ग्रेट बॅकयार्ड बर्ड काऊंट २०१५: अर्थात आपल्या परसातील/परीसरातील पक्ष्यांची मोजणी

हो तर! ते तर हवेच! :)

जरा गरम कपडे घालून एखाद्या नदीजवळ किंवा झुडुपांजवळ (पानगळ झाली असली तरी) निरीक्षण करत थांबलात तर अधिक पक्षी नजरेस पडावेत.
हिवाळ्यात सगळे पक्षी स्थलांतर करत नाहीत (अगदी न्यूयॉर्क शहरामध्येही हिवाळ्यात किती पक्षी वैविध्य आहे हे एका हिवाळ्यात "बॅकयार्ड बर्ड वॉक" ला सेंट्रल पार्कात गेलो असताना समजले होते. अर्थात त्यांनी "प्रमाण नावे" (अर्थात नीरस नावे) सांगितल्याने एकही लक्षात नाही :(

कदाचित हा दुवा किंवा असेच जालावरील दुवे उपयुक्त ठरावेत

इथे नोंदवूया :)

मी विकांताला दोनदा निरीक्षण केले.
-- अनेकदा दिसणार्‍या चकचकीत निळ्याशार (व वाकलेल्या अणकुचीदार चोचीच्या) शिंजीर पक्षाचा रंग बदलू लागला आहे. (तोच तो पक्षी जो गेल्या वर्षी (बहुधा) टिंकुला तिच्या घराजवळही दिसला होता).
-- वेडा राघुच्या जोडल्याचे समोरच्या एका बोगनवेलीच्या झुडुपांत नी एका बॉटलपफच्या गर्दीत सारखे जाणे येणे चालले आहे. बहुदा घरट्याचा बेत असावा
-- उंबराची फळे खाण्यासाठी काही हरीतालक आले आहेत
-- तांबटाचा आवाज येतोस सकाळी पण दिसला नाही.
-- यंदा अजून तरी राखी धनेश आलेले नाहीत. बहुदा अधिक उन्हाळा सुरू झाल्यावर पानगळ झाली की दिसतील.
-- सातभाईं पूर्वी टेकटीवरच्या जंगलात दिसत ते आता सोसायटीजवळच्या एका पंपहाउसभोवतीही घुटमळू लागले आहेत. (नुसत्याच झालेल्या एका विदर्भातील फार्म हाउसमध्ये हे मोप दिसले होते)
-- बाकी नेहमीचे बुलबुल, चिमण्या, पारवे, कावळॅ, डोमकावळे दिसतात ते दिसलेच.

===

गेल्या उन्हाळ्यात देवकावळ्याचे दर्शन कोकणात झाले होते. यंदाच्या ट्रीपला पुन्हा झाले तर काय मज्जा! :)

अरे हो! अतिपरिचयात अवज्ञा होऊन कोतवाल नी भारद्वाजांचा उल्लेख राहिलाच की माझ्या यादीत.

आउलेट्स बद्दल उत्सुकता आहे. कधी फोटोत टिपता आले तर बघा.
फुलचोच्या म्हणजे हा निकेलचा /टिकलचा फुलटोच्या म्हणायचाय का शिंजिर का आणखी कोणी?

काल-परवाच पोपटांचे खूप आवाज ऐकायला मिळाले, बाहेर डोकावल्यानंतर दिसले मात्र नाही.

त्यानंतर स्वतःला मोजले की नाही ??! ;)

अनेकदा लकडीपुलाच्या आजुबाजुच्या झाडीत पोपटांचे थवे विसाव्याला येतात.
नदीपुलातून डेक्कन बसस्टॉपच्या मागील बाजूने पलिकडे जाताना समोरच्या झाडांवरही संध्याकाळी पोपटांचे लहान थवे विसाव्याला येताना हमखास दिसतात.

हिंजवडीतही अनेकदा पोपट दिसतात.

साळुंकी बद्दल एक निरीक्षण, एवढ्यात हे पक्षी फार घोळक्याने दिसत नाही. तसा त्यांचा विशेष घोळका असतो असं नाही पण ज्या २-४ बरोबर असतात त्याही दिसत नाही. दिसली तरी एकटी-दुकटी दिसते.
नाशिकला आमच्या घरापुढे बदामाचं झाड(डं) आहे त्यावर तर घोळक्याने किलबिलाट चालू असतो, एवढ्यात तिथेही अश्या घोळक्याने फार साळुंकी पहायला मिळाल्या नाहीत.

कविता महाजनांच्या "ब्र" मध्येही नायकाचं (?) नाव दयाळ आहे. आता हे नाव आहे की आडनाव याचा कधीच पत्ता लागला नाही.

धोबी सहसा नदीकिनारी दगडांत घरटे करतात, त्यामुळे खडकाळ नदीकिनारी ते सहसा भटकत असतात त्यावरून हे नाव पडले आहे

दयाळ - होय हा अनेकदा दिसतो. त्याची विनीच्या हंगामातील शीळ मात्र खरोखरच भारी असते. दयाळ गातो हे एरवीच्या त्याच्या एकसुरी आवाजावरून पटणार नाही पण विणीच्या हंगामात तो खरोखर अनेक आवाज - सुरावटी काढतो त्या मोहक असतात. (कोकीळ झक मारेल - तरही ते भल्या पहाटे कर्णभेदक किंचाळून आमची झोपमोड करणारे मिस्टर कोकीळ सुरवातीचे क्वचित येणार्‍या आवाजाचे दोन दिवस गेले की आम्हाला नावडू लागतात)

नाचरा हा लढवैय्या पक्षी आहे. कावळे याला खूप घाबरतात. याचे घरटेही शँपेनच्या ग्लाससारखे असते (जमिनीपासून ६-८ फुटांवर असते - मी चिकू नी डाळिंबांच्या झाडुआंच्या बेचक्यात बघितले आहे). अंडी घातल्यावर तर हा शेवटी फुलवून त्यांचे ज्या सजगतेने रक्षण करतो ते पाहणे रोचक असते.

मी भारतात गेले होते तिथे आमच्या भागात भारद्वाज रो-ज दिसला. कारण दुपारी तो रो-ज समोरच्या झाडावरती विश्रांती घेई. एकदम निवांत!!! :)

वॉव! कांचन आजवर एकदाच खोपोलीजवळ बघितला आहे.

आवाजी माहितीबद्दल पेश्शल आभार! :)