अनुप ढेरेंचा प्रश्न आणि ऐसीकरांचं मत/समजूत

समाजात नक्की काय काय चालावं ह्याबद्दल ऐसीकरांची मतं जाणून घ्यायला आवडेल.
निमित्त झालं अनुप धेरे ह्यांच्या http://www.aisiakshare.com/node/2345 ह्या धाग्यावरील प्रतिसादाचं.
अश्लीलता वगैरे संदर्भात किंवा अगदि सेन्सॉर वगैरेबद्दल सुद्धा "जे सध्या चाललय ते चालू द्या.जे काही सामाजिक संकेत आहेत, कायदे आहेत ते ठीकठाक आहेत."
असं काही भारतीय मेनस्ट्रीममधली किंवा भारतातली कित्येक स्थितीवादी मंडळी म्हणतात.
ऐसीवर (टोकाच्या?) व्यक्तीस्वातंत्र्यवाल्यांचा , लिबर्टिअन वगैरे म्हणवून घेणार्‍यांचा वावर दिसतो.
काही तसे म्हणवून घेत नाहित, पण त्याच धर्तीवरची भूमिका वारंवार घेतात.
मागे मी एकदा विचारलेल्या एका प्रश्नाला http://www.aisiakshare.com/node/1624 ह्या धाग्यावर माझ्या प्रश्नातील उपचर्चेने काही ऐसीकरांचं उत्तर मिळालं.
"विचित्र्,चूक असं काही नाहीच.शिवाय वाईट वगैरे तर अजिबातच नाही. ज्याला जे पाहिजे ते त्यानं करावं.
अगदि incest सुद्धा करण्यास मज्जाव नसावा." असा मंडळींचा सूर होता.
.
.
आता http://www.aisiakshare.com/node/2345 अनुप ढेरे ह्यांनी मूळ बेसिक्सवरच अजून काही प्रश्न विचारलेत; ऐसीकराम्चे त्यावरील प्रतिसाद वाचायला आवडतील.
मी चर्चा कॉपी पेस्ट करतोय.

*****************************************प्रतिसाद शृंखला उद्धरण सुरु**************************************************

मुक्तसुनीत : ....

अनुप ढेरे

सार्वजनिक ठिकाणी केलेला लैंगिक व्यवहार

हे का गैर असावं?
.
.

मुक्तसुनीत : माझ्यामते सार्वजनिक ठिकाणी केलेला लैंगिक व्यवहार अश्लीलतेच्या कलमामधे यावा.
.
अनुप ढेरे अश्लीलतेच्या कलमात काय काय येतं? आणि अश्लीलतेत वाईट किंवा हानिकारक काय असतं की ज्यामुळे त्यावर बंदी यावी?
.
.
मुक्तसुनीत :

>> अश्लीलतेच्या कलमात काय काय येतं?

कल्पना नाही. पण सार्वजनिक लैंगिक व्यवहार आणि शरीर प्रदर्शन येत असावं असा अंदाज आहे. आणि ते येणं योग्य आहे असं माझं मत आहे.

>> आणि अश्लीलतेत वाईट किंवा हानिकारक काय असतं की ज्यामुळे त्यावर बंदी यावी?
हे थोडंसं ध्वनीप्रदूषणासारखं आहे. सार्वजनिक स्पेसमधे प्रत्येकाने हेडफोन्स लावावेत आणि हवा तितका व्हॉल्युम ठेवावा. मात्र लाऊडस्पीकर लावून लोकांवर नको तो अत्याचार करणं यावर बंदी आहे (असं मला वाटतं.) आणि ही बंदी योग्य आहे (असं मला वाटतं)
तद्वतच सार्वजनिक ठिकाणच्या अश्लीलतेबद्दलचं आहे. इतरेजन जेथे वावरतात त्यांना नको असलेली नग्नता आणि लैंगिक व्यवहार यावर बंदी आहे (असं मला वाटतं.) आणि ही बंदी योग्य आहे (असं मला वाटतं).

अवांतर :
अश्लीलतेबद्दल वेगळा धागा सुरू करा. इतरही धागे सुचू शकतात :
"हिंसेत, खुनात, बलात्कारात, शोषणात वाईट किंवा हानिकारक काय असतं की ज्यामुळे त्यावर बंदी यावी?"
"बंदी यावी असं खरोखरच देशात/समाजात/जगात काही असू शकतं का ?" ;)
.
.
मनोबा :
ढेरेंच्या प्रश्नास बगल दिली गेल्याचे जाणवते.
त्यांची शंका मला समजली तशी मांडतो. जमल्यास उत्तर देणे.
"हिंसेत, खुनात, बलात्कारात, शोषणात वाईट किंवा हानिकारक काय असतं की ज्यामुळे त्यावर बंदी यावी?"
"बंदी यावी असं खरोखरच देशात/समाजात/जगात काही असू शकतं का ?"
ह्यात इतरांना इजा होत आहे. समजा क्ष य झ ह्या तीन व्यक्ती आहेत. क्ष आणि य ह्यांच्या जाहीर लैंगिक व्यवहारातून झ ला इजा होत नाही.
तरीही झ ह्या व्यक्तीला क्ष आणि य ह्यांच्या लैंगिक कृत्यांबद्दल आक्षेप का असावा?
त्याला अश्लीलता वगैरे गोष्टी चूक वाटतात म्हणून इतरांना कपडे घालण्याची जबरदस्ती का असावी?
जाहीर ठिकाणी हेडफोन्स असावेत हे ठीक. पण जाहीर ठिकाणी दोन व्यक्तींनी आपसात बोलूच नये असा कायदा नाही.
तस्मात दोन व्यक्ती लैंगिक व्यवहार सार्वजनिक ठिकाणी करतो म्हटले तर नक्की चूक काय आहे?
उद्याने, रिकामे फूटपाथ किंवा इतरत्र कुठेही त्यांनी ती कृती करणे ह्यात नेमके वावगे काय?
शेकहँड करणे आणि संभोगक्रिया करणे ह्यात उदारमतवादी आणि प्रोग्रेसिव्ह लोक भेद करतात का?
का करतात?
शेकहँड मध्येही दोन अवयव जवळ येतात. त्यात आणि इतर काही अवयव एकमेकांजवळ येणे ह्यात नक्की फरक काय आहे?
शिवाय अजून एक मुद्दा :-
माकडांनी कपडे घातले नाही तर चालतं. खरं तर कपडे न घालणं हेच "नैसर्गिक" आहे.
वस्त्रांकित असण्याचा किमान मापदंड असणे ही जबरदस्तीच नव्हे का?
मानवांनी का निर्माण केला? का पाळतात?
.
.
इतरेजन जेथे वावरतात त्यांना नको असलेली नग्नता आणि लैंगिक व्यवहार यावर बंदी आहे (असं मला वाटतं.) आणि ही बंदी योग्य आहे (असं मला वाटतं).

इतरांची हानी होत नसेल, इजा होत नसेल तर एखादी कृती करण्याचं एखाद्या व्यक्तीचं स्वातंत्र्य का हिरावून घेतलं जातय?
तुम्हाला ते योग्य का वाटतय? अरे, आज कपडे घालण्याची सक्ती करत आहात.
उद्या काळ्या रंगाचेच कप्डे घाला अशी सक्ती कराल. तुमच्या किबोर्डाला काही हाड?
.
.
ऋषिकेश

कोणते नियम पाळायचे हे आधी अनेकदा म्हटल्याप्रमाणे स्थळ-का़ळ-व्यक्ती सापेक्ष आहे. उदा. द्यायचं तर सध्याच्या काळात भारतात बहुतांश समाजांत कपडे घालणं हे सामाजिक संकेतांना धरून आहे. भारतातच (जारवांसारखे) कित्येक अल्पसंख्य समाज आहे जे सदर संकेत मानत नाहीत म्हणून ते काही 'क्रिमिनल गुन्हा' करताहेत असे मानावे का? माझ्या मते नाही.
कपडे न घालणे हा भारतात क्रिमिनल गुन्हा नसावा (नाही हे योग्यच आहे). अन्यथा सर्व दिगंबर साधु, न्युड बीचेस वर सूर्यस्नान घेणारे पर्यटक व इतर अनेक व्यक्ती जेलात असत्या.
सध्या भारतात बहुतांश समाजात उघड्यावर संभोग करणे केवळ संकेतबाह्य नसून समाजसंमतही नाही. त्यामुळे सध्या भारतात त्याविरोधी कायदा आहे. इतर काही देशांत जाहिर चुंबन घेणे वगैरे समाजसंमत नसल्याने तसे करण्यावर बंधने सैल आहेत. (भारतातच असाही काळ होता जेव्हा पुष्करिणीत रतक्रीडेत रममाण झालेल्या मदिराक्षींची वर्णने वाचता येतात. अश्वमेध यज्ञही जाहिरच व्हायचे ). विकीपान युकेमध्ये "सेक्स ऑन प्रीमायसेस वेन्यु" मध्ये वाढ झाल्याचे सांगते आहेच
.
.

मनोबा :

सध्या भारतात बहुतांश समाजात उघड्यावर संभोग करणे केवळ संकेतबाह्य नसून समाजसंमतही नाही. त्यामुळे सध्या भारतात त्याविरोधी कायदा आहे.
सध्या भारतात बहुतांश समाजात गे संबंध ठेवणे केवळ संकेतबाह्य नसून समाजसंमतही नाही. त्यामुळे सध्या भारतात त्याविरोधी कायदा आहे.
.
.
हे अनुपजींना हे असं म्हणायचं असावं.
.
.
.
*****************************************प्रतिसाद शृंखला उद्धरण समाप्त**************************************************
ह्यानंतरचे एक दोन प्रतिसाद मी माझ्या सोयीसाथी सोडून देत आहे.
ऐसीकरांची ह्या विशिष्ट मुद्द्यांबद्दल काय भूमिका आहे?
उघडे न फिरण्याचे बंधन मानवजातीवर हापिसात वगैरे लादले जातेय असे तुम्हास वाटते का?
त्याबद्दल लढा वगैरे उभारावा का?

--मनोबा