मालाडचा म्हातारा
म्हातार्याचे भिरभिर डोळे-
आठवणींचा भुगा भुगा
छटाक उरले खोड, पोखरी
कभिन्न काळाचा भुंगा
म्हातार्याचे वखवख डोळे-
लवथव गोलाई बघती
दारु संपला जसा फटाका
दावू न शकतो स्फोटभिती
म्हातार्याचे टपटप डोळे-
पापणीत पाऊसमेघ
जसा वळीव कोसळतो कधिही
तसा कढांचा आवेग
म्हातार्याचे विझुविझू डोळे-
पैलतिरी काऊ बघती
कोकुनी हाकारितो अहर्निश
उडून जा त्याला म्हणती
प्रतिक्रिया
?
मालाडचा संदर्भ?
की पौडाचाच काय म्हणून, मुंबईच्याच उपनगरांनी काय घोडे मारलेय, एतदर्थ?
मालाडचा
पूर्वी, कॉलेजांच्या पिकनिक मध्ये, ' मालाडचा म्हातारा शेकोटीला आला' असं गाणं म्हणायचे, त्याचा काहीतरी संदर्भ असेल.
वाटलेच!
पुण्यात पौडाचा म्हातारा शेकोटीस येत असे. तद्वत, मुंबईस तो मालाडहून येतो, याची कल्पना नव्हती, परंतु त्या स्वरूपाची काहीशी शंका (प्रस्तुत कविता वाचून) आली होती खरी.
माहितीबद्दल/कन्फर्मेशनबद्दल आभार.
आम्ही गावनिरपेक्ष होतो...
आम्ही गावनिरपेक्ष होतो... डोंगरचा म्हातारा शेकोटीला आला.
थोडक्यात…
…ही एक ग्लोकलाइज़्ड संकल्पना होती तर. ज्यानेत्याने स्थानिक गरजांप्रमाणे/स्थानिक फ्लेवरप्रमाणे बदलून घ्यावी.
गेन्सव्हीलचा म्हातारा शेकोटीला आला…