होमिओपॅथी डॉक्टरांना अ‍ॅलोपॅथीची प्रॅक्टीस करता येणार

"बातमी समजली का?" ह्या प्रकारच्य धाग्यात हे कंटेंट जायला हवे.

हा मस्तच शॉर्टकट झाला की. मागच्या दाराने झकास सोय. BHMS चा कोर्स किती वर्षांचा असतो?

अॅलोपथी, होमिओपथी आणि आयुर्वेदीक डॉक्टरकीचा सुरुवातीच्या २ ३ वर्षाँचा अभ्यासक्रम एकच असतो ऐकलय. हे खरे आहे का?

चला आता एकदम भरपूर डाकू सिस्टम मध्ये येतील. तसेही भरपूर लोक आहेत ज्यांना अस्सल होमिओपॅथी साईड इफ्फेक्ट न होणारी अ‍ॅलोपॅथीची औषधे चालतात. ह्याशिवाय अजून एक फायदा म्हणजे कॉलेजेसचे दुकान चालूच राहिल ना नाहीतर त्यांच्यावर गडांतरच होते. वाईटातून चांगले असे शोधून उगी राहावे

अशी प्रॅक्टिस करणार्‍या अनेक डॉक्टरांना पाहून त्यात काही गैर वाटत नाही. दर्जात फार फरक पडत नाही, बरेच अलॉपॅथीवाले चुकिचे सल्ले देतात, त्यामुळे फार नुकसान होईलसे वाटत नाही.

त्या एक वर्षाच्या कोर्स मध्ये त्यांना अ‍ॅव्होगॅड्रो नंबर विषयी पण शिकवावे.

हा विषय माझ्यालेखी संपलेला आहे.
इतके होमियो डॉक्स आहेत ते काही तरी मार्ग काढून या प्रवाहात येणारच. उलट योग्य प्रशिक्षण देऊन त्याना यात आणलेलेच बरे! किमान चांगले उपचार होण्याचे शक्यता तरी तयार होईल. उगाच डिनायल मध्ये जाऊन काही हाती लागणार नाही.

असेही कोणताही औषधांच्या दुकानातला माणूस (फक्त काम करणारा म्हणतोय) बिनधास्त औषधे देतच असतो की. त्याच्याकडे तर काहीच पदवी नसते. निव्वळ अनुभवावर हे चाललेले असते.
त्यापेक्षा होमियो डॉक्स प्रशिक्षित तरी असतील. शरिरशास्त्राचा बेसिक अभ्यास तरी नक्कीच केलेले असणार.

ग्रामीण भागात किंवा गरीब वस्त्यांमध्ये हे होमियो डॉक्स लोक काम करतातच. तात्काल स्वरूपातली मदत हेच लोक देऊ शकतात. केस हाताबाहेर असेल तर योग्य त्या डॉक ला रिफर करतात हे ही पहिले आहे.

महाराष्ट्रात तरी परिस्थिती बरी आहे. युपी वगैरे भागात तर निव्वळ भाऊ डॉक्टर आहे म्हणून त्याच्याच सर्टीफिकेटवर त्याच्याच नावाने भलतीकडेच प्रॅक्टीस करणारे लोक मी प्रत्यक्ष पाहिले आहेत.

(हा प्रकार रेल्वेत खूप आहे. शिक्षण पदवी एकाची त्यावर नोकरी करत असतो ८ पास असलेला! असे पुर्ण नोकरी करून आता पेन्शन घेत असलेले लोकही पाहिले आहेत.)

चला.. तुका म्हणे त्यातल्यात्यात..

मुळात होमिओपाथ डॉक्टरांना पेशंट्सना (त्यांच्या पथीशी अज्याबात न जुळणार्‍या) "अ‍ॅलोपथी"ची औषधे देण्याची "परवानगी" मिळण्यासाठी मागणी अन आंदोलन करावंसं वाटलं यात सर्व आलं. बदलेल आता हळूहळू अन बंद होतील साखरगोळ्या.. !!

एक वर्षं मॉडर्न मेडिसिनची तत्वं शिकून मग मेनस्ट्रीम औषधं देणार म्हटल्यावर अत्यंत बरं वाटलं.

होमिओपथीची औषधं देण्यापेक्षा हजारपट उत्तम. पेशंटना "औषध" मिळणार आता.

>>इतके होमियो डॉक्स आहेत ते काही तरी मार्ग काढून या प्रवाहात येणारच. उलट योग्य प्रशिक्षण देऊन त्याना यात आणलेलेच बरे! किमान चांगले उपचार होण्याचे शक्यता तरी तयार होईल. उगाच डिनायल मध्ये जाऊन काही हाती लागणार नाही.
सहमत आहे. वैद्यकीय सेवा खेडोपाडी व्यवस्थित पुरेशी पोहोचवायची असेल तर हा मार्ग योग्य आहे. अनेक बोगस डॉक्टर खेड्यात निमशहरी भागात व्यवस्थित प्रॅक्टीस करतात. कारण सगळ्या ठिकाणी एमबीबीएस डॉक्टर पोहोचू शकत नाही. मग त्या ठिकाणच्या आरोग्य सेवेचे काय? पुर्वी आरएमपी लोकांनी अनुभवाच्या जोरावर अशा यशस्वी सेवा दिलेल्या आहेत हे मी पाहिले आहे. खर तर असे प्रशिक्षित बेअर फूट डॉक्टर्स तयार झाले तर दुर्गम भागातील आरोग्यसेवेचे प्रमाण खरोखरीच परिणामकारक ठरेल. हे लोक आवाक्या बाहेरील केसेस मोठ्या डॉक्टर कडे रेफर करतात.

'मास्टर्स इन आजीबाईचा बटवा' असा एक नवीन कोर्स तयार करावा व खेड्यापाड्यातल्या हुशार बायकांना घरच्याघरी उपचार करायचे लायसन्स द्यावे या मागणीसाठी मी सत्याग्रह करणार आहे.

म्हणूनच तर मी ग्रेटथिंकर आहे...

होमिओपथी ही सार्थ औषधोपचार पद्धती आहे की नाही ह्या वादात न पडता, मुळात एका पथीच्या डॉक्टरांना अशी दुसर्‍या पथीची परवानगी देणे ह्या काहीतरी गोची आहे आणि ते पटण्यासारखे नाही. ते चूक आहे हे माझे वैयक्तिक मत!

- (होमिओपथीला वैतागलेला) सोकाजी

होमिओपॅथी संदर्भाने काही चर्चा. केवळ माहिती करिता
http://mr.upakram.org/node/2651 होमिओपॅथी एक थोतांड
http://mr.upakram.org/node/2660 प्लासिबो
http://www.mr.upakram.org/node/820 बाराक्षार पद्धती
http://mr.upakram.org/node/2408 होमिओपॅथी वैयक्तिक अनुभव
http://misalpav.com/node/15374 साखरगोळ्या
http://misalpav.com/node/7514 डॊक्टर
http://www.maayboli.com/node/42681 होमिओपॅथी आणि पेन-किलर्स

प्र घा, अहो काय या लिंका... वाचण्यात सगळी दुपार गेली... डोक्याची मंडई झाली...

खेडोपाडी वैद्यकीय सुविधा मिळावी म्हणून अ‍ॅलोपथीची औषधे वापरण्याचा परवाना:
होमिओपॅथीच्या व्यावसायिकांचा/ त्यांच्या संघटनेचा काय प्रतिवाद आहे हे कोणाला माहित आहे का? 'आम्हाला अ‍ॅलोपॅथीची औषधांचा परवाना द्या' असे ते कुठल्या मुद्द्यावर म्हणत आहेत? आमची औषधे चालत नाहीत म्हणून आम्हाला दुसरी देण्याचा परवाना द्या असेच काहीसे ते म्हणणे होत नाही का?

कितीतरी होमिओपॅथ दुसर्‍या वैद्यकाची औषधे सर्रास देतात. त्यातून दुर्गम भागांत विनापरवाना औषधे देणे जास्तच सहजी शक्य आहे. त्यांना परवाना हवा आहे तो शहरात अ‍ॅलोपॅथीच्या डॉक्टरांप्रमाणे चालणारी प्रॅक्टीस पाहिजे म्हणून अशी शंका येते. दुर्गम ठिकाणी होमिओपॅथीच्या गोळया देऊन उपचार करायला आजही त्यांना कोणी अडवलेले नाही. जे आत्ता तिथे जाऊ इच्छित नाहीत ते एकदा असा परवाना मिळाल्यावर कशाला शहरी भाग सोडून जातील?

दुसरे म्हणजे, त्यांना हा परवाना मिळणार आहे तो अमर्याद की नर्स-प्रॅक्टिशनर प्रमाणे मर्यादित औषधांचा?

अ‍ॅलोपॅथीवाल्यांनी जास्त टिवटिव केली तर होमिओपॅथीवाले त्यांच्या भानगडी बाहेर काढणार आहेत असे मुद्रित मटात आले आहे.

समाजात एक प्रवाह असा आहे कि त्यांचे मते कुठलीच पॅथी परिपुर्ण नाही. प्रत्येक पॅथीच्या काही मर्यादा व काही बलस्थाने आहेत. त्यामुळे कुठल्यावेळी कुठली पॅथी वापरावी या विषयी मतभिन्नता आहे. पण पुर्णोपचार वाले रोग्यानुसार व रोगानुसार वेगवेगळ्या पॅथींची उपाययोजना करतात. ( अस त्यांच म्हणण आहे)
माल्प्रॅक्टिसेस करणारे सर्व पॅथीत असतात याविषयी माझ्या मते दुमत नसावे.

आजच्या छापील लोकसत्तामधे "अ‍ॅलोपॅथिक रुग्णालयात आयुष (आयुर्वेदिक, योग, युनानी, सिद्ध, होमिओपथी) डॉक्टर्स नेमू नयेत" असा निर्णय आएमएच्या महाराष्ट्र विभागाच्या बैठकीत घेतला गेला" अशी बातमी आहे. ऑनलाईन बातमीचा दुवा सापडत नाही.