजडखेरीज दुसरं काही वाटूच शकत नाही.

बाकी 'कुटुंब' संगतीचा परिणाम वगैरे, हॅ हॅ हॅ.... Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

advance booking करुन kites ह्या थोर्थोर चित्रपटास गेलेली लोकं ठौक होती. आता 'बॅंग बँग' संपूर्ण वेळ थेट्रात पाहू शकणारी जमात सापडली.
गुड.
बादवे, 'बॅंग बँग' हा प्रेक्षकांवर केलेला 'गँग बँग'* आहे हे आम्ही चित्रपटास न जाताच ओळखून आहोत.

*
शब्द ठौक नसल्यास नीलचित्रफितींच्या जालिय शोधाचा अभ्यास वाढवा.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

--मनोबा
.
संगति जयाच्या खेळलो मी सदाहि | हाकेस तो आता ओ देत नाही
.
memories....often the marks people leave are scars

ROFL

कत्रिनाला बावळट आणि अ-सेक्सी म्हणणारा एक पुरुषोत्तम अखेर भेटला, म्हणून मी अत्यानंदानं तुझं अभिनंदन करीत आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-मेघना भुस्कुटे
***********
तुन्द हैं शोले, सुर्ख है आहन

दगडाला दगड म्हण्णारे लोक आहेत म्हणायचं अजून पृथ्वीवर.
शिंचं लोकांच्या आवडीचं स्फटिकीकरण झालय.
कोरून खोदलेल्या ओबड धोबड मूर्तीहून जादा भाव गुळगुळीत ग्रॅनाइटला मिळतो.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

--मनोबा
.
संगति जयाच्या खेळलो मी सदाहि | हाकेस तो आता ओ देत नाही
.
memories....often the marks people leave are scars

मला दोन्ही प्रकारच्या मुर्ती आवडतात...

पण कत्रिना ती कत्रिना! ती या अशा "ठोकळेबाज' सौंदर्यात बसतच नाही! तीचा स्वतःचा क्लास आहे.
तीची तुलना होऊ शकत नाही बास! तुम्ही आम्हाला दगड म्हणा नैतर काहीही!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- ऋ
-------
लव्ह अ‍ॅड लेट लव्ह!

बास बास बास. हेच म्हणायचं होतं. स्वतःला गुळाची चव नाही म्हणून "हॅ! गूळ काय खायचा? डायबेटिस होणार" इ.इ. बोलण्यापैकीच हा प्रकार आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

माहिष्मती साम्राज्यं अस्माकं अजेयं

हा हा हा.
कतरीनाला अभिनय, नृत्य येत नाही, ती सेक्सीदेखील नाही हे मान्य आहे पण तिचा चेहरा सुंदर आहे. हे मंजे मधुबालासारखंच की Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मधुबालाला अभिनय येत नाही असं कोण म्हणतं? तिच्या काळात रडारड करण्यालाच अभिनय म्हणायची पद्धत होती, म्हणून तिला अभिनय येत नाही, अशी समजूत झाली असणार.

मधुबाला आणि कत्रिनाची तुलना? "टिंकूचे डोके ठिकाणावर आहे काय?"

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-मेघना भुस्कुटे
***********
तुन्द हैं शोले, सुर्ख है आहन

मधुबाला आणि कत्रिनाची तुलना?

सहमत आहे.
दोघींचे सौंदर्य अतुलनीय आहे!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

- ऋ
-------
लव्ह अ‍ॅड लेट लव्ह!

मला नर्गिसचा अभिनय आवडतो. अतिशय आवडतो. मधुबालाला नर्गिसच्या नखाची सर नाही. फक्त चेहर्‍याच्या गोडव्यावर मधुबाला जिंकते - असे एक मत आहे. म्हणजे माझेच.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

फक्त चेहर्याच्या गोडव्यावर मधुबाला जिंकते - असे एक मत आहे. म्हणजे माझेच.
>> +१. डोळे मोठेमोठे करून पिटपिटणे आणि डावीकडे वाकडे हसू याला अभिनय म्हणायचे असेल तर फार्र्र छान अभिनय येतो हो मधुबालाला Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

बाकी सिनेमांचं जाऊ दे.

तूर्तास फक्त 'अच्छा जी मैं हारी' या गाण्याबद्दल बोलू. त्या गाण्यात मधुबालाच्या चेहर्‍यावर आर्जव, खट्याळपणा, लाडीक मोहजाल टाकण्याचे प्रयत्न, नंतरचं दुखावणं, रागावणं... यांतलं काहीच दिसत नाही? फक्त गोड चेहरा आणि वाकडं हसू?

अवघड आहे हो...

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-मेघना भुस्कुटे
***********
तुन्द हैं शोले, सुर्ख है आहन

त्यांच्यामते तिथे ललिता पवारही चालली असती शेवटी काय ते वाकडे तोंडच वगैरे. Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

ROFL

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-मेघना भुस्कुटे
***********
तुन्द हैं शोले, सुर्ख है आहन

ROFL

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

टेक्निकलर दुर्गा खोटे राहिल्या का?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

आधी रोटी खाएंगे, इंदिरा को जिताएंगे !

जाम डोक्यात जाते मधुबाला. का ते सांगता येत नाही Sad
समथिंग लॅकिंग इन हर.
मला तर ती "आपकी नजरोने समझा" वाली कोण ती नटी तीही मधुबालापेक्षा आवडते. "समर्पण" नामक सुंदर भावना मधुबालाच्या अभिनयात आढळली नाही.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

तिच्या एकंदर एक्सप्रेशन, हसण्यात वगैरे मग्रुरी जाणवते. त्यामुळे ती सुंदर असूनही डोक्यात जाते. ऐश कशी प्लास्टीक आहे तशी मधुबाला गर्विष्ठ आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

'मुघल-ए-आझम'मधे पण? वर लिहिलंय त्या गाण्यातपण?

काही काही सिनेमांत आहे ती तशी, गर्विष्ठ का काय ती. पण मग ती अभिनयाचीच पावती झाली की. कारण सगळीकडे बाय डिफॉल्ट गर्विष्ठ नाही दिसत ती.

या तो गर्विष्ठ बोलो, नही तो माठ बोलो...

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-मेघना भुस्कुटे
***********
तुन्द हैं शोले, सुर्ख है आहन

मेघना, नर्गिसच्या डोळ्यातून अन देहबोलीतून राज कपूरबद्दल जे समर्पण अन प्रेम दिसतं, तसं प्रेम मधुबालाला दाखवता येणं शक्य नाही. ती "आपकी आंखोने समझा" वालीही हां माला सिन्हा ती ही ठुमकते छान पण तीही डोळ्यातून, लाजण्यातून समर्पित वाटते. त्या दोघी मला गोड वाटतात.
लोचा येह है के "समर्पण" ही भावना = प्रेमाचा अभिनय असं मी समजत असेन कदाचित. असेलही.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

नर्गिसच्या डोळ्यांत समर्पण दिसतं? आणि मधुबालाच्या दिसत नाही?

आपली अभिनयाची व्याख्याच निरनिराळी आहे म्हणजे बहुतेक.

- हताश मेघना

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-मेघना भुस्कुटे
***********
तुन्द हैं शोले, सुर्ख है आहन

Smile "दम भर जो उधर मुंह फेरे" ओह कातिल!!!! काय सुंदर अभिनय आहे दोघांचा, मी वेडी होते ते गाणं पाहून अन तिची, त्याच्याभोवतीची रुंजी पाहून.
येस्स अन एका क्षणी, त्याने केस धरुन तिला ओढलेलं पाहूनही. जाऊ दे थांबते Wink
ती पॅशन मधुबालेच्या एकाही गाण्यात नाही फॉर दॅट मॅटर ना देवानंदच्या.
___________
"तेरे बिना आग येह चांदनी" - हे एक बायपोलार गाणं अतिशय आवडतं. तो नरकातून सुटण्याचे आटोकाट प्रयत्न करतोय अन ती त्याची प्रेरणा ही हे गाणं. फार फार आवडतं. अन दोघांचा अभिनय अत्यंत उत्तम!!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मधुबालाला माठ नाही म्हणलं मी कुठेही.
मुघले आझम हा 'कंठाळ' सिनेमा पाहायची हिंमत झाली नाहीय अजून :-D.
'अच्छाजी मै हारी' गाण्यात देवानंद असताना मधुबालाकडे बघतय कोण?? तिच्यासाठी दिकु, किकु, प्रेमनाथ वगैरे ठीकय. ओके ओके किडींग ;-). दोघे तोडीस तोड सुंदर आहेत. पण त्यांनी जे एक्सप्रेशन दिलेत त्याला 'अभिनय' म्हणायचे तर तेवढा अभिनय कुठल्याही व्यावसायिक अभिनेता/त्री ला येतो.
'ललिता पवार - मधुबाला' या तुलनेत 'अभिनय - सौंदर्य' यांच्यात गल्लत होतेय.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

अन ललीता पवार "जिस देश मे गंगा बेहती है" मध्ये छानच दिसते. इन फॅक्ट गोड्ड गोड्ड मिट्ट नसलेली कोणतीही स्त्री मला बरी वाटते.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

ललिता पवार अभिनय चांगलाच करते. आणि तिचा तो हाय स्लीटचा स्कर्टवाला फोटो पाहून तरूणपणी सेक्सीदेखील होती असे वाटते. अपघातात जोरात चपकार बसल्याने डोळा तसा झालेला. तरी त्याचाही पॉझिटीव उपयोग करून घेतला तिने.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मधुबाला-सम/ची नक्कल करणार्‍या पोरींना कॉलेजात भाव मिळायचा त्याची सल काही गेलेली दिसत नाही, मधुबालाच्या समोर ललिता पवार कशी उजवी आहे असं सांगणं म्हणजे श्रीखंड-पुरीच्या जेवणासमोर श्रावण घेवड्याची भाजी कशी भारी आहे असं सांगण्यासारखं आहे.

संबंधीतांनी प्रतिसाद हलकेच घ्यावा. Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

क्या बात बोली, जैसे बंदूककी गोली.
ती ऐश अन मधुबाला एका जातकुळीच्या ... प्लास्टिकी अन नार्सिसिस्ट!!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मग काय तर, गोग्गोड छाप!! Ugh!!! Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

ज्यांना मधुबाला आवडत नाही त्यांना ही म्हैस आवडते ....
.
.
.

.
.
.

गाणं मस्त आहे. पण म्हैस ही फक्त गोठ्यात असावी. म्हैस पियानो जवळ नुसती आली तरी पियानो मोडण्याची भीती असते.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मधुबाला न आवडणार्‍यांसाठी नवीन म्हणः

दृष्टिहीनांना मधुबालेची काय मातब्बरी?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

माहिष्मती साम्राज्यं अस्माकं अजेयं

हे मंजे मधुबालासारखंच की

कायतरीच हं...... काहीही उपमा किंवा कंपॅरीझन आहे हे...

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

डॅनी जिमी शेरगिलला मारून टाकायच्या आधी नेहेमीच्या प्रथेने 'अर्घ्यं समर्पयामि, पुष्पं समर्पयामि' च्या चालीवर 'मी तुला मारत आहे' छापाचे डायलॉग बोलतो. मग जिमी शेरगिलही 'डोळे बघ, डोळे बघ, घाबर, घाबर' छापाचे डायलॉग बोलतो, गोळी खातो आणि मरून जातो. मग डॅनी आणि जावेद जाफरी अंत्यविधीचा खर्च तरी कशाला इंडियन आर्मीवर टाकायचा म्हणून जाता जाता जिमी शेरगिलला पेटवूनही जातात....

ROFL
ख प लो!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

चित्रपटाचं नाव बँग बँग का ठेवलंय याचा खुलासा झालाच नाही का शेवटपर्यंत?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

********
It is better to have questions which don't have answers, than having answers which cannot be questioned.

या सिनेमाच्या ट्रेलरचा एक तुकडा चुकून डोळ्यासमोर आला. त्यात कत्रिना हृतिकच्या पुढ्यात बसत होती, एखाद्या लहान बाळाला आईने भरवण्यासाठी बसवावं तशी. पण हृतिक मोटरसायकल चालवत होता आणि ही बया मोटरसायकलच्या पेट्रोल टँकवर बसत होती. एवढं पुरेसं नाही तर तिने त्यापुढे हृतिकसोबत प्रेमळ चुंबन, आवेगांची देवाणघेवाण केली आणि मग सावकाश एक बंदूक काढली. कुठून वगैरे माहीत नाही. आणि मग गोळ्या झाडायला लागली.

हे सगळं पाहून चक्कर येऊ नये म्हणून मी वासेपूरमधलं 'आय एम अ हंटर' गाणं ऐकायला सुरूवात केली.

हा धागा वाचून 'डोळे बघ, डोळे बघ, घाबर, घाबर!!' छापाचे डायलॉग यूट्यूबवरून शोधून कोणी देईल तर बरं असं वाटायला लागलंय.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

ट्रेलर पाहिला नाही. पण बंदुक काढून गोळ्या झाडण्याआधीच वर्णन गुलाममधल्या राणी आमिरचे वाटतय.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

हे घ्या....

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

'डोळे बघ, डोळे बघ, घाबर, घाबर!!'

या वाक्यावरच फिदा! लेखाची अॅटिट्यूड भयंकर आवडली. अजून येऊ द्यात.

या लेखाच्या खांद्यावर बंदूक ठेवून मधुबालाच्या नावाने तक्रार करणारांचं तळपट होवो!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

आयला फक्त "तक्रार करणार्‍यांचं"??? हे आले अजून एक त्या मधुबालेचे सेल्फ्प्रोक्लेम्ड कैवारी. Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

हे आले अजून एक त्या मधुबालेचे सेल्फ्प्रोक्लेम्ड कैवारी.

अहो, आम्ही फक्त मधुबालेचेच नव्हे ... तर नलिनी जयवंत, गीता बाली, शिरिदेवी, गॅब्रिएला सॅबातिनी, अ‍ॅना कुर..., हीना रब्बानी खार .... यांचे ही कैवारी आहोत.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

शी बाई, इन दीवानोंके आवारापन की कोई हद नही Fool ROFL

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

Smile

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

हृतिकच्या (किंवा दिलीप कुमारच्या) खांद्यावर बंदूक ठेवून, डोळे मोठे करत, गोळ्या झाडणारी मधुबाला असं दृश्य का कोण जाणे, डोळ्यासमोर आलं. आजचा दिवस उत्तम जाणार.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

च्यायला. 'बँग फॉर द बक' जबरीच आहे Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

माहिष्मती साम्राज्यं अस्माकं अजेयं

अर्घ्यं समर्पयामि, पुष्पं समर्पयामि

Smile मस्त. लेख आवडला.
माउलीचा रोल कोणी केलाय? रीमा लागू की फरीदा जलाल आता आज्जीच्या गटात असतील.
जिमी शेरगिलचा "हासिल" बर्‍यापैकी आवडला होता (इर्फान ही होता त्यात). कुंभमेळ्याच्या क्लाइमॅक्स मधे सिनेमाचे कथानक पार गंडले, तेथपर्यंत सिनेमा बरा होता. पण आता त्याला बरीच वर्षं झाली - फटीग्स वगैरेचा रुबाब का असेना, पहिल्याच सिक्वेन्स मधे टाटा गुडबाय म्हणजे शेरगिल वर वाइट दिवस आले म्हणायचे.

ता.क.: आईचा रोल दीप्ती नवल ने केलाय म्हणे! टॉक अबाउट वाइट दिवस. असो.
आणि हा सिनेमा "नाइट अँड डे" चा अधिकृत बॉलिवुड अवतार आहे असे ही विकीवर वाचले.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

शेरगिलने वेन्सडे, स्पेशल २६ मधे चांगलं काम केलेलं आणि दोन्हीत बर्यापैकी मोठा रोल होता त्याला. तसेही तो हिंदीत फार पॉप्युलर असा नव्हता कधी. तिकडे पंजाबी चित्रपटसृष्टीत बरेच चित्रपट येतात वाटत त्याचे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

'माचिस', 'लगे रहो मुन्नाभाई', 'मुन्नाभाई एमबीबीएस'?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

-मेघना भुस्कुटे
***********
तुन्द हैं शोले, सुर्ख है आहन

हो आणि तनु वेड्स मनु, साहेब, बिवी और गँगस्टर १, २ राहीलेच की :-).
लगे रहोमधे आठवतच नाहीय त्याचा रोल. विकीवर एकूण ४४ हिंदी चित्रपट दिसतायत १८ वर्षात.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

आरारारा, मी या सर्वांमधे फक्त मुन्नाभाई बघितला आहे. पण त्यात ही शेरगिल आठवत नाही!
असो. नवीन सिनेमां बद्दलच्या अज्ञानाचे प्रदर्शन इथेच बस्स! Smile

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मुन्नाभाईमधे तो कँसर पेशंट असतो. 'किसी लडकीको छुआभी नही' असा काहीतरी डायलॉग मारल्यावर भाई त्याच्यासाठी क्याब्रे डान्सर आणतो दवाखान्यात. 'सीख ले.. आँखोंमे आंखे डाल' गाणं आठवलं का?

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

रोचना, जिमी शेरगिल को 'देख ले' -

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

मधेच त्या कर्नल नंदाला त्याच्या आईचा वगैरे फोन येऊन जातो. 'तू स्वेटर घातलायस ना रे बाळा?' वगैरे चौकशी ती माऊली अगदी आस्थेने करते आणि जिमी शेरगिल त्याला जमेल तितकं ओशाळण्याचा प्रयत्न करुन त्याच्यासोबत असलेल्या ब्रिटिश ऑफिसरकडे पाहातो

हे वाचल्यावर 'एव्हरीबडी लव्हज रेमंड' या मालिकेतला हा भाग आठवला.
http://www.youtube.com/watch?v=0cThuaPUD_Q

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

भन्नाट लिहीले आहे :). ही खालची वाक्ये कहर निरीक्षणे आहेत Smile

मग त्यांचा म्होरक्या हमीद गुल (जावेद जाफरी) तिथे प्रवेश करतो आणि डॅनीला बंदूक देतो. डॅनी जिमी शेरगिलला मारून टाकायच्या आधी नेहेमीच्या प्रथेने 'अर्घ्यं समर्पयामि, पुष्पं समर्पयामि' च्या चालीवर 'मी तुला मारत आहे' छापाचे डायलॉग बोलतो. >>>
हृतिक रोशन हा माणून लै भारी नाचतो (बिचार्‍याला सिमल्यात उघडावाघडा नाचवलाय हो. तीच ती माऊली त्याला नाही विचारत स्वेटर घातला का म्हणून. >>> जबरी!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

भ-न्ना-ट! क-ह-र! क-ड-क!!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

कत्रीनाला पाहून एकज शब्द सुचतो मला - रांजण!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

कत्रीनाला शिव्या देणार्‍या सर्व अरसिकांचा या निमित्ताने जाहीर निषेध करून घेतो. अरसिक मेले!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

माहिष्मती साम्राज्यं अस्माकं अजेयं

या सिनेमात कत्रीना बोजड दिसली आहे, म्हणून तसं लिहिलंय. ऋषिकेश यांना दिलेला प्रतिसाद पहा. पडद्यावर बावळट काय अनेक अभिनेत्री दिसतात. तो काही कत्रीनाचा गुणविशेष असा नाही. अभिनेत्री वगैरे सोडा, पण बाई म्हणून कत्रीना आवडतेच... (खातंय आता मार...)

बाकी मधुबालाचे चित्रपट खूपसे पाहिलेनसल्याने त्याबद्दल पास. आम्हाला तिचं ते एक ब्ल्याक अँड व्हाईट पोस्टर तेवढं आवडतं.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

मी बाई असले तरीही मला 'शीला की जवानी' आणि 'चिकनी चमेली'मध्ये कत्रिना आवडली. (गाण्यांचा कंटाळा आला तरीही!) तिचे सिनेमे फार बघितलेले नाहीत म्हणूनही असेल ...

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

---

सांगोवांगीच्या गोष्टी म्हणजे विदा नव्हे.

शीला की जवानी हा कत्रिनाचा मास्टर पीस आहे. मस्तं दिसते त्यात आणि कमाल नाचली आहे. चिकनी चमेली नाही आवडत एवढं.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

आधी रोटी खाएंगे, इंदिरा को जिताएंगे !

'मास्टर'पीस...अहाहा, अर्थनिर्णयनाच्या काय काय एकेक गंमतीशीर शक्यता लपल्यात यात Wink

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

माहिष्मती साम्राज्यं अस्माकं अजेयं

ओक्के भटसाहेब. तुम्हांला नाही, बाकी अरसिकांना उद्देशून होतं ते. बाकी, 'कश्मीरजस्य कटुतापि नितांत रम्या' या न्यायाने कत्रीनाचा बोजडपणाही मोहक वाटतो हे नमूद करणे अवश्य आहे.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

माहिष्मती साम्राज्यं अस्माकं अजेयं