'ऐसीला विचारा ' : घरगुती व जनरल प्रश्न - भाग १

तुम्ही योग्य ठिकाणी राहता असं दिसतं. पुण्याचे दिसता. मग नावं ठेवून घेण्यात अडचण का यावी ? असं नावात अडकून आपल्या गावाचं नाव घालवू नये ही नम्र विनंती. तुम्ही फिरत फिरत नावं ठेवण्यात तरबेज असलेल्या एव्हरग्रीन टेलर्स प्लाझात गेलात कि कामच झालं समजा. तसे आम्ही सल्ला देण्याचे शुल्क आकारतो, पण पहिलेच ग्राहक असल्याने खास सवलत !

या धाग्यावर माहितीपूर्ण प्रतिसाद आले तर मलाही उपयोग होईल. मी माझ्याकडे असलेली तुटपुंजी माहिती देते.
मी लग्न झाल्यावरही नाव बदललेलं नाही- नाव-वडिलांचं नाव-आडनाव असे संपूर्ण तसेच ठेवले आहे. हल्लीच नवर्‍याचा पासपोर्ट रीन्यू केला त्यात माझे संपूर्ण नाव घालून घेतले आहे- पासपोर्ट ऑफिसमध्ये त्यांना माझे जसे आहे तसे नाव चालले.त्यामुळे आता पुढे काही अडचण येऊ नये असे वाटते.
मला बँक ऑफ बरोडा मध्ये खाते उघडताना एका स्टाफने नाव बदललेलं नसल्याने 'मिसेस'च्या ऐवजी 'मिस (Miss)' असे पासबुकावर माझ्या नकळत छापून दिले...नाव बदललच पाहिजे असा फुकट सल्लाही दिला. मला फार वेळ नसल्याने तेव्हा मी वाद घालण्याच्या भानगडीत पडले नाही- अजून अडचण काहीच आलेली नाही त्यामुळे.
मला माझ्या ओळखीत असलेल्या अनेक स्त्रीया माहित आहेत ज्यांनी त्यांची नावे बदललेली नाहीत आणि त्यांनी मला सांगितले आहे की त्यांना कोणतेच अडथळे या कारणाने आले नाहीयेत.

पण कुणाला काही यामुळे कधी अडचण आली असल्यास जाणून घ्यायला आवडेल. विशेष करून प्रॉपर्टी, वडीलोपार्जित जमीन या संदर्भात मला थोडी शंका आहे. नात्यातल्या सर्वांनीच नावे बदललेली असल्याने यासंदर्भात कधी कळलेले नाही. मॅरेज सर्टीफिकेट असले की काही प्रश्न येऊ नये असे वाटते.

गॅस गीझर किफायतशीर असतो. आणि मी गेली आठ वर्षांपासून गॅस गिझर वापरतो. त्याच्या आउटलेटला हॅण्ड शॉवर लावला आहे. गॅस गीझर कॉन्स्टंट तापमानाला पाणी देतो. त्यामुळे मिक्सरवगैरेची गरज नसते. शॉवर वापरून पाण्याची बचतसुद्ध होते.

सुरक्षेच्या दृष्टीने मात्र विजेचा गिझर चांगला. कारण विजेच्या गीझरचे तंत्रज्ञान आता चांगलेच प्रस्थापित आहे. गॅस गीझर नाही म्हटले तरी गेल्या दहा पंधरा वर्षातील आहेत.

महत्त्वाचे:
१. गॅस गिझरला सेपरेट सिलिंडर वापरणार असाल तर ठीक. पाइपिंग करणार असाल तर ते करण्याचे लायसन्स असलेल्याकडूनच करून घ्या. पुण्यात अजून बहुधा पाइप्ड गॅस नाही.
२. कोणी काही सल्ले दिले तरी गॅस गीझर बाथरूममध्ये बसवू नका. ऑक्सिजन डिप्लिशनमुळे आणि कार्बन मोनॉक्साइड + कार्बन डायोक्साइड मुळे जिवावरचा प्रसंग येऊ शकतो.

हल्ली बहुतेक सर्व गीझर (इलेक्ट्रिक तसेच गॅसचे) चायनामेडच असतात.

मुलीचे नाव-
१. विवाहानंतर कोणाचे नाव बदलायची काही गरज नाही. म्हणजे एकाच नावाचे लोक एकाच कोर कुटुंबातले जास्त वाटतात पण आजकाल ती प्रथा मोडीत निघाली आहे. दुसरे म्हणजे कायदेशीर काहीच त्रास होत नाही. पासपोर्ट, रेशन्कार्ड, इ इ ला मधले किंवा आडनाव सेम असायची काही गरज नाही. हा माझा अनुभव आहे. नाव न बदलण्याचे एक-दोन तोटे आहेत. बायको जेव्हा स्वतःचे नाव मिसेस थिंगबाईजाम लिहिते (मिस लिहिणे चूक आहे कारण ती शादीशूदा आहे) तेव्हा मला ती कोण्या थिंगबाईजामाची बायको आहे असे वाटते (ती त्यांची कन्या आहे), जोश्यांची नाही. आणि कोठेही केवळ नावामुळे आम्ही नवरा बायको आहोत हे कळत नाही, आम्हाला ते स्पष्टपणे सांगावे लागते. पण हे तोटे काहीच नाहीत. बायकोचे नुसते नाव बदलायची भाषा केली तर बर्‍याच स्त्रीपुरुषसमतावाद्यांचे (खरं तर हे लोक अस्सल आतल्या गाठीचे स्त्रीश्रेष्ठतावादी असतात) बरेच बोलणे ऐकावे लागते. आयुष्यभर त्यांच्या नजरेत पडून राहावे लागते. म्हणून त्या फंदात न पडलेले बरे.

२. गिझर सतंतधार (अनुस्वार चुकला वाटतं) घेऊ नये. त्याचे तापमान ऋतुप्रमाणे बदलते. शिवाय बादलीतल्या पाण्याचे तापमान पाणी घालून काढून बदलता येते. तापमान सेट करता येणारे सतंतधार गिझर पाहिले नाहीत. शिवाय मुद्दाम स्फोट करायचा असला तर होऊ नये इतक्या सेफ्टी फिचर्स असाव्यात. ३/४ बादली इतकी क्षमता असावी. चांगल्या लोकल ब्रँडचा गिझर पैशास मूल्य असतो.

मनोबा धाग्यासाठी धन्यवाद. बातमी, चित्रपट, पुस्तक साठी जसे धागे आहेत, तसाच लहानसहान सल्ल्यांसाठीपण एक धाग्यांची सिरीज हवी होती. मला पण बर्याचदा छोटेछोटे प्रश्न विचारायचे असतात. ते अशा सिरीजमधे विचारता येतील.
१. मला वाटत ज्या स्त्रियांना लग्नानंतर नाव बदलायच नाहीय त्यांनी ms नाव वडिलांचे नाव आडनाव असा पेटर्न ठेवावा. मेरीटल स्टेटस मेरीड आणि मग जिथे वडिलांचे/नवर्याचे नाव लागते तिथेपण काय द्यायचे ते एकदाच ठरवुन घ्यावे आणि सगळीकडे तेच फिक्स ठेवावे. लग्नानंतरही वडिलांचेच नाव देत राहिल्याने काही कॉम्लिकेशन येउ शकत का? काही ठिकाणी मेरीड स्टेटस असेल तर नवर्याचेच नाव हवे असते. का ते माहीत नाही. २. वीज गिझरने फार बील येत. गॅस गिझरला सेपरेट रेग्युलेटरपण लागतो का की फक्त सिलीँडर? परत बाथरुममधे न बसवणे, पाईपिँग वगैरे कटकट आहेच. हिटर आणि गिझरमधे काय फरक आहे? बादवे पावसाळा सोडल्यास दुपारी १ ते ४ फुकट गरम पाणी येत बरंका नळाला :-D

आमच्या केसमधेही बायकोने नाव बदललेले नाही. त्याची अजूनपर्यंत तरी काही विशेष अडचण आली नाही. जिथे लोक घोळ घालायची शक्यता असते तिथे आम्ही स्वतःहून नाव बदललेले नाही असे सांगतो, शिवाय सोबत मॅरेज सर्टीफिकेटची कॉपी ठेवतो. मागच्या वर्षी पासपोर्ट रिन्यु करताना बायकोचे नाव त्यात घातल्याने घोळ अजूनच कमी होतील असे वाटते.

गंमत म्हणजे एक्-दोन ठिकाणी बायकोच्या अडनावा मागे मिस्टर लाऊन मला संबोधण्यात आले. त्यावेळेपासून मीसुद्धा स्वतःला मि.'बायकोचे अडनाव' असे बर्‍याचदा म्हणतो ;)

ऑफिसमधल्या कलीगचा घटस्फोट झाल्यावर तिला प्रत्येक ठिकाणी तिचे नाव पुर्ववत करावे लागले. त्याचा तिला बराच त्रास झाला त्यावेळी तिने नाव परत कधीही न बदलण्याचा निर्णय घेतेला.

अवांतर - नाव बदलण्याचा विषय निघाल्यावर प्रिन्सेस कॉन्सुएला बनॅनाहॅमक आठवली.

भारतात नाव बदलणं कायद्याने बंधनकारक नाही. अर्थात हे कागदावर. प्रत्यक्षात लग्न लागताना एकीकडे मुलीची आई (त्या लग्नात मी मुलाकडून गेले होते) यांच्यापासून ते लग्नानंतर बँकेतले कारकून, गाडीतले सहप्रवासी, भावाची मावससासू, असे लोक कोणीही ताप देऊ शकतात. तो सहन करण्याची तयारी असली की झालं. (सहन न करून सांगणार कोणाला?, असा काही प्रश्न नाही. जिकडे तिकडे चोहीकडे, बऱ्याच मुली-बायका विषय निघाला की, किंवा स्वतःच विषय काढून त्रागा व्यक्त करतात. तुम्हीही बँडवॅगनमधे सामील होऊ शकता.)

अवांतर - आमच्या ओळखीच्या एका जोडप्याने आपापली, बारशापासून असणारी नावं तशीच ठेवली आहेत. भारतात त्यांनी मुलगी दत्तक घेतली. मुलगी आता टीनेजर आहे. नावं न बदलण्यामुळे गोष्टी अडल्या नाहीत. घरी पूर्वी मि.'बायकोचे अडनाव' असेही फोन यायचे; पण आता सवय झाली किंवा लोकांना माहीत झालं. माझ्या माहितीत हे एक जोडपं. असे बरेच लोक असतील.

---

'रसिक' दुकानाचं फिरतं ग्रंथालय तुमच्या भागात येतं का ते पहा. खडकीमधे ते लोक येत असत.

गीझर बद्दल -
तुम्ही बकेट बाथ घेणार का शॉवर यावर कॅपॅसिटी ठरवावी लागेल. शॉवर ने गरम पाणी हवे असेल तर १५ लिटर चा घ्या, त्याशिवाय शॉवरला आवश्यक ते प्रेशर निर्माण होत नाही. अगदी मनसोक्त न्हात बसणारी मंडळी नसतील तर एक्दा पूर्ण तापवलेले १५ लिटर पाणी दोघांच्या आंघोळीला पुरते (बादलीने करत असाल तर तीन).

मी पाच वर्षांपूर्वी रॅकॉल्ड चा १५ लिटर घेतला अंदाजे ५००० रू ला. एक्दा घर बदलल्यामुळे त्याची परत नवीन ठिकाणी जोडणी करून घ्यावी लागली. आज्तागायत तरी काहीच प्रश्न आलेला नाही. त्यात टेम्परेचर कंट्रोल ( जास्त वेळ चालू राहिल्यास ठराविक तापमानाला पोचल्यावर आपोआप बंद होतो), अँन्टी - व्हॅक्युम चेक(गीझर ला पाणी पुरवठा करणार्‍या नळाचे पाणी गेले तर गरम पाणी सोडणारा नळ सुद्धा बंद होतो) आहे.आमच्याकडे किमान दोनदा (कधी कधी तीनदा) पूर्ण १५ मिटर तापवले जाते. वीज बिलात अंदाजे २५० रू तरी वाढ होत असावी असा अंदाज आहे (खात्री नाही कारण त्याच दरम्यान बरीच उपकरणे घरात आणली सो नक्की कोण किती वीज खातेय ते ठरवता येत नाही)

नाव न बदलण्यात कुठलीही कायदेशीर अडचण येत नाही. नावामागे Ms लावलं की मिस का मिसेस हाही प्रश्न संपतो.
कागदपत्रांमधे पहिलं आणि शेवटचं नाव/आडनाव गरजेचं असतं. मधलं नाव नसलं तरी चालतं. तेव्हा फक्त नाव आणि आडनाव लिहायचं म्हणजे मधे वडील की नवरा असा प्रश्न येत नाही. तसंही महाराष्ट्राबाहेर मधे वडील्/नवरा असं नाव येत नाही, तेव्हा तेही काहीकाहीवेळा गोंधळात पडतात की ते आडनाव आहे/जोडनाव आहे की आणखी कसं

खरी अडचण असते ते बर्‍याच लोकांच्या मनोवृत्तीत. टेबलापल्याडचा माणूस बरेचदा उत्साहाने नवर्‍याचं आडनाव लावायचा, तसे सल्ले द्यायचा वगैरे जीवतोड प्रयत्न करतो. ते शांतपणे ऐकून घेऊन कायद्यावर बोट ठेवून कामं करून घ्यावी लागतात. शिवाय घरीदारीही काही उत्साही नातेवाईक नापसंती दाखवून कचकच करू शकतात. या क्षुल्लक गोष्टी सोडल्या तर नाव न बदलणं अतिशय सुखाचं असतं. कुठ्ल्याही आधीच्या कागदपत्रांवरची नावं बदलून घ्यावी लागत नाहीत.

नाव जश्शाला तसं ठेवणं चूक आहे का? किंवा व्यवहारात काही अडचणी येउ शकतात का?

चूक नाही, काहीच फरक पडत नाही, पुण्यात रहाणार्‍याला तर शष्प फरक पडत नाही(पडु नये), पण नाव बदलावं का हा मात्र वैयक्तिक प्रश्न आहे.

घरात गीझर घ्यायचे घाटत आहे. कोणता बरा राहील? गीझर वापरण्याबाबत आपला अनुभव काय आहे?

थत्ते म्हणतात त्याप्रमाणे गेले ८-१० वर्षे गॅस गिझरच वापरतो, पण ऑक्सिजन डिप्लिशनमुळे आणि कार्बन मोनॉक्साइड + कार्बन डायोक्साइड मुळे जिवावरचा प्रसंग आल्याचे आमच्या शेजारीच दोन वेळा घडले आहे त्यामुळे वापरण्याबाबत पर्टिक्युलर असाल तरच वापरा, अन्यथा विजेचा हिटर उत्तम, फक्त विज-बील जास्त येते.

@थत्ते - पुण्यात अजून बहुधा पाइप्ड गॅस नाही.>> हल्ली नव्या सोसायट्यांमधे ती सोय असते, त्यामुळे पुण्यात नसला तरी बिल्डींगमधे नक्कीच आहे. :प

पुण्यात किम्वा पिंपरी चिंचवडात फिरत्या लायब्रर्‍या उपलब्ध आहेत का? त्यांचे नाव, पत्ते, संपर्क माहिती कुठून मिळेल?

पुणे मराठी ग्रंथालयाच्या शाखा(बहुदा फिरत्या शाखा) आहेत/होत्या, त्या पिंपरीला आहेत का ह्याबद्दल माहिती नाही, ग्रंथालयात सविस्तर माहिती मिळेल, अन्यथा ऑनलाईन लायब्रर्‍या घरपोच उत्तम पुस्तक सेवा माफक दरात पुरवतात(पिंपरीमधेपण), त्यांची माहिती तुर्तास नाही, नंतर प्रतिसादात डकवतो.

पिंपरी चिंचवडात हिरो होण्डाची दुचाकी सर्व्हिसिंगला टाकण्यास चांगले ठिकाण ठाउक आहे का? एखाद्या चांगल्या , कुशल मेकॅनिकचा पत्ता देउ शकाल काय?

आयड्या नाही.

उत्तर भारतात मिडलनेम हे नसते किंवा असलेच तर बापाचे नाव नसते. माझे मिडल नेम भास्करराव आहे. किती तरी मित्रांना वाटते अरुण चंद जोशी, अरुण कुमार जोशी, अरुण लाल जोशी, अरुण रंजन जोशी अशी सहज मिडलनामे न वापरता मी इतके काँप्लिकेटेड भास्करराव सारखे मिडलनेम का वापरतो.

शिवाय भारताचे पासपोर्ट चे नाव लिहायचे नियम आणि आमच्या खानदानाचे मिडलनेम लिहायचे नियम मॅच होतच नाहीत. उदा. (माझे नाव - अरुण भास्करराव जोशी.) मी लिहितो ते वडीलांचे नाव - भास्करराव भगवंतराव जोशी.
वडिलांचे स्वतःचे ते स्वतः लिहितात तसे नाव - भास्कर भगवंतराव जोशी. याच्यात राव नाही. त्यांच्या कागदोपत्री हे नाव आणि माझ्या कागदोपत्री वरचे नाव. बोंबला. घोळच घोळ.

म्हणून मी आमच्या सुपुत्राचे नाव दोन अक्षरीच लिहिले - ईशान्य जोशी.
(इंजिनिअरिंगला, इ, महाराष्ट्रात (सीओइपीत) अ‍ॅडमिशन झाले तर रॅगिंगच्या वेळी 'माझे नाव 'कुमार ईशान्य अरुणराव जोशी' आहे' हे चड्डीसलाम करत कसे सांगायचे हे त्याला शिकवले तर काम संपले.)

गॅस गिझरसाठी अनुदानित सिलिंडर वापरणं अलौड नाहीये असं कुठेतरी वाचलं होतं. कमर्शियल वापरावा असा नियम आहे म्हणे.

माझ्या बायकोने नाव बदलले नाही. माझ्या पासपोर्टात तिचे नाव नाही. कोणताही ताप झालेला नाहीय.
मला आणि तिला माझे नाव आवडत नव्हते म्हणून मी माझे नाव बदलले. तिच्या पासपोर्टात माझे जुनेच नाव आहे. कोणताही ताप झालेला नाहीय.

सर्वांचे मनःपूर्वक आभार.
ऐसी संपादकांना विनंती :- जमल्यास अशा धाग्याम्चीही मालिका सुरु करावी.( ही बातमी वाचलित का, हे पाहिलत का, पुस्तक वाचल्म का वगैरे मालिकांसारखं.)
मला बर्‍याच वेळी चौकशी करायचं काम पडतं. इतरांनाही पडत असेल तर ती मालिका कामला येइल.

स्त्री अथवा पुरूष दोघांनाही लग्नानंटर नाव बदलणे गरजेचे नाही. तो त्या व्यक्तीचा ऐच्छिक मामला आहे.
मात्र नाव बदलायचे आहे की नाही हे अपत्याचे बर्थ सर्टिफिकेट बनवायच्या आत नक्की करा. कारण एकदा त्यावर आईच व वडिलांचे नाव आले की मग नाव बदलणे कठीण होत जाते.

आधार कार्डाची भानगड नक्की काय आहे?
सुप्रीम कोर्टानं सब्सिडी सिलिंडारांसाठी आधार क्रमांकाची सक्ती नाही असा निकाल देउन महिन्याहून अधिक काळ लोटला असेल.
पण माझे गॅस वितरक आधार क्रमांक मागू लागलेत.
मला आधार क्रमांक आणि त्याची सॉफ्ट कॉपी नुकतीच मिलाली नेटवरून .
पण अजून कुठल्याच ब्यांक अकाउंटशी मी ते संलग्न केले नाही. तर ते मला बजार भावानं शिलिंडर घे म्हणताहेत.
नक्की घोळ काय आहे?
सुप्रीम कोर्टाच्या निर्णयाविरुद्ध नाहिये का हे?

तीन लिटरचं इन्स्टंट गीझर,इलेक्ट्रिक्वालं बशिवलं.
स्मिथ, बजाज हे आघाडीचे ब्रँड आहेत असं कळलं.
दोन्हीही चांगलेच आहेत;उन्नीस-बीस चा किंमत आणि
दर्जात्मक फरक दोन्हिंत असेल असे मार्केटम्धील गप्पांतून व शेजार्‍यांकडून गप्पांतून जाणवले.
.
.
आधार क्रमांक अजून ग्यासवाल्याकडं रजिष्टर केलेला नव्हता.
तरीही शिलिंडर आणलं. घरपोच डिलिव्हरी + शिलिंडरची किंमत अशी ४३९ रुपये किंमत पावतीवर होती.
वेळेची निकड बघून साडेचारशे रुपये द्यावे लागले.
ग्यासवाल्याकडे यु आय डी नंबर रजिष्टर करण्यासाठी भन्नाट झुंबड उडालेली दिसली.
.
.
माहिती दिल्याबद्दल , सर्वांचे आभार.

वरचे गॅस - आधार कार्ड- बँक खाते बद्द्लचे प्रतिसाद वाचले त्यातून असे वाटले की आधार कार्डाशी कोणत्याही बँकेचे खाते संलग्न करता येते आणि गॅस स्बसिडीसाठी ते चालते. पुण्यात (भारतगॅस) असं कळलं की फक्त महाराष्ट्र बँकेचे खाते गॅसवाल्याना चालते. इतर चालत नाहीत. माझ्या बाबतीत आधार कार्डाशी एका दुसर्‍या बँकेचे खाते संलग्न केलेले आहे-ते चालणार नाही. हे बरोबर आहे का? की वेगवेगळ्या भागात/गॅसवाल्यांचे वेगळे नियम आहेत?

भलतीकडचा प्रतिसाद इथे पडला म्हणून प्रकाटाआ.

आज २७ नोव्हेंबर.
२४ तारखेला मंडईत ५०रुपये किलो कांदे सांगितले. ते आणले नाहित. इतरत्र हातगाडीवाल्यांडेही तोच भाव दिसला.
२५ तारखेला मंडईजवळच एक ऑटो का गाडी काहीतरी येउन विशिष्ट वेळेत स्वस्त दराने भाजी विक्री होत असल्याचे कळले.
स्वतः शेतकरीच येउन अशी भाजी विकत असल्याचे पूर्वीच्या एरियातील अनुभवाने ठाउक होते; ह्या भागातही तसेच असल्याची आयडीआ नव्हती.
ठरल्यावेळी ते गाडी आली. ५० रुपयात २ किलो कांदे २५ तारखेस आणले.
.
२६ तारखेला त्याच ठिकाणी त्याच गाडीवाल्याकडून ३० रुपयात दोन किलो कांदे मिळाले.
.
हे स्वस्त कांदे " आमच्या शेतातले कांदे आहेत" ह्या संवादानंतर जे डोळ्यासमोर येतात तसेच आहेत.
चवीला झक्कास. ताजे. पण आकाराने लहान.
ग्रामीण व निमशहरी भागात इलुसा कांदा बिंदास बुक्कीने फोडून खायची पद्धत आहे ना, त्यासाठी लागतो, तसाच हा कांदा आहे.
मंडईतील कांदे मोठाले होते. चव तितकीशी क्लिक नाही झाली मला मोठ्या कांद्याची.
.
.
ऐसीकर गब्बर सिंग सारख्या विचारांच्या रेट्याने काही काळातच लहान कांदे मार्केट फोर्सेस च्या प्रवाहात नामशेष होणारेत म्हणतात.(वॉलमार्ट स्टाइल धूर्त विक्री ष्टाइलमुळे)
मिळताहेत तोपर्यंत हादडून घ्यावेत असा विचार होता.
.
.
कोथ्रुडात सहजानंद जवळसुद्धा अशी गाडी येइ. सिम्हगड रोड आणि वारजे नाक्यासही थेट शेतकरी विकत असत.
थेट शेतकर्‍याकडे पैसा जात अस्लयाने मीही फारसा भाव करत नाही. त्यांच्याबद्दल थोडा सॉफ्ट कॉर्नर आहे ना मनात.
.
.
पण हे कायदेशीर आहे की नाही माहित नाही.
शेतकर्‍यांनी कृषी उत्पन्न बाजर समिती वगैरे मार्फतच धान्य, फळे, भाजीपाला विकला पाहिजे असे काही बंधन आहे की काय असे गंगाधर मुट्यांचे मिपा-मिमराठीवरील लेखन वाचून वाटते.
.
.
तर सांगायचे इतकेच की कांदा ५०रुपये किलोपासून ते थेट १५रुपये किलोपर्यंत येण्याचा प्रवास केवळ ४८ तासाच्या आत दिसला.दोन दिवसाहून कमी वेळेत!

गावरान ज्वारीचेही एक भन्नाट केंद्र सापडले आहे औरंगाबादेत.
त्यांची ज्वारी पिवळी धम्मक नसते. काहीशी लालसर असते.
अर्थातच पारंपरिक पद्धतीने पिकवल्याने बरीच महागही असते.
(इथे काही लोकांना ज्वारी पिवळी नसते ; तो हायब्रिडिकरणाचा
आणि आधुनिकीकरणाचा परिणाम आहे हे पटतच नाहिये.
त्यांना आणून ते दाणे दाखवायाचे प्रॉमिस केले आहे.)
त्या ज्वारीच्या पीठास स्वतःची अशी एक चव असते.
नुसतीच खाल्ली तरी मस्त लागते.
(सोबत लोणी किम्वा ठेचा कींवा कांदा असल्यास दुग्धशर्करा योग.)
त्या चवीवर जीव कुर्बान.

एक सुचवणी.
या धाग्याच नाव 'ऐसीला विचारा: घरगुती प्रश्न - भाग १' असे कर. तो दुसरा अमेरीकन जमातीवाला धागा त्याच नाव 'ऐसीला विचारा: जनरल प्रश्न - भाग १'. मग अरुणजोशीँच्या दोन्ही धाग्यांची नाव 'ऐसीला विचारा: विज्ञान/तांत्रिक प्रश्न - भाग १,२'. मला वाटत मन्दारच्या विमानविषयीच्या धागा वेगळाच राहुदेत. तिथुन हारुन शेख यांचा प्रतिसाद अरुणजोशीँच्या धाग्यावर हलवा.

दोन तीन दिवस डाव्या पायाची टाच दुखत आहे. आज अशक्य झाले आहे.चार पावले चालणे अशक्य. गेल्या महिन्यात उजव्या पायाची दुखत होती. तेव्हा कसा बसा स्पोर्टस मेडिसीन च्या डॉक्टर कडे गेलो होतो. टेंडिनायटीस असे काहीतरि सांगितले. त्यानी फक्त व्यायाम दिला. तो केल्यावर ४-५ दिवसात बरी झाली. व्यायाम चालूच ठेवायला सांगितला आहे. त्यानंतर हिमाचल टूर केली. आल्यावर २-३ दिवसांनी आता हा त्रास चालू झाला. डोक्यात कळ जाते.