मजेशीर नावे

परवाच फेबुवर एक पोस्ट वाचली. कोणीतरी मुलाचे नाव 'निर्वाण' ठेवल होतं.

गुणी नाव हे मला विचित्र वाटतं.

मला "प्रणय" हे नाव फार विचित्र वाटतं. मित्राच्या भावंडांपैकी एकाचं आहे हे नाव.

मला प्रश्न पडतो, त्याचे आई-वडील त्याच्या बद्दल सांगताना जे बोलत असतील ते ऐकून कसं वाटेल.
"हा आमचा प्रणय, लग्नानंतर अम्हाला तीन वर्षानी प्रणय झाला"
"आमचा प्रणय आम्हाला फार त्रास देतो, रात्रभर झोपू देत नाही"
"आम्हाला प्रणय झाला आणि आमचं आयुष्यच बदलून गेलं"
"आता प्रणय आमच्यात रहात नाही"

शेजारचे असंही म्हणत असतील :
"तुमच्या प्रणय ला जरा आवरा, केवढ्या उड्या मारतो - खाली रोज दणा-दणा अवाज"
"तुमचा प्रणय भलताच अगाउ ए हं ;) "
"तुमचा प्रणय फार लाघवी आहे:"
"तुमचा प्रणय फार उदास दिसतोय"

प्रणयच्या आईचं हे साधंच वाक्य पण मुलाच्या नावामुळे गोंधळवणारं : "बाई गं, हे आले पण अजून प्रणय काही आला नाही... अहो जरा बघता का"

प्रणयची बायको/प्रियसी - "मला काही काही नको, प्रणय हवा आहे फक्त प्रणय! "

(अजूनही बरच काही, पण सध्या असो!)

माझ्या एका बंगाली सहकार्‍याचे नाव सुभोजित असे होते.

सु-भोजित म्हणजे खाऊन-पिऊन सुखी, असा अर्थ होतो वाट्टं!!

ऐसीवर अजून एक राधिका आहे, पण तीही गुणीच आहे बर्का! ;)
बाकी, ऐसीवर स्वागत. पुढिल लेखन अधिक विस्तृत व दर्जेदार असेल अशी आशा व शुभेच्छा!

नाव कोणतेही ठेवा फक्त त्याचा किमान स्वतःला उच्चार करता येईल असे ठेवा इतकीच माफक अपेक्षा असते माझी.
आमच्या एका शेजार्‍याच्या मुलाचे नाव अथर्व आहे. तो मुलगा, त्याचे आई-बाप नी घरातील इतर प्रजा सगळॅ त्याला 'अतर्व' म्हणतात. शिवाय त्या 'अतर्व'मध्ये कंपासपेटी वा छत्रीसारखा हरवण्याचा गुणधर्म असल्याने दिवसातुन किमान दोनदा तरी त्याची माय अख्ख्या सोसायटीभर "अतर्व... ए.. अतर्व" करत आर्त (नी कितीही दुर्लक्ष करायचं म्हटलं तरी करता न येणार्‍या आवाजात) हाका मारत फिरत असते. माझा नक्की राग त्या आवाजावर आहे की अथर्व या नावावर हा किंचित वादाचा मुद्दा सोडून देऊ :P

आमच्या सोसायटित एका कार पुसणार्या लहान मित्राचं नाव मी पद्या समजत होतो, ते प्रद्युम्न निघालं. त्याने आधीही सांगितलं होतं पण जाम थांग लागला नव्हता ;)

एका परिचितांनी नाव ठेवलं राध्ध्या, एखाने भाग्ग्या यांचा अर्थ काय? (उच्चार कळावे म्हणून ग्ग / ध्ध केलंय).

एक तर अशी नावां काय दिव्व्या काय देवनागरीत लिहिताना त्याचं दिव्या होतं मग दिव्या दिव्या दिपत्कार आठवतो :P

धन्यवाद ऋषिकेश. नक्कीच पुढिल लिखाणात सुधारणा होइल. सध्या मराठी मधुन काहीही चुका न करता की बोर्ड वरुन टाईप करणे हे शिवधनुष्य पेलल्यासारखेच आहे. :)
आणि सगळ्या राधिका गुणी च असतात असा मा़झा वैयक्तिक अनुभव आहे. :)

ऑफिस मध्ये एकजण सांगत होता, त्यांच्या शेजारी एक नॉर्थ इंडियन राहतात. शिवरात्रीच्या वेळी जन्म झाला म्हणून मुलीचे नाव "शिवी" ठेवलेय त्यांनी! :)

बरं ठेवले तर ठेवले, तसले नाव असताना मराठी भाषिक शहरात राहायला आलेत. त्या बिचार्‍या मुलीचे नंतर शाळेत गेल्यावर काय होईल देव जाणे!

आम्ही तर जन्मतःच मजेशीर (आड)नाव घेऊन आलोय! :)

माझ्या एका भाचीचे नाव सृष्टी. तसे नाव उच्चारायला अंमळ औघड. असे नाव का ठेवले असे इच्यारले असताना तिच्या आज्जीने कारण सांगितले की 'या नावाची वाट लावता येत नाही.' झालं, आम्हाला काय स्वस्थ बसवतंय होय? लागलीच ती असाईनमेंट आमच्या एका कझिनब्रदरास दिल्ही. मग तेणे सत्वरि विडंबिले- 'सृष्टी, खाते उष्टी' येणेप्रकारे.

एका तिळ्या बहिणींची नावे आहेत- ग्रीष्मा, उष्मा आणि व्योमा.

गुजराथी लोकांमध्ये विचित्र नांवे ठेवण्याची एक लैच फॅशन आहे- टिम्सी, हनी, आकर्षण, नैतिक इत्यादी. हेत्वी, हेतल या नावांचा अर्थ सांगणारे अजून कुणी भेटलं नाहीय. बाकी मनन-चिंतन-जपन-स्तवन हे नेहमीचंच. एका राज्ञी नावाची मुलगी पण ओळखीची होती.

थेंब आणि स्पर्ष हि नावे ऐकली आहेत.