हुच्चभ्रु इतरांना व्यसनी बनवतात का ?

आम्हाला आजपर्यंत कोणत्याही हुच्चभ्रु यजमानाने जेवायला घरी बोलावून वारूणी पाजली नसली तरी आम्हाला हुच्चभ्रुंबद्दल काहिही तक्रार नाही. आपण आम्हास घरी जेवायला बोलावल्यावर प्रश्नांची उत्तरं देता येतील.

>>नुकतेच एका संस्थळावरती असे वाचनात आले, की <<

बास. यापुढे काही वाचायची गरजच नाही. अहो, संस्थळांवर (आणि त्यात मराठी) वाट्टेल ते लोक येऊन खूप थिल्लरीकरण करतात हे तज्ज्ञांचं मत माहीत नाही का? त्यामुळे थिल्लरपणा कमी असतो अशा एखाद्या ठिकाणी जाल तर आपोआप उत्तरं मिळतील.

- हुच्चभ्रू लोकांकडून ज्ञानार्जनाच्या प्रतीक्षेत थिल्लर जंतू

कधी बोलावताय?

हुच्चभ्रु इतरांना व्यसनी बनवतात का ?

आधी तुमच्यासाठी काही प्रश्न आहेतः
१. व्यसन फक्त दारूचंच लागतं का?
२. हुच्चभ्रूंना इतर व्यसनं नसतात का?
३. असतील तर त्यांचं एकच व्यसन का बरं इतर लोकं उचलतात?
४. दारूत वाईट काय आहे?
५. हुच्चभ्रू सामान्यांना हुच्चभ्रू बनवू पहात आहेत तर त्यात काही वाईट आहे का?
६. सामान्य हुच्चभ्रूंना सामान्य बनवण्याचा प्रयत्न करतात ते आणि हुच्चभ्रू सामान्यांना हुच्चभ्रू बनवू बघतात यात तत्त्वतः काही फरक आहे का?
७. हुच्चभ्रूंची संस्कृती असते हे तुम्हाला कसं माहित? एखादा पुरावा वगैरे देऊ शकाल काय?

लोकांना आपल्या घरी जेवायला बोलावतात आणि दारू ढोसण्याचा आग्रह करतात.

माननिय पराजीरावसाहेब,

हे प्रश्न तुम्ही पटलावर मांडल्याबद्दल तुमचा अत्यंत आभारी आहे. ह्या प्रश्नांची उत्तरे मिळवणे आता माझ्यासाठी फार महत्वाचे झाले आहे, कारण जे तुम्ही वाचले ते मीही वाचले होते. ते वाचल्यापसून मला, त्या अनुषंगाने, 'कोssहम' हा प्रश्न सतावू लागला आहे. तुम्हाला कारण माहिती आहेच, तुम्हाला मी घरी (माझ्या) बोलावून दारू ढोसायला (हे तुम्ही वाचल्याप्रमाणे, अदरवाईज चांगली सिंगल मॉल्ट देऊ केली होती) लावली होती.

त्यामुळे तुम्हीच हे प्रश्न मांडल्यामुळे, इथल्या ज्ञानसागरात काही ज्ञानाचे कण वेचायला मिळून 'कोssहम'चे उत्तर मिळेल ही आशा आहे.

- (प्रश्नांकित) सोकाजी

'पीनेवालोंको पीनेका...'
या न्यायाने पाहिलं तर व्यसनीही कसला ना कसला बहाणा शोधत असतात. 'हुच्चभ्रुं'चे आमंत्रण हा त्यातलाच एक.
खरं बघितलं तर 'अगं अगं म्हशी,मला कुठं नेशी...' !

हा परा कधी कोणाची कशी फजिती करेल काही सांगत येत नाही.
(संध्याकाळचा चहा+मोनॅको बिस्किटे खात आंतरजालावर भटकणारी)रमाबाई

या उत्तम चर्चेला प्रतिसाद द्यायचंच राहिला.

दारू ऑफर करणारा प्रत्येकजण हुच्चभ्रु ह्या सदरात गणावा काय ?

मला वाटतं 'दारू ऑफर करणारा तो हुच्चभ्रु' ही व्याख्याच गंडलेली आहे. हुच्चभ्रु लोकांना चर्चा, कीस काढणे, आणि सगळ्यात महत्त्वाचं म्हणजे आपल्या भ्रुवा सगळ्यात उंच दिसतील याची काळजी घेणं यात रस असतो. दारू प्यायल्यावर भ्रुवा वर चढवलेल्या ठेवायला त्रास पडतो, त्यामुळे हुच्चभ्रु दारू पीत नाहीत, आणि पाजत तर नाहीतच. दारू देणारे लोकं म्हणजे श्रीमंत लोक आणि भाई लोक. पुरावा म्हणून गणपत, चल दारू ला हे गाणं पहावं.

एकदा हे स्पष्ट झाल्यावर बाकीचे बहुतेक प्रश्न बाद होतात.

सामान्य लेखकांनी / सामान्य लोकांनी अशा हुच्चभ्रुंची संगत कशी टाळावी ?

हुच्चभ्रु लोकांची संगत टाळण्याचे अनेक मार्ग आहेत. एक म्हणजे ते लोक जिथे असतात तिथे जाऊ नये. पण त्यामुळे आपल्या स्वातंत्र्यावर आक्रमण होत असल्याने तो उपाय मला आवडत नाही. ओडोमॉस लावून डास पळवावे तसं काही क्रीम दुर्दैवाने मिळत नाही. पण मला एक अभिनव उपाय दिसतो. तो म्हणजे आपल्या भुवया काढून टाकाव्यात आणि त्याजागी उंच भुवया रंगवून घ्याव्यात. त्यांना बघून सर्व हुच्चभ्रूंना ''भला उसकी भ्रू मेरी भ्रू से उच्च कैसे?' अशी जलन होते. आणि मग तेच आपली संगत टाळतात. सुरूवातीला कदाचित तुम्हाला त्यांच्याकडून भुवयांशी संबंधित नसलेली चेष्टा ऐकून घ्यावी लागेल... पण तिच्याकडे दुर्लक्ष करायचं.

असो. सध्या इतकंच.