फरक कुठे पडला आहे
लहानपणी मी बाबांचा हात धरून मंदिरात जायचो|
त्यांचा हात धरून देवाला प्रदक्षिणा करायचो|
आताही मी त्यांच्या बरोबर मंदिरात जातो|
मंदिराच्या वाटेवर थकल्यावर त्यांना हात देतो|
आधराचा हात बदलला म्हणून फरक कुठे पडला आहे|
बापलेकाच्या नात्यातला विश्वास अजुन तोच आहे|
लहानपणी चौपाटीवर आईकडे पाणीपुरीचा हट्ट धरायचो|
नाही म्हणाली तरी सोबत पाणीपुरी खायला लावायचो|
परवा चौपाटीवर आईने मला पाणीपुरी मागितली|
मनसोक्तपणे खा म्हणालो तेव्हा ती गोड हसली|
पाणीपुरी मागणारा बदलला तरी फरक कुठे पडला आहे|
मायलेकाच्या नात्यातला मायेचा ओलावा तोच आहे|
तेव्हा भाउबीजेला बाबंकडून ओवळणीचे पैसे घ्यायचो|
ओवळणी द्यायच्या आधी ताईला खूप चिडवायचो|
कमावता झाल्यापासून तिला काय पाहिजे विचारतो|
मात्र ब्लेकबेरीची मागणी नोकियावर भागवतो|
ओवळणी बदलली तरी फरक कुठे पडला आहे|
राखीच्या धग्यांमधला प्रेमळ बंध तोच आहे|
लहानपणी धाकटयावर दाद्ागिरी करायचो|
पण कुणी त्याला रागावला की पाठीशी घालायचो|
काल तोच धाकटा जेव्हा परीक्षेला निघाला|
पायाशी झुकून दादा आशीर्वाद दे म्हणाला|
थोरला असो की धाकटा फरक कुठे पडला आहे|
भावाकरता वाटणारी कळकळ तीच आहे|
कॉलेजात भेळपुरीवर वाढदिवस साजरा व्हायचा|
बसथांब्याच्या टपरीवर गप्पांचा तास रंगायचा|
आजही वाढदिवसाला पहाटेच प्रत्येकाचा फोन येतो|
सेलिब्रेष्नच्या निमित्ताने पुन्हा मित्रांचा मेळा भरतो|
शाळा कॉलेज संपुनही फरक कुठे पडला आहे|
मित्रांसाठीचा जिव्हाळा अजूनही तोच आहे|
जवळ असा की दूर , नाती रक्ताची की मनाची फरक कुठे पडतो|
मायेच्या आपल्या माणसांसाठी जीव आपोआप तळमळतो|
-
परिमल विश्वास गजेंद्रगडकर
१२/३/२०११
प्रतिक्रिया
ऐसीअक्षरे वर स्वागत! ही कविता
ऐसीअक्षरे वर स्वागत!
ही कविता ठिक वाटली. अधिक उत्तमोत्तम कविता वाचायला आवडतील
- ऋ
-------
लव्ह अॅड लेट लव्ह!
व्यसनी विडंबन
स्वागत. आमचे येथे, नवीन माणसाला, विडंबन करुन धक्का द्यायची पद्धत आहे. तरी हलकेच घ्यावे.
पूर्वी मी तुझा हात धरून गुत्त्यात जायचो|
तुझ्या पैशाने मनसोक्त ऐश करायचो|
आताही मी तुझ्याबरोबर बारमधे जातो|
दोन पेग जास्त झाल्यावर तुला हात देतो|
आधाराचा हात बदलला म्हणून फरक कुठे पडला आहे|
मित्रांच्या नात्यातला विश्वास अजुन तोच आहे|
तरुणपणी चौपाटीवर तिच्याकडे भलते हट्ट धरायचो|
नाही म्हणाली तरी माझे सगळे हट्ट पुरवायचो|
परवा चौपाटीवर तिनेच ओळख दाखवली |
नवर्याला हाय केले तेव्हा ती गोड हसली|
बाजुला बसणारा बदलला, तरी फरक कुठे पडला आहे|
जुन्या नात्यातला कायेचा ओलावा तोच आहे|
तेव्हा तुझ्यावर पाचशेचा दौलतजादा करायचो|
तुझ्या ठेवणीतल्या लावण्यांना रंगून दाद द्यायचो |
बायको झाल्यापासून तुला काय पाहिजे विचारतो|
मात्र मघईची मागणी साध्या 'कलकत्ता' वर भागवतो|
ऐपत बदलली तरी फरक कुठे पडला आहे|
इष्काच्या धाग्यामधला शरीरबंध तोच आहे|
अरेच्चा पुणे स्टेशन आल
अरेच्चा पुणे स्टेशन आल वाटत!तरी हलकेच घ्यावे
खुप सुंदर आहे आवडली
खुप सुंदर आहे आवडली
छान आहे कविता...
छान आहे कविता...
- सुमित
"दिसे जे कवीला,न दिसते रवीला...सांगूनी गेले कुणीसे शहाणे..."