छापील दिवाळी अंक २०१४

पुरुष स्पंदन असा अंक असतो??

मी चुकून छात्रप्रबोधनचा बालसाहित्याचा दिवाळी अंक उघडला.
"माझे वक्तृत्व" की काय असा प्रवीण दवणे यांचा लेख!
अर्थात तो मुळातून वाचण्यालायक आहे.
त्यांचा एक किस्सा त्यांनी दिलाय :
एके ठिकाणी खेड़ेगावात व्याख्यते म्हणून "ह भ प दवणे बुवा" असे लिहिले होते. कारण त्याशिवाय लोक फिरकत नाहित असे संयोजक म्हणतात. प्रवीणजी लिहितात : "मग काय केले कीर्तन दणकून!" इथे त्यांनी "दवणकून" असा नवा शब्द घातला होता, परंतू मुद्रितशोधनातल्या त्रुटीमुळे तो चुकून दणकून असाच छापला असावा!

छापील दिवाळी अंकांबद्दलचे काही जुने धागे :

http://www.aisiakshare.com/node/229
http://www.aisiakshare.com/node/1441

चित्रा पालेकरांनी मराठीत लिहिलय का मौजेत? :O डोक्यावरून समांतर गेलं का वाचल्यावर?

आतापर्यंत माझ्याकडे आलेले किंवा येऊ घातलेले अंक -

म.टा.
लोकसत्ता
लोकमत
अनुभव
कालनिर्णय
मुक्त शब्द
खेळ
मौज
अक्षर
ललित
वसा
पद्मगंधा
उत्तम अनुवाद
दीपावली

ह्यापैकी म.टा. आणि कालनिर्णय जवळपास वाचून झाले आहेत.
म.टा.त उल्लेखनीय -
भारतीय राजकारणात बहुसंख्याकवाद - सुहास पळशीकर ('वर्तमानाची स्पंदनं' विभागात)
संशोधकांचे पुणे - श्रीधर लोणी ('प्रदेशाच्या खुणा' विभागात)
भाषांतरांचे कारखाने - डॉ. आनंद पाटील ('किताबखाना' विभागात)
पुस्तकांचं घर - नितीन रिंढे ('किताबखाना' विभागात)

'कालनिर्णय'मध्ये उल्लेखनीय -
पत्त्यांच्या स्वरूपा तुज नमो - विकास गायतोंडे ('मनोरंजन' विभागात)
नवी गाणी नवा बाज - मुकुंद कुळे ('मनोरंजन' विभागात)
धक्कथा - मुकेश माचकर
'ऐसी'वरच्या आदित्य जोशीच्या मुलाखतीसंदर्भात उल्लेखनीय - 'वेगळा' शिरीष कणेकर : भारतीय समलैंगिकांच्या चळवळीचे नेते अशोक राव कवींचं व्यक्तिचित्र.

अक्षर आणि लोकसत्ता चे दिवाळी अंक घेतले. अक्षर चा दिवाळी अंक वाचायला सुरुवात केली पण फार वाचून झाला नाही. अंकातला पहिलाच लेख "पंतप्रधान विकणे आहे" ह्या शीर्षकाचा, छान आहे (अगदी उत्तम किंवा नवीन अशी माहिती नाही). पण मोदी, मोदी सरकार आणि भाजपा ह्याबद्दल आहे - देशाला मोदी नामक पंतप्रधान विकण्यात कसं यश मिळालं (मोदींना आणि भाजपाला देखील) आणि काय-काय गोष्टी त्यासाठी केल्या ह्याबद्दल चा निळू दामलेंचा लेख वाचनीय आहे.
बाकी अक्षरे मधे "सेल्फी" नामक एक विभाग आहे ह्यावेळी त्यात तरूण मंडळींचे विचार मांडले आहेत, खूप उत्सूकतेने वाचायला सुरुवात केली पण अतिशय टुकार वाटले ते लेख. भाषा अतिशय बाळबोध आणि विषयांना म्हणावा असा गाभा नाही, मुळात निवडलेले विषयच नेहमीचे रटाळ आहेत. हे 'सेल्फी' विभाग सोडून बाकी लेख बरे निदान वाचनीय असावेत अशी अपेक्षा.

कवी हेमंत दिवटे संपादित "अभिदानंतर" २०१४ दिवाळी अंक प्रसिद्ध होतोय/झालाय.
पर्व तिसरे आणि अंक पहिला असे लिहलय त्यावर.
लाकूडतोड्याची कथा लिहिणारे संजीव खांडेकर यांचे अभ्यासू आणि संदर्भसंपृक्त, तसेच इथले काही हंगामी सदस्य यांचे लेख कविता आहेत असे कळते. काही नविन नावे देखील आहेत. कोणी वाचला, विकत घेतला आहे का?
अंकाशी संबधित कुणी आहे का? याविषयी अधिक वाचायला आवडेल. अभिदानंतरचे आजीमाजी अंक जालावर उपलब्ध होतील/आहेत का?