काही अलिकडे काढलेली व्यक्तीचित्रे

छान,
नेमकी कोणती चित्रे कृष्ण धवल काढावीत यासाठी काही मानके आहेत की स्वयंस्फूर्तीतून हा निर्णय घेता?

हा निर्णय स्वयंस्फूर्तीतुन असतो. पण अशी मानके असलीच तर त्याविषयी जाणुन घ्यायला आवडेल.

अवांतर: समारोह हा शब्द कार्यक्रमाच्या अधिकृत नावात होता? मला स्वतःला हा शब्द बराच खुपतो, हिंदी वळणाचा वाटतो. त्यातुलनेत समारंभ, सोहळा हे शब्द आवडतात.

फोटो आवडले.
('काढलेली व्यक्तीचित्रे' यावरून असे वाटले होते की हाताने काढलेली (रंगवलेली) पोर्ट्रेट्स असावीत).

@मिहिर

मूळ समारंभाच्या नावात समारोह हा शब्द नाही. ते स्वातंत्र्य मी घेतले आहे. पण अशा अनेक गोष्टी भाषिक व्यवहाराच्याबाबत आपल्याला खटकतात. अलिकडे मराठीत रूळलेला "माझी मदत कर" हा प्रयोग हिंदींच्या प्रभावामुळे (मेरी मदत करो) असाच खटकतो. हिंदी भाषक पण आपले बंबय्या हिंदी ऐकुन खवळत असतील.

@चित्रगुप्त

तुमची शीर्षकावरुन जी दिशाभूल झाली त्याबद्दल क्षमस्व! पण चित्रे "काढली जातात" तसे फोटो पण "काढले जातात". पण तुम्ही योग्य पर्याय सुचवु शकता...

छान प्रकाशचित्रे. प्रियदर्शिनी कुलकर्णी व पं. सुरेश तळवलकर यांच्या चेहर्‍यावर तल्लीनतेचे भाव उल्लेखनीय.

एक शंका : तबलावादकांच्या डोक्यावर कुरळ्या केसांचे वलय असणे अनिवार्य आहे का? झाकीर हुसेन - विजय घाटे प्रभृती आणि इथे प्रकाशचित्रातले दोन तबलावादक तसे दाखवतात. एक सुरेश तळवलकरांचा अपवाद.

व्यक्तिचित्रं आवडली. मात्र सगळीच चित्रं आडवी काढण्याऐवजी काही उभी शोभून दिसली असती असं वाटतं. विशेषतः तळवलकर आणि पळसुले यांची चित्रं.

प्रियदर्शिनी कुलकर्णी व पं. सुरेश तळवलकर यांची व्यक्तिचित्रं विशेष आवडली.