बायोमेडीकल टेस्ट्स व रिझल्ट्स
मागील लेखात आपण वाचले की बायोमेडीकल्/डॅन्/मॅप्स डॉक्टरच्या सांगण्यानुसार बर्याच ब्लड टेस्ट्स करून मग अपॉईंटमेंट दिली ती रिझल्ट्स डिस्कस करण्याची. त्याबद्दल लिहीतेच आहे, परंतू थोडी बॅकग्राउंड बायोमेडीकलबद्दल द्यावी असे वाटते.
बायोमेडीकल हा काय प्रकार? तर मुख्यतः ऑटीझम हा फार वादग्रस्त मुद्दा आहे. मेडीकल फिल्डमध्ये ऑटीझम हा जेनेटीक म्युटेशनने होतो, तसेच काही वातावरणातील फॅक्टर्सदेखील काराणीभूत असतात असे मानले जाते. थोडक्यात ऑटीझम बरा होत नाही. परंतू डॉक्टर्समध्येच एक फळी आहे (डॅन्/मॅप्स) जे मानतात की ऑटीझम हा पर्यावरणातील फॅक्टर्सने होऊ शकतो तसेच व्हॅक्सीनेशननेही बर्याच मुलांमध्ये बदल होतात - जे ऑटीझमसारखी लक्षणं दाखवतात. सायन्स बघायला गेले - तर जगात कितीतरी मुलांना व्हॅक्सिनेशन केले जाते, सर्व मुलांना का ऑटीझम होत नाही? याचा अर्थ व्हॅक्सिनेशनने ऑटीझम होत नाही. तर दुसरी फळी म्हणते - काहीच मुलांची इम्युन सिस्टीम आधीच कमकुवत असते, त्यांच्यात चांगले बॅक्टेरिआज कमी असतात- ते वरवर पाहता हेल्दी असतात! परंतू जेव्हा व्हॅक्सिनेशनसाठी लाईव्ह व्हायरस आणि मुख्यतः जोडीने दिलेल्या व्हॅक्सिनेशनमध्ये एकापेक्षा अनेक व्हायरस शरीरात सोडले जातात तेव्हा ज्या काही बालकांची इम्युन सिस्टीम हेल्दी नसते त्यांच्यासाठी हे व्हॅक्सिनेशन म्हणजे ऑटीझमची लक्षणं दिसण्यासाठीचा एक ट्रिगर असतो. त्यामुळेच सर्व मुलांना नाही, परंतू काही मुलांना व्हॅक्सिनेशन दिल्या दिल्या अतिशय सिव्हिअर रिअॅक्शन होऊन त्यानंतर त्यांची पर्सनालिटी बदललीच हे ठामपणे सांगणारे बरेच पालक इंटरनेटवर्/पुस्तकांतून सापडतात. यात मुख्य कल्प्रिट बर्याचदा असतो तो एक ते दिड वर्षाच्या आसपास दिली जाणारी लस Measles, mumps, rubella (MMR). सीडीसी (सेंटर फॉर डिसिज कंट्रोल & प्रिव्हेंशन) यांचे ऑफिशिअल वेळापत्रक तुम्हाला इथे मिळेल. -> http://www.cdc.gov/vaccines/schedules/hcp/imz/child-adolescent.html
ओके, मुळात व्हॅक्सिन्स व ऑटीझम हा अतिशय वादाचा मुद्दा आहे. मला त्यात पडायचे नाही. पण माझे मत विचाराल तर मी एकच सांगीन. माझा मुलगा सव्वा वर्षापर्यंत पिडीयाट्रिशिअनच्या मते ब्युटीफुली ग्रो होत होता. साधं सर्दी पडसं देखील त्याला झाले नाही इतकी त्याची फिजिकल हेल्थ चांगली होती. छान हसरा, अफेक्शनेट, सर्व रिस्पॉन्सेस बरोबर देणारा व सर्वात महत्वाचे, जे देऊ ते व्यवस्थित तोंड उघडून खाणारा होता. त्याला सर्वात पहिलं आजारपण आले ते म्हणजे सव्वा-दिड वर्षाचा असतानाच्या सुमारास दिलेल्या व्हॅक्सिनच्या आठवड्यात. सिव्हिअर रिअॅक्शन. कमी न होणारा ताप, उलट्या.. इतकं की कधीही डॉक्टरांची पायरी आजारपणासाठी न चढलेलो आम्ही डिरेक्टली इमर्जन्सीमध्ये गेलो. त्यानंतर मुलाची पर्सनालिटी बदलली ती बदललीच. त्याआधी जरासा अस्पष्ट शब्द उच्चारणारा , बॅबलिंग करणारा या मुलाची बोलती बंद झाली. चांगला इंटरॅक्ट करणारा, डोळ्यात बघून रिस्पॉन्स देणारा कुठेतरी खिडकीतून बाहेर टक लाऊन बघत बसे. खेळणी ओळीने लावत बसे. कार्स उलट्या ताकून चाकांशी खेळत बसे. सर्व काही खाणारा (अगदी पोहे,उपमा,पालकाची भाजी, कोबीची भाजी,बेगल्स, पॅनकेक्स, चिकन व फिश देखील खायचा ) हा मुलगा खाण्यासाठी तोंडच उघडेना. अतिशय प्रमाणार ओरल अॅव्हर्जन्स - ज्याबरोबर आम्ही अजुनही लढतो. परिणामी अथक २ वर्षांच्या प्रयत्नाने मुलगा दोन वेळेस खातो. काय? तर पराठा/थालिपीठ किंवा भात. हे आमचे सर्वात सक्सेसफुल दिवसातले खाणे. नाहीतर आहेच पिडियाशुअर.
तर हे सांगायचा मुद्दा असा की सायन्स काय सांगते ते सांगेल. पण आमच्या डोळ्यासमोर झालेला हा बदल आम्हाला या सगळ्या प्रकरणाच्या दुसर्या बाजून बघायला भाग पाडतो. नेहेमीचे डॉक्टर थेरपीज सुचवतात परंतू खात्री देत नाहीत रिकव्हरीची. मग जरा का जीएफ्/सीएफ डाएट्स अथवा कुठल्या सप्लिमेंट्सने लगेचच चांगला फरक दिसत असेल तर तुम्ही विश्वास का ठेऊ नये? शेवटी आम्ही पालक आहोत. आमच्यासाठी आमच्या मुलाचे भले हे एकच ध्येय आहे. कशानेही तो बदल झाला तर हवाच आहे आम्हाला! इंटरनेटवर अशा पालकांना ब्लेम करणारेही लोकं आहेत! की "तुम्ही तुमच्या मुलांना ती आहेत तसं प्रेम करत नाहीत, अॅक्सेप्ट करत नाहीत." हे चूकीचे आहे. आम्ही अॅक्सेप्ट केले नाही तर रोजचा दिवस कसा पार पडणार? Of course, I love my child the way he is. But I also hate the way he struggles with very basic skills every step of the way .. And if Biomedical or any sensible methodology is going to be helpful in some way, I am going to try it out.
एनीवे, तर मी आता मूळ मुद्द्याकडे वळते. टेस्ट्सचे रिझल्ट्स.
सर्वच्या सर्व पॅरामीटर्स इकडे देणे अशक्य आहे. त्यामुळे जनरल आयडीया देते. (मला यातील ८०% नावं व गोष्टी माहीत नाहीत. दर वेळेस पुस्तक घेऊन रिपोर्ट वाचावा लागतो. हे काय आहे, याचे काय मिनिंग इत्यादी. मी येथे फक्त नावं देते. अर्थ मलाही माहीत नाही बरेच. येथील डॉक्टर लोकांना काही याबबत माहीती शेअर करायची असेल तर वेलकम!)
पहिला रिपोर्ट माझ्या हातात आहे, त्यात आहे
कोलेस्टरॉल(एल्डीएल्,एचडीएल इत्यादी), Lipoprotein Particles and Apolipoproteins, Inflammation/Oxidation, Myocardial structure/Stress/function, Platelets, Lipoprotein Genetics, Platelet Genetics, Coagulation Genetics, Metabolic (TSH, homocystein, vit B, vit D, RBC Folate) , Renal (Creatinine) Sterol Absorption Markers, Sterol Synthesis Markers, Glycemic control, insulin resistance, Beta Cell function, electrolytes(Na+,K+,Cl-,Co2, Calcium), Liver(AST, ALT,bilirubin), Others(Albumin, total protein, iron, ferritin) Thyroid(TSH, T4,T3, T4 free, reverse T3) , CBC with differential, Omega 3 Fatty Acids, Omega 6 Fatty Acids, Other fatty acids.
-> या रिपोर्टवरच्या कमेंट्समध्ये डॉक्टर असं म्हणतो की:
थोडक्यात, ओमेगा ३ सप्लिमेंट्स व मिथायलेशनची गरज आहे. म्हणजे Methylcobalamin (बी१२ चा एक प्रकर्र) याची गरज आहे.
दुसर्या रिपोर्टमध्ये आहेत खालील गोष्टी :
व्हिटॅमिन सी, व्हीटॅमिन डी याचबरोबर डॉक्टरांनी एझाईम्स, काही इतर सप्लिमेंट्स सांगितले आहेत. तसेच मुलाला mitochondrial dysfunction नावाचाही प्रकार असल्याचे सांगितले त्यामुळे त्यावरही एक औषध सांगितले आहे.
तिसर्या रिपोर्टमध्ये आहे IgG Food Antibody Assessment & IgG Spice Profile, IgE Inhalants profile, IgE Mold profile, Celiac & Gluten Sensitivity..
-> तुम्हाला फुड अॅलर्जीज माहीतीच असतील.उदा: सतत पाहण्यात, ऐकण्यात आलेली पीनट्स वा इतर नट अॅलर्जी. मग त्यात श्वास घ्यायला प्रॉब्लेम होतो तर कधी स्वेलिंग, कधी हाईव्ह्ज(रॅशेस) होते. हा जो प्रकार आहे तो IgE (or immunoglobulin E) यामध्ये मोडतो. हा जो दुसरा IgG (Immunoglobulin G)हा जरा सटल प्रकार आहे, त्यामध्ये तुम्ही अमुक एक पदार्थ घेतल्यावर तुम्हाला अॅलर्जिक रिअॅक्शन अॅज सच रॅशेस वगैरे होणार नाही, परंतू काही ना काहीतरी बिहेविअर चेंजेस, हायपर अॅक्टीव्हिटी, ब्लोटींग, डोकेदुखी असे सिम्प्टम्स दिसू शकतात. थोडक्यात फुड सेन्सिटीव्हिटी. अॅलर्जीमध्ये फुड बरोबरच मोल्ड्स, पोलन याची अॅलर्जी तुम्ही ऐकली असेल. तो झाला IgE Inhalants profile, IgE Mold profile. पदार्थांमध्येच मसाले देखील आले. तेई टेस्ट करण्यात आले - IgG Spice Profile मध्ये. याचबरोबर सेलिआक डिसिजची / ग्लुटेन सेन्सिटीव्हीटीचीही टेस्ट घेण्यात आली. (येथे अधिक माहीती वाचा) माझ्या मुलाला मोल्ड , पोलन अशी किंवा रॅश्/स्वेलिंग होणार्या अॅलर्जीज नाहीत. परंतू चिक्कार फुड सेन्सेटीव्हिटीज सापडल्या. त्याचा तक्ता देते.
येथे लाल रंग अथवा ३+ जिथे लिहीले आहे ते सगळं माझ्या मुलासाठी अपायकारक आहे. ते पदार्थ निदान ६ महिने तरी अॅब्सोल्युटली टाळायचे आहेत. त्यानंतर अगदी थोड्या प्रमाणात रि-इंट्रोड्युस करून त्याची रिअॅक्शन कशी येते ते पाहून पुढील कोर्स ऑफ अॅक्शन ठरवावी लागेल. पण तुम्ही पाहीलंत तर दिसेल, आपल्या भारतीय स्वयपाकातले कितीतरी पदार्थ त्याला चालणार नाहीत. उदा: म्हशीचे दूध, दही, बीट्स, कोबी, काकडी, लसूण, ढोबळी मिरची, लेट्युस, कांदा, रताळे, पालक, टोमॅटो, ग्लुटेन (पोळी, ब्रेड), गहू, स्ट्रॉबेरी, द्राक्ष, प्लम... परंतू फिशचे बरेचसे प्रकार व पोल्ट्री त्याला चालणार आहे जी तो मुळीच खात नाही. बाकीचे नॉन्व्हेज प्रकार आम्हीदेखील खात नसल्याने घरी बनले अथवा आणले जात नाहीत.
ग्लुटेन सेन्सिटीव्हिटीच्या रिपोर्टमध्ये देखील ग्लुटेन/व्हीटला ३+ असल्याने तेही टाळण्याची गरज आहे. मी गेले ३-४ महिने त्याची पोळी कम्प्लिट बंद केली आहे. आणि माझ्या मुलाला पोळी खूपच आवडते. थोडासा समजूतीत फरक वाटतो पण अजुन आम्ही पूर्णपणे १००% जीएफ्/सीएफ डाएट करत नसल्याने याबद्दल मी नंतरच लिहीलेले बरे.
अशा रीतीने वरील रिपोर्टसवरून एक कळते, की आमच्या मुलाला जीएफ्/सीएफ डायेट व काही सप्लिमेंट्स (ओमेगा ३, एम्बी१२, झिंक) याचा फायदा होऊ शकतो. आता दुसरा अडथळा येतो. आमचा मुलगा मुळीच औषध घेत नाही. त्याला दोन माणसांनी पकडले तर तिसरा कसातरी औषध तोंडात ढकलू शकेल - तेही तो थुंकून टाकतो. आम्हाला सप्लिमेंट्स रोजच्या रोज देणे सध्यातरी स्वप्नवतच आहे. परंतू मी जेव्हा शक्य आहे व मुलाच्या मूडनुसार झिंक वगळता सप्लिमेंट्स देऊन पाहीली आहेत. ओमेगा ३ व एम्बी१२ याचा फायदा बोलण्यात वगैरे झाला नसला तरी आय काँटॅक्ट सुधारण्यात मात्र झाला. अचानक आपण जे बोलत आहोत ते मुलापर्यंत पोचत आहे असा दिलासा कुठून तरी आम्हाला मिळाला, मेबी त्याच्या एक्स्प्रेशन्सवरुन? हे सगळं जरी असलं तरी औषधं जर त्याच्या पोटात गेलीच नाहीत तर काय फायदा व तोटा. इथे आम्ही अजुनही स्ट्रगल करतो. त्याला अजुन इतकी समज नाही, की आम्ही सांगितले हे तुझ्यासाठी चांगले आहे - घे, तर तो गपचुप घेईल. त्यासाठी बहुधा थोडी वाट पाहावी लागेल. परंतू वरील रिपोर्ट्सवरून व मुलाच्या रिस्पॉन्सवरून आम्हीदेखील म्हणू शकतो की याचा फायदा होऊ शकतो!
अजुन एक मार्ग आहे जे तुम्ही करत आहात त्याचा किती फायदा होतो हे बघण्याचा. http://www.surveygizmo.com/s3/1329619/Autism-Treatment-Evaluation-Checkl... येथे एक चेकलिस्ट्/प्रश्नपत्रिका आहे. वरची कुठलीही मेडीकल ट्रीटमेंट चालू करण्याआधी व नंतर तुम्ही प्रश्नमालिका सोडवून स्कोअर काढला तर ऑटीझमची लक्षणे कमी जास्त होत आहेत किंवा कसे हे कळून येते.
मुलाच्या रिपोर्टवरून तसेच माझ्या काही लक्षणांवरून मलाही जाणवले की मला देखील फुड सेन्सिटीव्हिटीज असणार आहेत काही. मी काहीदिवस जीएफ्/सीएफ डाएट ट्राय केले असता मला अतिशय चांगले रिझल्ट मिळाले. पोटभर जेऊनही हलके वाटणे - सुस्ती न येणे, पचनसंस्था सुधारल्याचे समजणे इत्यादी फरक जाणवले. शिवाय मुलाच्या थेरपीस्ट्स, स्पीच थेरपीस्ट यांच्याशी बोलताही असंच समजले की ग्लुटेन सेन्सिटीव्हिटी इज अ बिग डील. तुम्ही ते ट्राय केले तर फरक जाणवेल नक्की. त्यामुळे ती एक आशा आहेच. अतिशय कष्टाचा रोड आहे हा, पण मी त्या वाटेला नक्कीच जाणार!!
ह्या सगळ्या टेस्ट्स आम्ही करून आता वर्ष होईल. आमचं मुळात तो खाण्याबाबतीत खूप स्ट्रगल असल्याने जीएफ्/सीएफ डायेट ट्राय करण्याचा प्रश्नच नव्हता. तो काहीच खात नाही तर निदान त्याला आधी २ वेळेस खाण्याची सवय लागूदे या विचाराने गेल्या वर्ष-२वर्षाचा बराच वेळ गेला. नेहेमीच्या डॉक्टरांनी जीएफ्/सीएफ हाणून पाडल्याने आम्ही परत कन्फ्युजनमध्ये गेलो. अशा रीतीने हो नाही हो नाही करत परत एकदा जीएफ्/सीएफची सुरवात गेल्या ३-४ महिन्यांपासून केली आहे. नशीब जीएफ्/सीएफ मध्ये भात येतो.
सप्लिमेंट्स जेव्हढी जायला पाहीजेत तेव्हढी गेली नाहीत, परंतू त्याचा नव्याने प्रयत्न चालू केला आहे. हा खूप मोठा प्रवास आहे. परंतू याचबरोबर आम्ही बाकीच्या थेरपीज( स्पीच, एबीए, ओटी) अर्थातच चालू ठेवली आहे. भारतातून आईबाबा, नातेवाईक यांच्याकडून होमिओपथी, फ्लॉवर रेमेडी याही गोष्टी कळतात. काही औषधं घरात आहेतही, परंतू रात्र थोडी सोंगं फार सारखे, आमचा मुलगा छोटा अन त्याचे मेडीसीन्/सप्लिमेंट कॅबिनेटच मोठे असा प्रकार होतो. त्याखेरीज त्याचे रूटीन अतिशय व्यस्त असल्याने हे सगळं जमवणे अवघड जाते. परंतू हॉलिस्टीक अॅप्रोचचाच फायदा होईल असं आम्हाला वाटते.
** हे नंतर एका मैत्रिणीशी इमेलवर बोलताना जाणवलेले. ते डिस्क्लेमर म्हणून ठेवते इथे. **
हे थोडेसे डिस्क्लेमर :
I have missed many many points while writing that article. I am not a writer and also I write and publish it right away because of time constraints. Even when writing I had a feeling, this article needs lot of editing.
First, the cause of Autism. personally, I don't care what the cause is. Because damage is already done. It could be MMR vaccine at the 1.5 or HepB at the birth, or maybe where we were living was agricultural area. so I'm sure the air filled with the pesticides might have some role. It could also be Mercury amalgam in my teeth, or it could be toxins from tap water. Also genetic mutation. I have mentioned all these 'so called causes' in my previous articles or comments on them. But yes I'm guilty of not mentioning them in the Biomedical article. I kind of got carried away and lost the thought process.
Also, my whole point was, whatever may be the cause of autism and toxins in your body, if these simple methods, lifestyle changes and support of supplements are making positive changes somehow, I am going to try them. It will at the least give the satisfaction of 'I tried whatever I can'. I cannot get past and deny all the recoveries read from all the books I have on this topic.
But yes, I also know, that this being spectrum disorder - one particular thing worked for A would not necessarily work for B. But Mother warrior has to fight first to see if she is winning or losing.
प्रतिक्रिया
माझा मुलगा सव्वा वर्षापर्यंत
हे इतकं स्पष्टपणे एका इव्हेंटनंतर झालं असेल तर अतिशय धक्कादायक आहे, आणि संशोधनाने सिद्ध झालेलं असो अथवा नसो, पण व्हॅक्सिनेशनशी या पुढच्या बदलाचा काहीही संबंध नाही असं मान्य करणं तुम्हाला अत्यंत कठीण झालं असेल हे अत्यंत समजण्यासारखं आहे.
...............................
हा त्या लोकांचा तुमच्यावर अत्यंत चुकीचा आरोप आहे. तुम्ही तुमच्या मुलांवर अत्यंत प्रेम करता आहात यावर शंका घेणं अत्यंत छोट्या मनाचं लक्षण आहे. प्रत्यक्ष त्या परिस्थितीत नसताना टिपणी करणं सोपं आहे. त्याचप्रमाणे तुम्ही या हेल्पलेस कंडिशनमधे असताना तुमच्या मनात काय विचार येऊ शकतात हे समजू शकणारेही लोक असतील यावर विश्वास ठेवा.
.......................................
वरील उपाय हे उत्तम आहार मिळण्याच्या दृष्टीने अधिकचे काही घटक देणे इथपर्यंत उत्तमच आहे, यात दुसरे मत असूच शकत नाही.. पणः
अजूनही असं वाटतं की उपाय सापडतील, नक्की फरक पडेल, पण मेनस्ट्रीम मेडिसिनच्या बाहेर जाऊ नये अशी कळकळ वाटतेच वाटते हे वाचून. अर्थात तुम्ही खूपच जास्त कन्व्हिन्स झालेले आहात आणि अर्थातच पुन्हा तेच.. तुमच्या जागी स्वतः असल्याशिवाय आम्ही आंतरजालावर काहीही अन कितीही म्हटले तरी ते दुरुन ब्रह्मज्ञान देणेच असणार हेही आहेच....
आम्हा सर्वांच्या सदिच्छा नेहमीच आपल्यासोबत आहेत.
नाही मी अजुन कन्व्हिन्स झाले
नाही मी अजुन कन्व्हिन्स झाले नाही. मी फक्त वेगवेगळे उपाय ट्राय करत आहे. जसं मेनस्ट्रीम मेडिसीनने सांगितलेल्या थेरपीज वगैरे आम्ही अजुनही चालू ठेवल्या आहेत. (जरी आम्हाला त्या थेरपीजच्या मर्यादा सरळ सरळ दिसतात समोर! ) त्यामुळेच मी एका मर्यादेपर्यंत जे उपाय करण्यासारखे आहेत ते करणार. कशानेही फायदा झाला तरी मला फायद्याशी मतलब आहे. आय जस्ट डोंट वाँट माय बेबी टू सफर.
..शेवटच्या वाक्याच्या
..शेवटच्या वाक्याच्या अनुषंगानेच..
..उत्तम न्युट्रिशन ठेवणे कोणत्याही मुलासाठी उत्तमच.
पण शेकडो टेस्ट अन पेस्टिसाईडपासून इम्म्युनायझेशनपर्यंत आणि मर्क्युरीपासून ग्लुटेनपर्यंत सर्वावर शंका घेत वीसतीस पथ्ये आणि पंधरासोळा सप्लीमेंट्सचा भडिमार हेच खुद्द एक सफरिंग (पोरांना आणि पालकांना) होऊ शकतं अशी एक शंका येते केवळ.
येस, पण ते खरंच गरजेचे असेल
डबल झाला होता प्रतिसाद.
नेमकं हे आज वाचायला मिळले..
येस, पण ते खरंच गरजेचे असेल
येस, पण ते खरंच गरजेचे असेल तर असं कसं म्हणू शकतो आपण? हे म्हण्जे टाईप १ डयबेटीस झालेल्याला रोज काय इंजेक्शन्स घेतोस म्हणण्यासारखे वाटते मला. बघा पटतंय का?
टाईप वन डायबेटिस
टाईप वन डायबेटिस झालेल्याला?
इथेच भयंकर चुकतंय उदाहरण. इंसुलिन डीसफन्क्शन किंवा डायबेटिस नसलेल्याला होत असलेला अन्य एक सिंड्रोम हा इंसुलिनशीच संबंधित असेल तेव्हा इंसुलिनही देऊन पाहू आणि त्या व्यक्तीचा आवडता भातही कट करुन पाहू..आणि शिवाय पारा तांबे शिसे आर्सेनिक यांमुळेही हे असू शकेल म्हणून डिटोक्स करुन पाहू आणि पुष्पौषधीनी फरक पडतो म्हणून ते करु अन मूलद्रव्ये लक्षणानुसार देऊ किंवा बाराक्षार चिकित्साही वापरु असे सर्व करणे हे उदाहरण जास्त योग्य आहे.
पण सियर्स किंवा offbeat doctors ना तुम्ही हिरिरीने डिफेंड करता आहात त्यामुळे माझा सल्ला आता कोरडा अन हार्टलेस वाटू शकतो. म्हणून यापुढे टिप्पणी करणार नाही. लेखन आवडतेय.. वाचतोय.
बरं, लेट्स अॅग्री टू
बरं, लेट्स अॅग्री टू डिसअॅग्री. तुम्हाला अॅनॅलॉजी कळली नाही असं मात्र वाटले.
उदाहरण म्हणूनच पाहिलं
उदाहरण म्हणूनच पाहिलं त्याकडे.
"ज्याची गरज नाही" असं मॉडर्न मेडिसिनने सांगितलं आहे त्याची गरज आहे असं इतर अर्ध्याकच्च्या स्टेजला असलेल्या संशोधनांवरुन पक्कं मान्य करणं याविषयीच बोलत होतो.
मॉडर्न मेडिसिन उगीच एखाद्या गोष्टीला नाही म्हणत नाही किंवा प्रवेश रोखत नाही. कोणताही प्रयोग / संशोधन उपायकारक असेल तर त्यासाठी मॉडर्न मेडिसिनमधे पायघड्या अंथरल्या जातात आणि ते तातडीने आत्मसात होऊन मेनस्ट्रीममधे कसे येईल हे पाहिले जाते. जेव्हा मॉडर्न मेडिसिनचे डॉक्टर एखादी गोष्ट इफेक्टिव्ह किंवा आवश्यक नसल्याचं सांगतात तेव्हा ती तशी नसल्याचं सिद्ध झालेलं असतं म्हणून सांगतात हे लक्षात घेतलं पाहिजे. या बायोमेडिकल मार्गाने फायदे होत असल्याचं बियाँड डाउट सिद्ध होईल तेव्हा ते आपोआप मेनस्ट्रीम मेडिसिनमधे येईलच. तसं नसताना किंवा त्या आगोदर त्याला ग्राह्य मानू नये असं मत होतं. याचा अर्थ कधीच काही उपाय मिळणार नाही किंवा सर्वकाही व्यर्थ आहे असे अॅक्सेप्ट करा असं मुळीच नव्हे.. फक्त वाट पहा इतकंच.
केवळ मूळ मुद्द्याच्या अधिक स्पष्टतेसाठी हा प्रतिसाद लिहिला आहे.
ओके तुम्ही डॉक्टर आहात का?
ओके तुम्ही डॉक्टर आहात का? कारण डॉक्टर सोडून सर्वांना विशेषतः ऑटीझम पालकांना चांगलेच माहीत आही की मॉडर्न मेडिसिन कोणालाही पायघड्या घालत नाही.नाहीतर गेल्या १२ वर्षात ते कधीच झाले असते. इनफॅक्ट साध्या डाएट चेंजेस व सप्लिमेंटचे फायदे त्यांना अॅक्सेप्ट करता येत नाहीत, नाहीतर मुलाला ऑटीझम झाल्यावर ही साधी माहीती रेकमंड करू नका, पण बरीच लोकं हे जीएफ सीएफ डाएट ट्राय करतात अशा पद्धतीनी सहज शेअर करता आली असती.ह्यासाठी पालकांनाच कुठूनतरी हे समजते, सर्व माहीती आपणच गोळा करायची.. किती शक्ती जाते माहीत आहे? हा सगळा वर दिलेला अभ्यास करायची गरज असते का नॉर्मल लोकांना? पण आमच्या बोलण्यात जीएफ सीएफ, मिथायलेशन, इन्फ्लॅमेशन ह्या गोढ्टी सहज व सतत येतात कारण ह्या फॅक्ट्स आहेत की ऑटीझम स्पेकट्रमवरची मुलं काही व्हिटॅमिन्स/ मिनरल्समध्ये डेफिशिअंट असतात, त्यांना फुड सेन्सिटीव्हिटीज असतात. ह्या पद्धती वापरून मुलं बोलू लागली आहेत हे पालक लोकं मनचं फेकत आहेत का? ऑटीझम पेरेंट्स सप्लिमेंट्सक्चे परीणाम पाहून डोळसपणे बोलत आहेत .. अमुक दिल्यावर अमुक चांगला बदल होतो. कशाच्या जोरावर हे सगळं झिडकारून टाकावं? जर सरळ दिसतंय बॉडीत झिंकची डेफिशयन्सी आहे तर त्या मुलाला झिंक सप्लिमेंट दिल्यास त्याची भूक नाही वाढणार? त्याची इम्युन सिस्टीम नाही सुधारणार? साधं गणित आहे हे तर. तुमच्यासाठी ही लिंक. http://ods.od.nih.gov/factsheets/Zinc-HealthProfessional/ जर झिंकच्या कमतरतेचे फायदे तोटे गव्हर्नमेंट वेबसाइटवर विशद केले आहेत तर डॉक्टरांनी तपासायला नको मुलाच्या झिंक लेव्हल्स किती आहीत ते? अनाकलनीय आहे हा मॉडर्न मेडिसिनचा कारभार व त्याला असे ब्लाइंडली डिफेंड करणे.
ह्या वरच्या पोस्टचा टोन नाही
ह्या वरच्या पोस्टचा टोन नाही म्हटले तरी धारदार झाला आहे, त्याबद्दल क्षमस्व. ह्या विषयाबद्दल कळकळ वाटते हेखरेच आहे, परंतू आज मुलगा पहाटे तीनलाच उठून बसल्याने विशेष धार आली शब्दांना.
अधिक माहितीकरता.
The ADHD and AUTISM nutritional supplement handbook वाचा. त्यात कुठल्या लक्षणांवरून कुठल्या मुलद्रव्याची गरज आहे, त्याचे तक्ते दिले आहेत.
थँक्स! नक्की
थँक्स! नक्की शोधते.
माझ्याकडील जेनी मॅकार्थीच्या पुस्तकात तसेच डॉक्टर सीअर्स यांच्या 'द ऑटीझम बुक' मध्ये देखील ह्याबद्दल माहीती आहे.
टाकीचे घाव सोसत आहात!
टाकीचे घाव सोसत आहात!
- ऋ
-------
लव्ह अॅड लेट लव्ह!
http://news.yahoo.com/moms-va
http://news.yahoo.com/moms-vaccination-message-goes-viral-maybe-this-182...
वरती त्यासंदर्भात काही उल्लेख आले आहेत म्हणून हा लसीकरण योग्य आहे असे सांगणारा लेख इथे देत आहे.
सगळी लेखमाला अजून वाचलेली
सगळी लेखमाला अजून वाचलेली नाही. मागे ऑलिव्हर सॅक्स यांचं एक पुस्तक वाचलं होतं, त्यामुळे ऑटीझमची ओळख व्हायला बरीच मदत झाली.