"ऐसी" दिवाळी अंक... शंका आणि तक्रार

दिवाळी अंकातील लेख वाचायला सुरुवात केली ती अवधूत डोंगरे यांच्या लेखाने. इतरक लेख चाळलेत. जबरदस्त अंक आहे. जबरदस्त लिहीणारे लोक आहेत याची खात्री पटली. निवांत वाचून काढतो.

थोडक्यात उत्तर द्यायचं झालं तर यापैकी कोणी डूआयडी नाही. काही जणांनी आधी ऐसीवर अल्प का होईना, लेखन केलेलं आहे. उदाहरणार्थ - शहराजाद, उत्पल, शैलेन, सानिया. काही नावं नवीन दिसतात याचं कारण जालावरती, किंवा जालाबाहेरून त्या व्यक्ती, त्यांचं लेखन आम्हा संपादकांना माहीत असतं. (डोंगरे, परळकर, कुंडलकर, तांबे इ.) मग त्यांचं लेखन मिळवण्यासाठी आम्ही त्यांना विनवणी करणं, त्यांचे लेख त्यांच्यासाठी टंकून देणं, दारासमोर जाऊन भिका मागणं, किंवा प्रसंगी त्यांचं मूल पळवून ओलिस ठेवणं वगैरे प्रकार करतो. त्यामुळे ते नाईलाजाने का होईना लिहिते होतात. आमची आशा अशी असते की त्यांच्या लेखनाला मिळालेला प्रतिसाद पाहून ऐसीवर त्यांचा वावर वाढेल आणि त्यांचं लेखन किंवा निदान त्यांच्या अधिकाराच्या विषयावर त्यांचे प्रतिसाद तरी आपल्याला वाचायला मिळतील.

अतिशय सुरेख दिवाळी अंक आहे यावेळचा. अजून सगळा वाचला नाही. पण जनरल चाळला आहे. जेवढे वाचलेत ते सगळेच लेख उत्तम आहेत. संपादकमंडळाला मनःपूर्वक धन्यवाद (बाहेरच्या लोकांना आवर्जून निमंत्रण दिल्याबद्दल आणि एरवी फार न लिहिणार्‍यांकडून लिहून घेतल्याबद्दल)
सर्वांना शुभ दीपावली!

आणखी एक (उतावळे) निरीक्षण म्हणजे आतापर्यंतच्या लेखांपैकी बहुसंख्य लेख चित्रे, छायाचित्रे आणि चलचित्रे यांच्याशी संबंधित आहेत. Triumph of Spectacle?

मनोबाशी बाडीस आहे. दिवाळी अंक अगडबंब आवडतो आहे.
अन् अंकाचे आणि इतर काही नवीन लेख आत्ताच दुसऱ्या पानावरून काढावे लागत आहेत, एकत्र करून वरती टाचावेत ही विनंती.

दिवाळी अंक पुरेसा काळ वरती दिसेल याची प्लीज व्यवस्था करा राव, आरामात वाचायची गोष्ट आहे.

हा धागा वाचून, ऐसीवर दिवाळी अंकाच्या निमित्ताने वर्षभर मराठी आंजावर नेहमी येणार्‍या धाग्यांपेक्षा, लेखनापेक्षा काहितरी वेगळं वाचकांना मिळतंय, असा समज करून घेऊन खूश होत आहे