सिंधुआज्जींचे मर्चन्डाईझ
लॉकडाउन संपल्यावर सिंधुआज्जी त्यांच्या ब्रॅण्डचा मर्च - म्हणजे मर्चन्डाईझ - विकायचा विचार गांभीर्यपूर्वक करताहेत.
कुठली उत्पादनांचे तुम्ही अव्वाच्या दीड किंमतीला पॅनिक बायिन्ग कराल?
१) बालसा लाकडाचे सुबक तराफे: किंमत प्रत्येकी वीस हजार डॉईश्च मार्क. कुकाणू आणि नाहीकायंत्र यांसाठी निराळी आकारणी होईल.
२) पेस्टल कलर्सची मऊसूत पातळं (३ नग) आणि तपकिरी बॉम्बार्डियर जॅकेट (१ नग) यांचा संच: किंमत प्रति संच आठशे पोलिश झ्लोटी.
३) धोत्र्याच्या चहाचे सॅशे: किंमत प्रति सॅशे तीन पॉलिनेशियन कवड्या
४) स्लॉथ्याचा केस ठेवलेला जादुई ताईत (हा दंडाभोवती लावल्यास कोणतीही मधमाशी एकाहून अधिक वेळा डंख करत नाही). किंमत प्रति ताईत पाच रुपये बारा आणे.
५) सुहासिनी आणि तरस बल्बा यांच्या हसण्याच्या जुगलबंदीची कॅसेट. किंमत प्रत्येकी औट अमेरिकन डॉलर.
६) "पाणएलएमएलव्हेस्पाअल्फा" असे लिहिलेले तांदळाचे दाणे. किंमत प्रति किलो रेशनच्या दुकानातील सुरती कोलमच्या किंमतीएवढी.
७) सिंधुआज्जींच्या स्वर्गीय आवाजातील "काका कुवा, हिअर यू फ्लाय अगेन, माय माय, हाऊ कॅन आय डेझिस्ट यू" या गीताची एलपी. किंमत दिनूच्या आईच्या बिलाएवढी.
त्वरण करा! ही ऑफर स्टॉक नसेपर्यंत मर्यादित!
:-)
हम्म्म्म्म्... हा प्रकार रोचक वाटतोय. शिवाय, किंमत दिनूच्या आईच्या बिलाएवढी म्हणजे... फुकट! नॉट बॅड ॲट ऑल!
फक्त, एक गोची आहे. ही एलपी आहे. आणि, एलपी वाजवायला माझ्याकडे काहीही नाही. सबब, तेवढी त्या एलपीबरोबर एखादे ब्लूटूथ टर्नटेबल - किंवा गेला बाजार एखादा जुना रेकॉर्ड प्लेयर किंवा ग्रामोफोन - चावीचा असला तरी चालेल! - फुकट देण्याची कृपा केलीत, तर बरे होईल.
हेदेखील ऐकायला मजा येईल. औट बोले तो साडेतीन डॉलर म्हणजे जरा महाग आहे पण. शिवाय, अडगळीत पडलेला जुना वॉकमन हुडकावा लागेल. त्यापेक्षा यूट्यूबवर पोस्ट का करत नाही सरळ?
(बादवे, सुहासिनी कोण?)