घराबाहेर ठेवलेली कचर्‍याची पेटी इतरांनी चाचपली तर तुम्हाला चालते का ?

कचरा पेटी पहायला माझी हरकत नाही.

सरकारने पहायला तर मुळीच हरकत नाही.

बघून तशीच्या तशी ठेवली तर ठिकाय.ती विस्कटून टाकली तर आवडणार नाही. पण हरकत तर नाही घेणार.

अवांतर : ताजा अनुभव. आमच्या इथे प्राणीमित्रांची भटक्या कुत्र्यांची तैनाती फौज आहे सोसायटीतून बाहेर पडताना, दोन बायका रस्त्यावर उभ्या होत्या. हातात काळी पिशवी. "अगं तिलाच द्यायचंय पण हे दोघंही आले ना.". "कुत्र्यांबद्द्ल बोलताय का?" मी विचारलं. "हं" . अंदाज घेत उत्तर आलं.
"प्लीज, इथे सोसायटीसमोर नका घालू." (रस्त्यावर कुठेच घालू नये असे मला वाटते, पण 'रस्ता काय तुझ्या मालकीचाय' ह्या उद्धटपणाला बरेचदा तोंड दिलेलं आहे.) या माझ्या साध्या वाक्यावर त्या अश्या काही खवळल्या. "घातलय का? बघा तरी आधी. आधीच बोलतात. जे घालतात त्यांना नाही बोलणार" वैगेरे वाक्यांची अशी काही तोफ डागली गेली की बस्स.

मला नाही चालणार.
अगदी म्युनिसिपाल्टीच्या (वा अन्य) कचरा उअचलायला आलेल्या व्यक्तीनेही माझ्या कचर्‍यात काय आहे याचे तपशील 'वर्गीकरण' करण्याव्यतिरिक्त अन्य कारणाने/उद्देशाने बघणे मला आवडणार नाही. (पण इतरांनी बघणे मला चालणार नाही.)

आपण गोष्ट टाकली की त्याबद्दलचा बोलायचासुद्धा अधिकार संपतो.
नुसती बातमी टाकून चर्चा करा ही वृत्ती सोडा.तुमचा एखादा अनुभव/ तुम्हाला याबद्दल काय वाटले ते लिहित जा.इतर त्यात भर घालतीलच.

आमच्याकडे कचराकुंडी आहे आणि ती लोक धुंडाळत असतील. ते मला चालतं कारण सार्वजनिक ठिकाणी खाजगी गोष्टी टाकून दिल्यावर त्या दुसर्‍यांनी उचकल्यावर रडण्यात काय फायदा? महत्त्वाचे कागद (म्हणजे ज्यावर खाजगी माहिती असतील ते) श्रेड करुन टाकावे असा नियम मी पाळतो.
पेटी चाचपणार्‍यांबद्दल फारशी माहिती नाही. :p

जास्त भीती मी काय ब्राऊज करतो, काय खरेदी करतो, कोणत्या रेस्टॉरंटमध्ये खातो वगैरे गोष्टींचं ॲनालिसिस करणार्‍यांची वाटते आणि ते लोक कचराकुंडी धुंडाळत नाहीत.

देवा रे ! कसले कसले प्रश्न आणि पाहण्या / चाचपण्यांना सामोरं जावं लागणार आहे भविष्यात कोणास ठाऊक !

पैसे देऊन अती व्यक्तीगत गोष्टी (उदा. रक्त, मुत्र, वीर्य, मल, त्त्वचा आणि काय काय ते) तपासून घेण्याच्या आणि त्यावर खुलेपणाने चर्चा करण्याच्या जमान्यात कोणी कचरा पेटी उघडून तपासली तर काय फरक पडतो ?

चालते का म्हणजे नक्की काय? तुम्हाला आवडते का, असे विचारायचे आहे की तुमच्या मते कायदेशीर आहे का, असे विचारायचे आहे?
आवड/नावड आणि कायदेशीर/बेकायदेशीर या २ भिन्न गोष्टी आहेत.
दरम्यान हे वाचा.
Suspecting that Microsoft itself was behind the pro-Microsoft campaign, Oracle gave IGI its assignment: get the Independent Institute's funding figures. There was a discussion of tactics, including so-called Dumpster diving -- sifting through trash. IGI was told to do what was legal.

चालावे.
एखादी वस्तू नेमकी केव्हा मनुष्याच्या मालकीमधून बाहेर पडते, त्याबाबत काही बारीकसारीक नियम करावे लागतील. म्हणजे
(अ) नगरपालिकेच्या सेवकाच्या वा स्वयंचलित यंत्राच्या सुपूर्द आपल्या मालकीची कचर्‍याची बादली दिली (बादली रिकामी करून परत मिळणार आहे), तेव्हा कचर्‍यावरची मालकी संपते? की
(आ) नगरपालिकेच्या सेवकाने वा स्वयंचलित यंत्राने बादली रिकामी करून कचरा बादलीतून बाहेर पडला तेव्हा कचर्‍यावरची मालकी संपते?

अर्थात कचर्‍यावरची मालकी संपल्यावर शासन/पोलीस त्या कचर्‍याची छाननी जरूर करू शकते.

न्हाणी-संडासातून बाहेर जाणार्‍या सांडपाण्याबाबतही असा विचार करता येतो (यात बेकायदा औषधांचा वापर, वगैरे, काढता येतो). संडासातून गल्लीतील सार्वजनिक नळापर्यंत जाणारी नलिका कोणाच्या मालकीची? ती नलिका सार्वजनिक नळाला जिथे मिळते, त्या तोंडाशी सांडपाणी गोळा करता यावे, की फक्त सार्वजनिक नळात मिसळलेले सांडपाणीच सार्वजनिक होते?

---

ज्यांना कचरा कधीच सार्वजनिक होऊ द्यायचा नाही, त्यांनी तो कचरा आपल्या मालकीचा असेस्तोवर जाळावा, किंवा तसे जाळणे शहरातील लहान जागेत जमत नसल्यास... आपल्या मालकीच्या बंदिस्त पेटीतून शहराबाहेर नेऊन जाळून टाकावा, वगैरे.

---
जर शासन* कचरा किंवा सांडपाण्यातून मिळवलेल्या माहितीचा वापर करून कोणावर जुलूम करत असेल, तर विधिमंडळ* वा न्यायालय अशा प्रकारे माहिती गोळा करण्यावर बंदी आणू शकते - बंदी आणावी.

*शासन = पोलीस, सनदी अधिकारी, मंत्री
*विधिमंडळ = विधिमंडळाचे सदस्य (यात मंत्रीही येतात)
शासन आणि विधिमंडळ काही प्रमाणात वेगवेगळ्या हितसंबंधाना जपतात, त्यामुळे हे दोघे कधीमधी एकमेकांचा विरोध करतील अशी अपेक्षा आहे.

बराच वेळ मी ही चर्चा वाचत आहे आणि अखेर धैर्य करून 'राजा नागडा आहे' असे म्हणत आहे.

ह्या निरर्थक प्रश्नावर आणि गोलमाल धाग्यावर आपण इतका वेळ का घालवत आहोत?

धागाकर्त्याने सुरुवातीस कोणा अमेरिकन न्यायाधीशाचे काही 'रोचक' मत आहे आणि त्यातून ही चर्चा सुरू करत आहे असे सुचवले. मात्र ते 'रोचक' मत काय आहे ते आजतागायत गुलदस्तात ठेवले आहे. त्या मतात काही दम आहे हे आम्हांस कसे कळावे? ते मत येथे स्पष्ट केले असते तर चर्चेमध्ये काही जीव आला असता. हा न्यायाधीश कोण, त्याने असे काही केव्हा आणि कोठल्या संदर्भात म्हटले आहे ह्याचा काही अंदाज धागाकर्त्याने दिला असता तर गूगलच्या मदतीने काहीतरी शोधता आले असते.

त्या मताशिवायच्या चर्चेत काही अर्थ नाही कारण उत्तर स्पष्ट आहे आणि त्यासाठी इतके वळसे घ्यायला लागू नयेत. ज्याला आपल्या कचर्‍यामधून कोणी काही उचलू नये असे वाटत असेल त्याने कचरा घरातच साठवावा वा त्याची काही अन्य सुरक्षित विल्हेवाट लावावी. कचरा एकदा तुमच्या हातातून सुटला आणि सार्वजनिक स्थानी आला की तुमची त्यावरची सत्ता संपली.

इतके सरळसोट स्वयंसिद्ध उत्तर न देता असल्या निरर्थक वायफळ चर्चांमधून आपण इतका वेळ का दवडत आहोत?

माझी कचरापेटी कुणीही तपासली, चाचपली तरी माझी काहीच हरकत नसेल.
फक्तं त्यातला कचरा इकडे तिकडे न पसरवता स्वच्छता पाळली म्हणजे झाले.
कारण हे संशोधक कचरा तपासणी करताना तो पसरवून जाणार, आणि माझ्या कचरापेटीतला कचरा -- म्हणून आळ माझ्यावर येणार.

एकेकाळी,
आमच्या सोसायटीच्या बाहेर ठेवलेली कचरापेटी, तरुण वडारणी उचकायच्या तेंव्हा आम्हाला आवडायचं, 'ते दृश्य' पहाणं!

व्यक्तिमत्त्वविकास केल्याने इतरांना आवडू लागतो.नीटनेटकं राहिलं की गचाळ मुद्देही पटवता येतात.
असं डेल कार्निज म्हणाला का शिव खेरा?

चर्चाविषयात म्हटल्याप्रमाणेचा प्रसंग माझ्यावर तरी कधीच आलेला नाही त्यामुळे अगदी कल्पनाविलास म्हणून ह्या प्रश्नाकडे पाहून उत्तर द्यायचे झाल्यास - मला माझ्या दारात कोणी कचरा पसरवला नाही, कचरा बघण्याच्या नावाखाली घरात डोकावणे प्रकार झाला नाही आणि घरात येणार्‍याजाणार्‍यांना त्रास होईल इतका वेळ संबंधित व्यक्तीचे संशोधन चालले नाही तर काहीही हरकत असणार नाही.

स्वयंपाकखोलीतला सर्व सेंद्रीय कचरा हा गांडुळखतात टाकतो, ऑफिसचा/घरातला कागदी कचरा हा बागेतल्या वाळक्या कचर्‍यासोबत जाळून राख बागेतल्या झाडांच्या मुळाशी टाकतो, केसांच्या गुंतवळी साठवून दारावर येणार्‍या केस खरेदी करणार्‍याला विकतो, भंगार-रद्दी रद्दीवाल्याकडे देतो, मऊ प्लास्टीक पिशव्यांचे प्लार्न बनवून टोपल्या वगैरे करतो, खराब गार्डन होजपासून केबल टाईज वापरून टोपल्या बनवतो, वगैरे. असे सगळे असल्याने रोज घराबाहेर ठेवावी लागावी इतका कचरा कचराकुंडीत असतच नाही आणि आठवडा-पंधरवड्यात एकदा बाहेर ठेवलेली असताना कोणी उत्साही उचकापाचक कारागीर आला तर मला काय हरकत असायची?!

@उदय.धन्यवाद.