ही बातमी समजली का - ११९

अनेक बातम्यांबद्दल आपल्याला चर्चा करावीशी वाटते. 'ऐसी अक्षरे'वर बातम्यांवर चर्चा करण्यासाठी 'बातमी' नावाचा लेखनप्रकारही अस्तित्त्वात आहे. पण, त्याबद्दल विस्तारानं लिहिण्याइतका किंवा एखादा व्यवस्थित चर्चाप्रस्ताव मांडण्याइतका वेळ किंवा माहिती किंवा उत्साह किंवा हे सारंच नसणं वगैरे कारणांमुळे आपण चर्चाप्रस्ताव लिहीत नाही. शिवाय बऱ्याचदा 'एकोळी' / नुसत्याच लिंका देऊन धागा काढायचंही जिवावर येतं. अश्या बातम्यांसाठी ह्या धाग्याचा वापर करावा. १००हून अधिक प्रतिसाद झाल्यावर नवा धागा काढला जावा / जाईल.

____

एकाकी लांडग्यांच्या (Lone Wolf Terrorist) हल्ल्यांविरुद्ध करायचे सात उपाय :
1. हे असले माथेफिरू एकाकी लांडगे कसे तयार होतात आणि हल्ले कसे प्लॅन करतात याची माहिती काढून तिचे संश्लेषण करणे . "कोण" हल्ला करणार आहे हे समजले तर उत्तमच, पण ते जवळजवळ अशक्य दिसते.
2. हल्ल्याआधी कोणत्या प्रकारचे छुपे संवाद घडत असतात याची माहिती काढून तिचे संश्लेषण करणे, व सर्व सुरक्षा यंत्रणांना ती पुरवत राहणे . यात माहिती काढणारे आणि तिचे संश्लेषण करणारे यांच्यात जवळचे सहकार्य अपेक्षित आहे .
3. मुसलमान समाजाशी जवळचे संबंध ठेऊन माहिती मिळवण्यास त्यांचे सहकार्य मिळवणे. तसेच त्या समाजातील प्रतिष्ठित लोकांतर्फे समाजात दहशतवादाविरुद्ध मत तयार करणे . दहशतवादी हे आपल्या समाजाची (निदान सुप्त का होईना ) वाहवा मिळविण्यासाठी असली कृत्ये करतात हे लक्षात ठेवणे.
4. कोणत्या, कशा प्रकारच्या घटनांनी (राजकीय? सामाजिक? वैयक्तिक ?) दहशतवादी हल्ले "ट्रिगर" होतात यावर संशोधन करणे .
5. दहशतवाद्यांना "स्फूर्ती ' कशापासून आणि कोणत्या लोकांपासून मिळते ते शोधून काढणे. अशी 'स्फूर्तिस्थाने " निकामी करणे आणि दहशतवादामागची "उदात्तता", त्याविरुद्ध प्रचार करून नष्ट करणे.
6. पालक , शाळा, विद्यापीठे येथे माहिती सत्रे घेत राहणे . अनेक दहशतवादी तरुण विदयार्थी असतात . त्यांची दहशतवादाकडे आकृष्ट होणार्याच्या व्यवच्छेदक लक्षणांची (अचानक अबोल होणे, फेसबुक वरच्या पोस्ट्स , शस्त्रास्त्रातील नवा इंटरेस्ट , मध्यपूर्वेची वारी, मित्रमंडळ बदलणे, मशिदीच्या वाऱ्या आणि धर्माची कर्मकांडे वाढणे इत्यादी इत्यादी ) माहिती सर्वांना पुरविणे.
7. कोणाच्या हातात बंदुका जाऊ शकतात यावर सक्त सामाजिक नियंत्रण . लष्करी हल्ल्याजोग्या ("assault") बंदुकांची खरेदी कोण करत आहे यावर नियंत्रण .

हे सर्व खालील लेखातून घेतले आहे :
Preventing Lone Wolf Terrorism: some CT Approaches Addressed
by Edwin Bakker and Beatrice de Graaf
http://www.terrorismanalysts.com/pt/index.php/pot/article/viewFile/prev…
आणि भारतात हल्ली मॉल, थिएटर यांची आपली आपली सुरक्षा असते असे दिसते . ते फारच उत्तम!