काळ्या पिवळ्या नवसाची गोष्ट: २०१८

१७ जानेवारी २०१८:
मध्ये बराच काळ गेला (जवळ जवळ ९ महिने)
नवीन जॉब त्यासाठी नवीन जागा अशा सगळ्या धकाधकीत ह्याचा पाठपुरावा राहूनच गेला.

शेवटी आज बॅजसाठी काय काय लागतंय याची माहिती गोळा करायला आर. टी. ओ.त गेलो .
कुठून सुरुवात करायची काहीच कळेना.
एका भल्या टॅक्सीवाल्याने आयडिया दिल्यानुसार सरळ पब्लिक रिलेशन ऑफिसर ज@@डे यांच्या केबीनमध्ये गेलो.
इकडे तिकडे वेड्यासारखं रँडम भेटण्यापेक्षा आधी पी. आर. ओ. सायबांना पकडलं तर रिझल्ट्स पटकन मिळतील ...
असं मला वाटलं होतं Smile

पण तसं काय झालं नाय.
एकतर त्यांच्या केबीन मध्ये घुसल्या घुसल्या भस्सकन लाईटच गेले.
अंधारात दोन समलिंगाच्या स्ट्रेट माणसांना उगीचच जाणवतं तसं सेक्शुअल टेन्शन जाणवायला लागलं...
मग त्या गूढ अंधारात घाबरून त्यांनीच १२ नंबरच्या खिडकीवर जायला सांगितलं...
तिकडे आधी कोण नव्हतं पण नंतर आलेल्या मॅडमनी १३ वर टोलवलं आणि १३ वरच्या मनुष्याने शेवटी दया येऊन मला झटकन रिक्वायरमेंट्सचा फोटो काढून दिला.
येयय Smile

तर या रिक्वायरमेंट्समध्ये मुख्य गोष्ट म्हणजे डोमिसाईल सर्टिफिकेट म्हणजे आपण मुंबईत किमान १० वर्षं रहात असल्याचा दाखला.

खर्च:
0 रुपये.

आता भवन्स कॉलेजजवळच्या तहसीलदार ऑफिसमध्ये जाऊन डोमिसाईल सर्टिफिकेट काढून आणणे हे पुढील काम.

३ मार्च २०१८:
मागचा आठवडा मी आणि आईनी खपून सगळे डोमिसाईलला लागणारे सगळे पेपर्स तयार केले:
ते खालील प्रमाणे:

पूर्ण भरललेला ऍप्लिकेशन फॉर्म: तसा सोप्पा आहे फार किचकट नाहीये तो.
फॉर्मला चिटकवलेला फोटू
एक पूर्ण भरललेला छोटुसा डिक्लरेशन (हा फॉर्म बरोबरच येतो)
१० वीच्या स्कूल लिव्हिंग सर्टिफिकेटची झेरॉक्स, याची वर्जिनल कॉपी कॉलेजमध्ये आपण जमा केलेली असते हे लक्षात ठेवा मी वर्जिनल नाय म्हणून उगीच पॅनिक झालो
१२ वीच्या लिव्हिंग सर्टिफिकेटची झेरॉक्स, आणि वर्जिनल
दहावी बारावी बीएस्सी आणि एमएस्सीच्या मार्कलिस्ट झेरॉक्स, आणि वर्जिनल
आधार कार्ड झेरॉक्स, आणि वर्जिनल
वोटर्स कार्ड झेरॉक्स, आणि वर्जिनल
आणि मग ठरवलं की आत्ता अशी जय्यत तय्यारी केल्यावर फर्स्ट शॉटमध्ये फॉर्म सबमीट मारायचा की झालं आपलं काम
मग मस्त (दुसऱ्या ) शनिवारी सकाळी तयार होऊन माझे लकी बूट घालून दाढी बिढी करून पोचलो खिडकी नंबर ४ वर

बाय द वे इकडे खिडक्यांवर सगळीकडे एकदम कोवळी चुणचुणीत पोरं पोरी आहेत
त्यामुळे छान फ्रेश वाटतं
आणि ती फारशी हसत बिसत नसली तरी टिपिकल सरकारी वसवस ही नाही करत

तर मी सगळे छान पिनअप वगैरे केलेले पेपर्स सरकवून तय्यार की आता आपण डन डना डन...
तर भस्सकन पोपटच केला खिडकीमागच्या लाल टिकावाल्या पोराने

त्यानं मृदू पण ठाम आवाजात सांगितलं की २०१८ पासून मागच्या १० वर्षांचं प्रत्येक वर्षाचं एक तरी मुंबईत राहिल्याचं प्रूफ आणा
उदाहरणार्थ लाईट बिल / एल आय सी प्रीमियम ची रिसीट वगैरे.
झाला का आऱ्या आत्ता!

मी तीस एक वर्षं वांद्र्यात रहात असलो तरी दोन तीन जागा बदलेल्या वगैरे.
पण मला आठवलं की आईच्या एका कलीगनं मागे लागून एक एल आय सी पॉलिसी घ्यायला लावलेली.
(आपल्यात नाहीतरी पॉलिस्या ह्या नाही म्हणण्याच्या धाडसाअभावीच घेतल्या जातात Lol

घड्याळ बघितलं ११:३०
वेळ होता तसा ..कट टू कट Sad
रिक्षात बसता बसताच आईला विचारलं, "प्रीमियम रिसीट काढून ठेवणार का?"
आई म्हणाली, "तू घरी ये मग बघू."
हो म्हणजे पोटातला हर्निया सावरत ती कशी बेडखालचे पेपर्स काढणार ना?
(आपल्यात नाहीतरी सगळे रेकॉर्ड्स सोफा कम बेडच्या बॉक्स मध्येच ठेवले जातात Lol

म्हटलं ठीक आहे...
वांद्र्याला पोचलो १२:००

आणि...
आईनं मागच्या दहा वर्षांच्या प्रीमियम रिसीट्स काढून तयार ठेवलेल्या!
मग तिच्या २३ आणि तिला मदत करणाऱ्या बारकुड्या बहिणीच्या १९ अशा टोटल ४२ पाप्या घेऊन मी खाली उतरलो
१२: १५

परत अंधेरीला पोचलो: १२: ५०
ला. टि. पो. ने फक्त वरवरच्या दोन रिसिटी बघितल्या आणि टिक मारून मला पावती दिली.

येयय Smile
जिंकलो!

स्टुपिड एल आय सी च्या रिसीट्स अशा ऐनवेळी कामाला आल्या हे मस्तच.
सो लोक हो, एल आय सी प्रीमियम हा सरकारमान्य रेसिडन्स प्रूफ आहे बरं का Smile

आत्ता चौथ्या शनिवारी सर्टिफिकेट घ्यायला जायचं!

खर्च:
फॉर्मला पाच रुपयाचा कोर्ट फी स्टॅम्प लागतो तो बाहेर १० रुपयाला मिळतो.
खरं तर माझ्या तत्वात बसत नाय वगैरे पण युद्ध जिंकण्यासाठी काही चकमकी हराव्या लागतात हेच खरं Sad

आणि रिक्षाचे डबल पैसे Smile
सो एकूण खर्च: ३०० + १० = ३१० रुपये

ललित लेखनाचा प्रकार: 
field_vote: 
4
Your rating: None Average: 4 (1 vote)

प्रतिक्रिया

छान. वाचतोय. उत्सुकता..

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

ह्याय बरोबर.
नीलोपिडिया चुकलं. नीलबखर.

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

वाचतोय.
(श्रेणी देनेवालोंको आपून विनम्रता के साथ बोलता है - "माहितीपूर्ण" देनेका नै).

  • ‌मार्मिक0
  • माहितीपूर्ण1
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0

(श्रेणी देनेवालोंको आपून विनम्रता के साथ बोलता है - "माहितीपूर्ण" देनेका नै).

नाही देत जा!

  • ‌मार्मिक0
  • माहितीपूर्ण0
  • विनोदी0
  • रोचक0
  • खवचट0
  • अवांतर0
  • निरर्थक0
  • पकाऊ0