चर्चा वेगळी काढणे, इ.

परमिशन घ्यावी.

धाग्यातून चर्चा तुझ्या नावावर वेगळी काढली, तर इतकी चिडचिड का होते आहे तुझी? मला खरोखरच कळत नाही.

हा हुच्चभ्रु प्रॉब्लेम आहे.
मला कोण्त्याच धाग्यावर रेटिंग देता येत नाही.
मी कधी केल्ये का तक्रार?

"चर्चा वेगळी काढणे" हा धागाच चर्चा वेगळी काढून बनवला आहे. हा काव्यात्म न्याय आहे का?

१. प्रतिसाद वेगळा काढून धागा बनवला जाताना, मूळ धाग्यासंबंधित फार प्रतिक्रिया नाही आणि अवांतर असलं तरी रोचक आहे, ज्या विषयावर वाचक/लेखकांना चर्चा हवी आहे असा प्रतिसाद निवडला जातो, किंवा असं व्हावं
२. दुसरं आणि जास्त महत्त्वाचं असं की अभिव्यक्तीस्वातंत्र्य हवं असेल तर त्यासोबत येणारी जबाबदारीही घेण्याची तयारी हवी. सहज काही लिहून टाकलं पण त्यामुळे होणाऱ्या चर्चेची जबाबदारी घेणार नाही असं असल्यास अभिव्यक्तीस्वातंत्र्यही संकुचित होणार. असं करण्याची 'ऐसी अक्षरे'ची तयारी नाही.
३. सदस्य झालं म्हणून श्रेणी देण्याचा अधिकार आपोआप मिळत नाही. हा अधिकार वाहन-चालवण्याच्या परवान्यासारखा आहे. ठराविक परीक्षा पास झाल्यावर तो मिळतो, आणि ठराविक काळासाठी हा अधिकार स्थगितही होतो. सातत्यानं जबाबदार आणि सकारात्मक वर्तन ही त्या परवान्यासाठी आवश्यक अट आहे. अनिर्बंध वर्तनामुळे तो स्थगित होऊ शकतो.

मुळात श्रेणी देता येणं ही संस्थळ चालवणारे व्यवस्थापक आणि सदस्य असणारे-नसणारे वाचक यांची सोय आहे. ज्यांना फक्त मोजके, लोकांना खरोखर आवडलेले प्रतिसादच वाचायचे आहेत, त्यांची सोय श्रेणीदात्यांमुळे होते. त्याशिवाय धागा भरकटवणारे, उगाचच प्रतिसादसंख्या फुलवणारे, लोकांना भडकवण्यासाठीच लिहीलेले प्रतिसाद या गाळणीतून बाजूला होतील, त्यातून वाचकांना निवडक ते ठरवता येईल आणि झालंच तर धागा भरकटवणं, +१ च्या (किंवा तत्सम रिकाम्या प्रतिसादांच्या) माळा लावून प्रतिसादसंख्येतली सूज येते ती आवरली जाईल अशी अपेक्षा आहे. एखाद्या धाग्यापुरता श्रेणी देण्याचा हक्क नसला, तर त्याबद्दल वाईट वाटून घेण्याचं कारण नाही.

हा धागा वेगळा काढण्याचा हेतू असा की अभिव्यक्तीस्वातंत्र्याची गळचेपी झाली तर आपण सहजरित्या तक्रारी करतो. पण त्या स्वातंत्र्याबरोबर येेणारी जबाबदारी काय यावरही आपण प्रत्येकाने आत्मपरीक्षण करावं. ही जबाबदारी पार पाडण्यासाठी आणि एकंदरच संस्थळाचा दर्जा वाढवण्या-टिकवण्यासाठी काही गोष्टी केल्या आहेत, ती भूमिका मांडता यावी, त्यावरही सदस्यांनी मतप्रदर्शन करून व्यवस्थापनाला सुधारण्यासाठी मदत करावी असा उद्देश आहे.

मेघनाने नेहेमीच सकारात्मक टीका करून 'ऐसी अक्षरे'ला मदत केली आहे, तिचा प्रतिसादही तशाच प्रकारचा वाटला म्हणून वेगळा काढला.

हा चर्चा प्रस्ताव वेगळा काढल्याचे पाहिल्यावर सिफरशी सहमत होण्यावाचून गत्यंतर नाही.

तो चर्चा प्रस्ताव आणि हा सुद्धा वेगळा काढल्यावर इतका विचित्र दिसतो आहे की सांगता सोय नाही.

सिफर यांनी तो (आणि मेघनाने हा) प्रतिसाद दिला तो कोणत्या कंटेक्स्टमध्ये दिला हे चर्चा प्रस्तावातून मुळीच ध्वनित होत नाही. त्याच्या खालचे वरचे प्रतिसाद दिसत नाहीत...... पक्षी या धाग्यात जो दुवा दिला आहे तो मेघनाच्या त्या प्रतिसादाकडे न नेता धाग्यावर नेतो आहे. म्हणजे वाचकाला मेघनाचा तो प्रतिसाद शोधून काढून त्याच्या वर खाली पाहून प्रतिसादाचा संदर्भ जाणून घ्यावा लागेल.

काही सदस्य तरी तिथला प्रतिसाद शोधून न काढता वेगळ्या झालेल्या धाग्यावर प्रतिसाद देऊ लागतील. आणि तसे होऊ नये म्हणून संपादकांनी घातलेला घोळ सिफर किंवा मेघनाने निस्तरावा ही अपेक्षा अयोग्य आहे.

जर धागा वेगळा करायचाच असेल तर दिलेला दुवा निदान मूळ प्रतिसादाकडे जावा.

यांचे संकेतस्थळ आहे, आपण फुकट वापरतो. सबब, त्यांची मनमानी चालवून घ्यावी झाले

पूर्णपणे नवीन धागा काढताना प्रस्तावक स्वत:ची मते मांडतो आणि त्यांच्या समर्थनासाठी काही दाखले/विदा देतो. या दोन्ही गोष्टींच्या आधारे प्रतिसाददाता स्वतःचं मत बनवतो. परंतु जेव्हा एखाद्या प्रतिसादला वेगळा काढून त्याचा धागा बनवला जातो तेव्हा बहुतेक वेळा त्याच्या समर्थनार्थ ना दाखले असतात ना विदा. असते ती फक्त आधीच्या चर्चेचा/प्रतिसादांचा दुवा. नव्याने धागा वचणार्‍याला आधीची चर्चा पूर्णपणे माहित असेल तरच त्याची लिंक लागते. उदा. हा धागा पाहिल्यावर मला सुरुवातीला काहीच कळले नाही. आणि असेही, किती लोक आधीची संपूर्ण चर्चा वाचून मग प्रतिसाद देतात (हा वादाचा (आणि विदाचाही) मुद्दा होऊ शकतो)? चर्चेपेक्षा प्रतिसादांना उपप्रतिसाद देणंही बर्‍याचदा घडतं. त्यामुळे संदर्भ सोडून काढल्यासारखे हे नवीन धागे दिसतात.

याबद्दल असं करता येईल. जो प्रतिसाद आणि त्याच्या उपप्रतिसादांपासून नवीन धागा बनवायचा आहे त्याची लहानशी (४-५ वाक्ये) समरी जर संपादकांनी त्या धाग्याला जोडली तर थोडाफार संदर्भही लागेल आणि चर्चाही पुढे चालवता येईल.

मला वाटलं मी एकटाच रिकामटेकडा आहे.
धाग्यावर येउन एक मोठा गैरसमज दूर झाला. आभार!

सिफरशी सहमत. वेगळे काढले जाणारे धागे 'ऐसीअक्षरे-संपादक' ह्या नावाने काढावेत.

अद्ययावत सारांश मार्मिक आहे. आवडला.

त्यामुळे एखाद्या विषयाचा संदर्भ पुन्हा जाऊन पाहणं वा शोधणं वा आपला रसविषय हुडकणं फारच सोईचं झाल्याचं स्मरतं. ती सोय करणारं ऐसी हे मराठीतलं पहिलंच संस्थळ असावं.

बहुदा होय आणि ते पसंतहि आहेच.

तरी एकदोन जास्तीच्या क्लिकांचं काम करून धागे वेगळे करताना हे लोक आपलीच सोय पाहत असतात. त्यात आणि लेखकाची परवानगी घ्या, मागची पार्श्वभूमी सारांशरूपात खरडा, नाहीतर स्वतःच्या नावे धागे काढा... अशी लचांडं त्यांच्यामागे लावायची म्हणजे जरा अतीच वाटतं.

काम करतात हे मान्य पण हेच तर काम आहे न?

श्रेण्यांबाबतही तेच. आपल्याच धाग्यावर श्रेण्या देण्याची सोय नसणं ही त्रुटी आहे खरी. पण मुळात श्रेण्यांची सोय हीच जिथे चंगळीची बाब आहे, तिथे...

सोय अन्योन्य आहे सबब चंगळही अन्योन्य आहे.

असो. सुधारणा करायला सांगणं ठीकच. सकारात्मक टीका इत्यादी

सहमत.

अवांतर - संपादकपदी वर्णी न लागता काही काम असल्यास काम करायाला तयार आहे.

धागा वेगळा काढणे ही ऐसीवरची खूप चांगली रिती आहे.

इथले संपादक हे प्रत्येक धागा त्याच्या शीर्षकाच्या आसपास राहावा नि नंतरही वाचनीय राहावा यासाठी प्रयत्नशील राहतात. कोण्या एका विषयावर सुरु झालेली चर्चा भरकटत कुठेही चालली तर त्या संस्थळाचे स्वरुप, प्रवाह, वाचनीयता अवरुद्ध होऊन राहते.

धागा वेगळा काढताना मूळ धाग्यावर कुठे कोणी काय काय लिहिले आहे आणि त्यातले काय काय नव्या जागी आणायचे, काय मूळ जागी ठेवायचे आणि काय दोन्ही जागी ठेवायचे हे सापेक्ष होऊ शकते. नव्या धाग्यात ते कोणत्या क्रमाने मांडायचे, ते तिथल्या तिथे सुसंगत वाटावे म्हणून त्यात काय भर घालायची , काय काढायचे हे ही सापेक्ष आहे. शिवाय संपादकांकडून इतका वेळ असण्याची अपेक्षा करणे योग्य नसावे (ते बिचारे नोकरी, घर आणि इथला त्यांचा एक आयडी म्हणून वावर हे सगळे सांभाळून हे संपादनाचे काम करत असतात). त्यामुळे सहज रित्या संपादकांना जो विषय भिन्न वा नवचर्चापोटेंट वाटतो त्याचा ते जे पटकन धागा काढतात ते योग्य आहे असे वाटते.

सहज काही लिहून टाकलं पण त्यामुळे होणाऱ्या चर्चेची जबाबदारी घेणार नाही असं असल्यास अभिव्यक्तीस्वातंत्र्यही संकुचित होणार.

ऋ, गुर्जि, अदिती,

जवाबदारी घेणे म्हणजे काय?

१. दिलेला प्रतिसाद बदलने / एडिट करणे ? : नविन धागा प्रतिसाद कर्त्याच्या नावाने सुरु केल्यास ती शक्यता नाकारता येत नाही.
२. चर्चेत दिलेला प्रतिसाद न बदलता त्याच्या खाली नवीन प्रतिसादात सष्टीकरण देउन, समर्थन करुन,कधीकाळी माफी मागुन चर्चेला योग्य व अपेक्षित वळण देणे?

माझ्या मते दुसरा पर्याय जास्त योग्य आहे.

सि़फ़रने मुळ प्रतिसाद अजुनही बदललेला नाहीये, बदलणार नाही.

काय मेली फालतू चर्चा लावलीए! एखादा धागा आपल्या नावाने निघाला किंवा एखादा धागा असंबंद्ध/ कळायला कठिण/ असंदर्भ वगैरे निघाला तर काय एव्हढं मोठं आभाळ कोसळतंय कोणास ठावूक.

च्यायला, इथून पुढे बिनधास्त वेगळ्या काढलेल्या चर्चा माझ्या नावाने काढा, आपल्याला काय फरक नाही पडत. उलट माझ्या नावे धागे वाढतील.

>>अशी सोय करताना संपादक त्यांच्या हक्कांचा गैरवापर करताहेत वा कसली जबाबदारी टाळताहेत असं मला वाटलं नाही, वाटतही नाही. किंबहुना आपण या मंडळींना 'संपादक' असं खवचटपणे (ह.घ्या.) संबोधत असलो, तरी ही मंडळी असतात आपल्याचपैकी, आपल्याचसारखी हौशी वाचक. त्यांना या कामाचे कसलंही मानधन मिळत नाही. तरी एकदोन जास्तीच्या क्लिकांचं काम करून धागे वेगळे करताना हे लोक आपलीच सोय पाहत असतात.

झालं पूर्ण वर्तुळ..... :(

धागा वेगळा काढण्याचा प्रकार 'उपक्रम' आणि 'पुस्तकविश्व' या दोन संस्थळांवर पाहिल्याचं आठवतं. (उपक्रमाचं नाव लिहीलं, पण आता थोडी शंका येत्ये आहे.) हे असं करता येतं हे त्या दोन संस्थळांमुळेच समजलं.

या संदर्भात एक जुन्या चर्चेतला एक अतिरोचक प्रतिसाद सापडला.

वेगळा धागा करण्याचा आणखी एक बळी