टोपणनावे!

आमच्याबद्दलची खरी माहिती इंटरपोलकडे वगैरे असल्यामुळे येथे देणं गरजेचं वाटत नाही. :)

चित्राताई,

अनेकदा समाजाच्या/रितीभातींच्या दबावामुळे म्हणा की आपल्याला ओळखत असलेल्यांच्या विरूध्द आपली मते असली तर "त्यांना काय वाटेल" (विशेषतः "ते" म्हणजे आपले वडिलधारे असतील तर) या भिडेखातर आपली मते आपण आपल्याकडेच ठेवतो आणि ती मांडत नाही. निदान माझ्या बाबतीत तरी असेच घडलेले आहे. माझी मते विचार न करता बनविलेली आहेत असे अजिबात नाही पण माझी मते मांडली तर त्यातून माझ्याच माणसांबरोबर खटके उडावेत असे मला तरी वाटत नाही. ऐसीअक्षरे किंवा मिसळपाव यासारख्या संकेतस्थळावर टोपणनावे घेऊन वावरले म्हणजे मला माझे मत तर मांडता येतेच आणि परत पूर्णपणे गोपनीयताही राखली जाते.

म्हणूनच

काही वेळा प्रत्यक्षातले आपण आणि आपल्याला आवडणारे आपण यात अंतर असले तर असे होत असावे का?

गंमत म्हणून! खरी माहिती देण्याची आवश्यकता नसते म्हणून! स्वतःची खरी माहिती न देताही स्वतःबद्दल बरंच काही सांगता येतं म्हणून. "शाकाहारी आहे" हे सांगण्यासाठी "मी गवत खाते" असंही म्हणता येतं, ते कधीमधी कोणालातरी मजेशीर वाटतं. आपलं शिक्षण, कुठे रहातो, धर्म काय याचा इथे, आंतरजालावर लिहीताना काहीच संबंध नसतो. मग काय फरक पडतो खरी माहिती सांगितली काय आणि स्वतःचीच थोडी टोपी उडवली काय!
त्यातून मुक्तसुनीत यांच्या उदाहरणावरून इथले बरेच लोकं शहाणे झाले आहेत. त्यांची माहिती इंटरपोलपर्यंत पोहोचली, आपली कशाला पोहोचू द्या. म्हणून मग मी टोपणनाव वापरते.

कृपया खालील माहिती तुम्हाला या धाग्यावर जाहीरपणे द्यावीशी वाटते की नाही ते सांगा. त्यावरून काही हेतू तर लक्षात येतील.

१. तुमचं संपूर्ण नाव
२. आधी दुसरं कुठचं नाव वापरत असाल तर ते
३. तुमचा फोन नंबर
४. तुमचं वय
५. तुमची जन्मतारीख
६. तुमचा घरचा पत्ता
७. तुमच्या क्रेडिट कार्डचा नंबर, एक्स्पायरेशन डेट आणि सिक्युरिटी कोड
८. तुमच्या बॅंकचा अकाउंट नंबर आणि पासवर्ड
९. तुमचा पॅन कार्ड नंबर
१०. तुमचा सोशल सिक्युरिटी कार्ड नंबर
११. तुम्हाला कुठचेकुठचे आजार आहेत याची माहिती

(ही माहिती प्रत्यक्षात देणं धोकादायक आहे, तेव्हा इथे लिहू नये ही विनंती. ही यादी देणं म्हणजे ती माहिती मागणं नसून, व्यक्तिगत जपून ठेवण्याजोगी माहिती म्हणजे काय हे लक्षात यावं यासाठीची यादी आहे)

इतरही हेतू असतात, ज्यांचा पैशांशी किंवा सुरक्षिततेसी संबंध येत नाही. सर्व जण - जालावरच नव्हे तर प्रत्यक्ष जगातही - स्वतःविषयी काही खास गोष्टी लपवून ठेवतात. बिली जोएलचं स्ट्रेंजर हे गाणं इथे पहायला मिळेल.

त्या गाण्याचे सुरूवातीचे शब्द असे..

Well we all have a face
That we hide away forever
And we take them out and
Show ourselves
When everyone has gone
Some are satin some are steel
Some are silk and some are leather
They're the faces of the stranger
But we love to try them on

Well we all fall in love
But we disregard the danger
Though we share so many secrets
There are some we never tell
Why were you so surprised
That you never saw the stranger
Did you ever let your lover see
The stranger in yourself?

संपूर्ण कविता इथे वाचायला मिळतील.

टोपणनावा आडून काहीही लिहिता येते आणि त्याचा झालेला परिणाम तुमच्या नावाला चिकटत नाही. अगदीच हकाल पट्टी झाली तर दुसऱ्या टोपणनावाने परत हजर ;) असं आपलं मला वाटतं.
आणि नावे निवडताना आपली क्रियेटीवीटीही दाखवता येते. पिसाळलेल्या हत्तींची सगळीच नावे आपल्याला आवडली.

आजवर खरी माहिती दिल्याचा पश्चात्ताप करण्याची पाळी माझ्यावर अजून तरी आलेली नाही!

हे तुम्ही धाग्यात लिहिले आहेत, मात्र तुमच्या सदस्य परिचयात :-

स्वतःबद्दल काही
मी एक पक्षीण...

हे दिसले.

विज्ञानवाद्यांनी हे शक्य आहे का ह्यावरती प्रकाश टाकावा.

तसेच तुमच्याकडून नलाने पाठवलेल्या 'हंसा' विषयी अधिक वाचायला आवडेल.

टोपणनाव वापरुन लिहीणे म्हणजे आपल्या स्वतःच्या अपत्याचे पितृत्त्व दुसर्‍यास बहाल करण्यासारखे आहे. मला स्वतःला ते कधीच पटले / पटत नाही. स्वतःचे नाव, छायाचित्र, संपर्क क्रमांक व इतर अनेक प्रकारची वास्तव माहिती जालावर प्रसिद्ध केल्याचा मला निदान आजवर तरी फायदाच झाला आहे. श्री. रामदास, श्री. संजय सोनवणी, श्री. संजय क्षीरसागर यांसारखे दिग्गज तसेच अनेक अप्रसिद्ध तरीही गुणवान लेखक / रसिक वाचक यांनी स्वतःहून माझ्याशी संपर्क साधला याचे कारण माझे संपर्क तपशील जालावर सहजरीत्या उपलब्ध आहेत.

हल्ली आयपी अ‍ॅड्रेस, मोबाईल नंबर इत्यादी गोष्टी ट्रेसेबल असल्याने सहसा कोणी आपणांस त्रास देण्यास धजावत नाही असा माझा अनुभव आहे.

खरं नाव आडनाव दिलं की लोक जातपातधर्म आशा गोष्टीवरून आडाखे बांधतात.
खरं रहायचं ठिकाण दिलं की लगेच हिरवा माज, पुणे-मुंबई-अनुशेषित महाराष्ट्र वगैरे सुरु होतं.
खरा धंदा सांगितला की लगेच प्रा.डॉ., आयटी हमाल वगैरे सुरु होतं.
तात्पर्य - माणसांना पिजनहोल करण्याची माणसांची वृत्ती म्हणजे एक नंबरची कटकट असते.
पालथे धंदे नुसते.
म्हणून टोपणनाव.

शिवाय खरं नाव आईबापाची आवड वगैरेमुळे येतं.
टोपणनाव आपण निवडतो. स्वतंत्रपणे.
आणि थोडी मजा पण येते.
खरंय न?

घेण्यात आलेली आहे.
यथावकाश यथाशक्ती उत्तर लिहीण्यात येइल