पांच
तप्त अशा या कुंद दुपारी
शैथिल्याची दाट सावली
फिरून घेतो झोके पंखा
माशी फिरते गूं गूं करूनी
अशक्त कण्हती किलबिल किरणे
भिंतीवरती सरपटताना
घामट ओले उदास वास्तव
प्रकाशसुद्धा अशक्त ओला.
शेवाळ्याची बीभत्स वस्ती!
बुरशीला शेजार कुणाचा?
तडयात फिरते सूक्ष्म वाळवी
मुंग्यांचा सहवास फुकाचा.
अशा खपटचुक वातावरणी
एकच आहे पाल पांढरी
भिंतीवरची ट्यूब लागता
फ्लिकर होऊनी जाते पळुनि
जमिनीवरती असंख्य कपडे
धुळीत पडले इकडे तिकडे
चपला,बूट अन कितीक मोजे
टाय,कोट अन बिल्ले-सल्ले
भूक लागता मॅगी खावी
तहानही बिसलेरी घाऊक
स्वयंपाक हा शब्द शोधला-
डिक्शनरीतही नसेल ठाऊक
१६ पेले १७ जागी
शंभर ताटे दाटीवाटी
भ्रष्ट बाटल्या उघड्या पडल्या-
पिझ्झा दिसतो जागोजागी
स्क्रीन पाहता खेचून घेती
सुंदर सुरेख ललना मादक,
इंटरनेटी मुशाफिरी ही
करती इकडे पुरी रात्रभर
भुरी मांजरी येऊन जाऊन
पलंगावरी खुशाल नाचे
आवारा अनिकेत अशी मग
मित्रमंडळी मागे मागे
असल्या ह्या घनचक्कर जागी
राहण्यास जे होती राजी
राजीखुशीने वसती तेथे
बॅचलर तयां दुनिया म्हणते!
.
* शीर्षक रेफरन्स्
बादवे... (अवांतर)
अशा खपटचुक वातावरणी
एकच आहे पाल पांढरी
भिंतीवरची ट्यूब लागता
फ्लिकर होऊनी जाते पळुनि
... आपल्या हिंदू पालींना ट्यूबलाइटच्या उजेडाचे भय नसते काही. उलट, ट्यूबलाइटभोवती भरपूर किडे खायला मिळतात, म्हणून भर ट्यूबलाइटच्या उजेडात ठिय्या मांडतात. इतर जातींच्या पालींसारख्या अंधारात दबा धरून बसत नाहीत काही!
इथे पाहा.
While native geckos are more likely to stay out of sight when hunting, darting out of the shadows to catch nearby prey, the Asian gecko has no such qualms about being seen. Asian geckos often rest in brightly lit areas, relying on immobility to go unnoticed by their prey.
उत्तम प्रश्न!
नाही, म्हणूनच खाली रेफरन्स दिलाय हो.
अनुराग कश्यपचा पांच माझा तरी एकदम आवडता सिनेमा आहे.
कदाचित तो पाहिला तेव्हा मीही असाच बॅचलर होतो - थोडाफार नोकरी वगैरे सुरू असलेला.
त्यातली ती लूक/पाँडी/मुर्गी/जॉय ह्यांची खोली आठवली एकदम. म्हणून पांच.
.
पाच कविता वगैरे जुलूम कुठे करणार :)
जबरी जमलिये राव!!!
जबरी जमलिये राव!!!
१६ पेले १७ जागी :)