माझी झोळी
दिसतात मलाही जखमा इतरांच्या वर्मावरच्या
जरि पेरत नाहि तरीही मी मीठ बाळगुन आहे
काचेच्या घरांतुनी मज बेघरावरी हो वर्षा
मऊ त्या दगडांपेक्षा मी वीट बाळगुन आहे
स्वप्नांच्या तुटण्याचा जे आवाज ऐकुनी हसती
त्यांचेही रडणे कानी मी नीट बाळगुन आहे
मी हार समजतो ज्याला त्या कर्तृत्त्वाच्या राशी
ते मोजत मोजत म्हणती 'मी जीत बाळगुन आहे'
केलेली दाने विसरुन, कर्जाचे घेउन ओझे
झगडून वाहण्याची ही मी रीत बाळगुन आहे
प्रतिक्रिया
मी हार समजतो ज्याला त्या
आवडले
खडे मीठ.
खडे मीठ.
वा ! वा !!
वा ! वा !! साहेबांनी आता चक्क कविता विभागावर स्वारी केली. छान !
आपल्या अगोदरच्या लेखमालिका पुर्ण करायचं मनावर घ्या की !
आजकाल गायबच झाला आहात.
poignant & pregnant pause!
अर्थगर्भ मौनातुनि मी अस्तित्व बाळगुन आहे!
स्वप्नांच्या तुटण्याचा जे
हा मतला (? मतलाच ना) देखील मस्त.
छान कविता...
छान कविता...
पद्म.
गझल..कविता... आवडली...
गझल..कविता... आवडली...