आंतरजालावर उगवून आलेले - १ (गणेशोत्सव)

आपल्यापैकी अनेक जण आंतरजालावर वावरत असतो. बरेच वाचनीय / श्रवणीय / प्रेक्षणीय संकेतस्थळांवर आपण जात असतो. मात्र तरीही एखाद्या विषयावर काहि माहिती हवी असेल तर मात्र गुगल बाबा की जय करावे लागते. गुगलून प्रत्येक वेळी हवी तीच माहिती मिळेलच याची शाश्वती नसते, अश्यावेळी आपण परिचितांना माहिती विचारू लागतो. या धाग्याचे स्वरूप असेच अनौपचारीक आहे.

आंतरजालावर तुम्हाला काय दिसले / मिळाले वगैरे धागे आपण बघतो. मात्र इथे त्यापुढे एक पायरी जाऊन एखाद्या विशिष्ट विषयाशी संबंधीत माहिती एका धाग्यावर मिळावी असा उद्देश आहे.

-- यात प्रस्तुत विषयावर जर तुम्हाला काही वाचनीय / श्रवणीय / प्रेक्षणीय असे काहि आंतरजालावर उपलब्ध असल्याचे माहित असेल तर त्याचा दुवा द्यायचा आहे
-- विषय 'ढोबळ' स्वरूपाचा देण्याचा प्रयत्न राहिल, ज्याच्याशी थेट अथवा काहिसा दुरसा संबंध असलेले रोचक लेखनाचे / श्राव्याचे / व्हीडीयोचे दुवे देता येतील.
-- दुव्या सोबत त्या दुव्यावर नक्की काय आवडलं किंवा/आणि तेथील दस्ताइवजाचा / माहितीचा सारांश दिल्यास अधिक उत्तम!

सुरवात म्हणून मी विषय निवडला आहे 'गणेशोत्सव'

अपेक्षा आहे गणेशोत्सवाचा इतिहास, स्वरूप, बदल, नोंदी, छायाचित्रे, उत्सवाच्या निमित्ताने झालेली भाषणे, घटना, विविध वृत्त, नोंदी, काहि नाविन्यपूर्ण कल्पना, याविषयाशी संबंधीत रोचक माहिती देणारे ब्लॉग्ज, पुस्तके, संस्थळे इत्यादी संबंधीचे दुवे इथे दिले जातील.
अर्थात प्रत्येक दुव्याशी संबंधीत चर्चाही इथेच करता येईल. चर्चा लांबल्यास (किंवा अधिक चर्चेची शक्यता वाटल्यास) ती वेगळी काढता येईलच!

चला तर सांगा तुम्ही या विषयाशी संबंधीत जालावर असे काय पाहिलेत/वाचलेत/ऐकलेत जे इतरांनीही पहावे/वाचावे/ऐकावे असे तुम्हाला वाटते?

टिपः दर आठवड्याला एक विषय देण्यात येईल. जर एखाद्या विषय सुचवायचा असेल तर मला व्यनी करावा.