दखल
#ऐसीअक्षरे #दिवाळी२०२३
दिवाळी अंक पाहिलात का?
दिनवैशिष्ट्य
२९ एप्रिल
जन्मदिवस : गणितज्ञ, डॉक्टर व विनोदी लेखक जॉन आरबथनॉट (१६६७), चित्रकार राजा रविवर्मा (१८४८), गणितज्ञ, भौतिकशास्त्रज्ञ, अभियंता आँरी प्वॉंकारे (१८५४), ग्रीक कवी कॅव्हाफी (१८६३), ४० पेटंटे घेणारे आणि २०० शोध नावावर असणारे वैज्ञानिक शंकर आबाजी भिसे (१८६७), समस्थानिकांबद्दल संशोधन करण्यासाठी नोबेल मिळवणारा हॅरल्ड उरे (१८९३), जाझ पियानोवादक व संगीतकार ड्यूक एलिंग्टन (१८९९), सिनेदिग्दर्शक, कवी व छायाचित्रकार माया दरेन (१९१७), तबलावादक अल्लारखा (१९१९), पाश्चात्य संगीतसंचालक झुबिन मेहता (१९३६), अभिनेत्री, गायिका, बालसाहित्यिक व भाषांतरकार माधुरी पुरंदरे (१९५२), अभिनेता डॅनिएल डे ल्यूईस (१९५७), अभिनेत्री मिशेल फीफर (१९५८), टेनिसपटू आंद्रे आगासी (१९७०), अभिनेत्री उमा थर्मन (१९७०), गायक आनंद भाटे (१९७१), क्रिकेटपटू आशिष नेहरा (१९७९)
मृत्युदिवस : ग्रीक कवी कॅव्हाफी (१९३३), तत्त्वज्ञ लुडविग विटगेनश्टाईन (१९५१), समीक्षक श्री. के. क्षीरसागर उर्फ श्रीकेक्षी (१९८०), सिनेदिग्दर्शक अल्फ्रेड हिचकॉक (१९८०), अभिनेता मोहन गोखले (१९९९), सिनेदिग्दर्शक, गीतकार व लेखक केदार शर्मा (१९९९), अर्थतज्ज्ञ जॉन केनेथ गॅलब्रेथ (२००६), LSDचा शोध लावणारा रसायनशास्त्रज्ञ अल्बर्ट हॉफमन (२००८), अभिनेता इरफान खान (२०२०)
--
आंतरराष्ट्रीय नृत्य दिवस (आधुनिक बॅलेचा जनक जाँ-जॉर्ज नोव्हेरच्या जन्मदिनानिमित्त)
जपानी 'गोल्डन वीक'ला प्रारंभ
वर्धापनदिन : वर्ल्ड वाइल्डलाइफ फंड
१९३७ : फिलिपिनो स्त्रियांना मताधिकार मिळण्यासाठी मतदान; ९०% जास्त मते मिळून स्त्रियांना मताधिकार मिळाला.
१९४५ : डाखाऊ छळछावणी मुक्त; जर्मनीची दुसऱ्या महायुद्धात बिनशर्त शरणागती, युद्ध सुरूच.
१९४६ : जपानी सम्राट तोजो आणि २८ इतर जपानी नेत्यांवर युद्धगुन्ह्यांबद्दल खटला सुरू.
१९५३ : जगातल्या प्रथम 3-D दूरचित्रवाणीचा कॅलिफोर्नियात प्रयोग.
१९६१ : लुशियानो पाव्हारोत्तीच्या ऑपेरा कारकीर्दीला सुरुवात.
१९६८ : 'हेअर' संगीतिकेचा ब्रॉडवेवर पहिला प्रयोग.
१९८२ : चीनच्या लोकसंख्येने १०० कोटींचा आकडा गाठला.
१९९१ : बांगलादेशात भीषण चक्रीवादळ; १,३८,००० मृत.
१९९२ : लॉस अँजेलेस येथे कृष्णवर्णीय रॉडनी किंगला मरहाण करताना सापडलेल्या चार श्वेतवर्णीय पोलिसांची खटल्याअंती निर्दोष सुटका; शहरात वांशिक दंगली सुरू; पुढे सहा दिवस दंगली चालू; सुमारे ५५ मृत व २,३०० जखमी.
१९९३ : 'सर्न'ने वर्ल्ड वाईड वेब हा प्रोटोकॉल विनामूल्य उपलब्ध करून देण्याचे जाहीर केले.
१९९७ : रासायनिक शस्त्रास्त्रांवर बंदी घालण्याचा जागतिक करार लागू झाला.
दिवाळी अंक २०२३
आवागमन (navigation)
सध्या कोण कोण आलेले आहे?
सध्या 2 सदस्य आलेले आहेत.
- Rajesh188
- गवि
प्रतिक्रिया
समीक्षा आवडली.
इनकार बऱ्याच वर्षांपूर्वी पाहिला होता. त्यातलं मुंगळा गाणं अर्थातच खूप वेळा पाहिलं आहे. सिनेमातले खूप बारीक बारीक प्रसंग आठवतात. श्रीराम लागू आपला जुना चांभारकाम करतानाचा फोटो दाखवून स्वतः ती बॅग शिवतो तो प्रसंग. जळण्याच्या ठिकाणाहून पिवळा धूर निघतो तो प्रसंग. आणखीन एक आठवतो तो म्हणजे अमजद खान पळून जाण्यासाठी उजव्या हातावरची खूण लपवण्यासाठी हात प्लॅस्टरमध्ये घालतो खरा, पण तिकीट काढताना पाकीट त्याला डाव्या हाताने काढावं लागतं. त्या अडचणीमुळे पाळत ठेवणारे सीआयडी त्याला ओळखतात.
पण या चार नकारांची गोष्ट लक्षात नव्हती. तीन नकार हरिदासच्या तत्वनिष्ठा अथवा गुर्मीतून येतात. एक काहीशा कातडीबचावू प्रवृत्तीतून येतो. दोन चुकीच्या नकारांचे होकार झाले, आणि दोन योग्य ते (तत्वनिष्ठेचे) नकार राहिले. हा अर्क चांगला समजावून सांगितला आहे.
मुंगळा नंतरचा मारामारीचा प्रसंग कथानकासाठी आवश्यक आहे. कारण सिनेमातला व्हीलन किती जबरदस्त आहे हे सिद्ध केल्याशिवाय संघर्षाला जोर येत नाही. त्या मारामारीसाठी अर्थातच मुंगळा हे गाणं आवश्यक आहे. तात्पर्य, हेलनचा नाच कलात्मकदृष्ट्या महत्त्वपूर्ण आहे.
अर्क कोळून प्यालोय...
<< दोन चुकीच्या नकारांचे होकार झाले, आणि दोन योग्य ते (तत्वनिष्ठेचे) नकार राहिले. हा अर्क चांगला समजावून सांगितला आहे. >>
धन्यवाद. तो अर्क माझ्या मेंदूत फार चांगल्या प्रकारे उतरलाय कारण चित्रपट पहिल्यांदा पाहण्यात आला तेव्हा नव्यानेच नोकरीत रुजू झालो होतो आणि त्याकाळी हे असले नमकहराम, काला पत्थर, बेमिसाल वगैरे...तात्विक चित्रपट मोठ्या भक्तिभावाने पाहून त्यावर तितक्याच तावातावाने चर्चा करीत असायचो.
असो. अब न वो दिन रहे न रही वो बाते...
http://www.loksatta.com/vruthanta-news/now-teach-lessions-from-movies-33...
<< तात्पर्य, हेलनचा नाच कलात्मकदृष्ट्या महत्त्वपूर्ण आहे. >>
सव्वा दोन तासांच्या चित्रपटात ५ मिनिटांचे नृत्यगाणे (च) लक्शात ठेवण्याकरिता हे कारण पुरेसे आहे?
चेतन सुभाष गुगळे
भ्रमणध्वनी - ०९५५२०७७६१५
Electronic Mail Address :- chetangugale@gmail.com
या चित्रपटात हे गाणं आहे
या चित्रपटात हे गाणं आहे माहीत नव्हतं
तुम्ही चित्रपट फार बारकाईने पाहलात अस वाटतं
एकदम डिट्टेलमधे लिहीलय
चित्रपट ओळख आवडली
.
धन्यवाद.
चित्रपट पहिल्यांदा पाहिल्यावर एकदम आवडून गेला. त्यातल्या हरिदासच्या भूमिकेनं अक्षरशः झपाटून टाकलं. लेख लिहीण्याच्या निमित्ताने पुन्हा एकदा पाहिला. शेमरूनं आंतरजालावर ठेवलाय. पुन्हा पाहिल्यावर लगेचच लेख लिहील्यानं बारकावे टिपता आले.
चेतन सुभाष गुगळे
भ्रमणध्वनी - ०९५५२०७७६१५
Electronic Mail Address :- chetangugale@gmail.com
मुंगळा हे गाणे ह्या
मुंगळा हे गाणे ह्या चित्रपटातील आहे हे माहीत नवते. परिक्षण आवडले हे वेगळे सांगायला नको.
जियो.
भवतु सब्ब मंगलम्
समीक्षा आवडली
'इन्कार' हा चित्रपट पाहिला नाहीये पण त्याची केवळ पटकथा येथे न देता त्यावर केलेली समीक्षा आवडली.
==================================
इथे वेडं असण्याचे अनेक फायदे आहेत,
शहाण्यांसाठी जगण्याचे काटेकोर कायदे आहेत...
मंडळींनाही चित्रपटातला शीर्षक
चित्रपटाचं अपयशच.
तत्कालिन परिस्थितीवर भाष्य करणारा चित्रपट बनवणं वेगळं आणि तो चित्रपट लक्षात राहिल असा बनवणं वेगळं. 'सारांश' बघणार्यांना चित्रपट आठवत नाही असं होईल का?
हा चित्रपट मी पण पाहिला होता, अनेक वर्षांपूर्वी, एकीकडे दुसरं काही काम करत. खिळून रहात बघावं असं यात काहीही आढळलं नाही. 'मुंगडा' गाणं मला आवडतं आणि हेलन जितकी सुंदर नाचली आहे तेवढीच सुंदर ती दिसते आहे. तिच्या नेहेमीच्या 'वाईट बाई'च्या मेकपपेक्षा तिचा हा अवतार खूपच सुरेख वाटतो. गाण्यातही मराठी लोकसंगीताचा, कोळीगीतांच्या ठेक्याचा सुंदर उपयोग केलेला आहे. सुंदर गोष्टी सहज लक्षात रहातात, कुरूपता का लक्षात ठेवावी?
---
सांगोवांगीच्या गोष्टी म्हणजे विदा नव्हे.
हे खरं की ते?
इथे तुम्ही म्हणताय
<< 'मुंगडा' गाणं मला आवडतं आणि हेलन जितकी सुंदर नाचली आहे तेवढीच सुंदर ती दिसते आहे. तिच्या नेहेमीच्या 'वाईट बाई'च्या मेकपपेक्षा तिचा हा अवतार खूपच सुरेख वाटतो. गाण्यातही मराठी लोकसंगीताचा, कोळीगीतांच्या ठेक्याचा सुंदर उपयोग केलेला आहे. सुंदर गोष्टी सहज लक्षात रहातात, कुरूपता का लक्षात ठेवावी? >>
तुमचं हे मत माझ्या मतापेक्षा भिन्न असलं तरी त्याविषयी काही आक्षेप नाही.
पण त्यानंतर
http://www.aisiakshare.com/node/540#comment-7272 इथे तुम्ही म्हणताय -
<< पुरोगामी महाराष्ट्रात जन्माला येऊन पुढे प्रतिगामी अमेरिकेत प्रयाण करणार्या, उच्चविद्याविभूषित आणि काव्य-शास्त्र-विनोदनिपुण राजेश घासकडवी यांनी अशा प्रकारच्या 'चीप' विषयांवर चवीने लिहावे याचा खेद झाला. स्त्री-देहाचं असं जाहीर प्रदर्शन मुळात संस्कृती आणि रूढीप्रिय भारतात व्हावं याचाच मुळात मला खेद झाला. ते तिथेच सोडून न देता राजेश घासकडवी यांनी अशा प्रकारांचं समर्थन करावं याचा अतिशय त्रास झाला. त्यातूनही मेघना भुस्कुटे आणि जाई असे स्त्री आयडी धारण करणार्यांनीही श्री. घासकडवी यांना साथ द्यावी हे सर्व उद्वेगजनक आहे.
त्यातून श्री. घासकडवी यांचा सर्व प्रकारचा तुच्छतावाद माफ केला तरीही स्वतःला प्रगत समजणार्या देशात रहाणार्यांकडून अल्पसंख्यांकांची पुरुषांनी हे नृत्य बघताना एखादं कापड लाळेरं म्हणून वापरावं अशा प्रकारे उपेक्षा करणे हे अजिबातच अपेक्षित नव्हतं. >>
तुमच्या ह्या मताविषयी आक्षेप असण्याचा तर प्रश्नच नाही उलट मी तर या मताचं समर्थनच करील कारण मी स्वतःही याच मताचा आहे.
आता माझा आक्षेप एवढाच आहे की एकाच विषयावर दोन वेगवेगळी मतं एकाच व्यक्तीने का मांडावीत? तुम्ही कुठल्याही एकाच मतावर ठाम राहिलात तर माझा काहीच आक्षेप नाहीये, पण कृपया मला असं गोंधळात पाडू नये.
चेतन सुभाष गुगळे
भ्रमणध्वनी - ०९५५२०७७६१५
Electronic Mail Address :- chetangugale@gmail.com
घासकडवी यांच्याशी सहमत. परिचय
घासकडवी यांच्याशी सहमत.
परिचय आवडला.
चित्रपट पाहिला नव्हता, पण " मुंगळा" हे गाणे आहे असे जर कळले असते तर नक्कीच टाळला असता ( हेलन उत्कृष्ट नर्तिका आहे यात शंका नाही परंतु स्त्री देहाचे प्रदर्शन आणि exploitation ( शोषण ) कुठल्याही कारणासाठी मला मान्य नाही).
आता मुद्दाम पाहीन असे जरी नाही तरी मुद्दाम टाळीन असेही नाही.
<<तो अर्क माझ्या मेंदूत फार चांगल्या प्रकारे उतरलाय कारण चित्रपट पहिल्यांदा पाहण्यात आला तेव्हा नव्यानेच नोकरीत रुजू झालो होतो आणि त्याकाळी हे असले नमकहराम, काला पत्थर, बेमिसाल वगैरे...तात्विक चित्रपट मोठ्या भक्तिभावाने पाहून त्यावर तितक्याच तावातावाने चर्चा करीत असायचो.
असो. अब न वो दिन रहे न रही वो बाते... >>
अरेरे ! वाचून खरेच वाईट वाटले.
इतर मतप्रवाह
<< ( हेलन उत्कृष्ट नर्तिका आहे यात शंका नाही परंतु स्त्री देहाचे प्रदर्शन आणि exploitation ( शोषण ) कुठल्याही कारणासाठी मला मान्य नाही).>>
तुमचं हे मत मला पूर्णतः मान्य आहे. मी स्वतःही त्याच मताचा आहे. पण तुम्ही http://www.aisiakshare.com/node/540 हे वाचलंत का?
आता तुमचं
<< चित्रपट पाहिला नव्हता, पण " मुंगळा" हे गाणे आहे असे जर कळले असते तर नक्कीच टाळला असता >> हे मत बदलणार तर नाही ना?
चेतन सुभाष गुगळे
भ्रमणध्वनी - ०९५५२०७७६१५
Electronic Mail Address :- chetangugale@gmail.com
कुरोसावाचा रिमेक
ईन्कार हा चित्रपट कुरोसावाच्या high and low चा रिमेक आहे. मुळ चित्रपट खुप सन्थ आहे. पण तरीही एकदा पहायला हरकत नाही.