प्रेमाचे आर्जव - एक हुकणे
किंवा असेही होत असेल
की माझे शीळ घालणे
गाण्याची ओळ गुणगुणणे
वाटत असावे तिला
प्रमाणीकृत, पाकिटबंद!
(तिच्या भावनांचा नसेल असा
आकृतिबंध.)
इतिहासाने शिकविलीय
एव्हढीच तंत्रे, असलीच भाषा !
सोडली तर काहीच नाही उरत
(परिस्थितीत या बसावे झुरत!)
"मी एक चालती-बोलती जखम"
पाकिटबंद कॅडबरी मुद्दा ठरतो !
डार्क चॉकलेट, काजू घातले
तरी काय फरक पडतो ?
किंवा नुस्तेच तिच्यासमोर ठाकणे
मूकनाटकातील शोकनायकाप्रमाणे
अटळ आहे अयशस्वी ठरणे!
"सद्यस्थितीत" काहीही केले
तरी तिला ते कसे कळणार ?
प्रचलित अर्थाच्या गुलाम स्त्रिया
माझ्यावरती कशा भाळणार ?
---
प्रतिक्रिया
मला ही कविता आवडली. मला या
मला ही कविता आवडली. मला या गाण्याची आठवण झाली -
.
Paint my love you should paint my love
It's the picture of thousand sunsets
It's the freedom of a thousand doves
Baby you should paint my love
.