.

तसं मी वरती कंसात स्पष्टीकरण दिलेलं आहेच तरी पुन्हा एकदा आपण http://www.aisiakshare.com/node/261?page=1#comment-4261 ही प्रतिक्रिया वाचावी. इथे ह्या ले़खावरील माझ्या प्रतिसादावर दोन सदस्यांनी प्लॅटोनिक लव्ह या संकल्पनेवर अविश्वास दाखविला आहे त्या अनुषंगाने ही माहिती तिथेच मांडावयाची होती परंतु एकतर माहितीचा आवाका मोठा आहे व ती त्या मूळ लेखातील विषयाला काहीशी अवांतर आहे. असे असेल तर संपादक नंतर त्यास अन्यत्र हलवून पुन्हा वेगळा धागा करतात (जसे माझ्या भारताला गरज भरताची ह्या लेखावरील श्री. अशोक पाटील यांची अनुकंपा तत्वावरील नोकर्‍यांसंदर्भातील प्रतिक्रिया हलवून पुन्हा वेगळा धागा काढला होता). संपादकांचे हे भावी कष्ट वाचविण्याकरिताच मी हा विषय स्वतंत्र धाग्यावर टाकला.

वस्तूत: हा माझा स्वतंत्र लेख नसून ती एक संदर्भाकरिता दिलेली संग्रहीत / संकलित माहिती आहे व त्यावर माझे स्वत:चे असे अगदीच थोडेसे विवेचन आहे. तेव्हा मी या लेखाचा लेखक नसून माहितीचा संकलक आहे असे म्हणणे योग्य ठरेल.

आपल्या निराशेबद्दल दिलगीर आहे. पण इथे या अनुषंगाने चर्चा व्हावी असा माझा उद्देश आहे. या विषयावर मी माझे मत थोडक्यात या लेखातच मांडले आहे. इतरांनीही त्यांची मते मांडावीत अशी अपेक्षा आहे. थोडक्यात हा एक खुला चर्चाप्रस्ताव आहे. म्हणजे विचारांना आताशी सुरूवात झाली असून इतरांनीही त्यात सहभाग नोंदविल्यावरच त्यास पूर्णत्व येईल. अशा प्रकारे इतरांच्या सहभागाने पूर्णत्वास जाणारे धागे यापूर्वी अनेक मान्यवर सदस्यांनी टाकले आहेत. अर्थात माझा मात्र अशा प्रकारचा हा पहिलाच धागा आहे.

त्याशिवाय "शारिरीक प्रेम / गरज" या (काहीशा धाडसी) विषयावर अलीकडे विपुल लेखन होत असून मानसिक / भावनिक / वैचारिक / बौद्धिक गरजांकडेही (कुणाला हे नॉन ग्लॅमरस / डाऊन मार्केट ही वाटू शकते) लोकांचे लक्ष वेधले जावे व त्या अनुषंगाने त्यांनी आपली मते मांडावीत असे माझे आग्रही प्रतिपादन आहे.

मी सर्व लिंक्स वाचलेल्या असून त्यापैकी मला पटलेले विचार ह्या उपशीर्षकाखाली जे विचार मांडले आहेत त्यांच्याशी मी सहमत आहे. या विषयावरील माझं हेच मत समजावं.

लेख फारसा वाचवला नाही. त्या निमित्ताने 'खामोशी'ची गाणी पुन्हा एकदा ऐकली. शारीरिक^१ हा शब्दच अशुद्ध लिहील्यामुळेही असेल. शिवाय "शारिरीक प्रेम" असा शब्दप्रयोग कानाला खटकला, "शारीर प्रेम" हा शब्दप्रयोग ठीक वाटतो.

एका स्त्री आणि पुरुषात शारिरीक आकर्षणाशिवायही प्रेम असू शकतं. प्रत्येक पुरुष प्रत्येक (पर) स्त्रीबद्दल मनात एकाच पद्धतीचा विचार करतो हे विधान मला अगदी टोकाचे वाटते.

स्त्री आणि पुरूषांमधे^२ मैत्री असूच शकते, असते; पण त्यात काही प्रमाणात शारीर आकर्षणाचाही भाग असतो असं काहीसं माझं मत आहे. सज्जनांच्या मैत्रीत शारीर आकर्षण बाजूला ठेवून मैत्री रहाते, क्वचित कधी आपल्या आकर्षणाच्या भावनेवर ताबा ठेवता येत नाही. मैत्री आहे म्हणून आकर्षण नाहीच असं म्हणणं कठीण आहे.

बाकी चालू द्या.

१. शारीरिक, मानसिक, ऐच्छिक, इ. "इक" हा प्रत्यय आहे, 'ईक' नाही.
२ इथे आई, बहीण अशा नात्यांचा विचार केलेला नाही.

अनेक दुवे दिले असले तरी ते केवळ संदर्भाकरिता दिले आहेत. ते सगळे माझेच मत आहे असे म्हंटलेले नाहीये. त्यातील नेमके कुठल्या लेखातील विचार मला पटले आहेत तेही दिले असून

तरी अव्यवहारिक प्रेम हे व्यापक अर्थाने दुर्लक्षितच राहिले. त्यातील कुठल्याही कथेला / हकीकतीला लैला-मजनू, रोमिओ-ज्यूलिएट यांच्याप्रमाणे अमरत्व लाभले नाही याची खंत वाटते. >>

ही माझी व्यथा आवर्जून मांडलेली आहे.

बाकी मी काय खोडसाळपणा केलाय हे जरा उलगडून सांगितलेत तर बरे..

शेप्रेट लिव्हा.
तिथे विस्तार नै तर कोन्तेच भय नसेल.
हे मयतरि कर्नर च्या शेवट नेहेमी कं? असा कं होतो??

माझे प्लॅटॉनिक लव्ह वर विचार मांडायचे झाल्यास एक निबंधच होईल, तेव्हा विस्तारभयास्तव येथे देत नाही. >>

इथे कसलं आलंय विस्तारभय? त्या विषयावर लिहीण्यासाठीच तर हा धागा काढलाय ना?

माझ्याशी (प्लॅटॉनिक लव्ह) मयतरि करनार कं ? >>

आम्ही तर प्लॅटोनिकच्या बाजूचेच आहोत. आमची काहीच हरकत नाही. फक्त ते प्लॅटोनिक (प्लॅटो नावाच्या तत्ववेत्याने शोधलं म्हणून) प्लेटॉनिक व्हायला नको. नाहीतर त्याची प्ले (खेळ) + टॉनिक (स्फूर्तिदायक औषध) अशी फोड होईल.