उदरभरण नोहे : हल्ली कुठे आणि काय खाल्ले? - १७ - आग‌ळे , वैचित्र्य‌पूर्ण प‌दार्थ‌

.
हेच ते रेस्तराँ .... मनोबा व ब्याट्या गेले होते ते. खाणं झक्कास होतं म्हणे.
.
.

आज लंच ला "याना सिझलर्स अँड वोक" ला , जवळ जवळ पाच सात वर्षांनी गेलो . ( पूर्वी झामु ज आणि टूशे {द प्लेस} पुढे हे फार कमी वाटले होते )
भरपूर पाऊस असून हि भरपूर गर्दी होती.
सूप . फिश न चिप्स , कटलेट, चिकन सॉसेजेस सिझलर बारबे क्यू सॉस , जुलिएन चिकन हनी जिंजर सॉस ऑर्डर करण्यात आले .
सूप ( Manchow ) बरे होते , कटलेट ठीक ठीक , फिश न चिप्स बेचव . चिकन सॉसेजेस सिझलर वरील बारबे क्यू सॉस अजिबात जमले नव्हते . जुलिएन चिकन हनी जिंजर सॉस सिझलर हा च फक्त बरा होता . येथील अजून एक अडचण /विशेष म्हणजे सिझलर मध्ये फक्त राईस/नूडल्स चा चॉईस असतो . मॅश्ड पटॅटॊ अनुपस्थित .
इरीटंट म्हणजे अक्कल नसलेला सर्विस स्टाफ . सूप सर्व्ह केल्यानंतर एक मिनिटाच्या आत स्टार्टर्स व एक मेन कोर्स घेऊन आले . सूप झाल्यावर आणा सांगितल्यावर "फिर ठंडा हो जायेगा शाब "असे उत्तर आल्यावर आवाज लावायला लागला .
शिवाय सिझलर्स महाग आहेत इतर ठिकाणांपेक्षा ( त्यालाही हरकत नाही , पण सुमार दर्जा , वाईट सर्विस आणि जास्त किंमत हे बरोबर नाही असे वाटले )
आता पुन्हा पाच सात वर्षे तरी जाणार नाही परत तिथे .
सिझलर्स खायला झामू ज च ( किंवा द प्लेस , अर्थात तिथेही पार्किंग अडचणीमुळे गेलो नाही काही वर्षात ) भारी हे पुन्हा एकदा जाणवले

प्रचंड गर्दी होती तिथे . यावरून अशी शक्यता वाटते कि आम्हाला मिळालेले कमी दर्जा /चव/ सर्विस असलेले फूड हे एखाद्यावेळी वन ऑफ वाईट अनुभव असेल , किंवा लोकांना चांगली चव/दर्जा हि माहितच नसावी त्यामुळे त्यांच्या अपेक्षा खाली आल्या असाव्यात ( किंवा मी म्हातारा झालो असावो :)

सिझलर्स अनेक ठिकाणी पुनःपुन्हा खाऊन (विविध "योको" आणि इतरत्र) असं मत झालं की आपल्या आवडीत हे बसत नाहीये.. कारण जळल्यामुळे वेस्टेज खूप. प्रत्यक्ष खाणेबल टेस्टी भाग कमी अन फ्राईज, कोबी वगैरे भरताड जास्त.

त्यापेक्षा उंधियो देणारी हॉटेल्स का निघत नाहीत? बहुतांश भाग खाणेबल..

हापिस-स्पेशल खादाडीवरून आठवलं: एकेकाळी माझं हपीस बोटक्लब रोडवर होतं. तिथे 'सुन मोई' नावाचं चिनी रेस्टॉरंट आहे. त्या हपिसातले आम्ही मित्र अजूनही नियमित तिथे जातो.

तिथे "फू याँग" नावाचा ऑम्लेटसदृश प्रकार फार भारी मिळतो. जनरल चिनी हाटेलांच्या मानाने पदार्थांची मोठी रेंज आहे. ऑथेंटिक पदार्थांबरोबर इंडोचायनीज पदार्थही मिळतात, त्यामुळे चिनी हाटेलांत जाऊन ट्रिपल शेजवान रैस मागवणाऱ्या पब्लिकचीही सोय होते.

हाटेलाचा अँबियन्स वर्षानुवर्षं तसाच आहे - पडद्यामागून कधीही ब्रूस ली येईल असं वाटतं. बोटक्लब रोडवर माझ्या आठवणीप्रमाणे चिक्कार पार्किंग स्पेस आहे.

मुंबैतल्या सांगा की ओ जागा... पुण्याला कस काय यायचं... फक्त सिझलर्स खायला

५०० मीटर च्या रुल चा बळी का काय माहित नाही पण करिष्मा चौकातील फोर सीझन्स बंद पडून त्याजागी २-४ दिवसांपूर्वी मालगुडी टिफिन्स नामे उडुपी सर्व्ह इट ऑल( शुद्ध शाकाहारी ) चालू झालंय . म्हणजे मालगुडी चा संबंध फक्त काही ब्रेकफास्ट आयटम पुरता बाकी त्यांना सुचेल ते सर्व . ( अभिषेक व्हेज ची यशस्वी टेम्प्लेट )
काल गेलो होतो . नजीकच्या भविष्यकाळात पुन्हा जाणार नाही . कारण अनलाइक एनी उडुपी जॉईंट , एकदम भंगार आणि स्लो सर्विस . गेल्यानंतर १५ मिनिटांनी मेन्यू कार्ड आले . नंतर काही काळ कोणीच आले नाही . मग कॉउंटर वरच्या इसमाला बोलावले तेव्हा काहीतरी हालचाल चालू झाली .
नवीन उडुपी जॉईंट असल्याने इतर काही धैर्य न करता आपले डोसा उत्तप्पा वगैरे मागवले . उत्तप्पा चांगला होता पण इतका वाईट डोसा बऱ्याच दिवसांनी खाल्ला . ( डोश्याच्या भाजीत काजू बेदाणे का घालतात ?)
किमती आजूबाजूच्या किमया , शीतल वगैरे ला झोपवणाऱ्या आहेत . ( कॉफी रुपये २० , पण इतकी वाईट होती , कि फुकट दिली तरी वगैरे ) पण अशी क्वालिटी आणि सर्विस असेल तर त्या इतरांना मरण नाही .
मॉडर्न कॅफे च्या गुंडू शेट्टींचे कुंकू मेनू कार्ड च्या पहिल्या पानावर आहे . पण तरीही बेकार आहे . सध्या तरी जाऊ नये .

ठाण्यात कोर्ट नाका/टेंभी नाका/जांभळी नाका (तिन्हीपासून जवळ) परिसरात उघडलेल्या राज डायनिंग हॉलमध्ये जाणं झालं. उत्तम जेवण.
भगवती शाळेच्या मैदानाजवळचं पोळी भाजी केंद्र कम स्नॅक्स सेंटर ज्यांचं आहे, त्यांनीच हे नवीन चालू केलंय. (तिथल्या अप्रतिम चिरोट्यांबद्दल इथेच कोणीतरी कधीतरी लिहिलं होतं बहुतेक)
१४० रुपयात मर्यादित थाळी. त्यात ३ भाज्या, ३ चपात्या, वाटीभर भात, वाटीभर आमटी, थोडी कोशिंबीर, ताक, थोडं तळण (काल मिरगुंड आणि पिटुकला बटाटा वडा होता), आणि एखादा गोड पदार्थ.
या व्यतिरिक्त बाकी मिसळ, ब्रेड रोल, बटाट्याचा कीस, खिचडी इत्यादी पदार्थही तिथे मिळतातच.

उत्कृष्ट चवीचं महाराष्ट्रीय पद्धतीचं जेवण बाहेर जाऊन खायचं असेल तर must try ठिकाण.

आज लंच बॅरोमीटर येथे , सिटीप्राईड कोथरूड च्या लेन मध्ये शेवटी
नुकतेच म्हणजे २८ किंवा २९ तारखेला चालू झाले आहे म्हणे .
घरापासून चालत अंतरावर .
फुल बार , मोठा मेन्यू ,मुख्यतः कॉंटिनेंटल , थाई/कोरियन , मर्यादित नॉर्थ इंडिअन .
अँबियांस : भरपूर प्रकाश पण डार्क भिंती. उंच सीलिंग . एका भिंतीवर चॅप्लिन साहेब चालू आहेत , ऐसपैस सीटिंग . ब्लूईझी जॅझ चालू *. हवा संपूर्ण कोरेगाव पार्कि किंवा बालेवाडी हाय स्ट्रीटी.
सर्विस : ग्राहकाभिमुख ** , उत्तम .
अत्यंत इंटरेस्टिंग ग्राहकवर्ग . ***
( काल रात्री पावणेदोन तास वेटिंग होते असे ऐकले )

ट्रफल मश्रुम चिकन , पेने पोलो अराबियाटा , स्फगेटी अग्लीओ ओलीओ आणि दा पॅन जी घेतले
ट्रफल मश्रुम चिकन अति उत्तम , पेने पोलो अराबियाटा स्टॅंडर्ड चांगले , सेम विथ स्फगेटी आणि दा पॅन जीअतिशय जाळ पण अत्यंत चविष्ट .

मेन्यू कार्ड ची उजवी बाजू पण कोथरूड पेक्षा केपी मध्ये जास्त शोभते . ( तरीही पूर्णपणे जस्टिफाईड )

पुन्हा नक्की जाण्यात येणार आहे .
बॅट्या , आबा , चिं ज , नील लोमस . जाऊन येणे करावे .

मालक मंडळी कुणी पेंडसे,चिरगुटकर ?/ शिरगुटकर ? आणि म्हणे पुण्याचे सुप्रसिद्ध प्रायोगिक मोहित टाकळकर, आणि कोण दोन मंडळी ( नावे कळली नाहीत )
'न 'बा टीपा
* ब्लूईझी जॅझ पुण्यात रेस्टोरंटस मध्ये ऐकायला मिळत नाही . इथे होता . दिल खुश . आर्टिस्ट कोण विचारल्यावर ओशाळून "ते सगळं मोहित सर बघतात "असे उत्तर मिळाले .
** ग्राहकाभिमुख : बॅकग्राऊंड: पुण्याच्या पश्चिम भागात असलेल्या कॉंटिनेंटल /इटालियन/फ़्रेंच ठिकाणी मालक मंडळी मराठी असली तरी मराठी व्यवहार डाऊनमार्केट समजलं जात असाव असे वाटते . आणि अतिशय नाक वर अर्थात आगाऊ सर्विस देतात असा अनुभव . उदा : ल प्रसिर ( महाडिक ? ) , ल पतित ( रोडे ?) .
पण इथे तसे नाही , इंग्रजी आणि मराठी दोन्हीतून जे काही सर्व्ह होत आहे आहोत त्याबद्दल माहिती असलेले सर्व्हर्स मजा वाढवतात .
शेफ : कुणी जतीन .. दर टेबलावर जाऊन अभिप्राय मागत होते , मराठी/इंग्रजीतून हे आणखी सुखद अमराठी होते . ( चिकन बारबे क्यू ऑर्डर केले होते . मिळू शकणार नव्हते हे स्वतः शेफ दिलगिरी व्यक्त करत सांगून गेले हे चांगले वाटले )

*** इंटरेस्टिंग ग्राहकवर्ग : द युज्वल सस्पेक्टस बरोबरच ६०-६५ च्या पुढचे म म व हि चापत होते . ( शेजारच्या टेबलावरचे डायलॉग भारी होते : (७०+आजोबा ग्राहक टू सर्व्हर : विल यु बी गिविंग फिंगर 'बाउल' ?. बिल दिल्यावर :अगं ते बिल ठेव . काय खाल्ल ते सांगता येईल .
उगाचच अवांतर : इथे पाणी फक्त बिसलेरिच मिळते .साधे फिल्टर पाणी उपलब्ध नाही . बिलात वेगळे लावत नाहीत .

"संक्रमणावस्थेतील म म व "या विषयावर आबा किंवा जंतू यांनी काहीतरी लिहावे अशी विनंती . काही न सुचल्यास इथे येऊन बसावे . सुचायला वेळ लागणार नाही .
अदिती : या पुढे कोथरुडात साधी पाणीपुरीही चांगली मिळत नाही हि तक्रार बदलावी . हे कोथरुडातील साधारण पाचवे फ्रेंच रेस्टोरंट असावे .

Eating the Bones - Ellen Bass

The women in my family
strip the succulent
flesh from broiled chicken,
scrape the drumstick clean;
bite off the cartilage chew the gristle,
crush the porous swellings
at the ends of each slender baton.
With strong molars
they split the tibia, sucking out
the dense marrow.
They use up love, they swallow
every dark grain,
so at the end there’s nothing left,
a scant pile of splinters
on the empty white plate.

बाँबे बारबेक्यु ने आमंत्रण दिलेलं भोजन समिक्षेसाठी.
ऑक्टोपस, स्क्विड, क्रॅब हे घालून वोक खाऊन पाहीला...
ऑक्टोपस आणि स्क्विड चांगला लागतो...

ठिकाण: हॉटेल मूनलाईट, क्रांती चौक, औरंगाबाद.

पदार्थ: नानकालिया (इंग्रजी स्पेलिंग naan qalia)

बेसिकली नान आणि मटन ग्रेवी. प्लस सुक्काही मागवला, एक नंबर चव. मटन ग्रेवी ठीकठाकच. पण मटन पीस असे मस्त शिजवलेले की क्या बात है. इन्स्टंट जन्नत. नानही एरवीपेक्षा जाड, पिवळसर रंगाचे आणि फुगीर. जरा वेगळा प्रकार.

हॉटेलही अगदी रेपुटेशनला जागणारे. ऑथेंटिक चवीच्या जागांचा कळकटपणा आणि तत्रस्थ अन्नाची क्वालिटी हे एकमेकांच्या समप्रमाणात असतात या नियमात बसणारे अगदी टेक्स्टबुक एग्झांपल. लय मजा आली साला. एक नंबर. औरंगाबादेस गेल्यावर अवश्य ट्राय करणे.

ज.म. रस्त्यावर ममता स्वीट्स नामक ठिकाणी पाणीपुरी खाल्ली. बटाटा घातलेली पा.पु. पुण्यातल्या ठेल्यावर आधी कधी पाहिली नव्हती. पण पापु. उच्च होती.

' द टीपसी डकलिंग ' , मौजे कर्वेनगर , वारज्याकडे जाणारा रस्ता मिर्च मसालाच्या शेजारी येथे जाणे झाले .
मद्य मेन्यू चांगला आहे . पुण्यातील दोन मायक्रोब्रिवरीजमधील क्राफ्ट बिअर टॅपवर उपलब्ध आहे . चक्क स्टाऊट होती आणि बरी होती .
फूड मेन्यू टिपिकल आणि महाग आहे . ( बटर चिकन नाचोज रु . २४३ फक्त तीन पिसेस वगैरे )
एकदा जायला हरकत नाही अशी जागा . क्राउड मुख्यतः तरुण . पण आतमधे , कोपच्यात कुटुंबांची/म्हाताऱ्याकोताऱ्यांची व्यवस्था केलेली असते , ज्यायोगे बाहेरील तरुण पिढीला कुटुंबांचा त्रास होणार नाही :) :)

( हि जागा मद्यपानाची जागा ' शुभंकरोती अपार्टमेंट ' मध्ये आहे . असो.)

आज थ्यँक्सगिव्हिंग हा खास भांडवलशाही, अमेरिकी सण आहे/होता. प्रतिसाद लिहितेसमयी गुरूवार असला तरी ब्ल्याक फ्रायडे नामक चवचालपणा सुरू झाला आहे.

संध्याकाळी शेजारच्या मैत्रिणीच्या आग्रहाला, इमोसनल अत्याचाराला बळी पडून तिच्या आईच्या घरी गेले होते. सात प्रकारचे पाय होते, π नव्हे, गोडधोड पाय. त्यांचा प्रत्येकी एक तुकडा घरी माझ्यासोबत पाठवण्यात आला. सहा लोकांसाठी सात पाय म्हणजे जरा जास्तच होतं; मी एकच बनवला असता. असो. सातापैकी तीन तुकडे, चव घेऊन थेट कचऱ्याच्या डब्यात गेले. साखरेचे पाय कसले खायचे!

इति भांडवलशाही सुफळ संपूर्ण.

ममव कोथरुडाचा ( खाद्य )रुचीमेकओव्हर गेलं काही वर्षे चालू आहे . गेल्यावर्षी चिटगोपकर , पेंडशे , ( मोहित ) टाकळकर(सर ) वगैरे मंडळींनीही रोकठोक केपी कोथरुडात आणले . काळाच्या ओघात त्याची प्रशिध्दी एवढी वाढली कि संध्याकाळी साडेसातास गेल्यास भोजनासाठी स्थानापन्न होण्यास एकदिड तास लागू लागला. त्या क्रांतीतील हा पुढचा टप्पा .
आज लन्च 'लेव्हल ५ बिस्त्रो '
जागा : मेहेंदळे ग्यारेज समोर , महादेव मंदिराच्या तिरकं समोर आणि बाबूजी फडके भुयारी मार्गापासून ५० मीटरात . या जागी ट्राफिक चा राडा असतो नेहमी पण वॅलेआहे . तवा बिंदास जावा .

डेकॉर युरोपिअन आहे . अत्यंत प्लेझंट ( इथे आल्यावर तुलनेने बॅरोमीटर चे डेकॉर फार क्लटर्ड वाटते ) पण म्युझिक स्पॅनिश .
येथे मेन्यू मुख्यतः कॉंटिनेंटल व काही मेडीटेरेनियन आहे . ( यांनी उगाचच भारतीय आणि ओरिएंटल घेतले नाहीये हे उत्तम. यामुळे मेन्यू इतर हाटेलांपेक्षा छोटा वाटतो पण मोठा आहे )

संबंध कुटुंब गेलो होतो .
खाणेत आलेले जिन्नस खालीलप्रमाणे .
१. पोर्क रागू
२. Caramalized अनियन सूप .
३ सीफूड चावडर
४. स्टफ्ड चिकन Parmigiana
५. चिकन Schnitzel
६. मेझे सेलिब्रेशन

सर्व जिन्नस स्वादिष्ट होते .
एकंदरीत थोडे महाग आहे ( पण चालतंय की )
मद्य मेन्यू खूपच मोठा आणि खूपच इंटरेस्टिंग आहे ( पण दुपार व अधिकृत चालक ही भूमिका असल्याने एका बिअरवर क्षुधाशांती केली )
येथे किमान मद्य आस्वाद घेण्यासाठी का होईना , वारंवार यायला जमले तर आनंद होईल .

मंडळी , सध्या ( नवीन असल्याने बहुधा ) इथे गर्दी फारशी नाहीये, तेव्हा गर्दीच्या बाबतीत याचे बॅरोमीटर व्हायच्या आधी जाऊन आस्वाद घेऊन या .

आधी आहे कलिंगा ... शेट्टी , मग आले के लाउंज ... सेम शेट्टी , त्यात जवळच भर पडली ती ' कलिंगा गुरमे व्हेज' .. सेम शेट्टी बहुधा पुढची पिढी . आणि आता चालू झाले ' लेव्हल ५ बिस्त्रो ' तात्पर्य : शेट्टी रिइन्व्हेंट्स आल्वेज ..

आगामी आकर्षण : केपी आले कोथरुडा भाग ३ . : जोशी म्युझियमच्या गल्लीत बॅरोमीटरचे माजी रा रा पेंडशे यांचे 'ऑब्लिक' नामे रेस्टॉरंट चालू होत आहे उद्या बहुधा . प्रत्यक्ष भेट दिल्यावर मंडळास अहवाल सादर करणेत येईल .

खाद्यपदार्थांचे फटू काढले आहेत . फेसबुकावर ऐसी रसिक नामे आचरटबाबा स्थापित ग्रुपावर आहेत . माननीय टेक्नोसॅव्ही आचरटबाबा गुरुजी कृपया ते फटू इकडे छापणार काय ?

टाकतोच. तिथल्या जागेचा मॅपवरचा स्क्रीनशॅाटही घ्या.
---
एकूण वर्णानावरून एक वेगळ धागा पडण्याचा ऐवज आहे.
---
रविवारीय पुणे पुरवणीत एक दोन फोटोसह टाकल्यास 'मोनेटाइज' होईल.

फोटो १ stuffed chicken parmigiana

फोटो २
Chicken Schnitzel

फोटो 3
पोर्क रागु

फोटो ४)
stuffed chicken parmigiana

फोटो ५)
Mezze सेलिब्रेशन

फोटो ६ )
caramelized अनियन सूप

फोटो ७)
caramelized अनियन सूप

फोटो ८ )
सिफूड चावडर

फोटो ९)
चिकन Schnitzel

फोटो १०)
मेक युअर ओन रॅप

श्री श्री आचरटबाबा की जय हो !!!
धन्यवाद हो , या मदतीबद्दल ...

यात काय कठीण नसते हो. चुटकुल्या मोबल्यातूनही फेसबुकवरचे फोटो इथे आणता येतात.
१) फेसबुक फोटो पोस्टखालच्या "view full size" क्लिक करायचे. -
२) मोठा फोटो दिसल्यावर अड्रेस बार लिंक कॅापी करायची -
३)
<img src="लिंक" width ="480"/>
इथे टेम्प्लेटात बदलायची आणि योग्य ठिकाणी लेखात पेस्ट करायचे. पुर्वदृष्यमध्ये फोटो दिसला पाहिजे, मग प्रकाशित करायचा.
-----------
बाकी ते चावडर 'चवदार' असावे.

पिअर 39 का मामी ?

मराठी व्यावसायिकांची उज्वल परंपरा पाळत ( दीड तास वेटिंग फेम) बॅरोमीटर मधील दोन पार्टनर , पेंडसे आणि मानकर यांनी ( भांडणाची परंपरा पाळली आहे का नाही ते कळायला स्कोप नाही ) 'ऑब्लिक' नामे रेस्टॉरंट बॅरोमीटर पासून एक किलोमीटरच्या आत , जोशी म्युझियम च्या गल्लीत काढले आहे .
मराठी उद्योजकांना प्रोत्साहन देणे एवढ्या एकाच हेतूने ( रविवारीच बाहेर गिळलेलं असूनही ) एकवीस तारखेला चालू झालेल्या 'ऑब्लिक' मध्ये काल गेलो .
पूर्वीचा जुना इंजिनीरिंग वर्कशॉप कन्व्हर्ट केला आहे . त्याचा एक्सटर्नल डीकॉर मध्ये वापर केला आहे .
मेन्यू साधारणपणे बॅरोमीटर सारखाच , म्हणजे थोडे भारतीय , थोडे ओरिएंटल , थोडे कॉंटिनेंटल . सध्या साध्या कॉम्युटर प्रिंटाऊट वरच मेन्यू आहे ( बॅरोमिटरी परंप्रा ) . साधारण कल बघून नन्तर मेन्यू फिक्स करतील असे वाटते .
वेगेळेपणा म्हणजे इथे सुशी मिळते !!! आणि नागा नावाने काही आसामी पदार्थ .
काल ठिकठिक होतं . पण दुसराच दिवस असल्याने बेनिफिट ऑफ डाउट देऊन , महिन्याने परत जाऊन बघणार .
बार आहे .
अजून एक विंग उघडणार आहेत , त्याचे काम चालू आहे .

तसं मी काय खाल्लं नाही काल, त्यामुळे सांगता येणार नाही नक्की पण पण ..का बरं असं वाटलं तुम्हाला? ( म्हणजे इथे सेफ नसेलही कदाचित रॉ फिश आणि सॅलड ,कोशिंबिरीना पण) पण इतर ठिकाणी सेफ असतं ?
(प्राचीन काळी सुश्री मा आनंदशीलाबैंनी, ओरेगॉनमधे अनसेफ करण्याचं प्रात्यक्षिक दिलं होतं, ते काय कुणिबी करू शकेल असं होतं ते )
अवांतर म्हणजे व्हेज सुशी (@#) पण आहे इथे , आमच्या सारख्या फडतुसांकरिता)

बाणेर येथे चिनार नामक नुकत्याच उघडलेल्या काश्मिरी हाटेलात गेलो. अप्रतिम जेवण. नॉनव्हेजच खाल्लं या वेळेस, त्यांची ऑथेंटिक चव पाहून व्हेजचीही चव उत्तम असेलसं वाटतं. तबक माझ ऊर्फ मटन रिब्स आणि कबाब फ्राय हे स्टार्टर्स घेतले. तबक माझ लय आवडलं. मेन कोर्सात मटन रोगनजोश, रिस्ता (मीटबॉल्स इन ग्रेव्ही) विथ प्लेन पराठा हे खाल्लं. दणदणीत पोर्शन साईझ आणि माईल्ड स्पाईस तरी सुंदर चव. रेटही फार जास्त नाय. रोगनजोश अप्रतिम होतं. नंतर फिरनी घेतली, ती घेतली नसती तरी चाललं असतं. नंतर घेतलेला काहवा मात्र अप्रतिम होता, प्रत्यक्ष श्रीनगरात चाखलेल्या काहव्याची आठवण करून देणारा. अतिसुंदरेस्ट. माझ्याकडून दणदणीत शिफारस.

नेमका पत्ता वगैरे इथे पाहता येईल. हॉटेलमालकांपैकी एकजण प्रॉपर काश्मिरी आहे आणि त्याचे नीट लक्ष आहेसे दिसते. फ्रोझन मीट कुठे दिसले नाही.

https://www.zomato.com/pune/chinar-baner

बाकी नॉनव्हेज डिशेस अति उत्तम, परंतु त्यातही काहवा हा क्लास अपार्ट.

एसेम जोशी पुलाकडून कर्वे रोड क्रॉस करून जो रस्ता जातो त्या रस्त्यावर कोहिनुर मंगल कार्यालयाच्या अलीकडे दोन प्लॉट सोडून एक जुना बंगला* कन्व्हर्ट झाला आहे. कारलोस आर्ट किचन अँड कॅफे .
मिक्सड मेन्यू आहे. मध्यम पोरशन्स , चविष्ट जेवण . बारआहे..नॉनव्हेज नाही ( अंडे आहे) वेगळी प्रेप्रेशन्स आहेत. एकदा जायला नक्की हरकत नाही.

केपी आले कोथरुडा भाग ४ : ' हिप्पी at हार्ट ' ... नथिंग हिप्पी अबाऊट इट .

{हॉटेल रणजित ( म्हणजे माजी एव्ही भट , मग आगाशे आणि सध्या माहित नाही कोण ते ) , रविराजच्या समोरच्या गल्लीत असलेले . हॉटेल पडून पूर्णपणे नवीन झालेले रणजित. हे कधी झालं काही कल्पना नाही ( लानत हय . असो. ) }
हॉटेल रणजितच्या आवारात संपूर्ण तळमजला, मागे मोठे मोट्ठे आवार. त्यात हे हिप्पी at हार्ट. अँबियांस हा खरा तर गोव्याच्या बीचवरचा वाटतो. नावाव्यतिरिक्त इथे हिप्पी काहीही नाही . गारेगार छान प्रफुल्ल वातावरण वाटलं. इथे सर्वप्रकारचे मद्य उपलब्ध आहे . मेन्यू फिंगर फूड आणि सध्या असल्या रेस्टोरंटस मध्ये असतो तसा मिक्सड . ( चीज चिली टोस्ट ते पीत्झा व्हाया पनीर चिली , टाकोस आणि नाचोज )
इथे ' मुनशाईन मिडरी * ' ची Apple सायडर मीड होती म्हणल्यावर इतर सगळ्यावर काट मारून ' त्या घेतल्या ' बाकी फिंगर फूड घेतल. चविष्ट होतं .
एकंदरीत आम्ही चौघे सोडल्यास संपूर्ण तरुण वर्ग . बाळ चौदावे यांची पिढी कॅज्युअल ऐश म्हणून काय करते हे बघणे असल्यास येथे येऊन बघणे.
पुन्हा नक्की जाणार , कारण मीड सोडता इतर खाणे पिणे काही झाले नाही .

* मुनशाईन नावावर जाऊ नका . ही हातभट्टी नाही . पिरंगुटच्या अलीकडे एका छोट्याश्या सेटअप मध्ये ही मंडळी मीड बनवतात. छान आहे .

डबल पोस्ट झाल्यामुळे उडवली ...

या वीकेन्डला, अटलांटिक गावात कॅसिनो वगैरे खेळले. बुफे महाग होता पण अतिशय चविष्ट होता. पहील्यांदा Couscous (कुस्कुस) सॅलड खाल्ले .
अ-प्र-ति-म चव होती.
____________
जवळजवळ ३-४ वर्षांनी शेपूची भाजी आज खाते आहे.