ट्रम्प यांची मुक्ताफळे !

ज्यांनी अश्रफ घनी सारख्या अमेरिकेतील कोलंबिया विद्यापीठाची डॉक्टरेट मिळविलेल्या माणसाला पंतप्रधान केले आहे , पार्लमेंट मध्ये बायका निवडून दिल्या आहेत आणि जे भारताबरोबर देश-उभारणीसाठी उत्तम सहकार्य करीत आहेत अशा अफगाण लोकांना सरसकट तालिबानी म्हणणे चुकीचे आहे .

सत्याची ऍलर्जी आणि इतिहासाचे (आणि वर्तमानाचेही) प्रगाढ अज्ञान असल्यावर असे वाटायचेच ! पूर्वाश्रमीची अनेक कम्युनिस्ट राष्ट्रे सध्या अमेरिकी "साम्राज्यात" जमा होण्यासाठी (म्हणजेच मोठ्या प्रमाणात अमेरिकन भांडवलाची आयात करण्यासाठी) मरत आहेत! व्हिएतनाम , चीन, पूर्व युरोपातील सर्व राष्ट्रे इत्यादी. तसेच संघाला ठोकरून मोदीही! असो!

त्यानेही प्रॉब्लेम सुटला असता असे वाटत नाही. असो.

>> जन्म होऊन एखादा देश मिळणं वायलं नि तो खास निवडून तिथे स्थायिक होणं वायलं. माझी शब्दयोजना नीट बघा!
आणि तसंही भारत आपल्या देशाबाहेर असा काय उच्छाद मांडतो ते ही सांगाल काय?

माझ्या अनेक नातलगांप्रमाणे, मित्रांप्रमाणे किंवा सहकार्‍यांप्रमाणे आज मलाही इतर देशांत स्थायिक होण्याचा पर्याय आहे. तरीही मी भारतात राहतो आहे. म्हणजे ती माझी निवडच आहे, आणि (त्यामुळे मिळणार्‍या फायद्या-तोट्यांसह) तिची जबाबदारी मी घेतो. त्यामुळे परदेशात स्थायिक होण्याचा निर्णय घेताना वेगळं तर्कशास्त्र आणि भारतातच राहताना वेगळं तर्कशास्त्र असा फरक मी करत नाही.

शिवाय, भारत देशाबाहेर उच्छाद मांडतच नाही असं मी काही छातीठोकपणे सांगू शकत नाही. श्रीलंकेमध्ये आपलं सैन्य गेलं होतंच. काश्मीरला भारताचा भाग मानायचा की नाही हेच अनेक परकीयांसाठी स्पष्ट नाही. पाकिस्तान-बांगलादेश-अफगाणिस्तान-नेपाळ वगैरे जवळच्या देशांत तर आपले नक्कीच काही ना काही छुपे उद्योग चालत असणार. मात्र, माझा मुद्दा तो नाही. अमेरिका (किंवा कोणत्याही काळातली कोणतीही जागतिक सत्ता) अनेक प्रकारची अनैतिक कृत्यं करत असते ह्याविषयी मला खात्री आहे. तुमच्या तर्कशास्त्राविषयी मला पडलेले प्रश्न असे आहेत :

• सरकारनं नक्की किती (आणि कुणावर) अत्याचार केले की मला ह्या देशात राहायची लाज वाटायला हवी?
• देशाबाहेरचा उच्छाद अधिक लाजिरवाणा का? आपल्याच नागरिकांचा छळ तितकाच लाजिरवाणा का नाही?
• निबर म्हणवून न घेण्यासाठी किती काळ अशी लाज वाटायला हवी? आज एखाद्या जर्मन नागरिकाला नाझी अत्याचारांबद्दल तितकीच (अमेरिकन नागरिकाइतकीच) लाज वाटायला हवी का? किंवा रशियन नागरिकाला स्टॅलिनच्या अत्याचारांबद्दल?
• एक सामान्य नागरिक म्हणून माझा जर सरकारच्या धोरणांना विरोध असला, तर अपराधगंड वाटून घेण्याची माझी जबाबदारी किती?

पण बाहेरच्या देशांवर ते ही विनाकारण (उगाच खुमखुमी) हल्ला करणारे किती देश तुम्हाला माहितीयेत?

दाव्याच्या समर्थनार्थ काही माहिती मिळेल का?

इराक युद्ध कसा गुन्हा होता हे ब्रिटिश लोक मान्य तरी करताहेत.

लोक म्हणजे? चिकोलेट(?)चा रिपोर्ट का? तसले अनेक रिपोर्ट अन अनेक कमिट्या अमेरिकेतही झाल्यात. अन अमेरिकन लोकही मान्य करतात असे कोणी म्हणून शकतो (तितक्याच उथळपणे).

अमेरिकेला तर त्याची खंतही नाही! अश्या जागतिक गुन्हेगार देशात रहाताना - तो ही स्वतः निवडून- काहिच नैतिक पेच पडू नयेत म्हणजे निबरपणाची कमाल आहे! मला तरी अमेरिकेत रहाताना मी या देशात रहातो हे सांगायला बर्‍यापैकी लाज वाटे.

लोल! हास्यास्पद आणि बालिश. असो.

आमचे आवडते प्रवासवर्णन असलेल्या 'अमेरिकायण'मध्ये तसे काही अ‍ाढळले नाही ब्वॉ! किमान 'मला तरी अमेरिकेत रहाताना मी या देशात रहातो हे सांगायला बर्‍यापैकी लाज वाटे.' हे तरी नक्कीच नाही. (नंतर उपरती झाली असल्याची शक्यता संपूर्णपणे मान्य!)
http://www.manogat.com/node/15592

"काय दिले मला अमेरिकेने? काय मिळाले तुला अमेरिकायणात? " मी स्वतःला विचारले
"आनंद आणि आत्मविश्वास! " लगेच दुसऱ्या कोपऱ्यातून उत्तर आले देखील..

खरंच अमेरिकेने हातचं काहीही न राखता मला दिला तो निव्वळ, निखळ, निर्व्याज, निर्विष आनंद! इथे भेटलेले प्रत्येक जण अजूनही मला आठवतात. अमेरिकेत मी मनसोक्त फिरलो अक्षरशः बागडलो. आणि हा आनंद देतानाच मला या अमेरिकेने एक नवा आत्मविश्वास दिला. स्वतः काहीतरी करू शकतो यावर माझा इथे पूर्ण विश्वास बसला.

बाकी चिंजंशी सहमत. १९८४ मध्ये दिल्लीत, गोध्रा प्रकरणाच्या वेळी गुजरातेत आणि अशा असंख्य वेळी (जेव्हा जेव्हा सरकारपुरस्कृत अत्याचार होत आहेत तेव्हा) त्यात्या ठिकाणी टोचण्या लावून घेऊन राहणे अशक्य झाले असते.

आज "अमेरिका (व ब्रिटनसारखे त्यांचे मांडलिक देश), चायना व रशिया " , जगभर उच्छाद मांडताहेत .... ४०० -५०० वर्षे ते ५० -७० वर्ष पर्यंत मागे गेलात , तेव्हापर्यंत बहुतेक सर्व युरोपिअन देश ( हो अगदी बेल्जियम सारखा छोटा देश सुध्दा ) जगभर हीच काशी करत होते , १०० वर्षांपूर्वी पर्यंत ओट्टोमान साम्राज्यांनी इस्टर्न युरोप ते आशिया मध्ये हीच काशी केली त्यामागे गेलात १००० -२००० वर्षे गेलात तर .... यादी लै मोठी आहे . ही अमेरिकेची बाजू घेणं अजिबात नाहीये सध्या अमेरिका (व ब्रिटनसारखे त्यांचे मांडलिक देश), चायना व रशिया यांनी मांडलेल्या उच्छादावर माझेही तीव्र चं मत आहे पण माणूस हा हलकटपणा कायमच करत आलेला आहे . आजचे हलकट बहुधा अमेरिका (व ब्रिटनसारखे त्यांचे मांडलिक देश), चायना व रशिया हे आहेत . तरीही अमेरिकेत राहण्याची लाज वाटावी इतका तो देश गया गुजरा वाटला नाही. उच्च जातीच्या मंडळींनी नीच जातीच्या मंडळींवर हजारेक वर्षे तरी अत्याचार केले , म्हणून पुण्यात राहायची लाज बाळगू का ? शिवाय ऑफिशिअली करणे किंवा अनोफिशिअली करणे यात डावे उजवे काही आहे का ? ( सौदी ने वहाबी इस्लाम चा आक्रमकपणे केलेला प्रसार हा ऑफिशिअल का अनोफिशिअल )

जगभरातील सुरस आणि चमत्कारिक गोष्टी वर्तमानपत्रांमध्ये अनादिकाळापासून प्रकाशित होत आलेल्या आहेत. तशाच एखाद्या पेपरमध्ये किंवा कुठल्याशा पुस्तकात ते आले असावेसे वाटते.

तेही सोडा. पुलंनी 'पूर्वरंगा'त झुरळखाऊ थियरीचा वारंवार ज़िक्र केलेला आहे. (उदा. 'झुरळाच्या लोणच्याचे अजीर्ण झालेल्या चिनी म्हाताऱ्यास पडलेले दु:स्वप्न म्हणजे (सिंगापुरातले) टायगरबामगार्डन' की असेच काहीतरी.) आता, त्या काळात पुलंनी टीव्हीक्षेत्रात थोडीफार उमेदवारी करून झालेली असली, तरीसुद्धा 'डिस्कव्हरी च्यानेल'शी त्यांचा संबंध आला नसावा, असे मानावयास जागा आहे. (चूभूद्याघ्या.)