काळ्या पिवळ्या नवसाची गोष्ट: टॅक्सी दिवस २८: २७ मार्च २०२२:

Submitted by नील on मंगळवार, 10/05/2022 - 00:12

आज दादर टी. टी., वडाळा बस डेपोच्या आसपासच्या परिसरात बरीच भाडी मारली.

राजा शिवाजी (आमची जुनी किंग जॉर्ज) शाळेजवळून दादर पूर्व स्टेशनकडे जाताना अचानक ही देखणी इमारत दिसली.

बाबासाहेब आंबेडकर इकडे राह्यचे बहुतेक.

इकडून असंख्य वेळा जाऊनही आधी कधी लक्षातच नाही आलं...

BA2

हिंदू कॉलनीतलं एक भाडं मिळालं आणि मग तिथल्या शांत रस्त्यांवर उगीच निरुद्देश फिरत राहीलो.

हे फाईव्ह गार्डनच्या पाचमधलं कुठलं तरी एक गार्डन.

गणेश मतकरीच्या बऱ्याच कथा इथे घडतात.

त्याचा तो खिशात "नकल्टस" (ह्याला आम्ही कॉलनीत "फाईट" म्हणायचो) बाळगणारा राडेबाज पारशी पोरगा इथे कुठेतरी दिसेल असं मला उगीचच वाटत राह्यलं.

पण आता मात्र कुठल्यातरी (बहुतेक) कामगार मंडळाची निवांत मिटींग चालू होती तिकडे.

मुंबईत बऱ्याच गार्डन्समध्ये दुपारी तुम्हाला बरेचदा असे ग्रुप एकत्र येऊन मिटींग घेताना दिसतात.

लबाड विकासकांनी वर्षानुवर्षं थकवलेली त्यांची रिडेव्हलपमेंटची घरं,
एखादी बंद पडलेली कंपनी आणि मालकाने त्यांचे बुडवलेले कष्टाचे पैसे,
एकत्र चालणारी महिन्याच्या पहिल्या रविवारची भिशी,
किंवा गावातल्या सुंदर हेमाडपंथी मंदिराला पॉप कलर्स मारून विरूप करायचे प्लान

विषय बहुतेक ह्यातलाच एक असतो.

पण तो पहिल्या दोनपैकी नसून दुसऱ्या दोनपैकी असावा अशी इच्छा करत घेतलेले काही फोटो:

5g2

वडाळा बस डेपोजवळून एक मस्त मालवणी कुटुंब उचललं.

कोरलेल्या मिश्या आणि केसांना काळा कुळकुळीत कलप केलेले, कुरकुरीत पांढरीफेक टाईट पॅण्ट मारलेले, शिडशिडीत पण हलकंसं पोट असलेले बाबा.

सुस्वरूप, डोक्यात घसघशीत गजरा घातलेली, थोडी स्थूल, एकाचवेळी खाष्ट आणि प्रेमळ वाटणारी आई.

आणि त्यांच्या दोन सुस्वरूप टीन-एज सुरु व्हायच्या बेतातल्या मुली.

म्हणजे त्या एक नंबर डान्सर असणार आणि कॉलनी / वाडीतल्या सांस्कृतिक कार्यक्रमांत "चिक्क मोत्याची माळ" वर हमखास प्राईज उचलत असणार ह्याची मला खात्रीच!

बहुतेक कुठे ठाणा भांडुप साईडला ते लग्नाला निघाले होते. वडाळा स्टेशनवरून हार्बरनी कुर्ल्याला जाऊन ट्रेन बदलणार होते बहुतेक.

"पपा मला टेशनला गेल्यावर खायला पायजेल", दोघींतली एक कुर्र्यात बोलली.

(आमच्या सगळ्या मालवणी पोरांना लहानपणापासूनच बाबांना "पपा"च म्हणायला शिकवलं जातं.)

"आरे घॅवया ना", बाबानी गुटका आणि सेंटचा मिश्र वास सोडत प्रॉमिस दिलं. (आवाजाचा पोत: डिट्टो उपेंद्र लिमये)

"काय नको, तुमी दोघीपण ज्यास्ती श्यान्या झाल्याय, तुमाला शिक्षा!", आईनं व्हेटो बजावला.

"उम्म्म", मुलगी लाडीक चंबू करत रुसली वगैरे.

"लग्नाला बँकर (त्यांना बहुतेक बँक्वेट म्हणायचं होतं) मध्ये जेवायचाच हाय", आईनं बिनतोड मुद्दा काढला.

त्यांचं बँटर, कॅमराड्री, फॅमिलीतला पावर प्ले वगैरे अजून ऐकायला मला अर्थातच आवडलं असतं पण तितक्यात वडाळा स्टेशनच आल्याने माझा नाईलाज झाला.

मला ती फॅमिली साक्षात जयंत पवारांच्या "वरणभात लोंचा" किंवा जी. के. ऐनापुरेंच्या "कांदाचिर" नाहीतर "रिबोट" नाहीतर "चिंचपोकळी" कथासंग्रहामधून उठून आल्यासारखी वाटली.

बाय द वे: जी. के. ऐनापुरे हा भारी लेखक एवढा अंडररेटेड का आहे?

आजची कमाई: ३१४ रुपये

ललित लेखनाचा प्रकार:

इतर

field_vote:

No votes yet

Log in or register to post comments
1330 reads

प्रतिक्रिया

वाचतो आहे.

Permalink Submitted by पाषाणभेद on मंगळवार, 17/05/2022 - 18:22.

वाचतो आहे.

मधुमेहा विरुद्ध लढा
माझी जालवही

Log in or register to post comments

दखल

#ऐसीअक्षरे #दिवाळी२०२३

दिवाळी अंक पाहिलात का?

दिनवैशिष्ट्य

१६ एप्रिल
जन्मदिवस : कार्बन डायॉक्साईडचा शोध लावणारा जोसेफ ब्लॅक (१७२८), नोबेलविजेता लेखक आनातोल फ्रांस (१८४४), तेलुगु समाज आणि साहित्यात क्रांती घडवून आणणारे समाजसुधारक कंडुकुरी वीरेसलिंगम (१८४८), पहिले विमान बनवणाऱ्या राईट बंधूंपैकी विल्बर राईट (१८६८), सिनेअभिनेता व दिग्दर्शक चार्ली चॅप्लिन (१८८९), नर्तक व नृत्यरचनाकार मर्स कनिंगहॅम (१९१९), अभिनेता पीटर युस्तिनॉव्ह (१९२१), लेखक किंग्जले अ‍ॅमिस (१९२२), लेखक आणि कलाकार मदनजीत सिंह (१९२४), मॉडेल आणि अभिनेत्री लारा दत्ता (१९७८)
मृत्युदिवस : चित्रकार फ्रान्सिस्को गोया (१८२८), मादाम तुसॉंची संस्थापक, शिल्पकार मारी तुसॉं (१८५०), इतिहासकार व विचारवंत अ‍ॅलेक्सिस द तोकव्हील (१८५९), डीएनएची रचना शोधण्याचे श्रेय न मिळालेली रोझालिंड फ्रँकलिन (१९२०), सिनेदिग्दर्शक डेव्हिड लीन (१९९१), साहित्यिक व समीक्षक गो.मा. पवार (२०१९)
---
१८५३ : बोरीबंदर ते ठाणे या मार्गावर भारतात पहिली प्रवासी रेल्वे धावली.
१८६२ : Emancipation Act अन्वये वॉशिंग्टन डी.सी. येथील गुलामगिरीची प्रथा संपुष्टात आली.
१९१९ : म. गांधींनी जालियनवाला हत्याकांडाचा निषेध म्हणून एक दिवसाचा उपवास आणि प्रार्थना आयोजित केली.
१९२२ : गुरुदेव रविंद्रनाथ टागोर यांनी शांतिनिकेतनात विश्वभारती विद्यापीठ सुरू केले.
१९२२ : मुळशी सत्याग्रहाची सुरुवात.
१९४३ : अल्बर्ट हॉफमनने LSDच्या गुणधर्मांचा शोध लावला.
१९७० : चांद्रयान अपोलो-१३ पृथ्वीवर सुरक्षित परतले.
२००१ : भारत आणि बांग्लादेशात मेघालयाच्या काही भागावरून पाच दिवसांचा सीमाकलह.

दिवाळी अंक २०२३

दिवाळी अंक २०२३
धाकट्या मामाच्या बारा गोष्टी - माधुरी पुरंदरे
दाकाराई सुमन ओकोये
साखर उद्योग आणि आफ्रिका
बाँब देम
उड उड रे काऊ। पुन्हा नको मज शिवू॥
चहा-बिस्किटाची प्रेमकहाणी
इसासून : नायजेरियन खाद्यसंस्कृती
शोध एकोणिसाव्या शतकातील एका महाराष्ट्रकन्येचा…
रवांडामधील वंशसंहार
टिंबक्टू – इतिहास आणि वर्तमान
सिंधुआज्जी आणि टारझनचे पशू
M-Pesa - आफ्रिकन खंडातील Fintech
बिबट्याच्या कातड्याची पिलबॉक्स टोपी

more

सध्या कोण कोण आलेले आहे?

There is currently 1 user online.

गवि

सदस्य आगमन

ऐशा रसां ऐसे रसिक...

काळ्या पिवळ्या नवसाची गोष्ट: टॅक्सी दिवस २८: २७ मार्च २०२२:

प्रतिक्रिया

वाचतो आहे.

दखल

दिनवैशिष्ट्य

दिवाळी अंक २०२३

आवागमन (navigation)

सध्या कोण कोण आलेले आहे?

ऐशा रसां ऐसे रसिक...

उद्दिष्टे - मार्गदर्शक तत्त्वे - धोरणे