वाटते मजला भिती -
जीवनाची सांगता ही वाटते मजला भिती
ऐकण्याला कोणि नाही वाटते मजला भिती
सागरावर का उसळती जीवघेणी वादळे
हा किनारा एकटा ही वाटते मजला भिती
ढोलताशा ऐकुनी मज खूप होतो त्रास हा
देवळातिल शांततेची वाटते मजला भिती
वाटले घ्यावा विसावा टेकुनी खांद्यावरी
वाट ती अडवील कोणी वाटते मजला भिती
माजलो पैशात लोळत चेहरा सुजला किती
ओळखेना आरसाही वाटते मजला भिती
जागणे अन् झोपणे का फरक नाही राहिला
जीवनाची ओढ नुरली वाटते मजला भिती
.
प्रतिक्रिया
मला सोप्या कविता वाचायला
मला सोप्या कविता वाचायला आवडतात. ही कविता सोपी आहे म्हणून आवडली.
तरीही आपली पहिली ओळ मी अनेकदा वाचूनही सांगता म्हणजे 'शेवट' कि 'सांगताना' हे कळले नाही.
सही: पुरोगाम्यांना लॉजिक माफ असतं.
प्रतिसादाबद्दल आभार . सांगता
प्रतिसादाबद्दल आभार .
सांगता म्हणजे शेवट,समारोप या अर्थी तो शब्द वापरला आहे .
जीवनाची अखेरची घरघर लागली आहे .....