मी आडकित्ता कसा झालो?

मिसळपाववर हे नाव आहे, म्हणून इथे पण तेच नाव घेतले.
तिथे हे नाव का घेतले ते आठवत नाही, खूप दिवस झाले.

(इथला नवीन सदस्य) उपाशी बोका

उसंत समये प्राप्ते मराठी टंक कुट्टण उपलब्ध झाले आणि एकापेक्षा एक नामांकित बिलंदर लोकं भेटले.
त्यामुळे जिंदगीत नूर आला नाहीतर नुसती चिरागातून लौ जात होती .
रोज नवीन नावे घेऊन इमेल करायचा छंद तसा जुनाच आहे .

जालावर पहिलेप्रथम आलो तेव्हाची वेळ तपासून पाहिलीन् तडsssक पत्रिका बनवली. मिथुन रास येत होती. आद्याक्षर 'कि'!! पण ज्योतिषाच्या अगदीच आहारी जाऊ नये, आपलं कर्त्तृत्वही असावं थोडंफार असं म्हणतात..काय? म्हणून त्यात आपली कायतरी भर घातलीच पायजेनीत, या प्रयत्नवादी विचाराने अनुस्वाराची भर घातली आणि बेमट्या 'कि'ला सानुनासिक करून टाकलन्..!! आता आमचा मूळ स्वभाव पडला नित्य असमाधानी..पण विश्वेश्वराच्या कृपेन् सुख मात्र भरपूर. काय समजलांत्..?? म्हणून विश्वेश्वरापाठोपाठ केले स्मरण माऊलीचे. शिवाय.. अनायासे या संस्थळाच्या निर्मात्यांनीच माऊलीचे शब्द डकविले, तर आपण का मागे राहा..घेतलं नावं हे..आणि लावलं हिकडे. कसें...? ख्ख्यां...ख्ख्यां...ख्ख्यां..!! :D

माझं खररर्रं खररर्रं नाव प्राजक्ता आहे. वर्गात ४ होत्या. शिवाय,पूर्वीप्रमाणे मी आता नाजुकातलीही राहिले नाही :) जालावर सारखी चर्चा-चर्विचरणे, भारी भारी लेखक, उत्तम उत्तम ट्रोल वगैरेंची मला खरं म्हणजे भीतीच वाटते, आणि जबरदस्त इन्फिरियोरिटी कॉम्प्लेक्स येतो. जगात वावरण्याचा अजिबात अनुभव नसल्यासारखे आपण अजूनही वावरतो, ह्याचं वैषम्यही (क्वचित) वाटतं. कोणत्याही विषयाविषयी आपल्याला काहीही माहिती नाही, आणि जे आज माहिती असेल ते नक्कीच उद्या खोटे पडेल, अशी खात्री झाल्यामुळे 'फूलनामशिरोमणी' घेतलं.

बाळकृष्णचं short name दाक्षिणात्य पद्धतीने हापिसात सगळे 'बाला' करतात.. पण एका कलिगने एकदा 'बाळ' असा उल्लेख केला.. तेव्हा 'बाळ गंगाधर टिळक' सारखं बाळ सप्रे ऐकायला भारी वाटलं.. त्याच दरम्यान ऐसि/ मिपावर वावर सुरु झाल्याने सहाजिकच ते आयडी घेतलं.. :-)