मुंबईकट्ट्याची आरोळी!

त्या कट्ट्याच्या तारखाही जरा आधीच कळल्या तर बरं.
मला यायचय.

बादवे -

१. संपादकांना मुंबई कट्ट्यासाठी कधी वेळ आहे?
२. सदस्यांपैकी मुंबई कट्ट्याला कोण कोण येऊ इच्छित / येणार आहे?
३. राधिका निदान खादाडीची स्थळं सुचवण्याची तरी जबाबदारी घेईल काय? ;-)
४. मुंबई - ठाण्यातली खादाडीशिवाय नुसतं बसून टीपी करता येतील अशी संभाव्य सोईस्कर स्थळं कुठली?

कसले हिंस्त्र आहेत हे मुंबईकर ब्वॉ! कट्ट्यासारख्या हसण्याखेळण्याच्या अ‍ॅक्टिव्हिटीसाठी आरोळी देतात! श्या! या आमच्या पुण्यात एकदा!

हा ही धागा मी पाहिलेला नाही. कशाला उगाच वेळ फुकट घालवायचा?

मेघना, तू माझं आवडतं काम माझ्याकडे सोपवलंस याबद्दल फार्फारच धन्यवाद. आत्ता या तीन सुचवण्या देते आहे, त्या माझ्या पसंतीच्या क्रमाने लावल्या आहेत, म्हणजे सर्वात वरच्या रेस्तराँला माझी सर्वाधिक पसंती आणि सर्वांत खालच्याला सर्वांत कमी. बघा कशा वाटतात ते.

१. Poush येथे काश्मिरी पदार्थ मिळतात. कॉस्ट फॉर टू हजाराच्या आसपास असली, तरी व्हेज काँबो मिल ९९ किंवा १०९ रु.ना तर नॉनव्हेज काँबो मिल १४९ ते १६९ रु.ना मिळते. मला या रेस्तराँचा अनुभव नाही, परंतु झोमॅटोवरील रेटिंग्ज उत्साहवर्धक आहेत.

२. मारकेश येथे लेबनिज, मोरोक्कन इ. पदार्थ मिळतात. मी येथे एकदा गेले आहे (नेमक्या कोणत्या शाखेत ते आता आठवत नाही), माझा इथला अनुभव चांगला आहे. कॉस्ट फॉर टू- ७५०.

३. नसरानी येथे दाक्षिणात्य पदार्थ मिळतात. माझ्या दृष्टीने इंट्रेस्टिंग गोष्ट म्हणजे येथे बदक मिळते. अर्थातच शाकाहारी जेवणही मिळते. कॉस्ट फॉर टू- साधारण पाचशे. या रेस्तराँचाही मला काही अनुभव नाही.

जेवल्यानंतर गोड खायला टेम्प्टेशन आहेच.

कट्ट्याचे ठिकाण म्हणून एकदा दादरचाही नीट विचार व्हावा. सेंट्रल लाईनवरून, वेस्टर्न लाईनवरून, पुण्याहून अशा विविध ठिकाणांहून येणार्‍या लोकांसाठी दादर हे मध्यवर्ती ठिकाण ठरते. वाट्टेल तितका वेळ बसायला शिवाजी पार्क आहेच, वर त्याच्या काठाशी बरिस्ता इ. आणि अनेक भोजनालयेही आहेत.

शिवाय मराठी जालकर्‍यांकडून मराठी अस्मिता वगैरे वगैरे जपली जाईल ते वेगळंच. :ड

मुंबईत १०-१२ लोकांना कट्ट्याला जागा मिळणे अवघड. जागेचा प्रश्न.

केवळ वाचनमात्र सदस्य कट्ट्यास पात्र आहे का?

प्रत्येकाने आपापले डबे आणायचे किंवा पिझासारखे वाढायला सोपे पदार्थ आणायचे आणि शिवाजी पार्कात बसून ते खायचे. आम्ही २००५/०६ मध्ये तिथे एक कट्टा केला होता तेव्हा तिथे बसून खाण्यावरून आम्हाला कोणी हटकलं नव्हतं. आताची परिस्थिती माहीत नाही.

कट्टा फिरता ठेवायचा असेल तर दुपारचा वेळ पार्कात घालवून संध्याकाळचा वेळ माटुंग्याला माहेश्वरी उद्यानाच्या भोवतीची जुनी पुस्तके चाळत त्यावरून एकमेकांशी गप्पा मारत घालवता येईल. वाटल्यास थोडा वेळ तिथे उद्यानातही बसता येईल. भोवती चांगली कॉफी मिळण्याची काही ठिकाणे आहेत.

लोकहो, कृपया तारीख ठरवा लवकर. मला अमेरिकेत जाण्यापूर्वी इतर अनेक गोष्टी प्लॅन करायच्या आहेत. ८, १५ की २२ फेब्रुवारीचा वीकांत? शक्य तितक्या लवकरचा दिवस आवडेल.

८ तारीख फायनल करुन टाका. १५ला लोकांचा व्हेलेँटाइन हँगओव्हर असेल.

मालकगुर्जी हे अत्यंत आवर्जून भेटण्याजोगे, मनमिळाऊ आणि लाघवी व्यक्तीमत्त्व आहे असे या निमित्ताने स्वानुभवावरून जाहीर करतो. ;)

मुंबई-ठाणे ऐसी-कट्टेकरांनी त्यांच्या संगतीचा लाभ चुकवू नये ही मनापासून विनंती.

प्र का टा आ

कट्टा व्हावा, आणि तो लवकर व्हावा याबाबत सगळ्यांचंच एकमत दिसतं आहे. तारखांबाबत कोणीच फारसे आक्षेप घेतलेले नाहीत त्यामुळे
'कुठे जायचं?'
'मला कुठेच हरकत नाही. तू सांग.'
'मलाही काहीही चालेल. तू सांग.'
'मला काही सुचत नाही तूच सांग'
असा प्रकार चालू आहे. यावर काहीतरी निश्चित करण्याबाबत मेघनाने वायदेआझमगिरी करून काहीच न लिहिल्यामुळे माझ्यावरच हे लिहिण्याची पाळी आली आहे. (अदितीबाई गैर अर्थ काढून 'तुम्हाला ते अंगच नाही' असं म्हणणार याची खात्री आहे)

त्याचबरोबर खेदाने सांगावं लागतं की ८ तारखेला माझे इतर कार्यक्रम ठरल्यामुळे ८ तारीख मला जमणार नाही. पण मी त्यावेळी मुंबईतच आहे, तेव्हा ९ तारीख निश्चितच जमू शकेल. त्यात ९ तारखेला ऐसी अक्षरेच्या विदर्भ लॉबीच्या खंद्या कार्यकर्त्या माण्णीय उसंत सखू आक्का या खास नागपुराहून येऊन मुंबईला ठाण देऊन बसलेल्या असतील. त्यांनाही ही तारीख निश्चितच जमणार आहे. एरवी ऐसीकरांना त्यांची भेट होणं कठीण आहे.

तेव्हा आपण ९ तारीख दादर असं ठरवून टाकावं. सकाळी अकरा ते संध्याकाळी कितीही हा सगळ्यांसाठीच भरपूर वेळ होईल. ज्यांना संपूर्ण वेळ येता येणार नाही त्यांना किमान हजेरी लावून जायला तरी जमेल. ज्यांना ९ तारीख जमणार नाही त्यांच्यासाठी अजून एक कट्टा फेब्रुवार्यांताकडे घेण्याचे करता येईल. दादरमध्ये नक्की कुठे हे अजूनही तसं उघडंच आहे.

मलाही ८-९ जमणं औघड वाटतंय.

चला, ९-दादर कट्टा निश्चित झालेला आहेच. ज्यांना तो जमणार नाही त्यांच्यासाठी (खेरीज, ज्यांना तो जमेल त्यांच्यासाठीही) मी २२-ठाणे असा दुसरा कट्टा सुचवू इच्छितो.

ज्यांना जमू शकेल असे वाटते त्यांनी कृपया अनुमोदन द्यावे.

अवांतर माहिती: मुंबई इंटरनॅशनल फिल्म फेस्टिव्हलचा डॉक्युमेंटरी, शॉर्ट फिल्स आणि अ‍ॅनिमेशनपटांचा महोत्सव ३ ते ९ फेब्रुवारी दरम्यान मुंबईत नरिमन पॉइंटला NCPA इथे भरत आहे.
अधिक माहिती इथे

मलाही ९ जमणं कठीण आहे. ९ र्‍हाऊ द्या, २२ पण र्‍हाऊ द्या. १५ चं जमवून टाका. ;-)
***

खरं तर सगळ्यांना जमेलशी एक तारीख जमणं अवघड आहे. त्यामुळे माझं मत १५ला आहे, पण ती नच जमल्यास मी केवळ खट्टू होईन. चलताय.
स्थळः शिवाजी पार्क / ठाणे उपवन
खादाडी: राधिकानं सुचवलेली सगळी ठिकाणं ठाण्यात आहेत. कट्टा ठाण्यात घडल्यास सोन्याहून पिवळे. एरवी दादरला उभ्या उभ्या फ्रँकी / पिझ्झा / वडापावही चालू शकेल.

मालक अम्रिकेतनं आल्यामुळे अंतिम निर्णय त्यांनी द्यावा (पण आजच द्यावा) असं सुचवून मी आपली रजा घेते. ;-)

अनेक लोकांना ९ तारीख सोयीची पडत नसल्याचं कळल्याने मी ती बाद करतो आहे. १५ वा २२ दोन्ही तारखा मला सारख्याच मोकळ्या आहेत. तेव्हा ठरवा कायते, पण लवकर ठरवा असं म्हणून टाकतो. (बॅक टू स्क्वेअर वन :) )

मग १५ फायनल करू या.

लोकांना काय सोईचं आहे? दादर की ठाणे? माझी पसंती अर्थातच श्रीस्थानकास आहे. पण मकी, निखिल, सुनील, थत्तेचाचा, राधिका आणि इतर मंडळींना काय सोईचं आहे?

हेच जर तुमच्यातला कोणी एक इतर सगळ्यांचा कॉर्पोरेट बॉस असता तर तारीख, वेळ, जागा किती फट्ट्कन ठरली असती.

दादरमधली जी नेहमीची हाटलं माहीत आहेत, त्यातली बरीचशी शाकाहारी आहेत आणि उरलेल्यांतला मेनू कंटाळवाणा आहे. सध्या तरी जिप्सीखेरीज दुसरा पर्याय सुचत नाही. पण तिथे कॉस्ट फॉर टू ११०० रु. आहे.

मला पहिल्या आणि तिसर्‍या शनिवारी सुटी नसते. त्यामुळे १५ला दिवसा भेटायचं असेल तर मला जमणार नाही. घास्कींना २२ तारीख चालत असल्यास साधारण किती लोक येणार आहेत याची माहिती कळवा.
पर्यायः-
१.मराठमोळं जिप्सी (दादर)- (मराठी पदार्थ + मराठी गाणी) स्वस्त आहे- आम्हा तीन लोकांच्या रात्रीच्या जेवणाचं बिल ५००रू. झालं होतं. पण तिथे वेळप्रसंगी शेजारच्या जिप्सीतल्या वॉशरूम्स वापरता येतील का माहित नाही. पाच टेबल्स म्हणजे एकावेळी २० लोक आरामात बसू शकतील, जेवणानंतर हाकलून दिल्यास शिवाजी पार्क आपलाच आहे.

२. उपवन (ठाणे)- तळ्याकाठी बसण्यासाठी बरेच पर्याय आहेत, खायचे प्यायचे जास्त ऑप्शन्स नाहीत आणि मला ते तुलनेने महाग वाटले, जायला बरंच दूर आहे.(हे माझं वैयक्तिक मत) वॉशरूम्सची सोय आहे असे वाटते.

३. ठाणे/घाटकोपर्/उपनगरातले मॉल्स- खाणं थोडं महाग असेल. व्हिवियानाचं माहित नाही, पण आर सिटी घाटकोपर, फिनिक्स मार्केट सिटी इथे बसायला पुष्कऴ जागा उपलब्ध आहे.

४. सॅम्स पिझ्झा, घाटकोपर.- सर्वकरांसहित पिझ्झाथाळी दोनशे रू.च्या आत. बसायला शेजारी टिळकनगर ग्राऊंड आहे, १०-१२ लोक असतील आमचं घरही आहे. (टीप-घरात वॉशरूमची सोय आहे) संध्याकाळी पाचच्या सुमारास जवळच खमंग मूगभजी मिळतात, हिरव्या-चिंचेच्या चटणीसह.

५. इतर--

चला पटापट ठरवून टाकू.

माझ्याकडून मी आणि निखिल- २ लोक २२तारखेसाठी तयार आहोत, आम्हाला कुठलेही ठिकाण चालेल.

.

=))
काय मजा येतिये हा धागा वाचायला... कस्ले सही फाटे फुटतायत !

हे लोक काही सिरियस नाहीत कट्टयाबाबत.

कट्टा क्रमांक १
दि. १५ फेब्रुवारी, ठाणे
सदस्य
१) सुनील
२)...
३)...
... ... ...

(कृपया गाळलेल्या जागा भरा!)

कट्टा क्रमांक २ सोयीनुसारे ठरवता येईलच!

कट्टा फक्त १५ तारखेलाच आहे, की ८ तारखेलाही आहे?
मला वाटतं दोन्ही कट्टे होणार होते.