साधारण अर्थसंकल्प

आजपासून संसदेच्या अर्थसंकल्पीय अधिवेशनाचे दुसरे सत्र सुरु होणार आहे. आज लोकसभा पुन्हा भरेल तर राज्यसभा २३ एप्रिल पासुन सुरु होणार आहे.
लोकसभेचे सत्र ८ मे पर्यंत सुरु राहील तर राज्यसभा १३ मे पर्यंत.
भुमिअधिग्रहण विधेयक परत एकदा जारी करण्यासाठी सरकारने राज्यसभेच्या सत्राची समाप्ती केली होती. त्यामुळे राज्यसभेसाठीचे हे नवीन अधिवेशन असणार आहे.

==
व्यवस्थापकः
या सत्राच्या उत्तरार्धासाठी प्रतिसादाचे रुपांतर वेगळ्या धाग्यात करत आहोत.
या सत्राच्या पुर्वार्धामधील कामकाजासाठी हा धागा बघता येईल

आज, २३ फेब्रुवारी २०१५, पासून बजेट सत्र सुरू होत आहे.

या धाग्यावर रेल्वेबजेट व सर्वसाधारण बजेटमधील तरतुदींविषयी चर्चा करता येईल.
एन्डिए-२ सरकारचा हा पहिलाच अर्थसंकल्प म्हणता येईलच पण भाजपाला एकटीला लोकसभेत बहुमत असताना येणारा हा पहिलाच अर्थसंकल्प असेल. या अर्थसंकल्पांतील तरतुदी, अपेक्षा, अंदाज, बातम्या इत्यादी प्रकारची चर्चा इथे करावी.

सव्यसाची यांच्या या धाग्यावर त्या दोन विधेयकांव्यतिरिक्त अन्य सत्रासंबंधी चर्चा करावी.

संसदेचे अर्थसंकल्पीय अधिवेशन दिनांक २३ फेब्रुवारी ते ८ मे या दरम्यान असणार आहे. हे अधिवेशन २ टप्प्यात होईल. दि. २० मार्च ते १९ एप्रिल या कालावधीमध्ये संसदेला सुट्टी असेल. या दरम्यान वेगवेगळ्या विभागाच्या स्थायी समित्या अर्थसंकल्पात असलेल्या तरतुदींचा अभ्यास करतील.

पहिल्या ५ दिवसांचे वेळापत्रक असे :
२३ फेब्रु: राष्ट्रपतींचे अभिभाषण
२४ आणि २५ फेब्रु: अभिभाषणावर चर्चा आणि धन्यवाद प्रस्ताव
२६ फेब्रु: रेल्वे अर्थसंकल्प
२७ फेब्रु : आर्थिक सर्वे
२८ फेब्रु: केंद्रीय अर्थसंकल्प