कविता

अनिरुध्द अभ्यंकर

कवी - अनिरुद्ध अभ्यंकर

काळोख

आता मला हवा आहे
फक्त काळोख मिट्ट काळा...
ज्याच्या मिठीत
होतील अदृश्य
हे प्राक्तनाचे
ढळढळीत संकेत...
निदान टाळता तरी
येईल मला
माझीच नजर ...

--------------------------

निकाल

मला अजूनही
समजलं नाही...
प्रश्न सोपा होता
की
अवघड होते उत्तर...
पास की नापास
ते तर
तू
कधीच सांगितलं नाहीस...

विशेषांक प्रकार

मन Fri, 01/11/2013 - 11:05

+१
.
दुसरी कविता की चारोळी जे काय आहे, त्यातून चंद्रशेखर गोखलेंच्या "मी माझा" जी आठवण झाली.
(आता कुणा प्रगल्भाला तेसुद्धा दवणीय वाटत असेल तर वाटू देत. पण म्हपल्याला त्यावेळेला लै आवडले होते.)

तिरशिंगराव Fri, 01/11/2013 - 11:24

दोन्ही कविता आवडल्या. दुसर्‍या कवितेतील घटनेमुळे पहिली सुचली का?

धनंजय Fri, 01/11/2013 - 22:39

छान.

(दोन कविता देण्याचा निर्देश कुठे होता, कोण जाणे. परंतु अनेक कवींनी दोन-दोन कविता दिलेल्या आहेत.)