cricket

चर्चेसाठी काही मुद्दे अपेक्षित आहेत; की मुक्त चर्चा अपेक्षित आहे? :-)

चर्चा देवनागरीत अपेक्षित आहे की रोमन अक्षरात? :)

कोणी बुवाना, "ती मालकंसातली चीज म्हणाल का?" अशी विनंती करावी तशी ईथल्या बोरूबहाद्दराना विनंती आहे हि!!

काय रे हे धनंजया ?
राजकारण्,समाजकारण्,खासदारकी ह्या विषयांवर एक ओळी धागा पुरतो, साधक बाधक चर्चा करायला पण पुणे वॉरियर?
गृहपाठ म्हणून आवडत्या संघावर निबंध लिहायला सांगितलाय की काय देशपांडे बाईंनी ?
ह्.घे रे बाबा. नाहीतर लोक हल्ली कोणत्या कारणावरून भडकतील सांगता येत नाही.

पुणे वॉरियर चर्चा - काही मुद्दे --

१.पुणे वॉरियरवर कशा प्रकारची चर्चा अपेक्षित आहे ? मुम्बैकर करतात तशी टाइम्पास चर्चा की पुणेरी - सखोल,साधक-बाधक इत्यादी इत्यादी चर्चा ??
२. पुणे वॉरियरविषयी जाज्वल्य अभिमान बाळगणारे कोणी पुणेकर यात सहभागी होणार आहेत काय ? असल्यास दोन शहरात वितुष्ट येउ नये म्हणुन आम्ही मुम्बैकरानी काय काळजी घेतली पाहिजे ??

हा काय वाह्यात प्रकार आहे? वेडात मराठी वीर दौडले सात म्हणलं तर ठीक आहे. एकवेळ पुण्याचे बाजीराव (किंवा मस्तानी) म्हणलं तरी चालेल. येडवड्याचे नग म्हणलं तरी एक वेळ खपवून घेऊ! पण "पुणे वॉरिअर्स" सारख्या दळभद्री नावावर चर्चा करायची अजिबात इच्छा नाही!

Mitranno, mala maf kara parantu mazya mobilemadhey marathi bhasha nahi. Pan pune warrior he ipl chi team apalyasathi- marathimamasasathi ahe yachi nond ghya. Tya bicharya subrato royne apalyasathi ipl team tayar keli ani tumhi matra ajibatach pratisad det nahi mhanaje kay?

मला क्रिकेटमध्ये गम्य असलं तरी मी भारतात रहात नसल्यामुळे या विषयाबद्दल माझी एक प्राथमिक शंका राहून गेलेली अाहे, ती विचारतो.

पुणे वॉरियर्समधले खेळाडू पुण्याचे असतील (किंवा किमानपक्षी भारतातले असतील) असं काही नसतं, शिवाय हे खेळाडू पुण्यात बहुतकरून रहात नसणारच किंवा तुळशीबागेत ते खरेदीला अालेले दिसतील अशीही शक्यता कमीच. थोडक्यात त्यांचा पुण्याशी अर्थाअर्थी काही संबंध असतोच असं नाही. मग असं असलं तरी पुण्याच्या माणसाने त्याच टीमला पाठिंबा द्यावा अशी 'सामाजिक अपेक्षा' असते का? (म्हणजे पुण्यातल्या एखाद्याला 'कोलकता नाईट रायडर्स' अावडत असतील तर ही गोष्ट त्याला गुप्त ठेवावी लागते का?) अशी अपेक्षा असल्यास का असते? अाणि जर नसेल तर मग टीमची नावं शहरांवरून किंवा प्रांतांवरून ठेवण्यात काय अर्थ अाहे? मग त्यांना प्राण्यांची, फळांची किंवा रंगांची नावं का ठेवत नाहीत? (उदाहरणार्थ, 'पाईनअॅपल पायोनियर्स' किंवा 'व्हेलव्हेट व्हॅगॅबॉँडस्' इत्यादि…)

शंका खरीच अाहे; खवचटपणे विचारलेली नाही.

गांगुली, वेन पार्नेल, ऍंजेलो मॅथ्युज, मायकेल क्लार्क, अल्फोन्सो थॉमस, जेसी रायडर, उत्थापा, शर्मा, दिंडा, नेहरा वगैरे मंडळी कृष्णा डायनिंग हॉलमध्ये थाळीभर जेवून मगा तुळशीबागेत खरेदी करून झाल्यावर वैशालीवर पडीक आहेत आणि 'पुण्यातले रिक्षावाले आजकाल कसे माजलेले आहेत' यावर चर्चा करत आहेत असं चित्र डोळ्यापुढे येऊन मन उल्हसित झालं.

तर मग टीमची नावं शहरांवरून किंवा प्रांतांवरून ठेवण्यात काय अर्थ अाहे?

पंचतंत्रात का तत्सम पुस्तकात एक गोष्ट आहे. एक ब्राह्मण यज्ञात दक्षिणा मिळालेला बोकड खांद्यावर घेऊन चाललेला असतो. चार चोर त्याचा बोकड पळवायचं ठरवतात. त्यातला एकेक जण त्याला येऊन विचारतो, 'ब्राह्मणा, हे मेलेलं वासरू घेऊन का चालला आहेस?' पहिल्या माणसाला तो ब्राह्मण वेड्यात काढतो. दुसऱ्याकडे संशयाने बघतो. तिसऱ्याने म्हटल्यावर तो त्या बोकडाकडे संशयाने बघतो. चौथ्याने सांगितल्यावर तो बोकड खाली ठेवून घाबरून धुम ठोकतो. सांगायचा मुद्दा काय तर पुणे, पुणे असं शंभर वेळा सांगितलं की ती खरोखरच पुण्याची टीम वाटायला लागते. मग पुण्यातले लोक त्या टीमचं मर्चंडाइज घेतात. व्हेलव्हेट व्हॅगॅबॉंड्स हे नाव कितीही आकर्षक असलं तरी 'मी मखमली' म्हणणारा कोणी नसल्यामुळे त्या टीमबद्दल आत्मीयता कोणालाही निर्माण होत नाही. तद्वतच त्या टीमच्या टोप्या 'मी अण्णा' प्रमाणे विकल्या जाणार नाहीत.

देव करो आणि 'अण्णा अनायहिलेटर्स' नावाची टीम न होवो. तशी झाली तर टीमचं ब्रीदवाक्य 'क्या, (एक ओव्हर मे) एकही (छक्का) मारा?' होईल बहुतेक.

मित्रांनो, याच ठिकाणी आपले चुकते.याठिकाणी ध्यानात घ्या, की त्या बिचार्या सहाराने आपले पुणे निवडले व पुण्याचे नाव जगात रोशन केले याचा कुणाला अभिमान तर नाही उलट नैराश्य दाखवतात अगदी हेच मला पटत नाही. आज जर त्याच सहाराने जर दुसरे शहर निवडले असते तर तुमच्या पुण्याला कोणी विचारले असते? त्यांचीच क्रुपा म्हणून त्यांनी पुणे निवडले. त्यांना सपोर्ट करायचा सोडून दुसरेच बोलता! अरे भाग्यवान आहोत आपण की आपल्याला आयपीएल ची ही एक टीम मिळाली.याबद्दल मी मला भाग्यवान समजतो शेवटी मी एक पुण्याजवळील आहे. सहारा प्रणाम!

आय पी एलच्या टीममध्ये जास्तीत जास्त चार परदेशी खेळाडूंना खेळवता येते अशी अट आहे.
तसे ज्या नावाची टीम आहे तिथले किमान अमुक स्थानिक खेळाडू खेळवले पाहिजेत अशी अट असते का? म्हणजे कोलकाता नाइट रायडर्स मध्ये बंगालचे किमान इतके खेळाडू हवेतच असा काही नियम?

तेसे नसेल तर सहारा याच टीमला उद्या "धारवाड धिंगाणा" नाहीतर "आनंदी आणंद" म्हणून खेळवू शकतो की....

वॉरेल, सोबर्स, बॅरिंग्टन्,सी.के.नायडु असली नांवे असली तरच वॉरियर्स नांव घ्यावे एखाद्या टीमने!