आगामी कार्यक्रम / उत्स्फूर्त कट्टे - कोणकोण येतंय? - २

अवांतर - मुंबईत असताना मुद्दाम फ्रेन्च शिकले होते. पण त्या वर्गात मला नेहमी त्या अनोळखी शब्दांच्या अन ध्वनीच्या सरमिसळीत "सत श्री अकाल" ऐकू येत असे. पुढे अर्थात कॅनडाला स्थाईक होण्याच्या आधी अमेरीकेचा नंबर लागला त्यामुळे फ्रेन्च शी परत संबंध आला नाही.

काठी अन घोंगड घेउद्या कि र मला बी जत्रला येउद्या कि!

फिल्म इन्स्टिट्यूट मधला थेटर पुरातनकालीन आहे. साऊंड खूप खराब आहे. एनएफएआय मध्ये का नाही स्क्रीन करत हे फ्रान्सिस अलायन्सवाले लोक?

श्री रामकृष्ण मठ - पुणे येथे त्यांच्या मंदिराच्या वर्धापन दिना निमित्त महोत्सव चालू आहे. त्यात शास्त्रीय संगीताचे (गायन) ३ कार्यक्रम होणार आहेत. तपशील येणेप्रमाणे -

रविवार दि. २९ मार्च - श्री. शेखर कुंभोजकर
सोमवार दि. ३० मार्च - श्री. आनंद भाटे
मंगळवार दि. ३१ मार्च - विदुषी मालिनीताई राजुरकर

वेळ - सायंकाळी ७ ते ९
स्थळ - मठाचे प्रांगण
पत्ता - रामकृष्ण मठ, दांडेकर पुलाजवळ, सिंहगड रस्ता, पुणे
तिकीट दर - विनामूल्य

सध्या वसंत व्याख्यानमाला सुरू आहे. त्यात १ मे रोजी -
वक्ते - राजीव साने
विषय - 'आधुनिकता व भारत'
स्थळ - टिळक स्मारक मंदिर
वेळ - सा. ६:३०

महेश एलकुंचवार यांच्या 'यथा काष्ठं च काष्ठं च' ह्या ललित लेखाचं अभिवाचन
वाचक : मोहित टाकळकर
स्थळ, वेळ : शनिवार २ मे, सायं. ७:३० वा, सुदर्शन रंगमंच, शनिवार पेठ.

कलेचा इतिहास म्हणजे काय? कलाव्यवहार म्हणजे काय? कलेतिहास, कलासमीक्षा आणि दृश्यसंस्कृती यांचा परस्परांशी संबंध काय असतो? समकालीन कला, कलाव्यवहार यांच्या बदलत्या व्याख्या काय आहेत? या संदर्भातील महत्त्वाच्या कलाकृती, कलाकार आणि घटना कोणत्या? कलाकारांनी आजच्या घडीला हे समजून घेण्याची काय गरज आहे? यातून कलाव्यवहार कसा घडतो आणि बदलतो आहे? कलाभ्यास करताना, कलेची विविध रूपं समजून घेताना वापरल्या जाणाऱ्या संज्ञा आणि संकल्पना सोप्या पद्धतीनी कशा समजून घेता येतील?

या प्रश्नांची उत्तरं शोधायची असतील तर -
'चित्रबोध' कार्यक्रमांतर्गत महाराष्ट्र कल्चरल सेंटर, पुणे हे नाईन स्कूल ऑफ आर्ट, नवी दिल्ली यांच्या सहयोगाने दोन दिवसाची कार्यशाळा पुण्यात आयोजित करत आहे. कार्यशाळेत मांडणी इंग्रजीतून असेल. कार्यशाळेत भर हा इंग्रजीतील लिखाणावर नसून प्रत्यक्ष कृती, खेळ, साहित्य-सामुग्री आणि चर्चेतून विषय समजून घेण्यावर असेल.
वक्ते: राहुल भट्टाचार्य, आभा शेठ आणि समुद्र सैकिया
दिनांक: ७ आणि ८ मे, २०१५
वेळ: सकाळी १०.०० ते संध्या. ६.००
स्थळ: सुदर्शन कलादालन, शनिवार पेठ, पुणे
नोंदणी शुल्क: रु. १२००/-
नोंदणीसाठी संपर्क आणि अधिक माहिती इथे
टीप : दृश्यकलांचे विद्यार्थी आणि नवोदित कलाकार यांना प्राधान्य. प्रवेश मर्यादित.

ह्या आधीच्या 'चित्रबोध'विषयी

ही प्रतिक्रिया इथे हलवली आहे.

ही प्रतिक्रिया इथे हलवली आहे.

नमस्कार,

येत्या ३० मे २०१५ रोजी लिंगभाव समतेसाठी काम करणाऱ्या स्त्रिया आणि पुरुषांच्या काही संघटनांनी एकत्र येऊन 'मर्दानगी' या विषयावर चर्चा करण्यासाठी युवकांना डोळ्यासमोर ठेवून एक दिवसाची ‘पुरुषभान परिषद’ आयोजित केलेली आहे. युवकांनी बोलतं व्हावं या उद्देशाने ही परिषद आयोजित केली जात आहे. राष्ट्र सेवा दल, पर्वती पायथा, पुणे येथे ही परिषद होणार आहे.

गेल्या काही वर्षात खून, बलात्कार, संस्कृती रक्षकांचे वारंवार होणारे हल्ले, निवडून आलेल्या सांप्रदायिकतावादी सरकारातील मंत्र्यांनी केलेली प्रक्षोभक वक्तव्ये यातून मर्दानगी आणि सत्तासंबधाची एक परिभाषा आपल्या मनावर ठसवली जाते आहे. ती अधिक दृढ करण्यासाठी मूलतत्त्ववादी मंडळींनी तरुणांना हाताशी धरले आहे. मूलतत्त्ववादी लोक ज्या तरुण मुलांना हाताशी धरून त्यांच्याकडून पद्धतशीरपणे हल्ले घडवून आणतायत, ती सारी तरुणाई, ‘मर्दानगी’ या विषयावरील वैचारिक चर्चाविश्वाच्या परिघाबाहेर वावरणारी आहे. किंबहुना आपण (स्त्रीवादी आणि सामाजिक संघटना) मांडत असलेल्या विचारविश्वाच्या परिघाकडे या तरुणाईने अजिबात फिरकूच नये म्हणून हे मूलतत्त्ववादी लोक जाणीवपूर्वक जुन्याच संकल्पना, आयकॉन्स त्यांच्या मनात पेरत आहेत आणि नव्या ‘मर्दानी अस्मिता’ त्यांच्या डोक्यात घुसवत आहेत. त्यामुळे आपली परिभाषा त्या तरुणाईपर्यंत पोचत नाहीये. आपली निषेधाची परिभाषादेखील त्यांच्यापर्यंत पोचत नाहीये.

त्यासाठी या तरुणाईला नेमकं काय वाटतं आहे हे आपल्याला आधी समजून घ्यायला हवं. या तरुणाईचं अनुभवविश्व नेमकं काय आहे, त्यांच्या विचार आणि मतांच्या चौकटी काय आहेत, त्यांच्या नेमक्या कोणत्या भावना-संवेदनांची आपण दखल घ्यायला हवी आहे, हे सगळं समजून घेण्यासाठी आपण त्यांचं म्हणणं आधी ऐकून घ्यायची तयारी दाखवायला हवी असं आम्हाला प्रामाणिकपणे वाटतं. म्हणूनच ही ‘पुरुषभान परिषद’ आयोजित केली आहे.

२० ते ३५ या वयोगटातील अधिकाधिक पुरूषांनी या परिषदेत सहभागी व्हावं अशी अपेक्षा आहे. इतर सर्व यात प्रेक्षक, निरीक्षक म्हणून भाग घेऊ शकतील. परिषदेची रजिस्ट्रेशन फी प्रत्येक व्यक्तीसाठी ५० रुपये असून प्रवासखर्च ज्याचा त्यांनी करायचा आहे. संघटना म्हणून आपण यात सहभागी होणार असाल तर त्याचे सहभाग शुल्क १००० रुपये आहे. आपला चेक ‘नारी समता मंच’ या नावाने काढावा. ऑनलाईन ट्रान्सफरच्या तपशीलासाठी 'नारी समता मंच' च्या कार्यालयात अलका पोतनीस यांना संपर्क करावा (०२०-२४४९४६५२, सोमवार ते शुक्रवार, १२ ते ५) किंवा खालीलपैकी कोणत्याही मोबाईल नंबरवर फोन केल्यास माहिती मिळू शकेल.

आपला सहभाग कृपया २५ मे पर्यंत नक्की कळवावा, म्हणजे परिषदेच्या आखणीसाठी ते सोयीचं होईल. परिषदेची कार्यक्रम पत्रिका लवकरच जाहीर करत आहोत. परिषदेच्या आयोजनाला आर्थिक पाठबळ देण्यासाठी व्यक्तिगत/संस्थात्मक पातळीवरील देणग्यांचंही स्वागत आहे.

सस्नेह,

कुंदा प्रमिला निळकंठ : ९९६९१४८६५४
गीताली विनायक मंदाकिनी : ९८२२७४६६६३
उत्पल वनिता बाबुराव : ९८५०६७७८७५

विषय : हवामानविषयक परिषदेतला पॅरिस मसुदा आणि त्याचे भारतावर परिणाम (चर्चासत्र)
वेळ : शनिवार १३ फेब्रुवारी, सं. ६
स्थळ : बाल शिक्षण मंदिर शाळेचे सभागृह, कोथरुड
प्रवेश विनामूल्य
अधिक माहिती

या वर्षीचं राजेंद्र व्होरा स्मृतिव्याख्यान -
वेळ : आज सायं ६ वाजता.
स्थळ : पत्रकार संघाचं सभागृह.
वक्ते : जेएनयूमधले प्रा गोपाल गुरू.
विषय : आजकालच्या आंदोलनांतील सामाजिक व राजकीय तत्त्वे.

विषय - जे एन यू विद्यार्थी आंदोलन आणी राष्ट्रद्रोहाची संकल्पना
वक्ते १) अन्वर राजन
२) प्रा. नितेश नवसागरे
३) डॉ विश्वंभर चौधरी
अध्यक्ष- डॉ कुमार सप्तर्षी
स्थळ - गांधीभवन कोथरुड
वेळ- सायंकाळी ६
कार्यक्रम स्थळी- ४ व २ चाकी मोफत व पुरेसे पार्कींग, पिण्याचे पाणी व स्वच्छतागृहाची सोय आहे

'पुणे इंटरनॅशनल सेंटर' च्या वतीने १ ते ४ जुलै इराणी चित्रपट मोहोत्सव.
स्थळ : एन.एफ.ए.आय, प्रभात रोड, पुणे, ०४ https://goo.gl/maps/5aySXEPhkLQ2
वेळ : १ जुलै सं.६:३० वा. आणि २ ते ४ जुलै स.१०:३० ते सं.६:००.
शुल्क : विनामुल्य
प्रवेश सर्वांसाठी खुला.
ह्या चित्रपट मोहोत्सवात दाखवल्या जाणार्‍या चित्रपट आणि वेळापत्रकाबद्दल आधिक माहिती खाली दिलेल्या PDF मधे मिळेल :
http://nfaipune.nic.in/pdf/Iranian%20Film%20Festival%202016.pdf

उद्यापासून (१३ जुलै) नॅशनल फिल्म आर्काइव्ह पुणे येथे युरोपियन चित्रपट महोत्सव सुरू होत आहे. अधिक माहिती इथे मिळेल.
प्रवेश विनामूल्य आणि खुला.

रा.चिं. ढेरेंसाठी दुखवटा सभा म्हणून भारत इतिहास संशोधक मंडळात अ‍ॅन फेल्डहाउस यांचे व्याख्यान आयोजित केले आहे.
विषय : "Revealing and respecting divinity in Lilacharitra"
वेळ : शनिवार १६ जुलै संध्याकाळी ६ वाजता
स्थळ : संस्थेचे राजवाडे सभागृह

सस्नेह निमन्त्रण !!

डॉ. वा. के. लेले स्मृति-व्याख्यानमालेचे चौथे पुष्प

विषय – गुरुचरित्र पारायण – एक बहुआयामी आकलन

वक्त्या – डॉ. मुग्धा येवलेकर (पोस्टडॉक्टोरल फेलो, डिपार्टमेंट ऑफ थिऑलॉजिकल स्टडीज़्, लॉयोला मेरीमाउंट युनिव्हर्सिटी, लॉस एंजलिस, अमेरिका)

या कार्यक्रमास आपण अवश्य उपस्थित रहावे ही विनंती.

श्री. शं. बहुलकर

मानद सचिव

वेळ – मंगळवार, दि. १९ जुलै २०१६, सायं. ६.०० वा.

स्थान – भांडारकर संस्थेचे टाटा सभागृह

सारांश

गुरुचरित्र हा सोळाव्या शतकात लिहिला गेलेला ग्रन्थ गुरुभक्तीविषयीचा मराठीतील सर्वात महत्त्वपूर्ण ग्रन्थ मानला जातो. प्रासादिक शैली, वैदिक, पौराणिक, आणि धर्मशास्त्रीय सन्दर्भ आणि सर्वसामान्य माणसांच्या आयुष्यातील ऐहिक आणि प्रापंचिक अडचणींवर मात करण्यासाठी गुरूचे मार्गदर्शन, अशा विविध वैशिष्ट्यांमुळे हा ग्रन्थ केवळ पंडित आणि अभ्यासक यांच्या पलीकडे सर्वसामान्य धार्मिक मराठी वाचकांमध्ये लोकप्रिय झाला नसता तरच नवल! या ग्रंथाची पारायणे केल्याने प्रापंचिक अडचणींवर मात करता येते अशी श्रद्धा असल्याने संपूर्ण वर्षभर आणि विशेषतः मार्गशीर्ष महिन्यात दत्तजयन्तीपूर्वी अनेक लोक त्याची वैयक्तिक किंवा सामूहिक पारायणे करतात.

इ.स. २०११ ते २०१३ ह्या दरम्यान प्रबंध-संशोधनाच्या निमित्ताने मी दोनशेहून अधिक गुरुचरित्र- पारायणकारांशी संवाद साधला. वाचनाच्या अनुषंगाने त्यांना आलेले अनुभव आणि गुरुचरित्राविषयी उपलब्ध वाङ्मय यांच्या संगमाचा परिपाक म्हणजे अॅरिझोना स्टेट युनिवर्सिटी येथे मी सादर केलेला "Gurucaritra Pārāyaṇ: Social Praxis of Religious Reading" हा माझा डॉक्टरेटसाठी लिहिलेला प्रबंध! सदर व्याख्यान-संवाद हा माझ्या संशोधनात वाचन आणि आकलन याबद्दलच्या ज्या कळीच्या प्रश्नांना मी हात घातला आहे त्याचा आढावा घेणारा आहे.

एखादी सर्वसामान्य कथा, कादंबरी, कविता वाचताना वाचकाचे होणारे आकलन आणि गुरुचरित्रासारख्या धार्मिक ग्रंथांचे वाचन करताना होणारे वाचकाचे आकलन यात नेमका काय फरक असतो? धार्मिक ग्रंथांचे वाचन अथवा पारायण करताना अर्थनिष्पत्ती कशी होते? ह्या प्रश्नांचा वेध घेणारे असे ह्या व्याख्यान-संवादाचे स्वरूप असेल.

रा. चिं. ढेरे यांच्या मूलगामी संशोधनाचा आणि लालित्यपूर्ण लेखनाचा आनंद घेण्याच्या हेतूने त्यांच्या जन्मदिनी अरभाट फिल्म्स्‌ आणि महाराष्ट्र कल्चरल सेंटर, पुणे, यांनी ’लौकिक ​आणि​ अलौकिक’ या कार्यक्रमाचे आयोजन केले आहे. ढेरे यांच्या साहित्याच्या अभिवाचनाचा हा कार्यक्रम आहे.

तारीख : गुरुवार, दि. २१ जुलै
स्थळ : ज्योत्स्ना भोळे सभागृह, हिराबाग, पुणे
वेळ : संध्या. ७ वाजता
सहभाग : ज्योती सुभाष, माधुरी पुरंदरे, ओम भूतकर, हर्षद राजपाठक आणि कल्याणी देशपांडे
संयोजन : चित्रपट-दिग्दर्शक उमेश विनायक कुलकर्णी
संहिता-संकलन : चिन्मय दामले
दृश्य-संरचना : सुनीत वडके
कार्यक्रम सर्वांसाठी खुला

माहिती इथून साभार

पुण्यात The Institutions of Engineers Hall मधे इंग्रजी पुस्तकांचं प्रदर्शन भरलंय. books 100 Rs per kg. प्रदर्शनाची शेवटची तारिख ७ ऑगस्ट.
(या प्रदर्शनात ढिगानी पुस्तकं असतात. डोळ्यांच्या चाळण्या करून हवी ती पुस्तकं शोधावी लागतात. अतिश्य सुंदर अशी coffee table books भरपूर आहेत. पण सगळी युरोपातल्या निसर्गावरची पुस्तकं आहेत. प्रदर्शन भरून साधारण ३ आठवडे झालेत. आता प्रदर्शन संपत आल्यामुळे स्टॉक बराच कमी झालाय. हे प्रदर्शन दर वर्षी भरतं. मला चित्रकलेची उत्त्त्त्तमोत्तम पुस्तकं या प्रदर्शनात किलोच्या भावात मिळालीत. ईच्छुकांनी लाभ घ्यावा. किलोच्या भावात पुस्तकं कशी काय असा प्रश्न पडला असेल तर कोणी interest दाखवल्यास इथे आणखी माहीती देईन.)

आम्ही ऐसेची ( ऐसीचे)भरताड( बॅलस्ट).समझके लो addलगा के.
मे बी लकी नेक्सट टैम.

अरे, बॅलास्ट म्हणून आमच्यासारख्या हेवी ड्युटी लोकांना तरी घ्यायचं. भरपूर प्रवासाची हौस तरी भागली असती. शिवाय बॅलास्ट मूळ देशाला परत आलं असतं.

आदूबाळ पुण्यात येत आहेत . त्यानिमित्त कट्टा करूयात काय ? आदूबाळ यांनी त्यांच्या ३ तारीख ( शनिवार ) दुपार हि preferred date अँड time दिलेली आहे .

त्यांचा चॉईस : कॅफे paradise , कर्वे रोड ( मला OKK , पण इतरांनी बघा बुवा !!! ) किंवा गुडलक ( डेक्कन जिमखाना ) असे दिले आहेत .

चला ,कोणकोण येणार , अजून काही जागांचे चॉईस वगैरे लिवा पटापट !!!

बादवे , archives मधील २०१४ च्या कट्ट्याचे आद्य जनक ऋषिकेश हे हल्ली दिसत नाहीयेत , कुठे असतात ते ?

एवढे गोष्टीवेल्हाळ भेटल्यावर काय होणार?
"नंतर कधीतरी" श्टोय्रा खूप जमा झाल्यात.

गुडलकमध्ये इतकी गर्दी असते की शांतपणे बसता येत नाही. मला पॅराडाइज चालेल.

आबा तुम्ही पॉप्युलर आहात बर्का ;)

हम्म.........

येण्यासाठी काही क्रायटेरिया आहे का

भारत इतिहास संशोधक मंडळामध्ये लवकरच पर्शियन/फारसी भाषेचा वर्ग सुरु होत आहे.फारसी तज्ज्ञ राजेंद्र जोशी शिकवणार आहेत
अधिक माहिती पुढीलप्रमाणे:
सुरुवात: दि. २४ सप्टेंबर २०१६ पासुन
कालावधी: ६ महिने
वेळ: दर शनिवार सकाळी ९.३० ते ११.३०
शुल्क: रु १०००/-
इच्छुकांनी ०२०-२४४७२५८१ या क्रमांकावर संपर्क साधावा.

पुन्हा आठवण करून देतो उद्याच्या कट्ट्याची :

शनिवार ३ मे , सकाळी ९ वाजता कॅफे पॅराडाईज , कर्वे रोड , पुणे , सह्याद्री हॉस्पिटल च्या समोर .

ज्यांनी येणे कन्फर्म केले आहे असे सभासद :
आदूबाळ
अनुप ढेरे
मन
चिंतातुर जंतु
बापट
गंबा

अभ्या , अभिजित अष्टेकर , मधुमुक्त , बॅटमॅन .... चला लवकर यायचं ठरवा आणि या कट्ट्यावर ( आणि तसे कळवा इथे !!!)

उद्या एकमेकांना ओळखायचं कसं ? काही आयड्या आहेत का ?

चला अजून कोण कोण येणार ? सर्वांचे स्वागत !!!!

मनोबाला की मनो बाला ? त्यावर अवलंबून आहे.

कट्टा झकास झाला! बापटकाका, जंतू, मनोबा, आदूबाळ, घनू, ऋ होते.

कट्ट्यांना मी नेहेमी लवकरच पोचतो. कारण क्रमाक्रमाने येणार्‍या प्रत्येकाशी शेप्रेट गफ्फा मारता येतात.

मी पॅरेडाईजला पोचलो तेव्हा बाहेर चार लोक घोळका करून उभे होते. एकाच्या हातात पुस्तक, आणि त्याबद्दल तो पुस्तकधारी माणूस तावातावाने बोलत होता. बाकीचे लोक भक्तिभावाने ऐकत होते. ऐसीच्या कट्ट्याला पुस्तक असणे हा प्रंप्रेचा भाग असल्याने मला वाटलं हेच ते. पण आयडींची जी प्रतिमा बाळगत होतो त्याप्रमाणे काही वाटेनात. तरी रेंगाळलो, पण ते आपापल्या दुचाक्यांवरून लवकरच निघून गेले.

मग अ० बापटांना फोन लावला, तर ते आत मोक्याचं टेबल धरून बसले होते. त्यांच्यासमोर एक माणूस बसला होता. पण मी आल्यावर तो उठून, माझ्याकडे ढुंकूनही न पाहता चालता झाला. बॉडीगार्ड असावा.

अ० बापट मध्यमवयीन आहेत. त्यांच्या चेहर्‍यावरून आणि देहबोलीवरून त्यांनी भरपूर ग्रामारक्तीकरणलीळा^१ केल्या असाव्यात असा माझा समज झाला, आणि पुढे तो खरा ठरला. माझ्या ओळखीच्या अन्य बापटांच्या पठडीत ते बसत नसल्याने त्या अर्थीही ते "अबापट" आहेत. ते काय व्यवसाय करतात ते त्यांनी समजावून सांगायचा खूप प्रयत्न केला, पण ते मला नीटसं समजायला नाही. पण कॉर्पोरेट / कन्सल्टिंग क्षेत्रात कमावलेला सर्वज्ञ चेहरा करून मी मान डोलावली.

थोड्या वेळाने एक उंचसा माणूस आत येऊन शोधक नजरेने इकडेतिकडे पाहू लागला. अबापटांनी "कोणाला शोधताय?" असा खडा सवाल टाकल्यावर ते गम्बा निघाले. गम्बा धरून आता पुढील सर्व कट्टेकरी सॉफ्टवेअर / टेक्नॉलॉजी क्षेत्रातले आहेत. गम्बा मिपा आणि ऐसीवर बहुदा-वाचनमात्र-आणि-क्वचित-प्रतिसादमात्र असतात. एकदम शांत माणूस आहे. त्यांनी जास्त लिहायला हवं.

मग भाग मिल्खा भागमधल्या मिल्खासारखा दिसणारा^२ एक माणूस आला. ते ढेरेशास्त्री आहेत हे कळल्यावर मला कैक रिश्टर स्केलचा धक्का बसला. माझ्या डोळ्यांसमोर ढेरेशास्त्रींची प्रतिमा ग्रंथांचे भारे वागवणार्‍या प्रकांड पंडिताची होती. मान तिरकी करून क्लासिक माईल्डसचा धूर इंजिनासारखा वर आणि मागे सोडून द्यायची त्यांची हातोटीही वाखाणण्यासारखी आहे.

एव्हाना गप्पांची गाडी "मराठी आंजाचा सुरस आणि चमत्कारिक इतिहास" या विषयाकडे वळली होती. तेव्हा ढेरेशास्त्रींनी त्यांच्या हपीसात अनेक लोक मआंजा उघडून बसतात अशी माहिती दिली. यातच अबापट तात्या अभ्यंकरांना ओळखतात असं त्यांनी सूचित केलं. "तुम्हाला ऐसीचा शोध कसा लागला" हा प्रश्न त्यांना विचारून घेतला, तेव्हा "रँडमली लागला" असं गूढ उत्तर मिळालं.

मनोबा आला तेव्हा नेमकी ढेरेशास्त्रींची इंजिनवेळ झाली होती. त्यामुळे त्यांना तो प्रथम दिसला. मनोबा बसने येणार होता, पण आयत्या वेळी दूरवरून मोटरसायकल हाणत आला. चर्चेचा रोख त्यानिमित्ताने मूळस्थानांकडे वळला, तेव्हा उपस्थितांपैकी बरेच लोक पुणे-३०च्या "वन स्क्वेअर माईल"मधले आजी किंवा माजी रहिवासी आहेत हे निष्पन्न झालं. त्यावरून आधीचा मआंजाचा धागा पकडून संस्थळांचा डावे-उजवेपणा यावर एक बारीक चर्चा झाली. त्यात "गब्बर इतक्या उजवीकडे आहे की जग डावीकडे दिसतं" वगैरे चर्चाही झाल्या.

मग थोड्या वेळाच्या अंतराने ऋ आणि घनु आले. ऋला मी आधी कट्टा-वृत्तांतात पाहिलं होतं, आणि त्याचा जालीय वावर आणि प्रत्यक्ष वावर यात काही फरक वाटला नाही. त्याने "बोभाटा डॉट कॉम" नावाच्या नव्या इन्फोमर्शियल^३ संस्थळाची माहिती दिली. इन्फोमर्शियल हा शब्द ऐकल्यावर मी परत तो कॉर्पोरेट चेहरा करून मान डोलावली.

घनु या आयडीनामावरून आणि जालीय वावरावरून माझ्यासमोर स्वप्नील जोशी टैप चित्र उभं राहिलं होतं. पण प्रत्यक्षातला घनु कोणालाही बुक्कीत ठार करू शकेल. पण त्याला गणपतीची खरेदी करण्यासाठी हायर अ‍ॅथॉरिटीजनी रविवार पेठेत पिटाळलं आहे हे समजल्यावर तो बाऊन्सर नसून स्वप्नील जोशीत्व कायम आहे यावर विश्वास बसला.

या दोघांशी माझं जास्त बोलणं होऊ शकलं नाही, कारण दोघेही टेबलाच्या टोकाला बसले होते. फिर कभी...

मग थोड्या वेळाने चिंजं आले. चिंजं मोजकंच बोलतात. पूर्वी ते भरपूर लिहीत असत, पण हल्ली दोन्हीकडे लंघन करायचं ठरवलेलं दिसतंय. अबापटांनी त्यांना मालक मालक म्हणून लय त्रास दिला. त्यावर ऐसीचे मालक नक्की कोण असा परिसंवाद झडायला लागला, पण चिंजंनी "व्यवस्थापन अपौरुषेय असतं" वगैरे सांगून विषयाला कात्रज दाखवला. गम्बा यांनी ऐसीवर मोजकं लेखन होतं अशी तक्रार केली. त्यावर मनोबा, ढेरेशास्त्री यांनी अजो आणि राकु या मेगाबायटींच्या मक्तेदारांची आठवण काढली. मग त्याच अनुषंगाने बॅट्या (आणि त्याचं संशोधन), अनुराव, शुचि (आणि त्यांचे आयडी) वगैरे चर्चा निघाल्या.

बाकी मनोबाने चर्चांचे गोषवारे लिहिले आहेतच. (मनोबा उत्तम नोट्स काढतो असं निरीक्षण आहे. त्याने मागे बसच्या तिकिटावर लिहिलेल्या व्याख्यानाच्या नोट्सवरून आख्खा धागा काढला होता. कॉलेजमध्ये त्याच्या नोट्सवर पुढच्या पाचसहा पिढ्या पास झाल्या असणार.)

मध्येमध्ये चहाचं आचमन सुरू होतंच. मी आठेक कप तरी चहा प्याला असेल.

बाहेर एक फोटोसेशन झालं. त्यात क्यामेरा माझा आणि फोटोग्राफर पॅरेडाईजचा वेटर असल्याने गाडीच्या आरश्याचं रिफ्लेक्शन येणे वगैरे प्रकार झाले. ते गोड मानून घ्यावेत.

फोटोसेशननंतर माझ्या मनात सध्या असलेला एक प्रश्न विचारला - "ऐंशीच्या दशकात लोक नार्कोटिक्सची नशा कशी करत होते?". त्यावर माहितीचा अक्षरशः धबधबा कोसळला. त्याचं संगतवार संकलन केलं तर एक उत्तम लेख किंवा किमानपक्षी विकीपान तरी होईल. (कुठे आहेत माहीतगारमराठी?)

मला आणखी टायमपास करायची इच्छा होती, पण घरगुती शक्तींनी बोलावल्यामुळे नाईलाज होऊन मी निघालो.

जास्त भावुक होत नाही, पण मला मस्त मजा आली.

____________
^१Painting the town red
^२पण बुचडाविरहित
^३शब्द चुकला असेल कदाचित

आता रात्री अभ्या..ने फोटो टाकल्यावर वृतान्ताकडे आलो.सर्वाचे व्यक्तिमत्त्व त्यांच्या लिखाणशैलींतून प्रतित होणाय्रा अपेक्षित वयाप्रमाणेच आहे.पॅरडाइज नावही सार्थ आहे.
एकदा का समोरासमोर भेटलो की त्यानंतर त्या व्यक्तीच्या लेखन/विचारांवर टिका करण्याची धार कमी होते अथवा तसे करताना हात आखडतो असं मला वाटतं.मराठी आंजावरचा कुणीएक हे न राहता आपल्या सोसायटीत राहणारा एक मेंबर होतो आणि त्याच्याशी जसे जातायेता भेटल्यावर संयमित वागतो तसं होतं.

>>आता रात्री अभ्या..ने फोटो टाकल्यावर वृतान्ताकडे आलो.

कुठे आहेत फोटो?
मलाच दिसत नाहीत की अजून कोणाला दिसत नाहीत?

आवडला.

अण्णांना एक प्रश्न :तुमची शैली पाहता आणि फोटो पाहून तुम्हाला इतक्या वर्षांत मराठी संस्थळं कशी काय सापडली नाहीत?

तुम्ही कट्ट्याचा उल्लेख केल्यावर "अण्णा बरेच रिसॅार्सफुल आहेत" असा एकाने ( अभ्या..?)म्हटलं होतंच.दुसय्रा एका लेखात "जालावरचा कंटेंट'मध्ये एक मुद्दा मांडायचा राहिला तो म्हणजे गुगलशोध करताना मराठी/देवनागरी शब्दांनी काही शोधतात का लोक? तसं केल्यानेच मी मराठी संस्थळांवर पोहोचलो होतो.

अरे लेको , सगळे सगळे टेक्नॉलॉजी आणि सॉफ्टवेअर वाले म्हणवता( मी सोडून ) , ते खरडफळ्यावरचे फोटो मूळ धाग्यावर चिकटवा कि जरा , ( गेल्या कट्ट्याचे बघा कसे झळकताहेत )