वीजबील कमी करण्याचा एक जालीम उपाय!

दर महिन्याला आलेल्या बिलाच्या दुप्पट रकमेचा भरणा करावा. पुढच्या बिलामध्ये ॲडजस्टमेण्ट होते तेव्हा बील एकदम कमी झालेले दिसते. त्याने मनावरचा ताण हलका होतो. परत आलेले बील दुप्पटच भरावे. पुढच्या बिलामध्ये ॲडजस्टमेण्ट होते तेव्हा बील एकदम कमी झालेले दिसते.

ही साखळी अशीच चालू ठेवल्यास बीज बिल कमी झाल्याचे चिरस्थायी समाधान लाभते...

गेले वर्षभर माझे बिल अचानक कमी, अधूनमधून "शून्य" येत असल्याने मी खूप आनंदात होतो. शोध घेतल्यावर लक्षात आले की मी दरवेळेला दोनदा बिल भरत होतो.

जनहितार्थ प्रसारित

--राजीव उपाध्ये

मेटाचे अनोळखी रूप
===========

-राजीव उपाध्ये

गेले काही दिवस ‘मेटा’चे एक पूर्णपणे अनोळखी रूप अनुभवत आहे. १०० पैकी ९९ लोक मला वेड्यात काढतील, पण त्याची आता सवय झाली आहे. तरीही, पूर्ण खात्री केल्याशिवाय मी हे लिहित नाही.

बर्‍याच जणांच्या हे लक्षात आलं असेल की व्हॉटसॅपवर आपण एखाद्या विषयावर बोललो, लिहिलं, आणि काही वेळातच त्यासंबंधित जाहिराती किंवा पोस्ट्स फेसबुकवर दिसू लागतात. जणू आपल्या खाजगी संभाषणांचे प्रतिध्वनीच सोशल मीडियावर उमटू लागतात.

यामागे नेमकं काय चालतं?

नार्सिसिस्ट
=======

-राजीव उपाध्ये

आम्ही तुझ्याशी विकृत वागलो,
हो, वागलो.
कोण म्हणतो
हा अपराध आहे?
हा शब्द आमच्या
शब्दकोशात नाही.

आम्ही जे करतो
तो आमचा स्वभावधर्म
आणि आमच्या
स्वभावाला प्रश्न विचारणं
हा तुझा उद्दामपणा.

विंचू डंख करतो
त्याच्या शेपटीतच लिहिलंय विष,
मग त्याला दोष द्यायचा?
त्याला समजावायचं?

नाही, तूच शिकायला हवं होतंस
डंख सहन करायला,
अंगात भिनत जाणार्‍या विषाला
शांतपणे पचवायला.

कारण इथे
वेदना ही तुझीच मालमत्ता आहे,
आणि आम्ही
फक्त तिचे निमित्त.