Dual SIM मदत/सल्ला हवाय....

>> सिंगल सिम फोन्स एवढे त्यांचे लॉन्ग लाईफ नसते
नक्की? दोन्-चार वर्षे चालला तरी पुरे.
त्याहून कमी असेल तर मात्र चिंता आहे.

>> शिवाय ड्युअल सिम फोन हे सहसा कमी प्रतिष्ठेचे समजले जातात.
मी मोबाइल उपयुक्ततेसाठी,utility म्हणून घेतोय. status symbol म्हणून किंवा प्रतिष्ठेसाठी नाही.(आधी माझ्याकडे असलेला नोकिया ६०३० हा ही अत्यंत सर्वसाधारण, nonglamorous असाच होता. कॉल-मेसेज करणे-घेणे आणि FM इतकेच त्यात होते.)
निव्वळ प्रतिष्ठेसाठी म्हणून मी माझी निवड इतकी बदलू नाही हो शकणार. दोन्-दोन वर्षात आय्-फोन आणि ब्लॅक बेरी घेण्यापेक्सह मी एकच साधारण मोबाइल आणि उत्तम दर्जाचा लॅपटॉप(laptop सुद्धा प्रामुख्याने utility म्हणूनच ) घ्यायचा निर्णय घेतला, मी आजही त्यावर खुश आहे.

आपला काहीतरी गैरसमज झालेला आहे मनोबा.
माझे प्रत्युत्तर हे श्री गुगळेंच्या प्रतिसादाला आहे. आपल्याला नाही. त्यांचा हाच आणि अजून एक प्रतिसाद अगदी जसाच्या तसा दुसर्‍या एका संस्थळावरही दिसला म्हणून.

सबब तुमच्या धाग्याचा यात कुठेही संबंध येत नाही.

मनोबा,
कोणता घेतलात मग फोन?
***
ड्युएल सिम चा फोन घ्यायचा आहे, तो कोणता घ्यावा असा चर्चेचा प्रस्ताव होता म्हणून मुळातच ड्युएल सिम घ्यावा की नाही याबद्दल बोललो नव्हतो. ते आता बोलतो :

बर्‍याच लोकांना आजकाल सिमकार्डे स्वस्त झाल्याने, व्यावसायिक फोन वेगळा, व खासगी वापराचा वेगळा नंबर किंवा वारंवार रोमिंगच्या आत बाहेर करावे लागत असल्याने इ. कारणास्तव एकापेक्षा अधिक सिम वापरावे लागतात. बहुतेक तरुणाई हौसेखातर वापरते.

पण वरील दोन कारणांसाठी १ पेक्षा जास्त सिम वापरणार्‍यांनी व इंटेन्सिव्ह फोन वापर असणार्‍यांनी ड्युएल सिम घेऊ नये असे माझे स्पष्ट मत आहे.
या ऐवजी २ वेगळे फोन घ्यावेत. एक भरपूर फीचर्स वाला, दुसरा फक्त, 'बेटा फोन तो सिर्फ फोन कर्ने के लिये होता है' वाला. किंवा जुना एक अन नवा एक. असं काहीतरी.

कारणे अनेक.
१. काही फोन मधे एकावेळी एकच सिम नं. चालतो. सिम बदलण्यासाठी फोन रिस्टार्ट करावा लागतो. मग दुसरा नंबर सुरु(रीचेबल) हवा असेल तर कॉल-फॉर्वर्डींग करून काम चालवावे लागते.
२. दोन्ही सिम एकावेळी चालत असतील तर एकच सिम बंद करून ठेवता येत नाही. उदा. दुकान बंद केले की नंतर सुटीच्या वेळात प्रोफेशनल कॉल्स नको म्हणून एक फोन बंद करता येतो, अन दुसरा पर्सनल नंबर सुरू राहतो असे करता येत नाही.
३. दोन फोन असले तर फोनबुकची क्षमता आपोआप दुप्पट होते.
४. एकाची बॅटरी गेली, अन तुम्ही कामात असलात तरी दुसर्‍यावर काम चालवून घेता येते. प्रसंगी सिम बदलूनही.
५. एक चोरीला गेला, हरवला, तर दुसरा ऐनवेळीस कामास येतो : तो जुना/बेसिक फोन सहसा चोरीस जात नाही ;)

एकाच विषयावर माझं मत इथे आणि तिथे वेगळं कसं काय असू शकेल?

मत समान असले तरी तुमच्यासारख्या शब्दप्रभूला शब्दही समान ठेवण्याची आवश्यकता काय? वाचकाच्या भूमिकेतून बघा. इथे आणि तिथेही वाचकाला एकच वाचायला मिळत असेल तर त्याच्या वाचनस्वातंत्याचा संकोच होतोय असे मानायला वाव आहे.

की माझ्या इथे आणि तिथे समान धागे / प्रतिसाद देण्यावर तुम्ही यापूर्वीही अनेकदा आक्षेप घेतलाय

माझ्या आठवणीप्रमाणे दोनदाच घेतलाय फक्त. तो सुद्धा एकदा समान धागा लिहिण्यावर आणि आता समान प्रतिसाद लिहिण्यावर. धागा आणि प्रतिसाद हे दोन्ही भिन्न प्रकार आहोत असे आम्ही समजतो.

म्हणून आता हे सविस्तर आणि शेवटचं स्पष्टीकरण देतोय.

स्पष्टीकरण फारच त्रोटक वाटले, अर्थात हा आमचा परस्पेक्टीव. तुमचा वेगळा असू शकतो.
शेवटच्या स्पष्टीकरणाबद्दल धन्यवाद.